பெற்றோரின் திருமண விபரங்களை நீக்கி டிஜிட்டல் பிறப்பு சான்றிதழ் வழங்க நடவடிக்கை!

 

பிறப்புச் சான்றிதழில் பெற்றோரின் திருமண விபரங்கள் மற்றும் இனம் தொடர்பான தகவல்களை உள்ளடக்காதிருப்பதற்கு பதிவாளர் நாயக திணைக்களம் நடவடிக்கை எடுத்துள்ளது.

பெற்றோரின் திருமண விபரங்கள் தொடர்பில் சமூகத்தில் சிறுவர்கள் எதிர்நோக்கும் பிரச்சினைகளை கருத்திற்கொண்டு இந்த தீர்மானம் எடுக்கப்பட்டதாக பதிவாளர் நாயகம் என்.சி.விதானகே தெரிவித்துள்ளார்.

இந்நிலையில், நாட்டின் அனைத்து பிரஜைகளினதும் புதிய பிறப்புச் சான்றிதழ்களில் இலங்கையர் என குறிப்பிடப்படும் எனவும் அவர் மேலும் குறிப்பிட்டுள்ளார்.

பிறப்புச் சான்றிதழ்களில் பெற்றோர் திருமணமானவர்களா அல்லது திருமணமாகாதவர்களா என்ற விடயம் உள்ளடக்கப்பட்டுள்ளமையினால் சிறுவர்கள், பாடசாலைகளில் சேர்க்கப்படும் போது மன உளைச்சலுக்கு ஆளாகிய சந்தர்ப்பம் காணப்பட்டதாகவும் அவர் சுட்டிக்காட்டினார்.

டிஜிட்டல் முறைமையிலான புதிய பிறப்புச் சான்றிதழ்களை நாடாளுமன்ற தேர்தலின் பின்னர் விநியோகிப்பதற்குத் திட்டமிட்டுள்ளதாக பதிவாளர் நாயகம் மேலும் கூறியுள்ளார்.

பிறப்பின் போது ஆள் அடையாளத்தை உறுத்திப்படுத்தும் வகையில் வழங்கப்படும் 12 இலக்கங்களே பிற்காலத்தில் தேசிய அடையாள அட்டைகள் உள்ளிட்ட ஆவணங்களை வழங்குவதற்கு பயன்படுத்தப்படவுள்ளதாக அவர் தெரிவித்தார்.

குறிப்பாக 15 வயதை பூர்த்தி செய்த ஒருவருக்கு குறித்த 12 இலக்கங்களிலேயே தேசிய அடையாள அட்டை வழங்கப்படும் எனவும் பதிவாளர் நாயகம் சுட்டிக்காட்டினார்.

 

https://newuthayan.com/பெற்றோரின்-திருமண-விப/

1 hour ago, உடையார் said:

இந்நிலையில், நாட்டின் அனைத்து பிரஜைகளினதும் புதிய பிறப்புச் சான்றிதழ்களில் இலங்கையர் என குறிப்பிடப்படும் எனவும் அவர் மேலும் குறிப்பிட்டுள்ளார்.

ஆகா நான் காண்பது கனவா.....? சிறீலங்காவை விற்றுவிட்டார்களா....??

இது சிறுபான்மை இனங்களின் தனித்துவத்தை கேள்விக்குறியாக்கும்

 

14 hours ago, Paanch said:

ஆகா நான் காண்பது கனவா.....? சிறீலங்காவை விற்றுவிட்டார்களா....??

சிறீலங்கன் என்று தான் குறிப்பிடப்படும்

12 hours ago, MEERA said:

இது சிறுபான்மை இனங்களின் தனித்துவத்தை கேள்விக்குறியாக்கும்

 

சிறீலங்கன் என்று தான் குறிப்பிடப்படும்

'இலங்கையர்' என்று தூய தமிழில் சொன்னால் அது சிறுபான்மை இனங்களின் தனித்துவத்தை கேள்விக்குறியாக்குமா?

'சிறீலங்கன்' என்று சிங்களப் பெயரில் சொன்னால் அது சிறுபான்மை இனங்களையும்  கூட்டுக்குடும்பமாக்குமா?

யானை தன் தலையில் மண்ணைப் போடும் என்று சொல்லக் கேள்விப்பட்டிருக்கிறேன் பார்த்ததில்லை, இப்போ பார்ப்பதுபோல் இருக்கிறது.🤣

18 hours ago, MEERA said:

இது சிறுபான்மை இனங்களின் தனித்துவத்தை கேள்விக்குறியாக்கும்

 

சிறீலங்கன் என்று தான் குறிப்பிடப்படும்

நீங்கள் கூறுவதில் விடயம் உள்ளது. சிறிது விபரமாகக் கூறுங்கள். 👍

Edited July 23, 20205 yr by Kapithan

பிறப்பு சான்றிதழில் “இனம்” நீக்கப்படாது – புதிய அறிவிப்பு!

 

புதிய டிஜிட்டல் பிறப்பு சான்றிதழில் பெற்றோரின் இனம் தொடர்பான விபரங்கள் தொடர்ந்தும் இருக்கும் என்று பதிவாளர் நாயகம் திணைக்களம் இன்று (23) அறிவித்துள்ளார்.

முன்னதாக நேற்றைய தினம் அறிக்கை ஒன்றை வெளியிட்டிருந்த பதிவாளர் நாயகம் திணைக்களம் புதிய டிஜிட்டல் சான்றிதழில் பெற்றோரின் திருமணம் மற்றும் இனம் தொடர்பான விபரங்கள் உள்ளடக்கப்படாது என தெரிவித்திருந்தார்.

இந்நிலையிலேயே இன்றைய தினம் இவ்வாறு இனம் தொடர்பான விபரங்கள் தொடர்ந்தும் இருக்கும் என்று தெரிவிக்கப்பட்டுள்ளது.

https://newuthayan.com/பிறப்பு-சான்றிதழில்-இனம/

 

 

 

1 hour ago, உடையார் said:

இந்நிலையிலேயே இன்றைய தினம் இவ்வாறு இனம் தொடர்பான விபரங்கள் தொடர்ந்தும் இருக்கும் என்று தெரிவிக்கப்பட்டுள்ளது.

நாளைய தினம் எவ்வாறு இருக்கும்? 🤔🤔🤔