விருப்பு வாக்கில் அநீதி இழைக்கப்பட்டதாக தெரிவிக்கப்படும் சசிகலா ரவிராஜ்க்கு, தேவையேற்படின் சட்ட உதவிகளை பணமின்றி செய்துதர தமது தரப்பினர் தயாராக உள்ளதாக தமிழ் மக்கள் தேசியக் கூட்டணியின் உறுப்பினர் எம்.கே.சிவாஜிலிங்கம் தெரிவித்தார்.

யாழில் இடம்பெற்ற செய்தியாளர் சந்திப்பிலேயே அவர் இவ்வாறு கூறினார். மேலும்,

“சசிகலா ரவிராஜ் விரும்பினால் அவருக்கு தேவையான அனைத்து சட்ட உதவிகளையும் செய்வதற்கு நாங்கள் தயாராக உள்ளோம். தேர்தல் ஆட்சேபனை மனுவாக இருக்கலாம். எதுவாக இருந்தாலும் அவரது குடும்பத்தினரின் ஒருசதம் பணம் செலவின்றி பொதுமக்களே அந்த விடயங்களை பொறுப்பேற்று பல சட்டத்தரணிகள் இலவசமாக வாதாடக்கூடிய நிலைமையை எம்மால் உருவாக்க முடியும்.

இலங்கையில் வன்முறைக்கு எதிரான கண்காணிப்பு நிலையத்தின் பிரதிநிதிகளிடம் முறையிட்டுள்ளோம். அவர்களும் சம்பவத்தினத்தன்று அங்கு வந்திருந்ததுடன் எனது வாக்கு மூலத்தையும் பதிவு செய்துள்ளனர்.

எனவே அவர்களிடம் வேண்டுகோள் விடுத்து இருக்கின்றேன். நீங்களும் உயர்நீதிமன்றத்தில் அடிப்படை மனுவொன்றை தாக்கல் செய்வதுதான் நல்ல விடயம் என்று கூறியுள்ளேன். சசிகலா ரவிராஜ்யும் இவ்விடயம் தொடர்பாக மனு கையளிப்பாராயின் அதனுடன் சேர்த்து 5 மனுக்களை உயர்நீதிமன்றம் விசாரணைக்கு உட்படுத்தும்.” – என்றார்.

இதேவேளை இன்று (08) மாலை சசிகலா ரவிராஜ்யை சிவாஜிலிங்கம், அங்கஜன் ஆகியோர் சந்தித்துள்ளமை குறிப்பிடத்தக்கது.

https://newuthayan.com/சசிகலாவுக்கு-சட்ட-உதவி-வ/

இலங்கை தமிழரசுக் கட்சியின் யாழ். மாவட்ட வேட்பாளர் சசசிகலா ரவிராஜின் வீட்டுக்குள் யாழ்ப்பாணத்தைச் சேர்ந்த அரசியல் பிரமுகர்களான அங்கஜன் இராமநாதன், சிவாஜிலிங்கம் மற்றும்அனந்தி சசிதரன் ஆகியோர் இன்று அதிரடியாக சென்றுள்ளனர்.

பொதுதேர்தலின் வாக்கெண்ணும் பணிகளின் போது சுமந்திரனின் தலையீட்டால் முறைகேடுகள் இடம்பெற்று சசிகலா ரவிராஜ் தோற்கடிக்கப்பட்டார் என்று சசிகலா தரப்பால் குற்றச்சாட்டு முன்வைக்கப்பட்டுள்ளது.

இது தொடர்பில் அவரைச் சந்திப்பதற்காககவே குறித்த மூவரும் இன்று அவரது வீட்டிற்குச் சென்று அவரைச் சந்தித்துள்ளனர்.

இதன் போது சசிகலாவின் விருப்புவாக்குகள் எண்ணும் விடயத்தில் நடைபெற்ற முறைகேடுகள் தொடர்பில் சட்ட நடவடிக்கை எடுப்பது தொடர்பில் கலந்துரையாடியுள்ளதுடன் அவருக்கு ஆறுதலும் தெரிவித்துள்ளனர்.

 

இதன் போது சிவாஜிலிங்கம் கருத்துதெரிவிக்கையில்,மக்களின் தீர்ப்பை யாரேனும் மாற்றுவதற்கு அனுமதிக்கமுடியாது.மக்களின் தீர்ப்பே மகேசனின் தீர்ப்பு.விருப்புவாக்குகளின் அடிப்படையில் சசிகலாவே இரண்டாவது இடத்தைப்பெற்றிறுருந்ததாக தெரிவிக்கப்பட்டது.அதில் முறைகேடு நடந்து அவர் தோற்கடிக்கப்பட்டார்.இனி அவரை சமாளிப்பதற்காக தமிழரசுக் கட்சி தேசியப்பட்டியலில் அவரை நியமிக்கும் என்று கூறியுள்ளார்.

https://www.tamilwin.com/politics/01/253030?ref=home-imp-parsely

சிவாஜிலிங்கம் வல்வெட்டியில் பிரதேச சபை உறுப்பினராக இருந்து மாகாண சபைக்கு போன பொது அங்குள்ள உறுப்பினர்கள் ஒரு தொல்லை குறைந்தது என்று வெடி கொளுத்தி கொண்டாடினார்கள்.

அப்படியாக ஒரு தொல்லை கொடுக்கும் ஒரு மனிதே ஒழிய இவரால் யாருமே நன்மை பெற்றதாக கூற மாடடார்கள்.

இங்கு ஆடு நனையுதென்று ஓநாய் அழுத கதைதான். மற்றப்படி சசிகலாவின் உள்ள அனுதாபத்தினால் அல்ல.

எனக்கு மூக்குப் போனாலும் பறவாயில்லை , எதிரிக்கு சகுனப் பிழையானால் சரிதான் 

 

.😜