இலங்கை தம்பதி ஒன்று தங்களது 10 குழந்தைகளுடன் துபாயில் வசிப்பிடத்தை தேடி பெரும் போராட்டத்தை சந்தித்து வருகின்றனர். கோவிட்-19 தொற்று காரணமாக குடும்ப தலைவருக்கு இன்னும் வேலை கிடைக்கவில்லை.

குடும்ப தலைவரான 52 வயதான இமாமுதீன் மீரா லெபே(Imamudeen Meera Lebbe), தனது மனைவி சித்தி ஃபஸிலாவுடன்(Sithy Fazila), 6 முதல் 20 வயதுக்குட்பட்ட தனது 10 குழந்தைகளை அழைத்து கொண்டு கடந்த 2019-ம் ஆண்டு செப்டம்பர் மாதம் அமீரகத்திற்கு வந்துள்ளார்.

தனது நிலை குறித்து கலீஜ் டைம்ஸிடம் பகிர்ந்துள்ள இமாமுதீன், “எனது குடும்பம் என்னையும் சேர்த்து மொத்தம் 12 உறுப்பினர்களை கொண்டது. என் குடும்ப உறுப்பினர்களின் எண்ணிக்கையை பார்த்து யாரும் தங்குவதற்கு இடம் கொடுக்க மறுத்து திருப்பி அனுப்புகின்றனர். தற்போது சிறிய இடம் ஒன்றில் தங்கி உள்ளோம். இந்த தங்குமிடத்திற்கான 2 மாத வாடகையான 6,000 திர்ஹமை கொடுக்க முடியாமல் கடன் வைத்துளேன். இரு நாட்களுக்குள் வாடகையை தராவிட்டால் இடத்தை காலி செய்து விடுமாறு உரிமையாளர் கூறியுள்ளார்”என வேதனை தெரிவித்துள்ளார்.

 

தற்போது இந்த குடும்பம் துபாய்-ஷார்ஜா எல்லையில் அல் மம்சார் கடற்கரைக்கு( Al Mamzar Beach) அருகில், பகிரப்பட்ட வில்லா ஒன்றில், மிகவும் எளிமையான 2 இரண்டு அறைகள் கொண்ட இடத்தில் தங்கியுள்ளனர். இந்த வீட்டில் பர்னிச்சர்களோ குறைந்தபட்சம் கட்டில் கூட இல்லை என்பதை வைத்தே புரிந்து கொள்ளலாம் எவ்வளவு இக்கட்டான சூழலில் இந்த பெரிய குடும்பம் உள்ளது என்று. போர்வைகளை தரையில் விரித்து அதில் தான் மொத்த குடும்ப உறுப்பினர்களும் தூங்குகின்றனர்.

இமாமுதீன் இலங்கையில் பஸ் டிரைவராக வேலை செய்து வந்துளளார். அங்கிருந்த தனது உடமைகள் அனைத்தையும் விற்று விட்டு அமீரகத்திற்கு குடி பெயர்ந்துள்ளார். மேலும் தனது சூழல் குறித்து விவரித்த இமாமுதீன், “என் வாழ்நாள் முழுவதும் வாடகை வீடுகளில் தான் வசித்து வருகிறேன். நாங்கள் ஆறாவது குழந்தையைப் பெற்றுக்கொள்ளும் வரை ஒரு தங்குமிடத்தை எளிதாக கண்டுபிடிக்க முடிந்தது. ஆனால் என் குடும்பம் இன்னும் பெரிதானவுடன் வாடகைக்கு வீடு கிடைப்பது மிகவும் கடினமாகி போனது. நான் வீடு தேடி சென்ற எல்லா இடங்களிலும், மக்கள் என்னை வேடிக்கைபார்த்தார்கள், ஒரு சிலரோ நான் 10 குழந்தைகளை பெற்றதற்காக கோபமடைந்தார்கள்”, என்று கூறினார்.

மேலும் “சர்வவல்லமையுள்ள அல்லாஹ் இந்த அற்புதமான குழந்தைகளை எனக்குக் கொடுத்தார், இவர்களுக்கு உணவளிக்கவும், கவனித்து கொள்ளவும் கடுமையாக உழைக்க தயாராக இருக்கிறேன். அமீரக மக்கள் நான் சந்தித்து வரும் அவல நிலைக்கு அனுதாபம் காட்டுவார்கள் என்று நம்புகிறேன்”, என்றும் தெரிவித்துள்ளார். தற்போதையை எனது தேவை என் குடும்பம் வாழ தலைக்கு மேல் ஒரு கூரை, மற்றும் ஒரு நிலையான வேலை என்றும் அவர் கூறி உள்ளார்.

 

தேராவில் உணவகம் வைத்திருக்கும் ரியாஸ் அகமது, இவர்கள் மீது பரிதாபப்பட்டு, சில நாட்களுக்கு உணவு வழங்கியுள்ளார்.இமாமுதீனின் ஏழாவது குழந்தை, முகமது இன்சமாம், நடக்க முடியாத மாற்று திறனாளி என்பது மேலும் அவரை கவலை கொள்ள செய்துள்ளது.

ஆனால் இத்தம்பதியினரின் மூத்த மகள் பயிற்சி பெற்ற அழகு கலைஞர். இவருக்கும் தம்பதியரின் 18 வயது மகனுக்கும் துபாயில் விரைவில் வேலை ஒன்று கிடைத்து விடும் என மலை போல நம்பியுள்ளனர். தற்போதைய இன்னல்களை தீர்க்க தங்களுக்கு உதவ யாராவது முன்வர வேண்டும் என குடும்ப தலைவியான சித்தி ஃபஸிலா கோரிக்கை விடுத்துள்ளார்.

https://www.uaetamilweb.com/news/expat-couple-help-to-find-shelter/

Edited August 13, 20205 yr by colomban

கொழும்பான்,

இந்த லோக்கடவுனுக்கு சும்மா இருந்திருக்க மாட்டாரே...

பிள்ளை நம்பர் 11 ஒன் தீ வே எண்டு நினைக்கிறேன்.

நீங்க என்ன சொல்லுறியள்? 😀