மகிந்தவுக்கு அமெரிக்கா கண்டனம்

சிறிலங்கா தலைநகர் கொழும்பிலிருந்து தமிழர்கள் வெளியேற்றப்பட்டமைக்கு அமெரிக்கா கண்டனம் தெரிவித்துள்ளது.

கொழும்பில் உள்ள அமெரிக்கத் தூதரகம் இன்று வெள்ளிக்கிழமை வெளியிட்டுள்ள அறிக்கை:

கொழும்பிலிருந்து தமிழர்கள் பலவந்தமாக வெளியேற்றப்பட்டமைக்கு அமெரிக்கா கண்டனம் தெரிவிக்கிறது. இலங்கைக்குள் அந்நாட்டின் குடிமக்கள் ஒவ்வொருவரும் சுதந்திரமாக நடமாட அரசியல் யாப்பு வழங்கியுள்ள உரிமையை இது மீறுவதாகும்.

பயங்கரவாததத்துக்கு எதிராக தன்னைப் பாதுகாக்க சிறிலங்கா வேண்டுகோளை முன்வைப்பதை அமெரிக்கா புரிந்துகொண்டு ஆதரிக்கிறது. ஆனால் 25 ஆண்டுகால தேசிய இனப் பிரச்சனைக்கு தேசிய அளவிலான ஒருமித்த கருத்தை உருவாக்க முக்கிய நடவடிக்கைகள் மேற்கொள்ளப்படும் நிலையில் இந்த நடவடிக்கையானது இனப்பாகுபாட்டை மேலும் அதிகரிக்கத்தான் செய்யும்.

கொழும்பிலிருந்து தமிழர்களை பலவந்தமாக வெளியேற்றுவதை சிறிலங்கா அரசாங்கம் உடனே நிறுத்த வேண்டும். ஏற்கெனவே வெளியேற்றப்பட்ட மக்களின் பாதுகாப்பை உறுதி செய்ய வேண்டும் என்று அதில் தெரிவிக்கப்பட்டுள்ளது.

-புதினம்

உலக நாடுகளின் கண்டனங்கள் தமிழர் மீதான கரிசனையின் வெளிப்பாடு அல்ல. அரசாங்கத்தின் இந்த நடவடிக்கை தொடர்ந்தால் தமிழர்களின் தனியான தாயகக்கோட்பாடு மறுக்க முடியாததொன்றாகிவிடும் என்ற பயம் தான்.

தமிழர்கள் வெளியேற்றப்பட்டது பாரிய மனித உரிமை மீறல் - நோர்வேயும் கண்டனம்

கொழும்பிலிருந்து தமிழர்களை வெளியேற்றியமை அனைத்துலக மனித உரிமைச் சட்டங்களை மீறும் செயல் என, கொழும்பிலுள்ள நோர்வே தூதரகம் வெளியிட்ட அறிக்கையில் அரசாங்கத்திற்கு கண்டனம் தெரிவிக்கப்பட்டுள்ளது.

“கொழும்பில் நேற்று திடீரென தமிழர்கள் தங்கியிருந்த இடங்களிலிருந்து வெளியேற்றப்பட்டமைக்கு நோர்வே கண்டனம் தெரிவிக்கிறது.

கொழும்பு சிறிலங்கா காவல்துறையின் நடவடிக்கையானது அப்பட்டமான அனைத்துலக மனித உரிமைச் சட்டங்களை மீறியதாகும்.

சிறிலங்கா அரசாங்கம் பாதுகாப்புத் தொடர்பில் கவலை கொள்வது நியாயமானதுதான். அதேபோல் அதன் மக்களினது பாதுகாப்புக்கும் உத்தரவாதம் அளிக்கும் நடவடிக்கைகளை மேற்கொள்ள வேண்டிய உரிமையும் அதற்கு உண்டு.

இத்தகைய இன ஒதுக்கல் செயற்பாடுகளானது தமிழர்களை மட்டுமன்றி, எந்த ஒரு இனக்குழு மீதும் மேற்கொள்ளப்படுதல் என்பது அனைத்துலக மனித உரிமைச் சட்டங்களுக்கு எதிரானது.

கொழும்பிலிருந்து தமிழர்களை பலவந்தாமாக வெளியேற்றும் நடவடிக்கை நிறுத்தப்பட வேண்டும் என்று சிறிலங்கா அரசாங்கத்தை வலியுறுத்துகிறோம்.

அத்துடன், வெளியேற்றப்பட்ட தமிழர்கள் மீண்டும் கொழும்பு திரும்புவதற்கு அரசு அனுமதிக்க வேண்டும்” என்றும் நோர்வே தூதரகம் வெளியிட்ட அறிக்கையில் தெரிவிக்கப்பட்டுள்ளது.

http://www.pathivu.com/

அப்பாடா! என்ன ஒரு இரக்க மனம் அமெரிக்காவிற்கு................

துன்பத்தை கண்டதும் துடிதுடித்து கண்டனம் தெரிவித்திருக்கின்றார்கள்.

இந்த மனித பிணம்தின்னிகளின் உதவியுடன்தான் நாளுக்கு நாள் அப்பாவி

மக்கள் அங்கே கொல்லப்பட்டுக்கொண்டிருக்கி

இந்தவாரம் நாடுகடத்தப்பட்ட தமிழரின் எண்ணிக்கை சுமார் 500.

கடந்த ஆறுமாதத்தில் கொல்லப்பட்டவர்களின் எண்ணிக்கை சுமார் 1000.

எது பெரிசு?

(சிறிலங்காவில் காணாற்போனவர்கள் உயிருடன் வருது அரிது. உதாரணம் பாதிரியார் ஜிம் பிரவுன், பல்கலைக்கழக பீடாதிபதி ரவீந்திரநாத், எனவே உடல் கிடைக்காத காரணத்தால் காணமற் போனோர் என்று ஒரு பட்டியல் வைத்திருப்பது தேவையற்றது!)

Edited June 9, 200718 yr by சாணக்கியன்