6 hours ago, கற்பகதரு said:

“மக்கள் போர்குணத்தை இழந்துவிட்டால் விடுதலைக்கு பங்களிக்கும் ஆர்வம் இல்லாமல் போய்விடும்.” கோட்டை அமைதியாகி விட்டால் அதற்கு ஷெல் அடித்து மீண்டும் மக்களை நோக்கி ஷெல் தாக்குதலை வரவழைப்பது பற்றி அந்த நாட்களில் தரப்பட்ட விளக்கம் இது. பாதிக்கப்பட்ட குடும்பங்களை சேர்ந்த சிறுவர்களை உறவினர்களே அழைத்து சென்று இயக்கங்களிடம் கையளிக்க இந்த கொதிநிலை உதவியது. மீண்டும் தொடருகிறதா?

 

6 hours ago, பெருமாள் said:

நல்ல கற்பனை வளம்  உள்ளவர் நீங்கள் .

இது கற்பனையல்ல பெருமாள். எனக்கு விடுதலைப்புலிகளின் தலைமையகத்தில் இருந்த ஒருவர் நேரடியாக தந்த விளக்கம் இது. ஷெல் தாக்குதலில் பலியானவர்கள் என்னோடு ஒன்றாக வளர்ந்தவர்கள். இயக்கத்துக்கு போய் இறந்தவர்களும் அவர்களின் சகோதர சகோதரிகள். பல குடும்பங்கள் இப்படி அழிந்து போயின. நீங்களும் உங்களோடு ஒத்த கருத்தை கொண்டவர்களும் பொய்மையில் வாழும்வரை உங்களை எந்த நாடும் ஆதரிக்காது. உங்களை போன்றவர்கள் விடுதலைப்புலிகளின் பிரதிநிதிகள் என்று கூறிக்கொண்டு உலகநாட்டு இராஜதந்திரிகளை அணுகிய போது, அவர்கள் சொன்ன பலதையும்  பொய் என்று கண்ட காரணத்தால் பல நாடுகள் அவர்களை தவிர்த்துவிட்டு இலங்கை அரசு சொன்னதை நம்பினார்கள். உண்மையில் உங்களை போன்று உண்மைகளை மறைப்பவர்களும் எங்கள் மக்களின் அழிவுக்கு நேரடி காரணம். உலக இராஜதந்திரிகள் முட்டாள்கள் அல்ல, பொய்யும் உண்மையும் அவர்களுக்கு தெரியும். இலங்கை அரசும் தாராளமாக பொய் சொல்வதை அவர்கள் அறிவார்கள். ஆனால் இரண்டில் ஒன்றை தெரிவு செய்ய வேண்டிய நிலை வந்த போது உங்களது பொய்களிலும் பார்க்க இலங்கை அரசின் பொய்கள் அவர்களுக்கு இலகுவாக கையாளத்தக்கதாக இருக்கிறது. உண்மை உங்களுக்கு விடுதலை தரும். முயற்சி செய்து பாருங்கள்.

அவர்கள் அன்றும் இன்றும் பொய்க்கே தலைசாய்க்கிறார்கள்.