கட்டாய இடமாற்றத்தை ஏற்க வேண்டாம் – தமிழர் ஆசிரியர் சங்கம்!

May 3, 2021

ஆசிரிய இடமாற்ற சுற்றறிக்கைக்கு மாறாக ஆசிரியர்களை இடமாற்றம் செய்வது சட்டவிரோதமானது. இதனை ஆசிரியர்கள் ஏற்கத்தேவையில்லை என இலங்கைத் தமிழர் ஆசிரியர் சங்கம் அறிவித்துள்ளது.

அது தொடர்பில் குறித்த ஆசிரியர் சங்கம் தெரிவிக்கையில் ,

சில வலயக்கல்விப் பணிப்பாளர்கள் தமக்குத் தேவையானவர்களுக்கு அவர்கள் விரும்புகின்ற பாடசாலைகளை வழங்குவதற்காக ஏனைய ஆசிரியர்களை கட்டாய இடமாற்றம் செய்வதற்கு அமைச்சரவை அங்கீகாரம் பெற்ற 2007/20 எனும் இலக்கம் கொண்ட சுற்றறிக்கையிலோ, தாபன விதிக்கோவையிலோ எந்த ஏற்பாடுகளும் இல்லை.

இவ்விடயம் பல ஆசிரியர்களுக்கு தெரிந்திராததால் வலயக் கல்விப்பணிப்பாளர்களின் தன்னிச்சையான தொழிற்பாடுகள் ஆசிரியர்களைப் பாதிக்கின்றன. அத்தோடு சில அதிகாரிகளுக்கு இதன் விளைவுகள் என்னவென்பதும் புரியாதுள்ளது. இதற்காக பொருத்தமில்லாத கடிதங்களை அனுப்புகின்றனர்.

அதில் கட்டாயமாக இடமாற்றத்திற்கு விண்ணப்பிக்க வேண்டும் என வற்புறுத்தப்படுகின்றது. இதற்காக தற்போதுள்ள அபாயகரமான சூழ்நிலையில் இடமாற்ற விண்ணப்பப்படிவம் பூர்த்திசெய்ய பாடசாலைக்கு வருகைதருமாறு சில அதிபர்கள் ஆசிரியர்களை வற்புறுத்துவதாகவும், தமக்கு விருப்பமில்லாதவர்களை கட்டாய இடமாற்றம் செய்ய முனைவதாகவும் எமக்கு முறைப்பாடுகள் கிடைத்துள்ளன.

ஆகையால் ஆசிரிரியர்கள் உங்கள் சுயவிருப்பின்றி இடமாற்றத்திற்கு விண்ணப்பிக்கவோ அன்றி வற்புறுத்தல்களுக்கு அஞ்சவோ தேவையில்லை.
.
இதற்கு மேலதிகமாக தேவைக்கு அதிகமாக ஆசிரியர்கள் இருப்பின் அது இடமாற்ற சபை மூலம் நிவர்த்தி செய்யப்படும் என்பதும், பற்றாக்குறையான இடங்களுக்கு ஆசிரியர்களை இடமாற்றம் செய்யும்போது தேசிய ஆசிரிய இடமாற்ற சுற்றறிக்கையில் கூறப்பட்டுள்ளவாறே செயற்படவேண்டும் எனவும் கேட்டுக்கொள்கின்றோம் என தெரிவித்துள்ளனர்.

 

https://globaltamilnews.net/2021/160370/

நானறிந்தவரையில் இடமாற்றம் பெறுவதில் நிறைய தில்லுமுல்லுகள் நடக்கின்றது. கொஞ்சம் செல்வாக்குள்ள ஆட்கள், பின்தங்கின இடங்களுக்கு இடமாற்றம் வந்தாலும், தமது செல்வாக்கை பயன்படுத்தி அந்த இடமாற்றத்தை, தமக்கு வசதியான இடத்துக்கு மாற்றவிடுவார்கள். மறுதலையாக, செல்வாக்கு இல்லாதவர்கள், தொடந்து பின்தங்கின பிரதேசங்களில் வேலை செய்கின்றனர். அவர்களுக்கு இடமாற்றம் வந்தாலும், புதிய இடமும் இன்னோரு பின்தங்கின பிரதேசமாகவோ அல்லது தூர பிரதேசமாகவோ இருக்கிறது. அவர்களும் வேறு வழி இல்லாமல் எல்லா கஸ்டங்களையும் சமாளித்துக்கொண்டு வேலைக்கு போய்வருகின்றார்கள் தமது குடும்பத்தை கொண்டு நடத்துவதற்காக.

பெரும்பாலான அதிகாரிகளும், இடமாற்றம் குறித்து முடிவெடுக்குபோது, தமக்கு வேண்டியவர்கள் மற்றும் வால் பிடிப்பவர்க்குக்குக்கு, அவர்களுக்கு வசதியான இடத்துக்கு இடமாற்றத்தினை குடுக்கிறார்கள். தம்முடன் முரண்படுபவர்கள் மற்றும் வால் பிடிக்காதோர் போன்றவர்களுக்கு மிகவும் பின்தங்கின பிரதேசங்களுக்கு இடமாற்றத்தினை குடுக்கிறார்கள்.

இதைவிட இனொரு விடயமும் நடக்குது யாழ்பாணத்தில. நீங்கள் அறிந்திருப்பீர்கள், வாதரவத்தை என்று ஒரு கிராமம் புத்துர் மற்றும் மடடுவிலுக்கு இடையில் இருக்குது. ஆனால் அந்த கிராமம் கஷ்ட பிரதேசம் என்ற வகைக்குள்தான் உள்ளடக்கி இருக்குது. இதை தெரிந்துகொண்ட யாழ்ப்பாணத்தில் வேலை செய்யும் சிலர் (பெரும்பாலும் ஆசிரியர்கள்), தமக்கு  கஷ்ட பிரதேசத்துக்கு இடமாற்றம் வந்தவுடன், சில அதிகாரிகளின் காலை கையை பிடித்து தமது இடமாற்றத்தினை வாதரவத்தை கிராமதுக்கு மாற்றி எடுத்துவிடுவார்கள். இதன் மூலம் அவர்கள் யாழ்பாணத்துக்ள் இருந்துகொண்டே கஷ்ட பிரதேசத்தில் வேலை செய்வதாய் கணக்கு கட்டிவிடுவார்கள்.

எனக்கு தெரிந்த ஒருவர் (வலி கிழக்கினை சேந்தவர்) வலி கிழக்கில் ஒரு பாடசாலையில் ஆசிரியராக நீண்டகாலம் வேலை செய்தவர். அவருக்கு கட்டாய கஷ்ட பிரதேச இடமாற்றமாக வன்னியில் உள்ள ஒரு பாடசாலைக்கு மாற்றம் வந்தது. ஆனால் அவர் சில அதிகாரிகளின் காலை கையை பிடித்து தனது இடமாற்றத்தினை வாதரவத்தை கிராமதுக்கு மாற்றி எடுத்துவிட்டார். இனி 5 வாரியத்துக்கு அவருக்கு வேலை வாதரவத்தையில் தான். வீட்டில் இருந்தபடியே கஷ்ட பிரதேசத்தில் வேலை. 😡😡