மாங்குளத்தில் இராணுவ ஆழ ஊடுருவும் அணியினரின் கிளைமோர் தாக்குதல்: 5 பேர் பலி- 2 பேர் படுகாயம்

வவுனியாவில் தமிழீழ விடுதலைப் புலிகளின் நிர்வாகப் பகுதியான மாங்குளத்தில் சிறிலங்கா இராணுவத்தின் ஆழ ஊடுருவும் அணியினர் இன்று நடத்திய கிளைமோர் தாக்குதலில் தமிழீழ சுகாதார சேவைகள் பிரிவு பணியாளர்கள், பொதுமக்கள் உட்பட 5 பேர் உயிரிழந்துள்ளனர்- இருவர் படுகாயமடைந்துள்ளனர் என்று தமிழீழ விடுதலைப் புலிகளின் இராணுவப் பேச்சாளர் இராசையா இளந்திரையன் தெரிவித்துள்ளார்.

இது தொடர்பில் "புதினம்" செய்தியாளரிடம் இராசையா இளந்திரையன் கூறியதாவது:

மாங்குளம் அருகாமையில் உள்ள கிராமத்துக்கு மருத்துவ சேவை வழங்குவதற்காக தமிழீழ சுகாதார சேவைகள் பிரிவின் பணியாளர்கள் வாகனத்தில் சென்று கொண்டிருந்த போது இன்று செவ்வாய்க்கிழமை முற்பகல் 10 மணியளவில் இத்தாக்குதல் நடத்தப்பட்டுள்ளது.

அந்த வாகனத்தில் பணியாளர்கள், பொதுமக்கள், போராளிகள் ஆகியோர் பயணித்தனர்.

இத்தாக்குதலைத் தொடர்ந்து அப்பகுதி முழுமையும் கடுமையான பாதுகாப்பு வலயத்துக்குள் கொண்டு வரப்பட்டு தேடுதல் நடவடிக்கை மேற்கொள்ளப்பட்டு வருகிறது என்றார் இளந்திரையன்.

-புதினம்

Bomb kills 8 Tamil Tigers in Sri Lanka - Monitors

http://in.today.reuters.com/news/newsArtic...ia-283987-1.xml

http://news.monstersandcritics.com/southas...thern_Sri_Lanka

http://www.ynetnews.com/articles/0,7340,L-3423416,00.html

சுகாதாரத் துறையினர் மீதான படுகொலைக்கு தமிழ்த் தேசியக் கூட்டமைப்பு கண்டனம்

நேற்று செவ்வாய்க்கிழமை 10-07-2007 அன்று ஸ்ரீலங்கா இராணுவத்தினரின் ஆழ ஊடுருவும் படையினர் தமிழீழ விடுதலைப் புலிகளின் ஆளுகைக்கு உட்பட்ட மாங்குளம் பிரதேசத்தில் மேற்கொண்ட கிளைமோர் தாக்குதலில் ஏ-9 வீதியில் பயணம் செய்து கொண்டிருந்த தமிழீழ சுகாதார சேவையினரின் வாகனம் சேதமடைந்துள்ளதுடன் அதில் பயணம் செய்த சுகாதாரத் துறையினர் ஐந்து பேர் படுகொலை செய்யப்பட்டுள்ளதுடன் இரண்டுபேர் படுகாயமடைந்துள்ளனர்.

மாங்குளம் பகுதியிலுள்ள கிராமம் ஒன்றில் நடமாடும் மருத்துவ சேவையினை வழங்குவதற்காக சென்று கொண்டிருந்தவர்களே இவ்வாறு தாக்குதலுக்கு இலக்காகியுள்ளனர். கடந்த வருடம் ஏ-9 வீதி மூடப்பட்ட பின்னர் வன்னிப் பிரதேசம் மீது முழு அளவிலான யுத்தம் கட்டவிழ்த்து விடப்பட்டுள்ளதுடன் பொருளாதாரத் தடை மருந்துத் தடை என்பனவும் ஸ்ரீலங்கா அரசினால் அமுல் படுத்தப்பட்டுள்ளது.

இந்நிலையில் வன்னிப் பகுதியிலுள்ள மக்கள் அடிப்படை மருத்துவ வசதிகள் எதுவும் அற்ற நிலையில் பெரும் மனிதாபிமானப் பிரச்சினைகளை எதிர் நோக்கி வரும் நிலையில் தமிழீழ சுகாதார சேவையினரின் நடமாடும் மருத்துவ சேவை பொது மக்களுக்கான அடிப்படை மருத்துவ வசதிகளை முழு அளவில் வழங்கி வருகின்றது.

இவ்வாறான சூழ்நிலையில் தமிழீழ சுகாதார சேவையினரை இலக்கு வைத்து மேற்கொள்ளப்பட்ட இத்தாக்குதலானது பொது மக்களுக்கான அடிப்படை சுகாதார வசதிகள் கிடைப்பதனையும் தடுப்பதனை நோக்கமாகக் கொண்டுள்ளது.

பொது மக்களையே பாதிக்கும் இவ்வாறான தாக்குதல்கள் மூலம் அரசு தனது அரசியல் இராணுவ இலக்குகளை ஒருபோதும் அடைந்து விடமுடியாது.

ஸ்ரீலங்கா அரச படைகளின் மனிதாபிமானமற்ற இத் தாக்குதல் சம்பவத்தினை நாம் மிகவும் வன்மையாகக் கண்டிக்கின்றோம்.

-பதிவு