முகாம்களில் இருந்த மக்களிற்கு வீடுகளை தெரிவு செய்தது நான்!

முகாம்களில் இருந்த மக்களிற்கு காணிகளை அடையாளப்படுத்தியதும் அவர்களிற்கு வீடுகளை தெரிவு செய்தது நான் எனவும், கோப்புகளை இறுதி நேரத்தில் கொடுப்பதால் அவர்கள் சந்தோசப்படப்புாவதில்லை எனவும் அங்கயன் இராமநாதன் தெரிவித்துள்ளார்.

கிளிநொச்சியில் நேற்று (04) இடம்பெற்ற நிகழ்வில் ஊடகங்களில் வெளியான செய்தி தொடர்பில் எழுப்பிய கேள்விக்கு பதிலளிக்கையிலேயே அவர் இவ்வாறு தெரிவித்தார்.

அவர் மேலும் தெரிவிக்கையில், நேற்றைய தினம் நடைபெற்ற நிகழ்வுகளில் வேண்டும் என்றே நீங்கள் புறக்கணித்ததாக செய்திகள் வெளியாகி இருந்தது. அந்த செய்தி உண்மையானதா என அங்கயன் இராமநாதனிடம் ஊடகவியலாளர் வினவினார்.

அதற்கு பதிலளித்த அங்கயன் இராமநாதன், நேற்று இடம்பெற்ற நிகழ்வு நேற்றய தினம் ஆரம்பிக்கப்பட்டதல்ல. அது ஒன்று ஒன்றரை ஆண்டுகளிற்கு முதல் அதாவது முகாம்களில் இருந்த மக்களிற்கு காணிகளை அடையாளப்படுத்தியது நான். அவர்களிற்கு வீடுகளை தெரிவு செய்தது நான். தேவைப்பாடுகளை தெரிவு செய்தது நான்.

அந்த வேலைத் திட்டங்களை நான் செய்தேன் அதில் எனக்கு சந்தோசம். அவர்களிற்கு இறுதியில் கோப்பு கொடுப்பதில் மாத்திரம் சந்தோசம் வராது. அவர்களிற்கு முழுமையான வேலைத்திட்டத்தை செய்துவிட்டேன் என்ற நம்பிக்கை எனக்கு இருக்கின்றது. அதற்கு நான் புாகாவிட்டாலும் பறவாயில்லை.

ஆனால் இன்றைக்கு, எங்களுடைய உரிமை சார்ந்த விடயம். எங்களுடைய மரபுரிமைகளை பாதுகாக்கவேண்டிய விடயம். ஆகவே கட்டாயம் வர வேண்டும்.

அட்டை போட்ட ஊடகமானது, அதில் பச்சோந்தி பத்திரிகையாளர் அதனை எழுதியிருக்கின்றார். அவருக்கும் அந்த பத்திரிகை விற்க வேண்டுமானால் எம்மைப்பற்றிய செய்தி வந்தால்தான் விற்கும் என்றால் அவர் தொடர்ந்து செய்யலாம் என அவர் குறிப்பிட்டா்.
 

-கிளிநொச்சி நிருபர் சப்தன்-

முகாம்களில் இருந்த மக்களிற்கு வீடுகளை தெரிவு செய்தது நான்! (adaderana.lk)

3 hours ago, nunavilan said:

அந்த வேலைத் திட்டங்களை நான் செய்தேன் அதில் எனக்கு சந்தோசம். அவர்களிற்கு இறுதியில் கோப்பு கொடுப்பதில் மாத்திரம் சந்தோசம் வராது. அவர்களிற்கு முழுமையான வேலைத்திட்டத்தை செய்துவிட்டேன் என்ற நம்பிக்கை எனக்கு இருக்கின்றது. அதற்கு நான் புாகாவிட்டாலும் பறவாயில்லை.

தமிழருக்கு எதிரான இனவெறி அரசுடன் சேர்ந்திருந்தாலும். வேறு சில சுயநலமிகள் போலன்றி ஏதோ தமிழினத்திற்குச் செய்கின்றார்போல் தெரிகிறது. 🧐