ஞானக்கோன் இலங்கைக்கு வந்தால் கைதாவார்! "இன்ரபோல்' ஊடாக அவரை மடக்கவும் ஏற்பாடு எனத் தகவல்

சிங்கப்பூரைத் தளமாகக் கொண்ட பிர பல தமிழ் வர்த்தகர் சாள்ஸ் ஞானக்கோன் இலங்கைக்கு வந்தால் அவரைக் கட்டு நாயக்க சர்வதேச விமான நிலையத்தில் வைத்தே அரசு கைதுசெய்யும் என்றும், அவ ரைக் கைது செய்வதற்காக சர்வதேச பொலி ஸான "இன்ரபோலின்' உதவியை அரசு நாட வுள்ளது என்றும், அமைச்சர் ஜெயராஜ் பெர்னாண்டோபுள்ளே நேற்றுத் தெரிவித் தார்.

அரச தகவல் திணைக்களத்தில் நேற்று இடம் பெற்ற ஊடகவியலாளர் சந்திப்பில் கலந்துகொண்டு உரையாற்றுகையிலேயே அவர் இவ்வாறு கூறினார்.

இந்த விடயம் தொடர்பாக அவர் அங்கு மேலும் கூறியவை வருமாறு:

சாள்ஸ் ஞானக்கோனை கைதுசெய்வ தற்கான அத்தனை நடவடிக்கைகளையும் அரசு மேற்கொண்டு வருகின்றது.

அவர் மீதான குற்றச்சாட்டுகள் அத்தனை யையும் ஒழுங்குபடுத்தி, சர்வதேச பொலி ஸான இன்ரபோலிடம் ஒப்படைத்து, இன்ர போலின் ஊடாக அவரைக் கைதுசெய்ய அரசு தீர்மானித்துள்ளது.

அவர் மீதான குற்றச்சாட்டுகளை அரசு இப்போது ஒழுங்குபடுத்திக்கொண்டு வரு கின்றது. இந்தச் சந்தர்ப்பத்தில் ஞானக் கோன் இலங்கைக்கு வந்தால் அவரை கட்டு நாயக்க விமான நிலையத்தில் வைத்தே நாம் கைதுசெய்வோம்.

ஞானக்கோனும் அவரது குடும்பத்தின ரும் பலதரப்பட்ட குற்றச் செயல்களில் ஈடுபட்டுள்ளனர். ஞானக்கோனின் சகோதரர் ஜயந்த ஞானக்கோன் புலிகளுடன் மிக நெருங்கிய ஒட்டுறவைக் கொண்டவர்.

அவரது தாயார் போதைப்பொருள் கடத் தலில் கைதாகிப் பின்னர் வெளிநாடு சென் ற வர். அவர்கள் வெள்ளவத்தையைச் சேர்ந்தவர்கள். ஞானக்கோனின் குடும்ப அங்கத்தவர்கள் அனைவரும் எதிர்க்கட்சித் தலைவர் ரணில் விக்கிரமசிங்கவுடன் மிக நெருங்கிய உறவைக் கெண்டுள்ளனர். என்றார்.

ஐக்கிய தேசியக் கட்சியிலிருந்து அரசுப்பக்கம் அணி மாறி , அமைச்சர்களான சிலரைப் பெரும் தொகைப்பணம் கையூட்டுக் கொடுத்து ஐ. தே. கட்சிக்குத் திரும்ப வைக்கும் எத்தனத்தில் சாள்ஸ் ஞானக்கோன் ஈடுபட்டுள்ளார் என்று, அணிதாவிய ஐ. தே. கட்சி எம். பிக்கள் குழுவின் தலைவர் அமைச்சர் கரு ஜயசூரிய அண்மையில் நாடாளுமன்றத்தில் அறிவித்திருந்தார். அந்தப் பின்னணியிலேயே இப்போது அமைச்சர் ஜெயராஜ் பெர்னாண்டோபுள்ளே இதனைத் தெரிவித்திருக்கின்றார் என்பது குறிப்பிடத்தக்கது

-உதயன்

ரணில் விக்கிரமசிங்கா ஞானக்கோனுக்கு நெருக்கம், ஞானக்கோன் புலியளுக்கு நெருக்கம் ஆகவே ரணில் புலியளுக்கு நெருக்கம். அப்ப ஏன் ரணிலைப் புடிச்சு வைக்கயில்ல? அல்லது இன்ரபோலிட்ட கொடுக்கையில்ல. அவர் கொழும்புல கைக்கெட்டின தூரத்திலதானே இருக்கிறார். பயங்கரவாதத் தொடர்பைக் காட்டி எதிர்க்கட்சித் தலைவரைக் கைதுசெய்யிறது பெரிய வேலையில்லையே? ஞான்க்கோன் மட்டுமென்ன கிள்ளுக் கீரையா அவர மட்டும் பிடிக்கிறதுக்கு. ஜெயராஜ் பெனாண்டோ புள்ளை பிதற்றுறதுக்கும் ஒரு லிமிட் இருக்கவேணும் பாருங்கோ.

இன்ரபோல் இதற்கு ஒப்புக் கொண்டால் அவர்கள் ஞானக்கோனை சிங்கப்பூரிலேயே கைது செய்யலாம்.

இன்ரபோல் எண்டது உவர் பாத்துறூம் போக பின்னாலை பல்பசையோடை போற உவரின் மெய்ப்பாதுகாவலர்கள் எண்டு நினைச்சிட்டார் போல கிடக்கு...

ஜெயராஜ் பெனாண்டோ பு - - தன்ர பெயரைக்கூடத் தமிழில இப்பிடித்தான் இடறலா வாசிப்பார். அதுக்குள்ள தான் பெரிய தமிழன் மாதிரிப் பீற்ற வெளிக்கிடுறார்.