திங்கள் முதல் வெள்ளிவரை ஓமந்தை சோதனைச்சாவடி திறக்கப்படும்

ஓமந்தை தாண்டிக்குளம் சோதனைச்சாவடி திங்கட்கிழமை முதல் வெள்ளிக்கிழமை வரை ஐந்து நாட்களும் திறக்கப்படவுள்ளது. எதிர்வரும் திங்கள் கிழமை முதல் காலை 9 மணி முதல் மாலை 5 மணி வரை சோதனைச்சாவடி பொதுமக்களின் போக்குவரத்துக்காக திறக்கப்படும் என்று சர்வதேச செஞ்சிலுவைச் சங்கத்தின் பேச்சாளர் டவிடி விக்னட்டி தெரிவித்தார். அரசாங்கம் மற்றும் விடுதலைப் புலிகளின் வேண்டுகோளுக்கிணங்க ஓமந்தை சோதனைச் சாவடி அமைந்துள்ள சூனியப் பிரதேசத்தில் வாரத்தில் ஐந்து நாட்கள் பணியாற்றுவதற்கு நாம் இணக்கம் தெரிவித்துள்ளோம் என்றும் அவர் மேலும் கூறினார்.

இது தொடர்பாக கேசரிக்கு கருத்து தெரிவித்த டவிடி விக்னட்டி, வவுனியாவிலிருந்து புலிகளின் கட்டுப்பாட்டு பகுதிக்கு செல்வதற்கான ஓமந்தை சோதனைச்சாவடி வாரத்தின் மூன்று நாட்கள் மாத்திரமே பொதுமக்களின் போக்குவரத்துக்காக திறந்து விடப்பட்டிருந்தது.

இந்நிலையில் மேற்படி பாதையை வாரத்தின் 5 நாட்களுக்கு திறப்பதற்கு உதவுமாறு அரசாங்கமும், விடுதலைப் புலிகளும் எம்மிடம் கோரியிருந்தனர்.

இவ்விடயம் தொடர்பாக ஐ.சி.ஆர்.சி. பாதுகாப்பு தரப்பினருடனும், விடுதலைப் புலிகளுடனும் பேச்சுவார்த்தை நடத்தியது.

இரு தரப்பினரும் வழங்கிய சாதகமான பதில்களையடுத்து ஓமந்தை சூனியப் பிரதேசத்தில் வாரத்தில் 5 நாட்களும் கடமையாற்றுவதற்கு நாம் இணக்கம் தெரிவித்துள்ளோம்.

இது எதிர்வரும் திங்கட்கிழமையில் இருந்து நடைமுறைக்கு வரவுள்ளது. எனினும் மன்னார் அரசாங்க கட்டுப்பாட்டு பகுதியில் இருந்து புலிகளின் பகுதிக்கு செல்வதற்கான உயிலங்குளம் சோதனை சாவடி வழமைபோன்று வாரத்தில் 3 நாட்களுக்கே திறக்கப்படும். உயிலங்குளம் சோதனைச்சாவடி திறக்கப்படும் நாட்களை அதிகரிப்பது தொடர்பாக எவ்வித முடிவும் எடுக்கப்படவில்லை என்றார்.

- வீரகேசரி நாளேடு

வன்னிக்கான ஏ௯ வீதியை வாரத்தில் 5 நாட்கள் திறந்துவிட இணக்கம்

[25 - ஆஉகுச்ட் - 2007] [Fஒன்ட் ஸிழெ - ஆ - ஆ - ஆ]

வன்னிக்கான `ஏ௯' தரைவழிப் பாதையை வாரத்தில் ஐந்து நாட்கள் திறப்பதற்கு இணக்கம் காணப்பட்டுள்ளது.

இதையடுத்து, வவுனியா ஓமந்தை சோதனை நிலையத்தில் எதிர்வரும் திங்கட்கிழமை (27 ஆம் திகதி) முதல் சர்வதேச செஞ்சிலுவைச்சங்க (ஐ.சி.ஆர்.சி) பிரதிநிதிகள் காலை 9 மணிமுதல் மாலை 5 மணி வரை கடமையிலிருப்பரென ஐ.சி.ஆர்.சி தெரிவித்துள்ளது.

இலங்கை அரசும் விடுதலைப் புலிகளும் விடுத்த வேண்டுகோளையடுத்தே ஓமந்தை சோதனை நிலையத்தில் வாரத்தில் ஐந்து நாட்கள் கடமையிலிருக்க ஐ.சி.ஆர்.சி இணக்கம் தெரிவித்துள்ளது.

கடந்த ஜூ ன் மாதம் முதல் வன்னிக்கான தரைவழிப்பாதை வாரத்தில் மூன்று நாட்களே திறக்கப்பட்டு வரும் நிலையில், எதிர்வரும் திங்கட்கிழமை முதல் இந்த வீதியை வாரத்தில் ஐந்து நாட்கள் திறக்க இணக்கம் காணப்பட்டுள்ளது.

இதேநேரம், மன்னாரில் உயிலங்குளம் ஊடாக வன்னிக்குச் செல்லும் பாதை வாரத்தில் மூன்று நாட்கள் மட்டுமே திறக்கப்படுமெனவும் இதில் எதுவித மாற்றமுமில்லையெனவும் தெரிவிக்கப்படுகிறது.

இந்தப் பாதை திங்கள், புதன் மற்றும் வெள்ளிக்கிழமைகளில் வழமை போல் திறக்கப்படும்.

வன்னிக்கான `ஏ௯' வீதியை வாரத்தில் ஐந்து நாட்கள் திறப்பது தொடர்பாக ஐ.சி.ஆர்.சி யினர் நேற்று முன்தினம் காலை வன்னிக்குச் சென்று விடுதலைப் புலிகளுடன் பேச்சுகளை நடத்தியிருந்ததும் தெரிந்ததே.

http://www.thinakkural.com/news/2007/8/25/...s_page34776.htm