(எம்.மனோசித்ரா)

கடன் மறுசீரமைப்பு தொடர்பாக இலங்கையின் ஜனாதிபதி மற்றும் நிதியமைச்சருக்கு சீன தூதரகத்தின் உத்தியோகபூர்வ கடிதத் தலைப்பைப் பயன்படுத்தி சமூக ஊடகங்களில் வெளியான கடிதம் போலியானது என்று கொழும்பிலுள்ள சீனத் தூதரகம் தெரிவித்துள்ளது.

சமூக ஊடகங்களில் பகிரப்பட்ட குறித்த கடிதத்தில் இருதரப்பு , வணிகக் கடனைத் திருப்பிச் செலுத்துவதற்கு 5 ஆண்டு கால அவகாசத்தை வழங்குவதன் மூலம் திருப்பிச் செலுத்தும் அட்டவணையைத் தளர்த்த சீனா தயாராக உள்ளது என்று குறிப்பிடப்பட்டுள்ளது.

இந்தக் கடிதத்தில் குறிப்பிடப்பட்டுள்ள விடயத்தை மறுத்துள்ள  சீனத் தூதரகம், தனது உத்தியோகபூர்வ கடிதத் தலைப்பின் கீழ், இலங்கை ஜனாதிபதி மற்றும் நிதியமைச்சருக்கு எழுதப்பட்ட சமூக ஊடகங்களில் பரவும் கடிதம் முற்றிலும் போலியானது என்றும் தெரிவித்துள்ளது.

எனவே உத்தியோகபூர்வ தகவல் ஆதாரங்களை மட்டுமே பின்பற்றுமாறு தூதரகம் பொதுமக்களிடம் கேட்டுக் கொண்டுள்ளது.  சர்வதேச நாணய நிதியத்திடம் இருந்து நிதியுதவி பெறும் முயற்சியில் இலங்கை தனது சர்வதேச கடன் வழங்குனர்களிடம் கடன் மறுசீரமைப்புக்கான பேச்சு வார்த்தைகளை முன்னெடுத்து வரும் நிலையில் இவ்வாறான இந்த போலி கடிதம் பகிரப்பட்டுள்ளமை குறிப்பிடத்தக்கது.

சீன தூதரகத்தின் கடித தலைப்பைப் பயன்படுத்தி கடன் மறுசீரமைப்பு தொடர்பில் போலி கடிதம் - சீன தூதரகம் விளக்கம் | Virakesari.lk

சீனன்  தூங்குகிறான்  என்று  நினைத்தாயோ சிங்களவா???

தாரோ சப்படையை ஏமாத்த பார்த்திருக்கினம். 😁

நம்ம, ஏப்பிரல் பூல், எக்பேற் வேலையா இருக்குமோ எண்டு சந்தேகம்... 😎

@தமிழ் சிறி

Edited January 25, 20232 yr by Nathamuni

5 hours ago, பிழம்பு said:

வணிகக் கடனைத் திருப்பிச் செலுத்துவதற்கு 5 ஆண்டு கால அவகாசத்தை வழங்குவதன் மூலம் திருப்பிச் செலுத்தும் அட்டவணையைத் தளர்த்த சீனா தயாராக உள்ளது என்று குறிப்பிடப்பட்டுள்ளது.

இரண்டு வருடம் என்று முதலில் செய்தி வந்ததே, ஒவ்வொன்றிலும் மாறி மாறி எழுதுகிறார்களோ சீனன் வாசிக்கமாட்டான் என நினைத்து? சரி, தங்களின் முடிவுதான்  என்ன என்பதையும் உத்தியோகப்பூர்வமாக  அறிவித்து போலிச்செய்திகளுக்கு முற்றுப்புள்ளி வைக்காமல் விட்டதன் மர்மந்தான் என்ன? மதில்மேற் பூனைபோல் சிந்திக்கிறான் பூனை மூக்கனும். இவ்வளவு கடனை திட்டமேதுமில்லாமல் சும்மாவா கொடுத்திருப்பான்?