அல்லைப்பிட்டி பகுதியில் கோரவிபத்து – இரு பெண்கள் சம்பவ இடத்தில உயிரிழப்பு !!

யாழ்ப்பாணம் அல்லைப்பிட்டி பகுதியில் இடம்பெற்ற வாகன விபத்தில் இரண்டு பெண்கள் சம்பவ இடத்திலேயே உயிரிழந்துள்ளனர்.

மோட்டார் சைக்கிளில் சென்ற பெண்களின் பின்னால் வந்த வாகனம் மோதியதனால் இந்த விபத்து நேர்ந்துள்ளது.

https://athavannews.com/2023/1331213

இந்த வீதியில் இந்தப் பகுதியில் அடிக்கடி விபத்து நிகழ்கிறது. யாழில் இருந்து தீவகத்துக்கு பல்வேறு பணிகளுக்கும் போகும் பெண்கள் ஸ்கூட்டியில் தான் போய் வருகிறார்கள். அதேவேளை இராணுவ வாகனங்கள்.. குறிப்பாக கடற்படை மற்றும் இராணுவ வாகனங்கள்.. பார ஊர்திகள் (டிப்பர் உட்பட).. போக்குவரத்து பேரூந்துகள்.. மீன்வடிகள்.. கார்கள்.. மோட்டார் சைக்கிள்கள்..ஆட்டோக்கள்.. இவை வேகத்தடுப்பற்ற இந்த வீதியில் மிக வேகமாக செல்வதோடு.. பெரும் வீதி வளைவுகளும் காணப்படுவதால்.. வாகனங்கள் வருவது.. கடந்து செல்வதை காண்பதிலும் பிரச்சனைகள் உள்ளன. 

கடந்த கால விபத்துக்களில் இருந்து சரியான பாடம் கற்கப்பட்டு.. ஆபத்தான வீதியின் பகுதிகளில் வேகத்தடை நிர்மானிக்கப்பட்டிருந்தால்.. வாகனங்களை கண்ட வீதி ஓரத்திலும் நிறுத்த முடியாத வகைக்கு இரட்டை சிவப்புக் கோடிடல்.. போட்டிருந்தால்.. அதை மீறுபவர்களை கண்காணிக்க கண்காணிப்பு கமராக்கள் பொருத்தப்பட்டிருந்தால்.. இந்த வீண் உயிரிழப்புக்கள் தவிர்க்கப்பட்டிருக்கலாம்.

ஆக.. சம்பந்தப்பட்டவர்களின் அசமந்தப் போக்கும்.. கார் மற்றும் கனரக வாகனங்கள்.. பேரூந்து ஓட்டுனர்களின் சமூக அக்கறையற்ற நடத்தைகளுமே இந்த விபத்துக்களுக்கு முக்கிய காரணம்.

Edited May 1, 20232 yr by nedukkalapoovan

அவற்றுக்கு செலவிடப்படும் பணமெல்லாம் விகாரை அமைப்பதற்கு செலவாகிறது. அந்தப்பணி முடிந்து, சிங்களவரை  குடியேற்றிய பிற்பாடு அதெல்லாம் சீர் செய்யப்படும். 

வரணியில் இடம்பெற்ற கோர விபத்தில் ஒருவர் உயிரிழப்பு

யாழ்ப்பாணம் – கொடிகாமம், வரணிப் பகுதியில் இன்று நள்ளிரவு 12.10 மணியளவில் இடம்பெற்ற கோர விபத்தில் ஒருவர் உயிரிழந்துள்ளார்.

அல்வாய் பகுதியிலிருந்து கொடிகாமம் நோக்கி சென்ற மோட்டார் சைக்கிளும் கொடிகாமத்திலிருந்து வடமராட்சி நோக்கி சென்ற வான் ஒன்றும் நேருக்கு நேர் மோதி விபத்து சம்பவித்துள்ளது.

குறித்த விபத்தில் படுகாயமடைந்த நபர் சாவகச்சேரி ஆதார வைத்தியசாலைக்கு கொண்டு செல்லப்பட்டு அங்கிருந்து மேலதிக சிகிச்சைக்காக யாழ். போதனா வைத்தியசாலையில் அனுமதிக்கப்பட்டார்.

இருப்பினும் சிகிச்சை பலனின்றி அல்வாய் கிழக்கு அல்வாய் பகுதியைச் சேர்ந்த 32 வயதுடைய சத்தியநாதன் சத்தியானந் என்பவர் உயிரிழந்துள்ளார்.

உயிரிழந்தவர் இலங்கை போக்குவரத்து சபை அலுவலகத்தில் கடமையாற்றும் உத்தியோகத்தர் எனவும் தெரிவிக்கப்பட்டுள்ளது.

https://athavannews.com/2023/1331259

@nedukkalapoovan, @satan

15 hours ago, தமிழ் சிறி said:

நள்ளிரவு 12.10 மணியளவில் இடம்பெற்ற கோர விபத்தில்

ம்..... இளையோர்! அன்று கொத்துக்கொத்தாக மடிந்தோம், இன்று அங்கொன்றும் இங்கொன்றுமாக உதிரிகளாக. இழப்பதற்கென்றே படைக்கப்பட்ட இனம் நாம்!  வேறேதும் சொல்ல எனக்குத்தோன்றவில்லை.