காதலுக்கு கண் இல்லை என்பார்கள். ஆனால் இப்படியும் காதல் மலருமா? என கேட்கும் வகையில் ஒரு சம்பவம் சமூக வலைதளங்களில் வைரலாகி வருகிறது. பிரேசில் நாட்டை சேர்ந்த இமானுவேலா என்ற இளம்பெண் அப்பகுதியில் உள்ள ஒரு தெருவில் நடந்து சென்று கொண்டிருந்தார். அப்போது அவ்வழியாக வந்த ஒரு வாலிபர் இமானுவேலாவிடம் இருந்த செல்போனை பறித்து கொண்டு தப்பி ஓடினார். இதனால் அதிர்ச்சி அடைந்த அந்த பெண் திருடன், திருடன் என கத்தினார். ஆனாலும் கண் இமைக்கும் நேரத்திற்குள் திருடன் தப்பி ஓடி தலைமறைவானார்.

இந்நிலையில் செல்போனை பறித்த வாலிபர் அதை எடுத்து பார்த்த போது, அதில் இமானுவேலாவின் புகைப்படத்தை பார்த்தார். இவ்வளவு அழகான பெண்ணிடம் செல்போனை பறித்துவிட்டோமே என வருந்திய அவர், இமானுவேலாவை நேரில் சந்தித்து அவரிடம் போனை திருப்பி கொடுத்தார்.

இதனால் மகிழ்ச்சி அடைந்த இமானுவேலா, திருடனை மன்னித்ததோடு அவருடன் நட்பாக பழக தொடங்கினார். நாளடைவில் இந்த நட்பு காதலாக மாறி உள்ளது. கடந்த 2 வருடங்களாக இருவரும் காதலித்து வருவதாக கூறுகிறார்கள். இவர்களது பேட்டி டுவிட்டரில் வைரலாகி 2,200-க்கும் மேற்பட்ட லைக்குகளை குவித்து வருகிறது. வீடியோவை பார்த்த பயனர்கள் பல்வேறு கருத்துக்களை தெரிவித்து வருகிறார்கள். அதில் ஒருவர், அன்பால் எதையும் சாதிக்க முடியும் எனவும், மற்றொருவர் இது ஒரு நகைச்சுவை போல் தெரிகிறது, ஆனால் உண்மையானது என பதிவிட்டுள்ளார்.

 

https://thinakkural.lk/article/265452

இவர் அடிப்படையில்   களவு எடுக்கும் குணம் கொண்டவர்  இவரை நம்பலாமா ?
படத்தை   பார்த்து மயங்கும்  குணமும் இரக்கமும் கொண்டவர் . காலம் இவருக்குப் பதில் சொல்லட்டும்.  

47 minutes ago, நிலாமதி said:

இவர் அடிப்படையில்   களவு எடுக்கும் குணம் கொண்டவர்  இவரை நம்பலாமா ?
படத்தை   பார்த்து மயங்கும்  குணமும் இரக்கமும் கொண்டவர் . காலம் இவருக்குப் பதில் சொல்லட்டும்.  

பிரேசிலில்... களவு, சகஜம் அக்கா.
நீங்கள், போன் கதைத்துக் கொண்டு  சிக்கனலுக்கு நிற்கும் நேரத்திலோ, 
நடந்து  செல்லும் நேரத்திலோ... பேர்ஸ், போன் எதை என்றாலும்  பறித்துக் கொண்டு 
சந்து பொந்துக்குள்ளால் ஓடி மறைந்து விடுவார்கள்.

உதைபந்தாட்டம்  பிரேசிலில் நடக்கும் நேரம்,
பிரத்தியேகமாக வெளிநாட்டில் இருந்து செல்பவர்களுக்கு இந்தக் களவைப் பற்றி அறிவுறுத்தினார்கள்.

பெரும்பாலானவர்கள்... கள்ளர் என்றால், அந்தப் பெண் பிள்ளையும் என்ன செய்யிறது.
கள்ளன் என்றாலும்... ஆள் வாட்ட சாட்டமாக இருக்க, காதல் வந்திட்டுது.

2 hours ago, ஏராளன் said:

திருடனை மன்னித்ததோடு அவருடன் நட்பாக பழக தொடங்கினார். நாளடைவில் இந்த நட்பு காதலாக மாறி உள்ளது. கடந்த 2 வருடங்களாக இருவரும் காதலித்து வருவதாக கூறுகிறார்கள்

பாசம் திரைப்படத்தில் இடம்பெற்ற ஒரு பாடலில் கண்ணதாசன் இப்படி எழுதியிருப்பார்,

“ அவன் தான் திருடன் என்றிருந்தேன்

அவனை நானும் திருடிவிட்டேன்

முதல்முதல் திருடும் காரணத்தால்

முழுதாய் திருட மறந்துவிட்டேன்

 

இன்றே அவனை கைது செய்வேன்

என்றும் சிறையில் வைத்திருப்பேன்

விளக்கம் சொல்வதும் முடியாது

விடுதலை என்பதும் கிடையாது..”