இந்த‌ ஜ‌பிஎல்ல‌ சில‌ அணிக‌ள் எதிர் பார்த்தை விட‌ ந‌ல்லா விளையாடுகின‌ம்...........................................

தோனியிடம் சிக்காமல் தப்பிய டெல்லி அணி, சுனில் நரேனிடம் சரணடைந்தது ஏன்?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• 26 நிமிடங்களுக்கு முன்னர்

தோல்வி உறுதி எனத் தெரிந்தபின் அந்த ஆட்டத்தில் விளையாட வீரர்களுக்கும் ஆர்வம் இருக்காது, பார்க்கும் ரசிகர்களுக்கும் ஆர்வம் குறைந்துவிடும். அதுபோன்ற ஆட்டம்தான் நேற்று ஹைதராபாத்தில் நடந்தது. பேட்டிங், பந்துவீச்சு, பீல்டிங் என அனைத்துமே ஒருதரப்பாகவே நடந்து முடிந்தது.

ஒருநாள் போட்டியில் அடிக்க வேண்டிய ‘டீசன்ட்டான ஸ்கோரை’, டி20 தொடரில் அடித்தபிறகு, அதை சேஸிங் செய்ய முற்பட்டால் என்ன ஆகும். எதிரணி நிச்சயமாக நம்பிக்கை இழந்து தோல்விமுகம் காட்டி ஓடும். அதுதான் கொல்கத்தா - டெல்லி இடையேயான ஆட்டத்தில் நடந்தது.

ஹைதராபாத்தில் நேற்று நடந்த ஐபிஎல் டி20 தொடரின் 16-வது லீக் ஆட்டத்தில் டெல்லி கேபிடல்ஸ் அணியை 106 ரன்கள் வித்தியாசத்தில் தோற்கடித்தது கொல்கத்தா நைட் ரைடர்ஸ் அணி.

முதலில் பேட் செய்த கொல்கத்தா நைட் ரைடர்ஸ் அணி 20 ஓவர்களில் 7 விக்கெட் இழப்புக்கு 272 ரன்கள் சேர்த்தது. 273 ரன்கள் சேர்த்தால் வெற்றி எனும் இலக்குடன் களமிறங்கிய டெல்லி கேபிடல்ஸ் அணி 17.2 ஓவர்களில் 166 ரன்களுக்கு ஆட்டமிழந்து 106 ரன்களில் தோல்வி அடைந்தது.

 

ரஸல் விழுந்தார், வரலாறு தப்பியது

இந்த ஐபிஎல் டி20 வரலாற்றில் 2ஆவது அதிகபட்ச ஸ்கோரை கொல்கத்தா அணி நேற்று பதிவு செய்தது. சன்ரைசர்ஸ் அணி அடித்த வரலாற்று ஸ்கோரான 277 ரன்களை கொல்கத்தா அணி நேற்று முறியடித்திருக்கும். கடைசி ஓவரில் ஆந்த்ரே ரஸலுக்கு யார்க்கர் வீசி கீழே விழச்செய்து இஷாந்த் சர்மா ஆட்டமிழக்கச் செய்யாமல் இருந்தால், கொல்கத்தா அணி சன்ரைசர்ஸ் ஸ்கோரை நிச்சயமாக முறியடித்திருக்கும்.

ஐபிஎல் தொடரில் கொல்கத்தா அணியின் அதிகபட்ச ஸ்கோர் 2018ம் ஆண்டில் இந்தூரில் பஞ்சாப் கிங்ஸ் அணிக்கு எதிராக 218 ரன்கள் சேர்த்ததுதான்.

272 ரன்கள் எனும் ஸ்கோர் எதிரணிக்கு தோல்வியை பரிசளிக்கும் இலக்குதான். நரேன் 85(39பந்துகள்), ரகுவன்ஷி54 (27பந்துகள்), ரஸல்41 (19 பந்துகள்) ரிங்கு சிங் 26(8பந்துகள்) என கொல்கத்தா ஸ்கோர் உயர்வுக்கு இவர்கள்தான் காரணம். இந்த 4 பேட்டர்களுமே நேற்று 200 க்கும் மேற்பட்ட ஸ்ட்ரைக் ரேட்டில்தான் பேட் செய்தனர்.

இந்த வெற்றியின் மூலம் கொல்கத்தா அணி 3 ஆட்டங்களிலும் தொடர்ந்து வெற்றி பெற்று 6 புள்ளிகளுடன் நிகர ரன்ரேட்டில் 2.518 என வலிமையாக முதலிடத்துக்கு முன்னேறியது. டெல்லி கேபிடல்ஸ் அணி 3 ஆட்டங்களில் ஒரு வெற்றி, 2 தோல்விகளுடன், நிகர ரன்ரேட்டில் மைனஸ் 1.347புள்ளிகளுடன் 9-வது இடத்துக்கு சரிந்துள்ளது. 106 ரன்களில் டெல்லி அணி தோற்றது அந்த அணியின் நிகர ரன்ரேட்டை மோசமாகக் குறைத்துவிட்டது.

 

பட மூலாதாரம்,GETTY IMAGES

ஆட்டநாயகன் நரைன்

கடந்த போட்டியில் பேட்டிங்கில் ஜொலித்து கேமியோ ஆடி அரைசதத்தை தவறவிட்ட சுனில் நரேன் இந்த முறை அதைச் சரியாகச் செய்தார். சிக்ஸர், பவுண்டரி எனப் பறக்கவிட்ட நரேன் 21 பந்துகளில் அரைசதம் என 85 ரன்கள்,ஒரு விக்கெட் எடுத்து ஆட்டநாயகன் விருது வென்றார்.

சுனில் நரைன் அமைத்துக் கொடுத்த வலிமையான அடித்தளத்தில்தான் கொல்கத்தா அணியால் பயணிக்க முடிந்தது. பவர்ப்ளே ஓவருக்குள் நரைன் 3ஆவது முறையாக அரைசதம் அடித்துள்ளார். டேவிட் வார்னர்தான் பவர்ப்ளே ஓவருக்குள் அதிகபட்சமாக 6 முறை அரைசதம் அடித்துள்ளார் என்பது குறிப்பிடத்தக்கது.

சுனில் நரைன் நேற்று சேர்த்த 85 ரன்கள்தான் அவரின் டி20 வாழ்க்கையில் அதிகபட்ச ஸ்கோர். இதற்குமுன் 2017ல் பர்படாஸ் டிரிடென்ட்ஸ் அணிக்கு எதிராக 79 ரன்கள் சேர்த்ததே அவரின் அதிகபட்சமாக இருந்தது.

 

பட மூலாதாரம்,GETTY IMAGES

‘நினைத்துப் பார்க்காத ஸ்கோர்’

கொல்கத்தா அணியின் கேப்டன் ஸ்ரேயாஸ் அய்யர் கூறுகையில் “நாங்கள் தொடக்கத்தில் பேட் செய்தவிதத்தை பார்த்தால் 200 ரன்கள் சேர்ப்போம் என்று நினைத்தேன், ஆனால் 270க்குமேல் ரன்களை நினைத்துப்பார்க்கவில்லை. பவர்ப்ளேயில் நரைன் அடித்து ஆட வேண்டும் அவர் இல்லாவிட்டால் ரகுவன்ஷி ஆட வேண்டும் என திட்டம் வகுத்திருந்தோம்.

இளம் வீரர் ரகுவன்ஷி அச்சமில்லாத பேட்டர், சூழலை அறிந்து சிறப்பாக பேட் செய்கிறார். அவரின் ஷாட்கள் அனைத்தும் தேர்ந்த, முதிர்ச்சி அடைந்த பேட்டர் போன்று இருந்தது. பந்துவீச்சாளர்களும் அவர்களின் பொறுப்பை உணர்ந்து செயல்பட்டனர். வெற்றிக்கு அனைவரும் பங்களிப்பு செய்தனர். 3 வெற்றிகள் பெற்றாலும் அடுத்தடுத்து தொடர்ந்து பயணிக்க வேண்டியுள்ளது. இதே வெற்றி தொடரும் என நம்புகிறேன்” எனத் தெரிவித்தார்.

பட மூலாதாரம்,GETTY IMAGES

சுவாரஸ்ய புள்ளிவிவரங்கள்

இந்த ஆட்டத்தில் மட்டும் விசாகப்பட்டினம் மைதானத்தில் கொல்கத்தா அணி பேட்டர்கள் 18 சிக்ஸர்களை விளாசியதுதான் ஒரு இன்னிங்ஸில் அதிகபட்சமாகும். இதற்கு முன் 2019-இல் பஞ்சாப் கிங்ஸ் அணிக்கு எதிராக சிஎஸ்கே 17 சிக்ஸர்களை விளாசி இருந்தது.

இந்த ஆட்டத்தில் கொல்கத்தா அணி பவர்ப்ளே ஓவரில் விக்கெட் இழப்பின்றி 88 ரன்கள் குவித்தது, ஐபிஎல் வரலாற்றில் அந்த அணியின் 2வது அதிகபட்சமாகும். இதற்கு முன் 2017ல் ஆர்சிபி அணிக்கு எதிராக 105 ரன்களை கொல்கத்தா அணி பதிவு செய்திருந்தது.

ஐபிஎல் வரலாற்றில் முதல் 10 ஓவர்களில் அதிகபட்ச ஸ்கோரை பதிவு செய்த 3வது அணியாக கொல்கத்தா அணி மாறியது. இந்த ஆட்டத்தில் கொல்கத்தா அணி 10 ஓவர்களில் 135 ரன்களைச் சேர்த்தது. இதற்கு முன் சன்ரைசர்ஸ் அணி 148 ரன்களும், மும்பை அணி 141 ரன்களும் 10 ஓவர்களில் அடித்திருந்தது குறிப்பிடத்தக்கது.

 

பட மூலாதாரம்,GETTY IMAGES

படக்குறிப்பு,

ரகுவன்ஷி நேற்றைய ஆட்டத்தில் 25 பந்துகளில் அரைசதம் அடித்தார்

18 வயது ரகுவன்ஷி அடித்த அரைசதம்

கொல்கத்தா அணியில் நேற்று களமிறங்கி அரைசதம் அடித்த ரகுவன்ஷிக்கு 18வயது முடிந்து 303 நாட்கள் ஆகிறது.அதாவது இளம் வயதில் அறிமுகமாகி அரைசதம் அடித்த வீரர்கள் பட்டியிலில் இணைந்து பெருமை பெற்றார். இதற்கு முன் 2008ல் ஸ்ரீவத் கோஸாமி 19 வயதில் அரைசதம் அடித்திருந்தார்.

ஒட்டுமொத்தமாக ஐபிஎல் வரலாற்றில் இளம் வயதில் களமிறங்கி அரைசதம் அடித்த 7-ஆவது பேட்டராக ரகுவன்ஷி இடம் பெற்றார். கொல்கத்தா அணியைப் பொறுத்தவரை இளம் வயதில் அறிமுகமாகி அரைசதம் அடித்த 2வது பேட்டர் ரகுவன்ஸி. சுப்மான் கில் 18வயது 237 நாட்களில் கொல்கத்தா அணியில் அறிமுகமாகினார்.

அதேபோல ரகுவன்ஸி நேற்றைய ஆட்டத்தில் 25பந்துகளில் அரைசதம் அடித்தார். அறிமுக ஆட்டத்திலேயே அதிவேகமாக அரைசதம் அடித்த 2வது பேட்டராக ரகுவன்ஸி இடம் பெற்றார். இதற்கு முன், 2008ல் ஜேம்ஸ் ஹோப் அறிமுக ஆட்டத்திலேயே 24 பந்துகளில் அரைசதம் அடித்தார்.

பட மூலாதாரம்,GETTY IMAGES

பந்துவீச்சாளர்களின் தோல்வி

டெல்லி பந்துவீச்சாளர்கள் கலீல் அகமது, இசாந்த் சர்மா சிஎஸ்கே அணிக்கு எதிராக சிறப்பாகப் பந்துவீசினார்கள். ஆனால், நேற்றை ஆட்டத்தில் அவர்களின் “லைன் லென்த்”, “பவுன்ஸர்”, “ஷார்ட் பால்” எங்கே போனது எனத் தெரியவில்லை. இருவரும் நரைன் பேட்டிங்கிற்கு கடிவாளம் போட நினைத்தாலும் பந்துகள் பவுண்டரி, சிக்ஸருக்கு பறந்தவாறு இருந்தது.

நரைனுக்கு பவுன்ஸர் பந்துகளை எதிர்த்து பேட் செய்ய வராது, குறிப்பாக ஷார்ட் பவுன்ஸர்களை வீசினால் பொறுமை இழந்து விக்கெட்டுகளை இழந்துவிடுவார். இதுபோன்ற முறைக்கு டெல்லி வேகப்பந்துவீச்சாளர்கள் முயற்சிக்கவேவில்லை. பெரும்பாலான பந்துகளை ஸ்லாட்டிலும், ஆஃப் சைடு விலக்கியும் வீசி, மோசமான பந்துவீச்சை வெளிப்படுத்தினர். அதிலும் இசாந்த் சர்மா, கலீல் அகமது பந்துவீச்சில் ஸ்விங் என்ற பேச்சுக்கே இடமில்லாமல் பேட்டரை நோக்கியும், ஸ்டெம்ப் நோக்கியும் எறிவதுபோன்றுதான் பந்துவீச்சு இருந்தது.

ஐபிஎல் தொடரில் அதிவேகப் பந்துவீச்சாளர்களில் ஒருவரான நோர்க்கியா சிறப்பாகப் பந்துவீசி நரைன், ரகுவன்ஸி பேட்டிங் வேகத்தைக் கட்டுப்படுத்துவார் என எதிர்பார்க்கப்பட்டது. ஆனால், அவர் இசாந்த், கலீலை விட மோசமாகப் பந்துவீசி வாங்கிக்கட்டிக்கொண்டார்.

டெல்லி அணியின் பந்துவீச்சு ஒட்டுமொத்தத்தில் மிக மோசமாக அமைந்திருந்தது. கேப்டன் ரிஷப் பந்த் 7 பந்துவீச்சாளர்களைப் பயன்படுத்தி கொல்கத்தா ரன் வேகத்தை கட்டுப்படுத்த முயன்றார். ஆனால் 6 பந்துவீச்சாளர்கள் இரட்டை இலக்க ரன்களைத்தான் சராசரியாக விட்டுக்கொடுத்தனர். கலீல் அகமது, இசாந்த் சர்மா, நோர்க்கியா, சலாம் ஆகிய 4 பேர் சேர்ந்து 192 ரன்களை விட்டுக் கொடுத்தனர். அதாவது ஓவருக்கு சராசரியாக 15 ரன்களை வாரி வழங்கினர்.

பட மூலாதாரம்,GETTY IMAGES

அக்ஸரை பயன்படுத்தாதது ஏன்?

இதில் அக்ஸர் படேல் ஒரு ஓவர் வீசி 18 ரன்கள் கொடுத்ததற்காக அவருக்கு தொடர்ந்து ஓவர்கள் வழங்கப்படாதது தவறான முடிவாகவே கருதப்படுகிறது. அக்ஸர் படேல் சிறந்த விக்கெட் டேக்கிங் பந்துவீச்சாளர், ஒரு ஓவரில் ரன் வழங்கினாலும் அடுத்த ஓவரில் விக்கெட்டுகளை எடுக்கும் திறமை படைத்தவர் அக்ஸர்படேல் அவரை நேற்று சரியாகப் பயன்படுத்தாததால்தான் பேட்டிங்கிலும் களமிறங்கியவுடன் பெரிய ஷாட்டுக்கு முயன்று அதிருப்தியில் டக்அவுட்டாகினார்.

சுமித் குமார், ரஷிக் சலாம் என அனுபவமற்ற பந்துவீச்சாளர்களை டெல்லி கேபிடல்ஸ் பந்துவீசச் செய்தது. அந்த அணியில் லலித் யாதவ் என்ற ஆப்ஸிபின்னர் ஆல்ரவுண்டர் இருக்கிறார் அவரை இதுவரை பயன்படுத்தவில்லை. குல்தீப், அக்ஸர் தவிர்த்து சிறப்பாகப் பந்துவீசக்கூடிய சுழற்பந்துவீச்சாளர்கள் யாரும் இல்லை என்பது பெரிய பலவீனமாகும். ஆர்சிபி அணி எந்தமாதிரியான சிக்கலில் சிக்கி இருக்கிறதோ அதேபோன்ற சிக்கலில் டெல்லி அணியும் மாட்டிக்கொண்டுள்ளது.

 

பட மூலாதாரம்,GETTY IMAGES

படக்குறிப்பு,

273 ரன்கள் சேஸிங் என்றபோதே டெல்லி அணி தோல்வியை மறைமுகமாக ஒப்புக்கொண்டது

நரைன், ரகுவன்ஷி, ரஸல் வேகம்

கொல்கத்தா அணிக்கு மென்ட்டராக கவுதம் கம்பீர் வந்தபின் அந்த அணியின் போக்கிலும், போட்டியை அணுகும் விதத்திலும் பெரிய மாற்றங்கள் தென்படுகிறது. கடந்த சீசனில் பேட்டிங்கில் ஜொலிக்காத சுனில் நரைன், கடந்த இரு போட்டிகளிலும் அதிரடியான தொடக்கத்தை அளித்து வருகிறார்.

பவர்ப்ளே ஓவர்களை சிறப்பாகப் பயன்படுத்தும் வகையில் நரைன் பேட்டிங் அமைந்துள்ளது. கொல்கத்தா அணி 3.5 ஓவர்களில் 50 ரன்களைக் கடந்தநிலையில் பவர்ப்ளேயில் ஒரு விக்கெட் இழப்புக்கு 88 ரன்கள் குவித்தது. பில்சால்ட்-நரைன் கூட்டணி 4.3 ஓவர்களில் 60 ரன்கள் சேர்த்து சால்ட் 18 ரன்களில் ஆட்டமிழந்தார். இந்த ரன்களில் நரைன் அரைசதமும் அடங்கும்.

2வது விக்கெட்டுக்கு நரைன், ரகுவன்ஸி கூட்டணி டெல்லி பந்துவீச்சை துவம்சம் செய்தது. இருவரும் சேர்ந்து 2வது விக்கெட்டுக்கு104 ரன்கள் சேர்த்தனர். இருவரும் பேட் செய்யத் தொடங்கியபின், டெல்லி பீல்டர்கள் மைதானத்தில் பீல்டிங் செய்யாமல் பார்வையாளர்கள் மாடத்தில் பீல்டிங் செய்திருந்தால் சிறப்பாக இருந்திருக்கும். நரைன், ரகுவன்ஸி இருவரும் ஒவ்வொரு பந்துவீச்சாளர்களையும் வெறுத்து ஓடும்வகையில் பவுண்டரி, சிக்ஸர் என விளாசினர். அதிலும் நரைன் தான் சந்தித்த ஒவ்வொரு 3 பந்துகளுக்கும் ஒரு பவுண்டர் என்ற கணக்கில் விளாசினார். மார்ஷ் பந்துவீச்சில் நரைன் 85 ரன்களில் ஆட்டமிழந்தார்.

அடுத்து ஆந்த்ரே ரஸல் களமிறங்கியபின், ரன்ரேட் இன்னும்வேகமாக உயர்ந்தது. டெல்லி பந்துவீ்ச்சை வெளுத்த ரஸல், பவுண்டரி, சிக்ஸர்களாகப் பறக்கவிட்டார். ரகுவன்ஸி(54), ஸ்ரேயாஸ்(18) என விக்கெட்டுகள் சரிந்தாலும் ரஸலின் அதிரடி மட்டும் குறையவில்லை. கடந்த சில போட்டிகளாக பேட்டிங் செய்ய வாய்ப்புபெறாத ரிங்கு சிங் 8 பந்துகளில் 3 சிக்ஸர் உள்பட 26 ரன்களுடன் வெளியேறினார்.

மதம்பிடித்த யானை போன்று களத்தில் ஆக்ரோஷத்துடன் ரஸல் பேட் செய்தார். ரஸலின் பேட்டிங்கைப் பார்த்தபோது, கொல்கத்தா அணி பெரிய ஸ்கோருக்கு முயற்சிக்கும் என ரசிகர்கள் கருதினர். ஆனால் இஷாந்த் சர்மா வீசிய கடைசி ஓவரின் முதல் பந்தில், துல்லியமான யார்கரை சமாளிக்க முடியாமல் க்ளீன் போல்டாகி, ரஸல் கால் இடறிகீழே விழுந்தார். 19 பந்துகளில் 41 ரன்கள் சேர்த்து ரஸல் ஆட்டமிழந்தார், செல்லும்போது இசாந் சர்மா பந்துவீச்சுக்கு கைதட்டல் கொடுத்து சென்றார்.

பட மூலாதாரம்,GETTY IMAGES

தோல்வியை ஒப்புக்கொண்ட டெல்லி

273 ரன்கள் சேஸிங் என்றபோதே டெல்லி அணி தோல்வியை மறைமுகமாக ஒப்புக்கொண்டது. மிகப்பெரிய ஸ்கோரை துரத்தும்போது பேட்டர்களிடம் ஒருவிதமான நெருப்பு இருக்க வேண்டும், அந்த நெருப்பு நேற்று ரிஷப் பந்த், ஸ்டப்ஸ் இருவரிடம் மட்டும்தான் வெளிப்பட்டது. வார்னர்(18), பிரித்வி ஷா(10),மார்ஷ்(0),போரெல்(0) அக்ஸர் படேல்(0) என எந்த பேட்டரிடமும் காணப்படவில்லை.

கேப்டன் என்ற பொறுப்புணர்வுடன் தன்னால் முடிந்த பங்களிப்பை ரிஷப் பந்த் அளித்து, 25ப ந்துகளில் 55 ரன்கள் சேர்த்து ஆட்டமிழந்தார். இதில்5 சிக்ஸர்கள், 4 பவுண்டரிகள் அடங்கும். குறிப்பாக வெங்கடேஷ் பந்துவீச்சில் ரிஷப் பந்த் ஒரே ஓவரில் 28 ரன்கள் விளாசியது திருப்புமுனை.

அதேபோல டிரிஸ்டன் ஸ்டெப்ஸ் 32 பந்துகளில் 54 ரன்கள் சேர்த்து ஆட்டமிழந்தார். இருவரும் அடித்த ஸ்கோர்தான் டெல்லி கேபிடல்ஸில் அதிகபட்சமாகும். மற்ற பேட்டர்கள் நம்பிக்கை இழந்து பேட் செய்தனர்.

கொல்கத்தா பந்துவீச்சாளர்களுக்கு அதிகமான அழுத்தத்தை அந்த அணியின் பேட்டர்களும் தரவில்லை, டெல்லி கேபிடல்ஸ் பேட்டர்களும் சிரமம் கொடுக்கவில்லை. கொல்கத்தா பந்துவீச்சாளர்கள் ஸ்டார்ஸ், அரோரா, ரஸல், வருண் சக்ரவர்த்தி வீசிய சாதாரண பந்துகளிலேயே விக்கெட்டுகளை தூக்கிக் கொடுத்துவிட்டு டெல்லி பேட்டர்கள் வெளியேறினர்.

https://www.bbc.com/tamil/articles/crg9yzlypdmo

தொடர்சியாக விளையாட்டு செய்திகளைத் தந்துகொண்டிருக்கும் ஏராளனுக்கு நன்றி........!  👍

பரபரப்புக்கு மத்தியில் குஜராத்தை ஒரு பந்து மீதம் இருக்க 3 விக்கெட்களால் வெற்றி கொண்டது  பஞ்சாப்   

Published By: VISHNU   04 APR, 2024 | 11:55 PM

(நெவில் அன்தனி)

அஹமதாபாத் நரேந்திர மோடி விளையாட்டரங்கில் வியாழக்கிழமை (04) நடைபெற்ற மிகவும் பரபரப்பான இண்டியன் பிறீமியர் லீக் போட்டியில் ஷஷான்க் சிங் குவித்த அதிரடி அரைச் சதத்தின் உதவியுடன் குஜராத் டைட்டன்ஸை ஒரு பந்து மீதமிருக்க 3 விக்கெட்களால் பஞ்சாப் கிங்ஸ்  வெற்றிகொண்டது.

இந்தியாவில் தற்போது நடைபெற்றுவரும் 17ஆவது இண்டியன் பிறீமியர் லீக் அத்தியாயத்தின் 17ஆவது போட்டியில் குஜராத் டைட்டன்ஸினால் நிர்ணயிக்கப்பட்ட 200 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய பஞ்சாப் கிங்ஸ் 19.5 ஓவர்களில் 7 விக்கெட்களை இழந்து 200 ஓட்டங்களைப் பெற்று அபார வெற்றியீட்டியது.

ஷஷாங்க சிங் குவித்த ஆட்டம் இழக்காத அரைச் சதம், ப்ரப்சிம்ரன் சிங், அஷுட்டோஷ் ஷர்மா ஆகியோரின் திறமையான துடுப்பாட்டங்கள் என்பன பஞ்சாப் கிங்ஸின் வெற்றியை உறுதிசெய்தன.

இதன் காரணமாக குஜராத் டைட்டன்ஸ் அணித் தலைவர் ஷுப்மான் கில் ஆரம்ப வீரராக களம் இறங்கி கடைசிவரை ஆட்டம் இழக்காமல் குவித்த அரைச் சதம் வீண்போனது.

அணித் தலைவர் ஷிக்கர் தவான் 2ஆவது ஓவரில் ஒரு ஓட்டத்துடன் ஆட்டம் இழந்ததால் பஞ்சாப் கிங்ஸின் ஆரம்பம் சிறப்பாக அமையவில்லை.

தொடர்ந்து ஜொனி பெயாஸ்டோவ் (22), ப்ர்ப்சிம்ரன் சிங் (35) ஆகிய இருவரும் திறமையாகத் துடுப்பெடுத்தாடிய போதிலும் நீண்ட நேரம் அவர்களால் தாக்குப் பிடிக்க முடியவில்லை.

சாம் கரன் (5) களம் புகுந்த சொற்ப நேரத்தில் ஆட்டம் இழந்து வெளியேறினார்.

ஸிம்பாப்வே சகலதுறை வீரர் சிக்கந்தர் ராசா நிதானமாகத் துடுப்பெடுத்தாடி 15 ஓட்டங்கள் பெற்றிருந்தபோது ஆட்டம் இழந்தார். (111 - 5 விக்.)

இந் நிலையில் ஷஷாங்க் சிங், ஜிட்டேஷ் ஷர்மா ஆகிய இருவரும் அதிரடி ஆட்டத்தை வெளிப்படுத்தி 6ஆவது விக்கெட்டில் 19 பந்துகளில் 39 ஓட்டங்களைப் பகிர்ந்தனர்.

ஜிட்டேஷ் ஷர்மா 8 பந்துகளில் 2 சிக்ஸ்களுடன் 16 ஓட்டங்களைப் பெற்று ஆட்டம் இழந்ததும் பஞ்சாப் கிங்ஸுக்கு நெருக்கடி ஏற்பட்டது.

ஆனால், ஷஷாங் சிங், அஷுட்டோஷ் ஷர்மா ஆகிய இருவரும் அதிரடியில் இறங்கி 22 பந்துகளில் பகிர்ந்த 43 ஓட்டங்கள் பஞ்சாப் கிங்ஸின் வெற்றிக்கான திருப்பு முனையாக அமைந்தது.

17 பந்துகளில் 31 ஓட்டங்களைப் பெற்ற அஷுட்டோஷ் ஷர்மா கடைசி ஓவரின் முதல் பந்தில் ஆட்டம் இழந்தார்.

அடுத்த பந்து வைட் ஆனதுடன் 2ஆவது பந்தில் ஹாப்ரீட் சிங்கினால் ஓட்டம் பெறமுடியவில்லை.

கடைசி 4 பந்துகளில் பஞ்சாப் கிங்ஸின் வெற்றிக்கு 6 ஓட்டங்கள் தேவைப்பட்டது. 3ஆவது பந்தில் ஹாப்ரீட் சிங் ஒற்றை ஒன்றை எடுத்து ஷஷாங்க் சிங்குக்கு துடுப்பெடுத்தாட வாய்ப்பை ஏற்படுத்திக்கொடுத்தார்.

அடுத்த பந்தை பவுண்டறி நோக்கி விசுக்கிய ஷஷாங்க் சிங், வெற்றி ஓட்டத்தை லெக் பை மூலம் பெற்றுக்கொடுத்தார்.

பந்துவீச்சில் நூர் அஹ்மத் 32 ஓட்டங்களுக்கு 2 விக்கெட்களைக் கைப்பற்றினார்.

அப் போட்டியில் முதலில் துடுப்பெடுத்தாட அழைக்கப்பட்ட குஜராத் டைட்டன்ஸ் 20 ஓவர்களில் 4 விக்கெட்களை மட்டும் இழந்து 195 ஓட்டங்களைக் குவித்தது.

ஆரம்ப வீரர் அணித் தலைவர் ஷுப்மான் கில் அபாரமாகத் துடுப்பெடுத்தாடி அரைச் சதம் பெற்றதுடன் 4 இணைப்பாட்டங்களில் பங்காற்றி குஜராத் டைட்டன்ஸின் மொத்த எண்ணிக்கைக்கு பலம் சேர்த்தார்.

ஆரம்ப வீரர் ரிதிமான் சஹா 11 ஓட்டங்களுடன் ஆட்டம் இழந்தபோது குஜராத் டைட்டன்ஸின் மொத்த எண்ணிக்கை 29 ஓட்டங்களாக இருந்தது.

அதன் பின்னர் கேன் வில்லியம்ஸனுடன் 2 ஆவது விக்கெட்டில் 40 ஓட்டங்களையும் சாய் சுதர்ஷனுடன் 3ஆவது விக்கெட்டில் 53 ஓட்டங்களையும் விஜய் ஷன்கருடன் 4ஆவது விக்கெட்டில் 42 ஓட்டங்களையும் ஷுப்மான் கில் பகிர்ந்தார்.

கேன் வில்லியம்சன் 26 ஓட்டங்களையும் சாய் சுதர்ஷன் 33 ஓட்டங்களையும் விஜய் ஷன்கர் 8 ஓட்டங்களையும் பெற்றனர்.

தொடர்ந்து பிரிக்கப்படாத 5ஆவது விக்கெட்டில் ராகுல் தெவாட்டியாவுடன் மேலும் 35 ஓட்டங்களைப் ஷுப்மான் கில் பகிர்ந்தார்.

ஆரம்ப வீரராக களம் இறங்கி கடைசிவரை ஆட்டம் இழக்காமல் இருந்த ஷுப்மான் கில் 43 பந்துகளை எதிர்கொண்டு 6 பவுண்டறிகள், 4 சிக்ஸ்களுடன் 89 ஓட்டங்களைப் பெற்றார்.

இந்த எண்ணிக்கையே இந்த வருட இண்டியன் பிறீமியர் லீக் கிரிக்கெட் தனி நபர் ஒருவரால் பெறப்பட்ட அதிகூடிய ஓட்டங்களாகும்.

டெல்ஹி கெப்பிட்டல்ஸ் அணிக்கு எதிராக கொல்கத்தா நைட் ரைடர்ஸ் வீரர் புதன்கிழமை பெற்ற 85 ஓட்டங்களே இதற்கு முன்னர் தனிநபருக்கான அதிகூடிய எண்ணிக்கையாக இருந்தது.

ராகுல் தெவாட்டியா 8 பந்துகளில் 23 ஓட்டங்களுடன் ஆட்டம் இழக்காதிருந்தார்.

பந்துவீச்சில் கெகிசோ ரபாடா 44 ஓட்டங்களுக்கு 2 விக்கெட்களைக் கைப்பற்றினார்.

https://www.virakesari.lk/article/180465

CSK vs SRH: 'மினி தோனி'யாக மாறிய பேட் கம்மின்ஸ் - சிஎஸ்கே-வை சிறைபிடித்த சன்ரைசர்ஸ்

பட மூலாதாரம்,SPORTZPICS

கட்டுரை தகவல்

• எழுதியவர், போத்திராஜ்
• பதவி, பிபிசி தமிழுக்காக
• 5 மணி நேரங்களுக்கு முன்னர்

ஒரு மைதானத்தின் விக்கெட்டை(ஆடுகளம்) ஒரு கேப்டனும், பந்துவீச்சாளர்களும் விரைவாக உணர்ந்துகொண்டாலே எதிரணியை எளிதாகக் கட்டுப்படுத்திவிட முடியும், ரன் குவிப்பை தடுத்து, வெற்றியை எளிதாக்க முடியும்.

எந்த அளவுக்கு விக்கெட்டின் தன்மைக்கு ஏற்ப தங்களின் பந்துவீச்சை மாற்றி அமைத்துக் கொள்கிறார்களோ அந்த அளவுக்கு வெற்றியின் கடினம் தீர்மானிக்கப்படும். அந்த உத்தியை நேற்றைய ஆட்டத்தில் சன்ரைசர்ஸ் கேப்டன் கம்மின்ஸும், பந்துவீச்சாளர்களும் செய்து சென்னை சூப்பர் கிங்ஸ் அணியை சிறைபிடித்தனர்.

ஹைதராபாத்தில் நேற்று நடந்த ஐபிஎல் டி20 தொடரின் 18வது லீக் ஆட்டத்தில் சென்னை சூப்பர் கிங்ஸ் அணியை 6 விக்கெட் வித்தியாசத்தில் வென்றது சன்ரைசர்ஸ் ஹைதராபாத் அணி.

முதலில் பேட் செய்த சிஎஸ்கே அணி 20 ஓவர்களில் 5 விக்கெட் இழப்புக்கு 165 ரன்கள் சேர்த்தது. 166 ரன்கள் சேர்த்தால் வெற்றி எனும் இலக்குடன் களமிறங்கிய சன்ரைசர்ஸ் அணி 11 பந்துகள் மீதமிருக்கையில் 4 விக்கெட் இழப்புக்கு 166 ரன்கள் சேர்த்து வெற்றி பெற்றது.

இந்த வெற்றியின் மூலம் சன்ரைசர்ஸ் அணி 4 போட்டிகளில் 2 வெற்றி, 2 தோல்வி என 4 புள்ளிகளுடன் 5வது இடத்தில் இருக்கிறது. நிகர ரன்ரேட்டில் பிளஸ் 0.409 ஆக இருக்கிறது. சொந்த மைதானத்தில் சன்ரைசர்ஸ் அணி தொடர்ந்து பெறும் 2வது வெற்றி இது.

 

தவறவிட்ட சன்ரைசர்ஸ்

பட மூலாதாரம்,SPORTZPICS

உண்மையில் 4வது இடத்துக்கு சன்ரைசர்ஸ் அணி வரவேண்டியது. ஆனால், நேற்றைய ஆட்டத்தில் கடைசி 30 ரன்களை சேர்க்க அதிகமான ஓவர்களை பேட்டர்கள் வீணடித்தனர்.

சன்ரைசர்ஸ் வசம் 8 விக்கெட்டுகள் வரை இருந்த நிலையில் துணிச்சலாக பெரிய ஷாட்களுக்கு முயன்றிருக்கலாம்.

அவ்வாறு பெரிய ஷாட்களை அடித்து இலக்கை குறைந்த ஓவர்களில் எட்டியிருந்தால், லக்னௌ அணியைவிட நிகர ரன்ரேட்டில் முன்னேறி 4வது இடத்துக்கு நகர்ந்திருக்க முடியும். ஆனால், தேவையின்றி கடைசி நேரத்தில் சன்ரைசர்ஸ் மெதுவாக பேட் செய்து, நிகர ரன்ரேட்டை கோட்டைவிட்டனர்.

சிஎஸ்கேவுக்கு கட்டம் சரியில்லை

அதேநேரம் சிஎஸ்கே அணி தொடர்ந்து 2வது தோல்வியைச் சந்தித்துள்ளது. 4 போட்டிகளில் 2 வெற்றி, 2 தோல்விகளைச் சந்தித்தாலும், அதன் நிலை குறையாமல் தொடர்ந்து 3வது இடத்திலேயே நீடிக்கிறது.

ஆனால் நிகர ரன்ரேட் 0.517 ஆகக் குறைந்துவிட்டது. ஒரு நேரத்தில் ஒரு புள்ளிக்கு மேல் நிகர ரன்ரேட் வைத்திருந்த சிஎஸ்கே அணி தற்போது பாதியாகக் குறைந்துவிட்டது.

 

இப்போதே பரபரப்பு

பட மூலாதாரம்,SPORTZPICS

தற்போது புள்ளிப்பட்டியலில் 4 புள்ளிகளுடன் 5 அணிகள் இருக்கின்றன. இந்த 5 அணிகளின் நிகர ரன்ரேட்டும் பெரிய அளவில் வேறுபாடு இல்லாமல் குறைந்த இடைவெளியே இருப்பதால் அடுத்தடுத்து வரும் ஆட்டங்கள், சிஎஸ்கே, சன்ரைசர்ஸ், லக்னௌ, குஜராத், பஞ்சாப் கிங்ஸ் ஆகிய 5 அணிகள் பெறும் வெற்றிகள், சந்திக்கும் தோல்விகளைப் பொறுத்து அதன் இடங்கள் மாறிக்கொண்டே செல்லும்.

ஐபிஎல் தொடங்கி பாதி அட்டவணைப் போட்டிகள் முடியும் முன்பே சுவாரஸ்யம் தொற்றிக்கொண்டு, புள்ளிகளைப் பெற அணிகளுக்கும் கடும் போட்டி ஏற்பட்டுள்ளது.

ஆட்டநாயகன் அபிஷேக்

சன்ரைசர்ஸ் அணியின் வெற்றிக்கு முக்கியக் காரணம் பந்துவீச்சாளர்கள்தான். பந்துவீச்சாளர்கள் தங்கள் பணியை நேர்த்தியாக, மிகச் சரியாகச் செய்து கொடுத்ததால்தான், சிஎஸ்கே போன்ற பெரிய அணிகளுக்கு எதிராக பேட்டர்கள் அழுத்தமின்றி பேட் செய்ய முடிந்தது.

அதிலும் தொடக்க ஆட்டக்காரர் அபிஷேக் ஷர்மா 12 பந்துகளில் 4 சிக்ஸர்கள், 3 பவுண்டரிகள் உள்பட 37 ரன்கள் சேர்த்து சிறப்பான கேமியோ ஆடி பவர்ப்ளேவில் சன்ரைசர்ஸ் அணியை பாதிக் கடலை கடக்க வைத்தார்.

பவர்ப்ளே ஓவர்களில் சன்ரைசர்ஸ் அணி ஒரு விக்கெட் இழப்புக்கு 78 ரன்கள் சேர்க்க அபிஷேக் அதிரடியே காரணம். வெற்றிக்கான பாதையையும் எளிதாக்கியதால் ஆட்டநாயகன் விருதும் வழங்கப்பட்டது.

 

கம்மின்ஸின் ஸ்போர்ட்ஸ்மேன்ஷிப்

பட மூலாதாரம்,SPORTZPICS

புவனேஷ்வர் குமார் வீசிய 19வது ஓவரை ஜடேஜா எதிர்கொண்டார். 4வது பந்தை புவனேஷ்வர் யார்க்கராக வீசவே, பந்தைத் தட்டிவிட்டு ஜடேஜா ஓட முயன்றார்.

ஆனால், பந்தைப் பிடித்த புவனேஷ்வர் ஜடேஜாவை ரன்-அவுட் செய்ய ஸ்டெம்பை நோக்கி எறிந்தார். ஆனால், ஸ்டெம்பை மறைத்து ஜடேஜா ஓடியதால், அவர் மீது பந்து பட்டது.

கிரிக்கெட் விதியின்கீழ் பேட்டர் ஓடும்போது ஸ்டெம்பை மறைத்து ஓடக்கூடாது. ஆனால், ஜடேஜா அவ்வாறு ஓடியதால் 3வது நடுவரிடம் அப்பீல் சென்றது.

ஆனால், இதைக் கவனித்த கேப்டன் கம்மின்ஸ் நடுவரிடம் சென்று அப்பீல் வேண்டாம் தேவையில்லை என்று கூறித் தனது ஸ்போர்ட்ஸ்மேன்ஷிப்பை வெளிப்படுத்தினார்.

மினி தோனியாக மாறி கம்மின்ஸ்

கடந்த வாரம் ஹைதராபாத்தில் நடந்த ஆட்டத்தில் சிவப்பு மண் கொண்ட விக்கெட் பயன்படுத்தப்பட்டது. மும்பை அணிக்கு எதிராக 277 ரன்கள் எனும் பெரிய ஸ்கோரை சன்ரைசர்ஸ் எட்டியது. ஆனால், அதே மைதானம்தான் ஆனால் கறுப்பு மண் கொண்ட விக்கெட்டாக இருந்தது.

இந்த விக்கெட் மாறுதலை கேப்டன் கம்மின்ஸும், சக பந்துவீச்சாளர்களும் விரைவாகப் புரிந்து கொண்டதால் தங்கள் பந்துவீச்சை அதற்கு ஏற்ற வகையில் மாற்றிக்கொண்டனர்.

இந்த கறுப்பு மண் கொண்ட விக்கெட்டில் பந்து பேட்டர்களை நோக்கி என்னதான் விரைவாக வீசினாலும் மெதுவாகவே செல்லும் என்பதைப் புரிந்துகொண்ட பந்துவீச்சாளர்கள், ஸ்லோவர் பால், ஸ்லோபவுன்சர் ஆயுதங்களைக் கையில் எடுத்தனர்.

அவர்கள் கையில் எடுத்த ஆயுதங்கள், மிகச் சரியாகப் பலன் அளித்து சிஎஸ்கே பேட்டர்களை வெல்ல முடிந்தது. குறிப்பாக சன்ரைசர்ஸ் வேகப்பந்துவீச்சாளர்கள் நேற்றைய ஆட்டத்தில் ஏராளமான ஸ்லோவர் பந்துகளை வீசி சிஎஸ்கே பேட்டர்களை திக்குமுக்காடச் செய்தனர்.

குறிப்பாக உனத்கட், நடராஜன், புவனேஷ்வர் குமார் ஏராளமான ஸ்லோவர் பந்துகளையும், பேட்டர்களை ஏமாற்றும் விதத்தில் ஸ்லோ ஷார்ட் பவுன்சர்களையும் வீசி ரன்சேர்ப்புக்கு பெரிய கடிவாளம் போட்டனர்.

 

'ஹோம் ஓர்க்' செய்த கம்மின்ஸ்

பட மூலாதாரம்,SPORTZPICS

இதனால் புவனேஷ்வர், நடராஜன், கம்மின்ஸ், உனத்கட் ஆகியோரின் நிகர ரன்ரேட் 7 சராசரிக்கும் மேல் செல்லவில்லை. அதிலும் நடராஜன் வீசிய கடைசி ஓவரில் ஒரு பவுண்டரியை கோட்டைவிடாமல் இருந்தால் இன்னும் குறைந்திருக்கும். வேகப்பந்துவீச்சாளர்கள் 4 பேரும் சேர்ந்து 34 டாட் பந்துகளை வீசியுள்ளனர், அதாவது ஏறக்குறைய 6 ஓவர்கள் மெய்டன்களாக மாறியுள்ளன.

ஆடுகளத்தின் தன்மையையும், சிஎஸ்கே பேட்டர்கள் ஒவ்வொருவரும் எவ்வாறு விளையாடுவார்கள், எந்தப் பந்துவீச்சில் பலவீனம், யாருக்கு எவ்வாறு பந்து வீசலாம் என்பதை கேப்டன் கம்மின்ஸ் நன்கு படித்து “ஹோம்ஓர்க்” செய்து வந்திருந்தார்.

அதனால்தான், ஒவ்வொரு பேட்டருக்கு ஏற்றாற்போல், நேற்றைய ஆட்டத்தில் பந்துவீச்சாளர்களை மாற்றி, மாற்றி பந்துவீசி எந்த பேட்டரையும் களத்தில் நங்கூரமிடவிடாமல் துரத்திக்கொண்டே இருந்தார்.

அதுமட்டுமல்லாமல் ஆடுகளத்தின் தன்மையை விரைவாக உணர்ந்து கொண்ட கம்மின்ஸ், சக பந்துவீச்சாளர்களுக்கும் எவ்வாறு பந்துவீச வேண்டும், எந்த மாதிரியான பந்துகளை அதிகம் வீச வேண்டும் என்பது குறித்து அறிவுறுத்தி சிஎஸ்கே பேட்டர்களை ரன் சேர்க்கவிடாமல் சித்தரவதை செய்தார்.

பட மூலாதாரம்,SPORTZPICS

குறிப்பாக ஷிவம் துபே சுழற்பந்துவீச்சுக்கு எதிராக நன்கு பேட் செய்யக் கூடியவர், ஸ்ட்ரைக் ரேட்டும் அதிகம் வைத்திருக்கிறார் என்பதைப் புரிந்துகொண்ட கம்மின்ஸ் விரைந்து முடிவெடுத்தார். மார்க்கண்டே, ஷான்பாஸ் ஓவர்களை ஷிவம் துபே குறிவைத்து சிக்ஸர், பவுண்டரிகளா அடித்தவுடன், கம்மின்ஸ் அடுத்தடுத்து நடராஜன், உனத்கட்டை பந்துவீசச் செய்து துபேவுக்கு நெருக்கடி கொடுத்தார். இறுதியில் ஷிவம் துபேயின் விக்கெட்டை கம்மின்ஸ் தனது பந்துவீச்சில் எடுத்துக் கொடுத்தார்.

ஃபீல்டிங் அமைப்பதிலும் கம்மின்ஸ் தனது அனுபவத்தை வெளிப்படுத்தினார். எந்தப் பந்துவீச்சாளரைப் பயன்படுத்தினால் எந்தப் பந்துவீசுவார், அதற்கு ஏற்றாற்போல், பேட்டர் எவ்வாறு ஷாட்களை அடிப்பார் என்பதை மனக்கணக்கில் புரிந்து கொண்டு ஃபீல்டிங்கை அருமையாக கம்மின்ஸ் அமைத்தார். இந்த ஆட்டத்தில் ஒரு கேட்சை கூட விக்கெட் கீப்பர் கிளாசன் பிடிக்கவில்லை, மாறாக மைதானத்தில் நின்றிருந்த பீல்டர்களே கேட்சுகளை பிடித்தனர்.

தோனி கேப்டனாக இருக்கும்போது, எதிரணியின் ஒவ்வொரு பேட்டருக்கும் தனித்தனியாக வியூகம் அமைத்துச் செயல்படுவார். பந்துவீச்சிலும் அதற்கு ஏற்ற வகையில் அடிக்கடி மாற்றம் செய்து கொண்டே இருப்பார்.

எந்த மைதானமாக இருந்தாலும் ஆடுகளத்தின் தன்மையை விரைந்து புரிந்துகொண்டு பந்துவீச்சாளர்களை அதற்கு ஏற்றாற்போல் மாற்றுவார். தோனி செய்த அத்தனை பணிகளையும் நேற்று கம்மின்ஸ் கேப்டன்சியில் காண முடிந்தது. அதனால்தான் நேற்றைய ஆட்டத்தில் கம்மின்ஸ் தோனிக்கு எதிராக “மினி தோனி”யாக செயல்பட்டார் எனக் குறிப்பிடப்படுகிறது.

 

அபிஷேக் அதிரடியால் ‘டென்ஷன்’ குறைந்தது

பட மூலாதாரம்,SPORTZPICS

சன்ரைசர்ஸ் அணியின் தொடக்க ஆட்டக்காரர் அபிஷேக் எளிய இலக்கு என்பதைப் புரிந்து கொண்டு தொடக்கத்தில் இருந்தே அதிரடியாக பேட் செய்தார். டிராவிஸ் ஹெட் பொறுமையாக ஆட, அபிஷேக் வெளுத்து வாங்கினார்.

முகேஷ் சௌத்ரி வீசிய 2வது ஓவரில் அபிஷேக் 2 சிக்ஸர்கள், 2 பவுண்டரிகள் ஒரு நோபால் சிக்ஸர் என 27 ரன்களை குவித்தார். தீபக் சஹர் வீசிய 3வது ஓவரிலும் அபிஷேக் ஒரு சிக்ஸர், பவுண்டரி அடித்த நிலையில் விக்கெட்டை இழந்தார். 12 பந்துகளில் 37 ரன்கள் சேர்த்து அபிஷேக் தனது கேமியோவை நிறைவு செய்தார்.

அடுத்து வந்த மார்க்ரம், ஹெட்டுடன் சேர்ந்தார். இருவரும் ஓவருக்கு ஒரு பவுண்டரி வீதம் ரன்ரேட் குறையாமல் கொண்டு சென்றதால் பவர்ப்ளேவில் ஒரு விக்கெட் இழப்புக்கு 78 ரன்கள் சேர்த்தது சன்ரைசர்ஸ். வெற்றிக்கான இலக்கில் பாதியைக் கடந்திருந்தது. 8.5 ஓவர்களில் சன்ரைசர்ஸ் அணி 100 ரன்களை அடைந்தது.

 

சவாலான மார்க்ரம் பேட்டிங்

பட மூலாதாரம்,SPORTZPICS

தீக்சனா வீசிய 10வது ஓவரில் ரவீந்திராவிடம் பவுண்டரி லைனில் கேட்ச் கொடுத்து ஹெட் 31 ரன்னில் விக்கெட்டை இழந்தார். இருவரும் 2வது விக்கெட்டுக்கு 60 ரன்கள் சேர்த்துப் பிரிந்தனர். 3வது விக்கெட்டுக்கு வந்த ஷான்பாஸ் அகமது, மார்க்ரமுக்கு நன்கு ஒத்துழைப்பு அளித்தார்.

பொறுப்புடனும், நேர்த்தியாகவும் பேட் செய்த மார்க்ரம், சிஎஸ்கே பவுலர்கள் தன்னை ஆட்டமிழக்கச் செய்ய எந்த வாய்ப்பும் வழங்கவில்லை, பெரிய ஷாட்களுக்கும் செல்லவில்லை.

ஆனால், ஷான்பாஸ் பெரிய ஷாட்களுக்கு முயன்றும் அது பலன் அளிக்கவில்லை. 35 பந்துகளில் மார்க்ரம் அரை சதத்தை நிறைவு செய்தார்.

அதன்பின் மொயீன் அலி பந்துவீச்சில் ரிவர்ஸ் ஸ்வீப் ஷாட் ஆட முற்பட்டு மார்க்ரம் கால்காப்பில் வாங்கி 50 ரன்களில் ஆட்டமிழந்தார். பொறுமையாக பேட் செய்த ஷான்பாஸ் ஒரு சிக்ஸர் உள்பட 18 ரன்கள் சேர்த்து மொயீன் அலி பந்துவீச்சில் கால்காப்பில் வாங்கி வெளியேறினார்.

பட மூலாதாரம்,SPORTZPICS

ஏமாற்றிய கிளாசன்

ஐந்தாவது விக்கெட்டுக்கு கிளாசன், நிதிஷ் குமார் ரெட்டி இருவரும் சேர்ந்தனர். குறைவான இலக்கு இருந்தாலும் பெரிய ஷாட்களுக்கு செல்ல இருவரும் தயங்கினர்.

நிதிஷ் குமார் துணிச்சலாக ஒரு பவுண்டரி அடித்தார், கிளாசன் ஒரு பவுண்டரி மட்டுமே அடித்தது ரசிகர்களுக்கு ஏமாற்றமாக இருந்தது. தீபக் சஹர் ஓவரில் நிதிஷ் ஒரு சிக்ஸர் விளாசி வெற்றி பெற வைத்தார். கிளாசன் 10 ரன்களிலும், நிதிஷ் குமார் 14 ரன்களிலும் இறுதி வரை ஆட்டமிழக்காமல் இருந்தனர்.

சன்ரைசர்ஸ் அணி 8.5 ஓவர்களில் 100 ரன்களை எட்டிய நிலையில் அடுத்த 66 ரன்களை சேர்க்க 10 ஓவர்களை தேவையின்றி எடுத்துக்கொண்டு வெற்றியைத் தள்ளிப் போட்டது. 5 ஓவர்கள் குறைவாக இலக்கை அடைந்திருந்தால் சன் ரைசர்ஸ் நிகர ரன்ரேட் சிஎஸ்கேவுக்கு அருகே வந்திருக்கும்.

சிஎஸ்கே தோல்விக்கு காரணம் என்ன?

சிஎஸ்கே அணி தொடர்ந்து 2வது தோல்வியைச் சந்தித்துள்ளது. பலமான பேட்டிங் வரிசையை வைத்துள்ள சிஎஸ்கே அணியால், நேற்றைய ஆடுகளத்தில் ரன்களை சேர்க்க முடியவில்லை.

இதற்குக் காரணம் பேட்டர்கள் ஆடுகளத்தை நன்றாகப் புரிந்து கொண்டு பேட் செய்யாததும், பெரிய ஷாட்களுக்கு தொடர்ந்து முயற்சி செய்தததும்தான்.

பட மூலாதாரம்,SPORTZPICS

ரச்சின் ரவீந்திரா நியூசிலாந்து போன்ற வேகப்பந்துவீச்சுக்கு ஒத்துழைக்கும் மைதானத்தில் ஆடிப் பழகியவர். திடீரென இந்திய ஆடுகளத்துக்கு ஏற்ப மாறும்போது கடந்த 2 போட்டிகளாகத் தடுமாறுகிறார்.

ரஹானே அனுபவம் நிறைந்த பேட்டராக இருந்தாலும் 105 கி.மீ வேகத்தில் உனத்கட் வீசிய ஸ்லோவர் பந்துவீச்சுக்கு விக்கெட்டை இழந்தார். பெரும்பாலான சிஎஸ்கே பேட்டர்கள் ஸ்லோவர் பால், ஸ்லோவர் பவுன்சர்கள், ஷார்ட் பவுன்ஸர்கள் விளையாடுவதற்குத் திணறுகிறார் என்பது நேற்றைய ஆட்டத்தில் வெளிப்பட்டுவிட்டது.

பவர்ப்ளேவில் சன்ரைசர்ஸ் அணியால் 78 ரன்கள் சேர்க்க முடிந்த நிலையில், சிஎஸ்கே அணியால் பவர்ப்ளேவில் 30 ரன்கள் குறைவாக 48 ரன்கள்தான் சேர்க்க முடிந்தது. பவர்ப்ளே ஓவர்களை சன்ரைசர்ஸ் அணி பயன்படுத்திய அளவுக்கு சிஎஸ்கே பேட்டர்கள் பயன்படுத்தவில்லை.

சன்ரைசர்ஸ் பேட்டர்கள் பவுன்டரி அடிக்க 16 பந்துகளை முயற்சி செய்தனர் என்றால் சிஎஸ்கே பேட்டர்கள் 8 பந்துகளில் மட்டுமே முயன்றனர். சிஎஸ்கே பேட்டர்களின் பலவீனத்தை உணர்ந்து சன்ரைசர்ஸ் பந்துவீச்சாளர்கள் பந்துவீசியதால் கடைசி 7 ஓவர்களில் சிஎஸ்கே அணி 50 ரன்கள் மட்டுமே சேர்க்க முடிந்தது. டேரல் மிட்ஷெல்(13) நடராஜன் வீசிய ஸ்லோவர் பந்தில் கேட்ச் கொடுத்து ஆட்டமிழந்தார்.

சிஎஸ்கே அணியில் ஷிவம் துபே 24 பந்துகளில் 45 ரன்கள் சேர்த்துதான் ஓரளவுக்கு கௌரமான ஸ்கோர் வருவதற்குக் காரணமாக அமைந்தது. அதிலும் சுழற்பந்துவீச்சை துபே வெளுக்கிறார் என்பதைப் புரிந்து கொண்டு வேகப்பந்துவீச்சுக்கு மாற்றி அவரையும் சன்ரைசர்ஸ் பந்துவீச்சாளர்கள் வெளியேற்றினர்.

ஷிவம்துபே 45 ரன்களை கழித்துப் பார்த்தால் சிஎஸ்கே ஸ்கோர் 120 ரன்கள்தான். பெரிய பேட்டர்களான ரவீந்திரா(12), கேப்டன் கெய்க்வாட்(26), ரஹானே(35), மிட்ஷெல்(13) ஆகியோர் ஏமாற்றினர்.

பட மூலாதாரம்,SPORTZPICS

அதேபோல பந்துவீச்சிலும் சன்ரைசர்ஸ் பந்துவீச்சாளர்கள் ஆடுகளத்தைப் புரிந்து பந்துவீசிய அளவுக்கு சிஎஸ்கே பந்துவீச்சாளர்கள் புரிந்து பந்துவீசவில்லை. அதாவது ஸ்லோவர் பால், ஸ்லோவர் பவுன்ஸர்கள் பெரிதாக சிஎஸ்கே பந்துவீச்சாளர்கள் வீசவில்லை.

வழக்கமாக வேகப்பந்துவீச்சு, வழக்கமான சுழற்பந்துவீச்சு என்ற போக்குதான் வெற்றியை இழக்க வைத்தது. அதிலும் முகேஷ் சௌத்ரி 2022, டிசம்பர் மாதத்துக்குப் பின்பு முதல்முறையாக நேற்றுதான் போட்டியில் பங்கேற்றார் என்றால் அவரின் பந்துவீச்சு எந்தத் தரத்தில் இருந்திருக்கும். அதனால்தான் முதல் ஓவரிலேயே 27 ரன்களை வாரிக் கொடுத்தார்.

ஆடுகளத்தின் தன்மைக்கு ஏற்றாற்போல் சுழற்பந்துவீச்சாளர்களும் வேகத்தைக் குறைத்து மணிக்கு 90 கி.மீக்குள் வீசியிருந்தால், பந்து நன்றாக டர்ன் ஆகி இருக்கும், சன்ரைசர்ஸ் பேட்டர்களின் ரன்வேகம் குறைந்திருக்கும்.

ஆனால், தீக்சனா, ஜடேஜா,மொயீன் அலி, ரவீந்திரா ஆகிய 4 சுழற்பந்துவீச்சாளர்களும் மணிக்கு 98 முதல் 100 கி.மீ வேகத்தில் பந்து வீசினர். ஆனால் அவ்வப்போது வேகத்தைக் குறைத்து மொயீன் அலி பந்துவீசியபோது பந்து நன்கு டர்ன் ஆனதைக் காண முடிந்தது. அதன்பின்புதான் அவர் பந்துவீச்சில் வேகத்தை சற்று குறைத்தார்.

அதேபோல வேகப்பந்துவீச்சில் தேஷ்பாண்டே, சஹர், முகேஷ் சௌத்ரி என ஒருவருமே பெரிதாக சன்ரைசர்ஸ் பேட்டர்களுக்கு அழுத்தம் தரவில்லை. பந்துவீச்சில் வேறுபாடுகளைக் கொண்டு வரவில்லை. குறிப்பாக ஸ்லோவர் பால், பவுன்ஸர்கள் என்ற ஆயுதத்தை மறந்துவிட்டனர். பதிரணா, முஸ்தபிசுர் ரஹ்மான் இருவரும் இல்லாத வெற்றிடம் நன்கு தெரிந்தது.

 

பவர்ப்ளே ஓவர்களை பயன்படுத்தவில்லை

பட மூலாதாரம்,SPORTZPICS

சிஎஸ்கே கேப்டன் ருதுராஜ் கெய்க்வாட் கூறுகையில் “சன்ரைசர்ஸ் பந்துவீச்சாளர்கள் நன்கு பந்து வீசினர். கடைசி 5 ஓவர்களை எங்கள் பேட்டர்கள் சரியாகப் பயன்படுத்தவில்லை.

நல்ல நிலையில் இருந்து அதைப் பராமரித்துக் கொண்டு செல்லத் தவறிவிட்டோம். கறுப்பு மண்ணில், ஸ்லோவர் பந்துகளைத் தவறவிட்டோம்.

பந்து தேய்ந்தபின் இன்னும் பேட்டர்களை நோக்கி மெதுவாக வரத் தொடங்கியது. விக்கெட் நன்கு புரிந்துகொண்டு சன்ரைசர்ஸ் பந்து வீசினர். பவர்ப்ளேவில் நாங்கள் நன்கு பந்து வீசவில்லை, அவர்கள் பவர்ப்ளேவில் ஆட்டத்தை கையில் எடுத்துக்கொண்டனர்.

நாங்கள் 175 ரன்கள் எடுத்திருந்தால் வெற்றி பெற்றிருப்போம். பவர்ப்ளே ஓவர்ளில் நன்கு பந்துவீசி இருந்தால், ஆட்டம் எங்கள் பக்கம் திரும்பியிருக்கும். கடைசி நேரத்தில் லேசான பனியும் இருந்தது,” எனத் தெரிவித்தார்.

https://www.bbc.com/tamil/articles/c1dvdellm59o

தோனி போல் ருதுராஜ் கெய்க்வாட் சாதிப்பதில் உள்ள 3 முக்கிய சவால்கள் என்ன தெரியுமா?

பட மூலாதாரம்,SPORTZPICS

படக்குறிப்பு,

ருதுராஜ் கெய்க்வாட்

கட்டுரை தகவல்

• எழுதியவர், அஷ்ஃபாக்
• பதவி, பிபிசி தமிழ்
• 5 ஏப்ரல் 2024

  புதுப்பிக்கப்பட்டது 3 மணி நேரங்களுக்கு முன்னர்

"ரெடியா இரு; அடுத்த வருஷம் உனக்கு ஒரு சர்ப்ரைஸ் இருக்கும்" கேப்டன்சி மாற்றம் குறித்து ஓராண்டுக்கு முன்னதாகவே ருதுராஜிடம் சூசகமாக சொல்லிட்டார் தோனி.

சென்னை சூப்பர் கிங்ஸ்-க்கு 5 முறை ஐபிஎல் கோப்பைகளை வென்று கொடுத்த நட்சத்திர ஆட்டக்காரர் எம்.எஸ்.தோனி விட்டுச் செல்லும் மரபை ருதுராஜால் தொடர முடியுமா?

"ஸ்பார்க் இல்லை என விமர்சிக்கப்பட்டவர்"

ருத்து, ஸ்பார்க், ராக்கெட் ராஜா இதெல்லாம் ருதுராஜ் கெய்க்வாட்டின் செல்லப் பெயர்கள். மகாராஷ்டிராவை பூர்வீகமாகக் கொண்ட ருதுராஜை 2019 ஐபிஎல் தொடருக்காக டிசம்பர் 2018-ல் நடந்த ஏலத்தில் 20 லட்ச ரூபாய்க்கு வாங்கியது சென்னை சூப்பர் கிங்ஸ். அப்போது அவருக்கு வயது 21. 2019 சீசனில் ஒரு போட்டியில் கூட ருதுராஜ் களமிறக்கப்படவில்லை.

2020-இல் ருதுராஜுக்கு சி.எஸ்.கேவில் ஆடும் லெவனில் இடம் கிடைத்தது. அதுவும் வெறு ஆறு போட்டிகளில். இதில் 2 முறை டக் அவுட்டாகி வெளியேறினார். சி.எஸ்.கேவுக்காக களமிறங்கிய தொடக்கத்திலேயே கடும் நெருக்கடிக்குள்ளானார். கிடைத்த வாய்ப்பை வீணடிப்பதாக விமர்சனங்கள் எழுந்தன.

இளம் வீரர்களிடம் போதிய ஸ்பார்க் இல்லை என தோனியும் காட்டமாக பேசினார். அதன் பிறகு ருதுராஜின் ஆட்டப்பாணி வேறொரு திசையில் நகர்ந்தது. அதே தொடரில், தொடர்ச்சியாக 3 ஆட்டங்களில் அரைசதம் விளாசினார். 65*(51) vs RCB; 72(53) vs KKR; 62*(49) vs KXIP.

பட மூலாதாரம்,SPORTSPICZ

படக்குறிப்பு,

Gaikwad

13 ஆண்டுகால சி.எஸ்.கே வரலாற்றில் தொடர்ந்து 3 போட்டிகளில் அரைசதம் விளாசிய முதல் வீரர் எனும் பெயரை தனது துடிப்பான பேட்டிங்கால் நிலைக்கச் செய்தார். சி.எஸ்.கேவின் ஜாம்பவான்கள் மைக்கேல் ஹஸி, ஷேன் வாட்சன், மேய்த்யூ ஹேடன், முரளி விஜய், சுரேஷ் ரெய்னாவால் கூட இந்த மைல்கல்லை எட்ட முடிந்ததில்லை. “ஸ்பார்க் இல்லை என்றார்கள்; கொளுந்துவிட்டு எரிகிறாரே” என சமூக ஊடகங்களில் அப்போது பாராட்டுகள் குவிந்தன.

2021-ல் ருதுராஜின் பங்களிப்பு சென்னை அணிக்கு கோப்பையை வென்று கொடுக்க முக்கிய காரணியாக அமைந்தது. டு பிளெசி உடன் அவர் ஓபனிங் ஆடினார். 16 போட்டிகளில் 4 அரைசதம் ஒரு சதம் என மொத்தம் 635 ரன்களை குவித்து ‘ஆரஞ்சு கேப்பை’ பெற்றார். அந்த சீசனில் சென்னை அணி கோப்பையை வென்றது. அதன் பின் 2022-ல் 6 கோடி ரூபாய்க்கு ருதுராஜ் கெய்க்வாட்டை தக்க வைத்தது சி.எஸ்.கே.

பட மூலாதாரம்,SPORTSPICZ

தோனி போல் வெற்றிகரமான கேப்டனாக வலம் வர முடியுமா?

தோனிக்கு தற்போது 42 வயதாகிறது. நடப்பு தொடருடன் அவர் ஓய்வு அறிவிப்பை வெளியிடலாம் என எதிர்பார்க்கப்படுகிறது. அதேசமயம், “எதிர்பாராததை எதிர்பாருங்கள்” என்கிற பாணி தோனியுடையது. 2022-இல் தனது கேப்டன்ஸியை ஜடேஜா வசம் வழங்கினார். அப்போதே அவரது ஓய்வு குறித்து பரவலாக பேசப்பட்டது. ஆனால் ஜடேஜாவால் அணியை திறம்பட வழிநடத்த முடியவில்லை.

முதல் 8 ஆட்டங்களில் 6-இல் சி.எஸ்.கே தோல்வியைத் தழுவியது. இதனால் தொடரின் நடுவிலேயே மீண்டும் கேப்டன் பொறுப்பை தோனி வாங்கிக்கொண்டார். இருந்தாலும் அந்த சீசனில் சி.எஸ்.கே 7-ஆம் இடத்திற்கு பின் தங்கியது. அதன் பிறகு அடுத்த ஆண்டே சி.எஸ்.கே ‘கம்பேக்’ கொடுத்தது. குஜராத்தை வீழ்த்தி கோப்பையையும் வென்றது.

சென்னை சூப்பர் கிங்ஸ் பல தருணங்களில் முடியாததை முடித்துக் காட்டியிருக்கிறது. 2 ஆண்டு தடைக்குப் பிறகு 2018 கோப்பையை வென்றது. 2020-இல் மோசமான தொடராக அமைந்தாலும் 2021-இல் சாம்பியன் பட்டம் வென்றது. இப்படியான அணியை வெற்றிப்பாதைக்கு வழிநடத்துவதில் தோனி வல்லவராகவே திகழ்ந்திருக்கிறார். அதை ருதுராஜாலும் செய்ய முடியுமா என்பதே ரசிகர்களின் எதிர்பார்ப்பு. ஆனால் "தோனிக்கு ஒத்த காலத்தில் விளையாடிய வீரர்கள் பலர் இப்போது வர்ணணையாளர்களாக மாறிவிட்டனர். சிலர் பயிற்சியாளராகிவிட்டனர். ஆனால் தோனி இன்னும் துடிப்பாக பேட்டிங் ஆடிக்கொண்டிருக்கிறார். தோனி தோனிதான். அவரை யாருடனும் ஒப்பிட முடியாது." என்கிறார் கிரிக்கெட் வல்லுநர் ஷ்யாம்

பட மூலாதாரம்,SPORTSPICZ

படக்குறிப்பு,

CSK Fans

"தோனியுடன் ஒப்பிடுவது நியாயமில்லை"

“புதிதாக கேப்டன் பொறுப்பை ஏற்றிருக்கும் ருதுராஜை ஆரம்ப கட்டத்திலேயே தோனியுடன் ஒப்பிடுவது நியாயமற்றது” என கிரிக்கெட் விமர்சகர் கிஷோர் வைத்தியநாதனும் கூறுகிறார். “2007 டி20 உலகக்கோப்பையை இந்தியாவுக்கு வென்று கொடுத்த கையோடு தோனி தனது ஐபிஎல் பயணத்தை துவங்கினார். அதன் பிறகு படிப்படியாக சிறந்த தலைவராக மெருகேறினார். அவரது கேப்டன்ஸி ஸ்டைலே தனித்துவமாக இருக்கும்.” என அவர் குறிப்பிடுகிறார்.

“ருதுராஜ் இயல்பிலேயே அமைதியானவர் என்பதால் அது சி.எஸ்.கேவின் சூழலுக்கும் ஒத்துப்போகிறது. தொடக்கத்தில் ருதுராஜ் கடுமையாக தடுமாறியபோது சி.எஸ்.கே அவருக்கு பக்கமலமாக நின்றது. அதன் பிறகு தனது ஆட்டத்தை சிறப்பாக எடுத்துச் சென்றார். அதிலிருந்து ஒரு 3 – 4 ஆண்டுகளில் சி.எஸ்.கேவின் கேப்டனாக உயர்ந்திருப்பதே நல்ல சாதனைதான்” என்கிறார் கிஷோர் வைத்தியநாதன்.

சி.எஸ்.கே.வின் 'ரிக்கி பாண்டிங்காக' உருவெடுப்பாரா ருதுராஜ்?

சில அனுபவம் வாய்ந்த பேட்டர்களுக்கே கேப்டன் பொறுப்பை கையாளுவதில் சிக்கல் இருக்கும்போது ஓபனிங் பேட்டராக உள்ள ருதுராஜ் எப்படி இரண்டையும் கையாளுவார்?, கேப்டன் பணி ருதுராஜின் பேட்டிங் திறனை பாதிக்குமா என கிரிக்கெட் வல்லுநர் ஷ்யாமிடம் கேட்டோம்.

"சச்சின், லாரா போன்றவர்கள் சிறந்த பேட்டர்கள். ஆனால் அவர்கள் சிறந்த கேப்டன்களாக இருந்ததில்லை. கேப்டனாக இருந்துகொண்டே ஒரு நல்ல பேட்டராக அணியை வழிநடத்தியதில் ரிக்கி பாண்டிங் தனித்துவமானவர். 1995-ல் ஆஸ்திரேலிய அணியில் பாண்டிங் அறிமுகமானபோது அவர் மிடில் ஆர்டரில் இறங்கினார். அதன் பிறகு கேப்டனானதும் பேட்டிங்கில் விஸ்வரூபம் எடுக்கத் தொடங்கினார். அணியை பலமுறை வெற்றிக்கு அழைத்துச் சென்றிருக்கிறார். ஆஸ்திரேலியாவுக்கு உலகக்கோப்பைகளை வென்று கொடுத்திக்கிறார். கேப்டனாக இருந்துகொண்டும் பேட்டிங்கில் மிரட்ட முடியும் என்பதை நிரூபித்தவர் ரிக்கி பாண்டிங்."

பட மூலாதாரம்,GETTY IMAGES

படக்குறிப்பு,

ரிக்கி பாண்டிங்

"பாண்டிங்கை போலவே பேட்டிங், கேப்டன்ஸி இரண்டிலும் ஜொலிக்கும் வீரராக ருதுராஜ் உருவாக முடியும். ருதுராஜ் இந்திய அணியில் தனக்கான இடத்தை தக்க வைக்கும் கட்டாயத்தில் இருக்கிறார். டி20 உலகக்கோப்பை நெருங்குகிறது. ஐபிஎல் 2 மாதங்கள்தான். இதில் விளையாடும் ஒவ்வொருவருமே இந்திய அணியில் இடம்பிடிப்பதை மனதில் வைத்தே செயல்படுகின்றனர். ருதுராஜுக்கு ஒத்த காலத்தில் வந்த கில், யஷஷ்வி ஜெய்ஷ்வால், இஷான் கிஷன் போன்ற வீரர்கள் இந்திய அணியில் தங்களுக்கான இடத்தை பிடிக்க உறுதியான பங்களிப்பை கொடுத்ததோடு பெயர் சொல்லும் அளவுக்குச் சிறப்பாக செயல்பட்டிருக்கின்றனர். அடுத்தடுத்து நிறைய வீரர்களும் இந்திய அணியில் இடம்பிடிக்க போட்டிப்போடுகின்றனர். இது ருதுராஜுக்கும் நன்கு தெரியும். இதனால் கேப்டன் பொறுப்போடு பேட்டிங்கையும் நேர்த்தியாகச் செய்து அதன் மூலம் கவனம் பெற முயற்சிப்பார்." என்கிறார் கிரிக்கெட் வல்லுநர் ஷ்யாம்.

பட மூலாதாரம்,GETTY IMAGES

ருதுராஜ் கெய்க்வாட்டிற்கு இருக்கும் முக்கியமான 3 சவால்கள்

ருதுராஜ் கெய்க்வாட்டிற்கு முன் உள்ள சவால்கள் குறித்து கிஷோர் வைத்தியநாதன் பின் வருமாறு கூறுகிறார்.

• கோப்பையை வெல்ல வேண்டிய கட்டாயம்

சென்னை சூப்பர் கிங்ஸ் ஒரு வெற்றிகரமான அணி. இதுவரை 5 முறை சாம்பியன் பட்டம் வென்றிருக்கிறது. ரசிகர்களுக்கு எப்போதுமே அதிக எதிர்பார்ப்பு இருக்கும். மற்ற அணிகளை விட, சென்னை அணி கோப்பையை வெல்லத் தவறினால் அது ரசிகர்கள் மத்தியில் பெரும் தோல்வியாகவே கருதப்படும். காரணம் அந்தளவுக்கு சி.எஸ்.கேவின் மதிப்பு இன்று வரை உயர்ந்து விளங்குகிறது.

• மூத்த வீரர்களை கையாளுதல்

தோனி உள்பட அணியில் நிறைய மூத்த வீரர்கள் இருக்கின்றனர். சர்வதேச வீரர்கள் உள்ளனர். இவர்களை எப்படி கையாளப்போகிறார் என்பது மற்றொரு சவால். களத்திற்கு உள்ளே மட்டுமின்றி வெளியிலும் வீரர்களை கையாளுவதில் சில சவால்கள் இருக்கின்றன. அவர்களை எப்படி கையாளுகிறார். அணியை எப்படி கட்டமைக்குகிறார் என்பதும் முக்கியமானது.

• தோல்வியின்போது அணியை கையாளும் பக்குவம்

சி.எஸ்.கே தோல்வியடையும் தருணங்களில் அணியை எவ்வாறு பார்த்துக்கொள்கிறார் என்பதிலும் ருதுராஜுக்கு சவால் இருக்கிறது. சி.எஸ்.கேவிடம் உள்ள ஒரு பலமே அந்த அணி வெற்றியின்போதும் தோல்வியின்போதும் சமநிலையை பேணுவதுதான். வீரர்களை சமச்சீரான நிலையில் எப்போது அமைதியாக வைத்திருப்பார் தோனி. ஒன்று அல்லது இரண்டு போட்டிகளில் தொடர்ந்து தோல்வியைத் தழுவினால் சக வீரர்களுக்கு எந்த அழுத்தமும் ஏற்படாமல் எவ்வாறு பார்த்துக்கொள்கிறார் என்பதும் ருதுராஜுக்கு ஒரு சவாலாக இருக்கும்.

பட மூலாதாரம்,SPORTSPICZ

'கேப்டன்' ருதுராஜை சி.எஸ்.கே ரசிகர்கள் எப்படி பார்க்கிறார்கள்?

“தோனி எப்போது வேண்டுமானாலும் ஓய்வு அறிவிப்பை வெளியிடலாம். அதை நாம் ஏற்றுக்கொள்ளத்தான் வேண்டும். அதேசமயம், மாற்று வீரரை அவரே அடையாளம் கண்டு கேப்டன்ஸியை வழங்கியது நல்ல உத்தி" என்கிறார் தோனியின் தீவிர ரசிகரான சரவணன்.

“கேப்டன் பொறுப்புக்கு ஒரு இளம் வீரரை கொண்டு வர வேண்டும் என்பதே அணி நிர்வாகமும் விரும்பியது. அந்த வகையில் ருதுராஜ் கெய்க்வாட் திறமைமிக்க வீரர். அவர்தான் தகுதியானவரும் கூட காரணம், உள்ளூர் கிரிக்கெட் மட்டுமின்றி ஆசிய கோப்பையிலும் இந்தியாவை வெற்றிப்பாதைக்கு வழிநடத்தியவர்” என சரவணன் குறிப்பிட்டார்.

2023 அக்டோபரில், சீனாவில் நடைபெற்ற 19-ஆவது ஆசிய விளையாட்டுப் போட்டிகளில், ருதுராஜ் தலைமையிலான இந்திய அணி கிரிக்கெட்டில் தங்கப் பதக்கம் வென்றது. ஆசிய விளையாட்டில் முதல்முறையாக தங்கம் வென்ற இந்திய கேப்டன் எனும் பெருமை ருதுராஜுக்கு கிடைத்தது. அதோடு, தோனிக்கு பிறகு கேப்டனாக பொறுப்பேற்ற முதல் முறையே சர்வதேச அரங்கில் கோப்பையை வென்ற வீரர் என்கிற பெருமையும் கிடைத்தது.

முன்னதாக 2023-ல் அயர்லாந்திற்கு இந்தியா சுற்றுப்பயணம் செய்தபோது துணை கேப்டனாக செயல்பட்டார் ருதுராஜ். அதன் பிறகு ஆஸ்திரேலியாவுக்கு எதிரான டி20 தொடரிலும் துணை கேப்டனாக செயல்பட்டிருக்கிறார்.

பட மூலாதாரம்,SPORTSPICZ

படக்குறிப்பு,

தோனி ரசிகர் சரவணன் (மஞ்சம் நிறம் பூசியிருப்பவர்)

"ருதுராஜ் இந்திய கிரிக்கெட்டின் எதிர்காலம்"

ருதுராஜால் ஐபிஎல்லில் கோப்பையை வெல்ல முடியுமா? என்கிற கேள்விக்கு பதிலளித்த சரவணன், "தோனிக்கு சி.எஸ்.கே கேப்டன் பொறுப்பை வழங்கியபோது அவர் இவ்வளவு சிறப்பாக அணியை வழிநடத்தி, 5 முறை கோப்பைகளை வென்று கொடுப்பார் என நாம் யாருமே நினைத்திருக்க மாட்டோம். வாய்ப்பு கொடுத்தால்தான் ஒருவர் எப்படி செயல்படுகிறார் என்பது தெரியும். தோனி தனக்கு கிடைத்த வாய்ப்பை சரியாக பயன்படுத்திக் கொண்டார். அதே பாணியை ருதுராஜும் தொடர்வார் என்கிற நம்பிக்கை எங்களுக்கு இருக்கிறது" என்றார்.

"களத்திற்கு நேரடியாகச் சென்று பார்க்கும்போது ருதுராஜும் தோனியும் அதிகம் பேசிக்கொள்வதை கவனிக்க முடிகிறது. அவர்களுக்கு ஒரு புரிதல் இருக்கிறது. இது அணிக்கு தேவை மற்றும் ஆரோக்கியமான விஷயமும் கூட" என்கிறார் சரவணன்.

"தோனி சி.எஸ்.கேவுக்காக மட்டும் ருதுவை கைகாட்டவில்லை, இந்திய கிரிக்கெட்டின் எதிர்காலத்திற்கு ருதுராஜ் அவசியமானவர் என்பதை சொல்லாமலேயே உணர்த்தியிருக்கிறார். தோனியை போன்றே ருதுராஜும் ஐசிசி கோப்பைகளை இந்தியாவுக்கு வென்று கொடுப்பார்" என நம்பிக்கையுடன் பேசினார் சரவணன்.

https://www.bbc.com/tamil/articles/c9rvv2xgxdyo

RCB vs RR: சதம் அடித்தும் விமர்சிக்கப்படும் விராட் கோலி - ராஜஸ்தான் ஹீரோவாக உருவெடுத்த பட்லர்

பட மூலாதாரம்,SPORTZPICS

கட்டுரை தகவல்

• எழுதியவர், போத்திராஜ்
• பதவி, பிபிசி தமிழுக்காக
• 2 மணி நேரங்களுக்கு முன்னர்

ஐபிஎல் தொடரில் அதிகமான சதங்கள், டி20 போட்டிகளில் 3வது அதிகபட்ச சதங்கள் என சாதனைகள் படைத்தும், அணியின் ஸ்கோர் உயர்வுக்காக தனி ஒருவனாகப் போராடி சதம் அடித்தும் விராட் கோலி சமூக ஊடகங்களில் தொடர்ந்து விமர்சிக்கப்பட்டு வருவது வியப்பாகவும், பரிதாபமாகவும் இருக்கிறது.

GOAT பேட்டர் வரிசையில் விராட் கோலி உண்டு என்பதை அனைத்து கிரிக்கெட் ரசிகர்களும் ஏற்றுக்கொண்டாலும், அவரின் சமீபத்திய பேட்டிங்கில் ரன் குவிக்கும் வேகம் அதிகரித்த போதிலும் அவர் தொடர்ந்து விமர்சிக்கப்படுகிறார். விராட் கோலி 20 ஓவர்களையும் தனக்கானதாக மாற்றி களமாடி, ரன்களை குவித்தாலும் அது அவரின் சுயநலமாகவே ரசிகர்களில் ஒரு தரப்பினரால் பார்க்கப்படுகிறது.

ராஜஸ்தான் ராயல்ஸ் அணிக்கு எதிரான நேற்றைய ஆட்டத்தில் ஆர்சிபி அணி தோற்றதுகூட சமூக ஊடகங்களில் பெரிதாக விமர்சிக்கப்படவில்லை, கிங் கோலி அடித்த சதமும், அவர் எடுத்துக்கொண்ட பந்துகளும் கடுமையாக விமர்சிக்கப்பட்டும், கிண்டல் செய்யப்பட்டும் வருகிறது.

“ஆங்கர் ரோல்” அவதாரம் எடுக்கும் கோலியின் பேட்டிங் நிச்சயமாக டி20 உலகக் கோப்பைக்கான இந்திய அணியில் இடத்தைப் பெற்றுத் தராது என்று ரசிகர்கள் கடுமையாக விமர்சித்து வருகிறார்கள்.

ஜெய்ப்பூரில் நேற்று நடந்த ஐபிஎல் டி20 போட்டித் தொடரின் 20வது லீக் ஆட்டத்தில் ராயல் சேலஞ்சர்ஸ் பெங்களூரு அணியை 6 விக்கெட் வித்தியாசத்தில் வென்றது ராஜஸ்தான் ராயல்ஸ் அணி.

முதலில் பேட் செய்த ஆர்சிபி அணி 20 ஓவர்களில் 3 விக்கெட் இழப்புக்கு 183 ரன்கள் சேர்த்தது. 184 ரன்கள் சேர்த்தால் வெற்றி எனும் இலக்குடன் களமிறங்கிய ராஜஸ்தான் ராயல்ஸ் அணி 5 பந்துகள் மீதமிருக்கையில் 4 விக்கெட் இழப்புக்கு 189 ரன்கள் சேர்த்து 6 விக்கெட் வித்தியாசத்தில் வென்றது.

 

வீணடித்த ராஜஸ்தான்

பட மூலாதாரம்,SPORTZPICS

இந்த வெற்றியின் மூலம் ராஜஸ்தான் ராயல்ஸ் அணி தொடர்ந்து 4வது வெற்றியைப் பெற்று புள்ளி அட்டவணையில் 8 புள்ளிகளுடன் முதலிடத்துக்கு முன்னேறியது. ஆனால் நிகர ரன்ரேட் 1.120 ஆக மட்டுமே வைத்துள்ளது.

இரண்டாவது இடத்தில் இருக்கும் கொல்கத்தா அணி 6 புள்ளிகள் பெற்றிருந்தாலும், நிகர ரன்ரேட் 2.518 ஆக வைத்துள்ளது குறிப்பிடத்தக்கது.

இந்த ஆட்டத்தில் ராஜஸ்தான் அணி விரைவாக சேஸிங் செய்திருந்தால், நிகர ரன்ரேட் உயர்ந்திருக்கும். ஆனால், 15 ஓவர்களுக்கு பின் ராஜஸ்தான் ரன் குவிப்பு வேகம் குறைந்து கடைசி ஓவர் வரை இழுத்து வந்துவிட்டனர்.

ஆர்சிபி அணி 5 போட்டிகளில் 4 தோல்வி, ஒரு வெற்றி என 2 புள்ளிகளுடன் 8வது இடத்தில் நீடிக்கிறது. அதன் நிகர ரன்ரேட் மைனஸ் 843 ஆகச் சரிந்துவிட்டது.

ஃபார்முக்கு வந்த பட்லர்

கடந்த ஐபிஎல் சீசனில் இருந்து இங்கிலாந்து பேட்டர் ஜாஸ் பட்லர் சரியாக எந்தப் போட்டியிலும் ஆடவில்லை என்ற விமர்சனம் தொடர்ந்து இருந்து வந்தது. இதற்குப் பதில் அளிக்கும் வகையில் அற்புதமான சதத்தை பட்லர்(100) அடித்து அணியின் வெற்றிக்கு முக்கியக் காரணமானார்.

தொடக்க வீரராகக் களமிறங்கிய பட்லர் 20 ஓவர்கள் வரை களமாடி 58 பந்துகளில் இந்த சத்ததை நிறைவு செய்து ஆட்டநாயகன் விருதையும் வென்றார். அது மட்டுமல்லாமல் பட்லருக்கு நேற்றைய ஐபிஎல் ஆட்டம் 100வது போட்டி. தனது 100வது போட்டியில் சதம் அடித்து மறக்க முடியாத நினைவுகளை வைத்துள்ளார்.

இரண்டாவது விக்கெட்டுக்கு கேப்டன் சஞ்சு சாம்ஸனுடன் இணைந்து பட்லர் 148 ரன்கள் பாட்னர்ஷிப் அமைத்தார். இதுதான் இந்த சீசனில் அதிகபட்ச பாட்னர்ஷிப் ஸ்கோராக அமைந்தது. இருவரின் ஆட்டம்தான் ஆர்சிபியின் வெற்றிக் கனவை சுக்குநூறாக உடைத்தது. கேப்டனுக்குரிய பொறுப்புடன் ஆடிய சாம்ஸன்(69) அரைசதம் அடித்து ஆட்டமிழந்தார்.

 

பந்துவீச்சுக்கு 9 மார்க்

பட மூலாதாரம்,SPORTZPICS

ராஜஸ்தான் ராயல்ஸ் கேப்டன் சஞ்சு சாம்ஸன் கூறுகையில் “190 ரன்களுக்கு குறைவாக வரும் என நினைத்தேன், கடைசி நேரத்தில் பனிப்பொழிவு இருந்தது.

எங்களின் பேட்டிங் சிறப்பாக இருந்தது. சில போட்டிகளுக்குப் பின் பட்லர் ஃபார்முக்கு வந்தது மகிழ்ச்சி. எங்களின் பந்துவீச்சும் அபாரமாக இருந்தது. எங்களுக்குக் கிடைத்த சிறிய இடைவெளியால்தான் நாங்கள் புத்துணர்ச்சியுடன் வர முடிந்தது. பேட்டிங்கிற்கு 8.7 மார்க், பந்துவீச்சுக்கு 9 மதிப்பெண் கொடுப்பேன்,” எனத் தெரிவித்தார்.

விராட் கோலிக்கு ஏன் இந்த நிலை?

ராஜஸ்தான் அணியைப் போன்றே ஆர்சிபி அணியிலும் விராட் கோலி(113) சதம் அடித்தார், கேப்டன் டூப்ளெஸ்ஸியுடன் சேர்ந்து 125 ரன்கள் பார்ட்னர்ஷிப் அமைத்து நல்ல அடித்தளம் அமைத்தார்.

பட மூலாதாரம்,SPORTZPICS

கோலி இவ்வளவு சிறப்பாக ஆடியும், பிரயத்தனம் செய்தும் அவரின் சதமும் புகழப்படவில்லை, பார்ட்னர்ஷிப்பும் மதிக்கப்படவில்லை. மாறாக ரசிகர்களில் ஒரு தரப்பினரின் கிண்டலுக்கும், விமர்சனத்துக்கும் ஆர்சிபியும், கோலியும் ஆளாகியுள்ளனர்.

விராட் கோலி தனது ஐபிஎல் வாழ்க்கையில் அடித்த 8வது சதம். தொடர்ந்து 7 ஐபிஎல் இன்னிங்ஸில் கோலி அடித்த 3வது சதம். இருப்பினும் கோலியின் ரசிகர்கள் தவிர மற்றவர்களால் நகைப்புக்கு உள்ளாகிறார்.

கோலியால்தான் ஆர்சிபி தோற்றது, கோலிக்கு பதிலாக வேறு பேட்டர் கடைசி நேரத்தில் களமிறங்கி இருந்தால், கூடுதலாக 20 ரன்கள் கிடைத்திருக்கும் என ரசிகர்கள் சமூக ஊடகங்களில் விமர்சிக்கின்றனர்.

அதுமட்டுமல்லாமல் ஜெய்ப்பூர் ஆடுகளம் மெதுவான விக்கெட்டை கொண்டது. இங்கு 183 ரன்கள் ஸ்கோர் என்பது டிபெண்டபிள் ஸ்கோர்தான். இந்த அளவு பெரிய ஸ்கோரை அடித்தும் ஆர்சிபியால் டிபெண்ட் செய்ய முடியவில்லை என்றால் எங்கோ பெரிய தவறு இருக்கிறது என்று ரசிகர்களும், கிரிக்கெட் விமர்சகர்களும் விமர்சிக்கிறார்கள்.

 

பதிலடி கொடுத்த பட்லர்

பட மூலாதாரம்,SPORTZPICS

பட்லர் கடந்த 3 போட்டிகளாக அடித்த ஸ்கோர், 11,11,13.

அதிலும் கடந்த சீசனில் ஒரு அரைசதம் மட்டுமே, பெரிதாக எந்த ஸ்கோரும் செய்யவில்லை. இதனால் பட்லரின் அதிரடி பேட்டிங்கும், அவரின் தொடக்க வரிசை பேட்டிங்கும் கடுமையாக விமர்சிக்கப்பட்டு வந்தது. ஆனால் அனைத்துக்கும் நேற்றைய ஆட்டத்தில் அவரின் பேட்டால் பதில் அளித்துள்ளார்.

ஆனால், கடந்த சீசனில் கலக்கிய யஷஸ்வி ஜெய்ஸ்வால் இன்னும் ஃபார்முக்கு வர முடியாமல் தவிக்கிறார். கடந்த 4 போட்டிகளிலும் ஜெய்ஸ்வால் பெரிதாக இதுவரை எந்த ஸ்கோரும் செய்யவில்லை, இந்த ஆட்டத்தில் டாப்லி பந்துவீச்சில் டக்-அவுட்டில் வெளியேறினார்.

இரண்டாவது விக்கெட்டுக்கு சாம்ஸனுடன் பட்லர் ஜோடி சேர்ந்தபின் மெல்ல தனது ரிதத்துக்கு திரும்பினார். யாஷ் தயால் ஓவரையும், மயங்க் தாகர் ஓவரையும் குறிவைத்து பவுண்டரி, சிக்ஸர்களாக விளாசி பட்லர் தனது ஃபார்மை மெல்ல மீட்டார். குறிப்பாக அனுபவமில்லாத சுழற்பந்துவீச்சாளர்களான மயங்க் டாகர், ஹிமான்சு ஷர்மா ஓவர்களை பட்லர் வெளுத்து வாங்கிவிட்டார். பவர்ப்ளே ஓவர்கள் முடிவில் ராஜஸ்தான் அணி ஒரு விக்கெட் இழப்புக்கு 54 ரன்கள் சேர்த்தது.

அதிரடியாக ஆடிய பட்லர் 30 பந்துகளில் அரைசதம் அடித்தார். பட்லருக்கு துணையாக பேட் செய்த கேப்டன் சாம்ஸனும் தனது பங்கிற்கு அவ்வப்போது பவுண்டரிகளையும், சிக்ஸர்களையும் விளாசி, 33 பந்துகளில் அரைசதம் அடித்தார். இருவரும் சேர்ந்து ராஜஸ்தான் அணியை வெற்றிக்கு அருகே கொண்டு சென்றனர், இருவரையும் பிரிக்க பல பந்துவீச்சாளர்களை பயன்படுத்தியும் டுப்ளெஸ்ஸியால் முடியவில்லை.

சிராஜ் 15-வது ஓவரை வீச அழைக்கப்பட்டார். சிராஜ் தான் வீசிய 4வது பந்தை பவுன்ஸராக வீச அதை சாம்சன் தூக்கி அடித்து பவுண்டரிக்கு விரட்டினார். ஆனால் அங்கு நின்றிருந்த யாஷ் தயால் கேட்ச் பிடிக்கவே சாம்சன் 42 பந்துளில் 69 ரன்களில் ஆட்டமிழந்தார். இருவரும் 2வது விக்கெட்டுக்கு 148 ரன்கள் சேர்த்துப் பிரிந்தனர்.

கடந்த சில போட்டிகளாக ராஜஸ்தான் ஹீரோவாக வலம் வரும் ரியான் பராக் ஒரு பவுண்டரி அடித்த நிலையில் யாஷ் தயால் பந்துவீச்சில் கோலியிடம் கேட்ச் கொடுத்து விக்கெட்டை இழந்தார். துருவ் ஜூரெல் 2 ரன்னில் டிகேவிடம் கேட்ச் கொடுத்து டாப்லி பந்துவீச்சில் ஆட்டமிழந்தார்.

ஐந்தாவது விக்கெட்டுக்கு ஹெட்மயர் களமிறங்கி, பட்லருடன் சேர்ந்தார். இருவரும் வெற்றி நோக்கி அணியை நகர்த்தினர். 24 பந்துகளில் வெற்றிக்கு 24 ரன்கள் தேவைப்பட்டது. டாப்லி வீசிய 17வது ஓவரில் பவுண்டரியுடன் 10 ரன்களை ஹெட்மயர் விளாசினார். கேமரூன் கிரீன் வீசிய 18வது ஓவரில் பவுண்டரி இல்லாமல் ராஜஸ்தான் 5 ரன்கள் மட்டுமே சேர்த்தது. சிராஜ் வீசிய 19வது ஓவரிலும் ஹெட்மயர் பவுண்டரி அடித்து 8 ரன்கள் சேர்த்தார்.

கடைசி ஓவரில் வெற்றிக்கு ஒரு ரன் தேவைப்பட்டது. 94 ரன்களுடன் களத்தில் இருந்த பட்லர் சதத்துக்காகக் காத்திருந்தார். கிரீன் வீசிய முதல் பந்தில் டீப் ஸ்குயர் லெக் திசையில் சிக்ஸர் விளாசி சதத்தை நிறைவு செய்து அணியையும் வெற்றிக்கு அழைத்துச் சென்றார். ஹெட்மயர் 11 ரன்களுடனும், பட்லர் 100 ரன்களுடனும் களத்தில் இருந்தனர்.

 

அஸ்வின், சஹல் மிரட்டல் பந்துவீச்சு

பட மூலாதாரம்,SPORTZPICS

ராஜஸ்தான் அணியின் பந்துவீச்சாளர்கள் போல்ட், பர்கர் இருவரும் பவர்ப்ளேவில் வழக்கமாக விக்கெட்டை வீழ்த்திவிடுவார்கள். ஆனால் நேற்று கோலி, டுப்ளெஸ்ஸியை வீழ்த்த முடியவில்லை. பவர்ப்ளேவில் விக்கெட் இழப்பின்றி ராஜஸ்தான் பந்துவீச்சாளர்கள் ஏமாற்றம் அடைந்தனர்.

ஆனால், நடுப்பகுதியில் யஜூவேந்திர சஹல், அஸ்வின் இருவரையும் கேப்டன் சாம்சன் மாறி, மாறி பயன்படுத்தி, ஆர்சிபி பேட்டர்கள் டுப்ளெஸ்ஸி, கோலியை சித்ரவதை செய்தார். இதில் சஹல் பந்துவீச்சில் மட்டும் கோலி 2 சிக்ஸர்களை விளாசினார்.

ஆனால், அஸ்வின் பந்துவீச்சில் ஒரு பவுண்டரிகூட அடிக்க முடியில்லை. இருவரும் சேர்ந்து 8 ஓவர்கள் வீசி 62 ரன்கள் கொடுத்து 2 விக்கெட்டுகளை வீழ்த்தினர். இதில் 13 டாட் பந்துகள் அடங்கும். இருவரும் 7.75 எக்கானமி வைத்தனர்.

தரமற்ற பந்துவீச்சு

ஆனால், ஆர்சிபி அணியில் மயங்க் டாகர், ஹிமான்சு சர்மா இருவரும் சேர்ந்து 4 ஓவர்கள் வீசி 63 ரன்களை வாரி வழங்கினர். இருவரும் பல பந்துகளை லைன் லென்த்தில் இருந்து தவறி வீசி பட்லரிடமும், சாம்சனிடமும் வாங்கிக் கட்டிக் கொண்டனர்.

இதில் ஆர்சிபி அணியிடம் இருந்த ஷான்பாஸ் அகமதுவை சன்ரைசர்ஸிடம் வழங்கிவிட்டு அங்கிருந்து மயங்க் டாகரை ஆர்சிபி வாங்கி கையைச் சுட்டுக்கொண்டது.

இதிலிருந்து ஆர்சிபி அணியிடம் தரமான வேகப்பந்துவீச்சாளர்களும் இல்லை, சுழற்பந்துவீச்சாளர்களும் இல்லை என்பது தெரிய வருகிறது.

அனுபமில்லாத இதுபோன்ற பந்துவீச்சாளர்களை வைத்துக் கொண்டு பட்லர், சாம்சன் போன்ற பெரிய பேட்டர்களுக்கு பந்துவீசினால் கையில் இருக்கும் வெற்றி வாய்ப்பையும் இழக்க வேண்டியதிருக்கும்.

 

கோலியை ‘காலி’ செய்த அஸ்வின்

பட மூலாதாரம்,SPORTZPICS

கோலியின் சதம் எந்த அளவு சமூக ஊடகங்களில் விமர்சிக்கப்படுகிறதோ அதே அளவு அஸ்வினை வைத்து கோலியை கிண்டல் செய்கிறார்கள்.

ஏனென்றால், நேற்றைய ஆட்டத்தில் கோலிக்கு தண்ணி காட்டும் விதத்தில் அஸ்வின் பந்துவீச்சு அமைந்திருந்தது. அஸ்வின் பந்துவீச்சில் பவுண்டரி, சிக்ஸர் அடிக்க கோலி பல பிரயத்தனங்கள் செய்தும், பலவிதமான ஷாட்களுக்கு முயன்றும் கடைசி வரை நடக்கவில்லை.

அஸ்வின் வீசிய 15 பந்துகளை கோலி எதிர்கொண்டு பேட் செய்து அதில் 14 ரன்கள் சேர்த்தார். அதில், ஒரு பவுண்டரி, சிக்ஸர்கூட கோலியால் அடிக்க முடியவில்லை என்பதே நிதர்சனம். கோலிக்கும், அஸ்வினுக்கும் இடையிலான போரில் இறுதியில் அஸ்வின் வென்றார்.

அஸ்வின் பந்துவீச்சில் கோலியின் ஸ்ட்ரைக் ரேட் 93.33 என்று குறைந்திருந்தது. ஆனால், ஆவேஷ் கான் பந்துவீச்சை வெளுத்த கோலி 17 பந்துகளில் 39 ரன்கள் குவித்து 8 பவுண்டரிகள் அடித்தார்.

அஸ்வின் தனது கடைசி ஓவரில் ஒரு சிக்ஸரை அடிக்கவிட்டுவிட்டார். அது மட்டும் நடக்காமல் இருந்திருந்தால், அஸ்வின் ஒரு பவுண்டரி, சிக்ஸர்கூட வழங்காமல் தனது ஸ்பெல்லை சிறப்பாக முடித்திருப்பார். ஒட்டுமொத்ததில் கோலிக்கு சிம்மசொப்னமாக அஸ்வின் பந்துவீச்சு இருந்தது.

 

கோலி ஏன் விமர்சிக்கப்படுகிறார்?

பட மூலாதாரம்,SPORTZPICS

ஜெய்ப்பூரில் இதற்கு முன் கோலி ஆட வந்தபோது அவர் இந்த மைதானத்தில் சராசரி 21.90 ரன்கள்தான். இதனால் இந்த மைதானத்தில் இந்த முறையும் கோலி சொதப்புவார் என்று ரசிகர்கள் எண்ணினர்.

ஆனால், யாரும் எதிர்பாரா வகையில் 20 ஓவர்கள் களமாடி 8வது சதத்தை கோலி நிறைவு செய்தார். தொடக்க ஆட்டக்கார் டுப்ளெஸ்ஸியுடன் 125 ரன்கள் கோலி பார்ட்னர்ஷிப் அமைத்தாலும், அதில் பெரும்பங்கு கோலி சேர்த்ததுதான்.

ஆர்சிபி அணி நேற்று சேர்த்த 183 ரன்களில் கோலியின் பங்கு 61.70 சதவீதம். இவ்வளவு சிறப்பாக கோலி பேட் செய்தும் ஏன் தொடர்ந்து விமர்சிக்கப்படுகிறார் என்பதுதான் கேள்வி.

ஏனென்றால் கோலி ஆங்கர் ரோல் எடுக்கிறேன் என்று கூறிக்கொண்டு பந்துகளை வீணாக்குகிறார் என்ற குற்றச்சாட்டு ரசிகர்களாலும், கிரிக்கெட் விமர்சிகர்களாலும் வைக்கப்படுகிறது. அதாவது சிக்ஸருக்கும், பவுண்டரிக்கும் வாய்ப்புள்ள பந்துகளைக்கூட கோலி பெரிய ஷாட்களாக மாற்றத் தயங்குகிறார்.

இருபது ஓவர்களையும் தானே ஆக்கிரமிக்க வேண்டும், சுயநலத்துடன் ஆடி சதம் அடிக்க வேண்டும், தன்னை யாரும் பேட்டிங்கில் குறை கூறிவிடக்கூடாது என்ற கோணத்தில்தான் கோலி பேட் செய்கிறார் என்று விமர்சிக்கப்படுகிறது.

பட மூலாதாரம்,SPORTZPICS

இந்த ஆட்டத்தில் கோலி 67 பந்துகளில் தனது சதத்தை நிறைவு செய்தார். இது ஐபிஎல் வரலாற்றில் மெதுவாக அடிக்கப்பட்ட சதம். கடந்த 2009ஆம் ஆண்டில் மணிஷ் பாண்டே 67 பந்துகளில் சதம் அடித்ததுதான் மெதுவான சதமாக இருந்து வந்தது, அதோடு கோலியும் இணைந்துவிட்டார்.

கோலி ஒட்டுமொத்தமாக 72 பந்துகளில் 113 ரன்கள் சேர்த்து ஆட்டமிழக்காமல் இருந்தார். இதில் 4 சிக்ஸர்கள், 12 பவுண்டரிகள், ஸ்ட்ரைக் ரேட்டும் 156.94 ஆக இருந்தது. ஆனால், ஐபிஎல் தொடரில் அதிகபட்சமாக பந்துகளை சந்தித்ததில் 3வது பேட்டர் கோலிதான்.

கடந்த 2008ஆம் ஆண்டு ஐபிஎல் தொடக்க ஆட்டத்தில் ஆர்சிபி அணியின் மெக்கல்லம் 73 பந்துகளைச் சந்தித்து 158 ரன்களை விளாசினார். ஆனால் கோலி 72 பந்துகளில் 113 ரன்கள்தான் சேர்த்தார். 2009இல் மணிஷ் பாண்டேவும் 73 பந்துகளில் 113 ரன்கள் சேர்த்திருந்தார்.

விராட் கோலியின் சிக்ஸர், பவுண்டரிகளை மட்டும் கொண்டாடும் அவரின் ரசிகர்கள் அவர் பவுண்டரி அடிக்கும் முன், எத்தனை பந்துகளைச் சந்தித்தார் என்பதைக் கணக்கிடுவதில்லை.

 

பட மூலாதாரம்,SPORTZPICS

களத்தில் கோலி செட்டில் ஆவதற்கு எத்தனை பந்துகளை வீணாக்குகிறார் என்பதையும் பார்ப்பதில்லை. இந்த ஆட்டத்தில்கூட கோலி முதல் 25 பந்துகளைச் சந்தித்து 32 ரன்கள் சேர்த்தார், அதில் ஒரு சிக்ஸர், 4 பவுண்டரி, ஸ்ட்ரைக் ரேட் 128 ஆக இருந்தது.

கோலி சந்தித்த அடுத்த 25 பந்துகளில் 2 சிக்ஸர், 2 பவுண்டரி உள்பட 39 ரன்கள் சேர்த்து, 156 ஸ்ட்ரைக் ரேட் வைத்திருந்தார். கடைசி 22 பந்துகளில் ஒரு சிக்ஸர், 6 பவுண்டரி என 42 ரன்கள் சேர்த்து 191 ஸ்ட்ரைக் ரேட்டுடன் ஆடினார்.

மெதுவான ஆடுகளம், பந்து பேட்டரை நோக்கி மெதுவாக வருகிறது என்று பேட்டியில் கூறிய கோலியால், தொடக்கத்தில் ஸ்ட்ரைக் ரேட்டை உயர்த்த முடியவில்லை.

கடைசி 22 பந்துகளில் மட்டும் ஸ்ட்ரைக் ரேட்டை எவ்வாறு உயர்த்த முடிந்தது, 42 ரன்கள் எவ்வாறு சேர்க்க முடிந்தது என்று ரசிகர்கள் கேள்வி எழுப்புகிறார்கள். கோலியின் ஆங்கர் ரோல் ஆர்சிபி அணிக்கு பெரிய வலியாகவே முடிந்துள்ளது என்பதுதான் சமீபத்திய நிதர்சனமாக இருந்து வருகிறது.

இதுபோன்று மெதுவாக பேட் செய்யும் பேட்டரை, டி20 உலகக் கோப்பைக்கான இந்திய அணியில் எவ்வாறு இடம் பெறச் செய்வது என்று ரசிகர்கள் தரப்பில் கேட்கப்படுகிறது. அதுமட்டுமல்லாமல் கோலி, அஸ்வின், ஆர்சிபி பெயர் எக்ஸ் தளத்தில் டிரண்டாகியுள்ளது.

https://www.bbc.com/tamil/articles/cy0z0zvng9jo

டெல்ஹியை வீழ்த்தி முதலாவது வெற்றிப் புள்ளிகளை சம்பாதித்தது மும்பை

Published By: VISHNU    07 APR, 2024 | 09:07 PM

(நெவில் அன்தனி)

டெல்ஹி கெப்பிட்டல்ஸ் அணிக்கு எதிராக மும்பை வான்கடே விளையாட்டரங்கில் ஞாயிற்றுக்கிழமை (07) நடைபெற்ற 17ஆவது இண்டியன் பிறீமியர் லீக் அத்தியாயத்தின் 20ஆவது போட்டியில் டெல்ஹி கெப்பிட்டல்ஸை 26 ஓட்டங்களால் வீழ்த்திய மும்பை இண்டியன்ஸ் இந்த வருடம் முதலாவது வெற்றி புள்ளிகளை சம்பாதித்தது.

ரோஹித் ஷர்மா, இஷான் கிஷான், அணித் தலைவர் ஹார்திக் பாண்டியா, டிம் டேவிட், ரொமாரியோ ஷெப்பர்ட் ஆகியோரின் அதிரடி துடுப்பாட்டங்களும் ஜெரால்ட் கொயெட்ஸி, ஜஸ்ப்ரிட் பும்ரா ஆகியோரின் துல்லியமான பந்துவீச்சுகளும் மும்பையின் முதலாவது வெற்றிக்கு வழிவகுத்தன.

அதேவேளை, உபாதையிலிருந்து மீண்டுவந்து மும்பை அணியில் தனது முதலாவது போட்டியில் இம்ப்பெக்ட் வீரராக விளையாடிய சூரியகுமார் யாதவ் ஓட்டம் பெறாமல் ஆட்டம் இழந்தார். அது அவருக்கு பெரும் ஏமாற்றத்தைக் கொடுத்தது.

இப் போட்டியில் முதலில் துடுப்பெடுத்தாட அழைக்கப்பட்ட மும்பை இண்டியன்ஸ் 20 ஓவர்களில் 5 விக்கெட்களை இழந்து 234 ஓட்டங்களைக் குவித்தது.

ரோஹித் ஷர்மா, இஷான் கிஷான் ஆகிய இருவரும் 7 ஓவர்களில் 80 ஓட்டங்களைப் பகிர்ந்து ஸ்திரமான ஆரம்பத்தை இட்டுக்கொடுத்தனர்.

ரோஹித் ஷர்மா 27 பந்துகளில் 6 பவுண்டறிகள், 3 சிக்ஸ்களுடன் 49 ஓட்டங்களைப் பெற்று ஆட்டம் இழக்க சூரியகுமார் யாதவ் ஓட்டம் பெறாமல் வந்தவழியே திரும்பிச் சென்றார்.

மறுபக்கத்தில் அதிரடியாக துடுப்பெடுத்தாடிய இஷான் கிஷான் 23 பந்துகளில் 4 பவுண்டறிகள், 2 சிக்ஸ்களுடன் 42 ஓட்டங்களைப் பெற்றார்.

திலக் வர்மா 6 ஓட்டங்களை மாத்திரம் பெற்றார். (121 - 4 விக்.)

இந் நிலையில் ஹார்திக் பாண்டியாவும் டிம் டேவிடும் 5அவது விக்கெட்டில் 31 பந்துகளில் 60 ஓட்டங்களைப் பகிர்ந்தனர்.

ஹார்திக் பாண்டியா 33 பந்துகளில் 39 ஓட்டங்களைப் பெற்றார்.

தொடர்ந்து டிம் டேவிடும் ரொமாரியோ ஷெப்பர்ட் ஆகிய இருவரும் பிரிக்கப்படாத 6ஆவது விக்கெட்டில் 13 பந்துகளில் 53 ஓட்டங்களைப் பகிர்ந்தனர்.

டிம் டேவிட் 21 பந்துகளில் 4 சிக்ஸ்கள், 2 பவுண்டறிகள் உட்பட 45 ஓட்டங்களுடனும் ரொமாரியோ ஷெப்பர்ட் 10 பந்துகளில் 4 சிக்ஸ்கள், 3 பவுண்டறிகள் உட்பட 39 ஓட்டங்களுடனும் ஆட்டம் இழக்காதிருந்தனர்.

பந்துவீச்சில் அக்சார் பட்டேல் 35 ஓட்டங்களுக்கு 2 விக்கெட்களையும் அன்ரிச் நோக்யா 65 ஓட்டங்களுக்கு 2 விக்கெட்களையும் கைப்பற்றினர்.

235 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய டெல்ஹி கெப்பிட்டல்ஸ் 20 ஓவர்களில் 8 விக்கெட்களை இழந்து 205 ஓட்டங்களைப் பெற்று தோல்வி அடைந்தது.

மொத்த எண்ணிக்கை 25 ஓட்டங்களாக இருந்தபோது டேவிட் வோர்னர் 10 ஓட்டங்களுடன் ஆட்டம் இழக்க டெல்ஹியின் ஆரம்பம் சிறப்பாக அமையவில்லை.

ஆனால், ப்ரித்வி ஷா, அபிஷேக் பொரெல் ஆகிய இருவரும் 2 ஆவது விக்கெட்டில் 49 பந்துகளில் 88 ஓட்டங்களைப் பகிர்ந்து டெல்ஹி கெப்பிட்டல்ஸுக்கு சிறு உற்சாகத்தைக் கொடுத்தனர்.

தொடர்ந்து அபிஷேக் பொரெல், ட்ரைஸ்டன் ஸ்டப்ஸ் ஆகிய இருவரும் 29 பந்துகளில் 34 ஓட்டங்களைப் பகிர்ந்து மும்பைக்கு சிறு திகிலைக் கொடுத்தனர்.

அபிஷேக் பொரெல் 31 பந்துகளில் 41 ஓட்டங்களைப் பெற்று ஆட்டம் இழந்தார்.

இதனைத் தொடர்ந்து ஒரு பக்கத்தில் விக்கெட்கள் சீரான இடைவேளியில் விழ, மறுபக்கத்தில்  தனி ஒருவராக ட்ரைஸ்டன் ஸ்டப்ஸ் சரமாரியாக ஓட்டங்களைக் குவித்தார்.  

25 பந்துகளை எதிர்கொண்ட அவர், 7 சிக்ஸ்கள், 3 பவுண்டறிகள் உட்பட 71 ஓட்டங்களுடன் ஆட்டம் இழக்காதிருந்தார்.

பந்துவீச்சில்  ஜெரால்ட் கொயெட்ஸி   34 ஓட்டங்களுக்கு 4 விக்கெட்களையும் ஜஸ்ப்ரிட் பும்ரா 22 ஓட்டங்களுக்கு 2 விக்கெட்களையும் கைப்பற்றினர்.

ஆட்டநாயகன்: ரொமாரியோ ஷெப்பர்ட்.

https://www.virakesari.lk/article/180650

காற்றில் பறந்தபடி லக்னோ வீரர் பிடித்த மாயாஜால கேட்ச்; குஜராத் அணி செய்த தவறுகள் என்னென்ன?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• ஒரு மணி நேரத்துக்கு முன்னர்

லக்னோவின் வேகப் பந்துவீச்சாளர் மயங்க் யாதவ் இல்லாத நிலையில் சுழற்பந்து வீச்சாளர்களைப் பயன்படுத்தி, லக்னோ அணி சொந்த மைதானத்தில் இந்த சீசனில் இரண்டாவது வது வெற்றியைப் பெற்றுள்ளது.

லக்னோவில் நேற்று நடந்த ஐபிஎல் டி20 போட்டியின் 21-வது லீக் ஆட்டத்தில் குஜராத் டைட்டன்ஸ் அணியை 33 ரன்கள் வித்தியாசத்தில் தோற்கடித்தது லக்னோ சூப்பர் ஜெயின்ட்ஸ் அணி.

முதலில் பேட் செய்த லக்னோ அணி 20 ஓவர்களில் 5 விக்கெட் இழப்புக்கு 163 ரன்கள் சேர்த்தது. 164 ரன்கள் எனும் இலக்கை துரத்திய குஜராத் டைட்டன்ஸ் அணி 18.5 ஓவர்களில் 130 ரன்களுக்கு ஆட்டமிழந்து 33 ரன்களில் தோல்வி அடைந்தது.

 

பட மூலாதாரம்,GETTY IMAGES

முதல் வெற்றி

ஐபிஎல் வரலாற்றில் இரு அணிகளும் அறிமுகமானபின், குஜராத் டைட்டன்ஸ் அணியை லக்னோ அணி ஒருமுறை கூட வீழ்த்தியதில்லை. ஆனால், நேற்றைய ஆட்டத்தில் குஜராத் அணியை வென்று லக்னோ அணி முதல் வெற்றியைப் பதிவு செய்தது.

அது மட்டுமல்லாமல் லக்னோ அணி இதுவரை 160 ரன்களுக்கு மேல் அடித்து அந்த ஆட்டத்தில் தோற்றதில்லை என்ற சாதனையை வைத்திருந்தது. அதை நேற்றைய ஆட்டத்திலும் அந்த சாதனையைத் தக்கவைத்தது. அது மட்டுமல்லாமல் லக்னோ அணி இதுவரை முதலில் பேட் செய்த போட்டிகளில் 80 சதவீதத்துக்கும் மேல் வெற்றி பெற்றுள்ளது, எதிரணியை இலக்கை எட்டவிடாமல் செய்து வெற்றி பெறுவதை சவாலாக வைத்திருக்கிறது. அந்த சவால் நேற்றும் தொடர்ந்து லக்னோ அணி தனது சாதனையைதக்க வைத்தது.

இந்த வெற்றியின் மூலம் லக்னோ அணி 4 போட்டிகளில் 3 வெற்றி ஒரு தோல்வி என 6 புள்ளிகளுடன் 3வது இடத்துக்கு முன்னேறியுள்ளது.நிகர ரன்ரேட்டும் 0.775 என்று ஏற்றத்துடன் இருக்கிறது. குஜராத் டைட்டன்ஸ் அணி 5 போட்டிகளில் 2 வெற்றி, 3 தோல்வி என 4 புள்ளிகளுடன் 7-வது இடத்துக்கு சரிந்துள்ளது, நிகர ரன்ரேட்டும் மைனஸ் 797 ஆகச் வீழ்ந்துள்ளது.

லக்னோ ஆடுகளம் பேட்டர்களுக்கு உகந்த விக்கெட்டைக் கொண்டது. இந்த மைதானத்தில் 163 ரன்கள் என்பது சேஸிங் செய்துவிடக்கூடிய ஸ்கோர்தான். ஆனால், அந்த ஸ்கோரை அடித்து, குஜராத் அணியை டிபெண்ட் செய்துள்ளனர் லக்னோ பந்துவீச்சாளர்கள்.

 

பட மூலாதாரம்,GETTY IMAGES

தோல்விக்கு காரணம் என்ன?

அதிரடியான தொடக்கத்துடன் ஆட்டத்தை ஆரம்பித்த குஜராத் டைட்டன்ஸ் அணி 54 ரன்கள்வரை விக்கெட் இழப்பின்றி பயணித்தது. ஆனால், அடுத்த 48 ரன்களுக்குள் சீட்டுக்கட்டு சரிவதுபோல் 8 விக்கெட்டுகளை இழந்து தோல்வியின் குழிக்குள் விழுந்தது.

குஜராத் அணியில் தொடக்க ஆட்டக்காரர்கள் சுப்மான் கில்(19), சுதர்சன்(31) ஆகியோர் தவிர நடுவரிசையில் ஒரு பேட்டர்கூட நிலைக்கவில்லை. நடுவரிசை பேட்டர்களின் ‘ஷாட்கள்’ தேர்வு நேற்றைய ஆட்டத்தில் படுமோசமாக இருந்தது, விக்கெட்டுகளை எளிதாக லக்னோ அணிபந்துவீச்சாளர்களுக்கு தூக்கிக் கொடுத்து பெவிலியன் சென்றனர். திவேட்டியா(30) வெற்றிக்காக தனி ஒருவனாகப் போராடியும் பலன் இல்லை. ஒட்டுமொத்தத்தில் பேட்டர்களின் தோல்விதான் குஜராத் அணியை வீழ்ச்சியில் தள்ளியது.

அது மட்டுமல்ல டேவிட் மில்லர் காயத்தால் அணியில் இடம் பெறாதது அந்த அணிக்கு பெரிய பின்னடைவு, நடுவரிசையிலும் பள்ளத்தை ஏற்படுத்தி ஆங்கர் ரோல் இல்லாத வெற்றிடத்தை ஏற்படுத்தியது.

குஜராத் அணியின் திறமையான பல வீரர்கள் இன்னும் பயன்படுத்தப்படாமல் உள்ளனர். அவர்களை இதுபோன்ற நேரத்தில் களமிறக்கி பரிசோதிக்கலாம் என எதிர்பார்க்கப்பட்டது. ஆனால், நடுவரிசைக்கு ஆங்கர் ரோல் செய்யக்கூடிய அனுபவமான பேட்டர் வில்லியம்சனைத் தவிர யாரும் இல்லை.

ஆல்ரவுண்டரான அபினவ் மனோகர் இதுவரை வாய்ப்புத் தரவில்லை, ஆஸ்திரேலியாவின் “சிறந்த ஃபினிஷர்” எனக் கூறப்படும் விக்கெட் கீப்பர் மேத்யூ வேடை, பரத்துக்குப் பதிலாகச் சேர்த்திருக்கலாம் என்றும் விமர்சிக்கப்படுகிறது.

அதேபோல ஆல்ரவுண்டர் ஓமர்சாய்க்கு ஒரு போட்டியில் மட்டுமே வாய்ப்புத் தரப்பட்டது.

குஜராத் அணியில் நேற்றைய ஆட்டத்தில் வில்லியம்ஸனுக்குப்பின், களத்தில் நிலைத்து ஆடுவதற்கு அனுபவமான பேட்டர், சர்வதேச அனுபவம் கொண்ட பேட்டர் யாருமில்லை. பேட்டர்கள் இல்லாமல் பந்துவீச்சாளர்களை மட்டும் தேர்ந்தெடுத்தது அந்த அணிக்கு எதிராகவே அமைந்துவிட்டது.

 

பட மூலாதாரம்,GETTY IMAGES

‘நல்ல ஆடுகளம், பேட்டிங் மோசம்’

குஜராத் டைட்டன்ஸ் கேப்டன் சுப்மான் கில் கூறுகையில் “ லக்னோ மைதானம் பேட்டர்களுக்கு உகந்த நல்ல விக்கெட். ஆனால், எங்களின் மோசமான பேட்டிங்தான் தோல்விக்கு காரணம். நன்றாகத் தொடங்கி, நடுப்பகுதி ஓவர்களில் விக்கெட்டுகளை இழந்தோம், அதிலிருந்துஎங்களால் மீள முடியவில்லை. எங்களின் பந்துவீச்சாளர்கள் சிறப்பாக செயல்பட்டு, 163 ரன்களில் கட்டுப்படுத்தினர்.”

“180 வரை எதிர்பார்த்தோம் ஆனால், அதற்குள் சுருட்டிவிட்டனர். எந்த நேரத்திலும்ஆட்டத்தை திருப்பக்கூடிய மில்லர் காயத்தால் இல்லாதது பெரிய பின்னடைவு. இந்த இலக்கு அடைந்துவிடக்கூடியதுதான், ஆனால், பவர்ப்ளேயின் கடைசி ஓவரில்நான் ஆட்டமிழந்திருக்கக் கூடாது. உமேஷ் தனது அனுபவத்தை வெளிப்படுத்தினார், நல்கன்டேயின் பந்துவீச்சும் சிறப்பாக இருந்தது” எனத் தெரிவித்தார்

கட்டுக்கோப்பான பந்துவீச்சு

லக்னோ அணி 160 ரன்களுக்கு மேல் குவித்து இதுவரை தோல்வி அடைந்தது இல்லை என்ற வரலாற்றை மீண்டும் தக்கவைத்துக் கொண்டது. இந்த ஆட்டத்தில் லக்னோவின் “வேகப்புயல்” மயங்க் யாதவ் ஒரு ஓவர் வீசியநிலையில் காயத்தால் போட்டியிலிருந்து விலகியது அந்த அணிக்கு பின்னடைவாக இருந்தாலும், அதை சமாளித்து மற்ற பந்துவீச்சாளர்களை வைத்து கேப்டன் ராகுல் வெற்றியை நோக்கி வழிநடத்தினார்.

அதிலும் குறிப்பாக யாஷ் தாக்கூர், குர்னல் பாண்டியா, ரவி பிஸ்னோய், நவீன் உல்ஹக் ஆகிய 4 பந்துவீச்சாளர்கள் குஜராத் அணியின் பேட்டிங் வரிசையை உலுக்கிஎடுத்தனர்.

பட மூலாதாரம்,GETTY IMAGES

ஆட்டநாயகன் தாக்கூர்

குறிப்பாக யாஷ் தாக்கூர் தனது ஐபிஎல் வாழ்க்கையில் முதல்முறையாக 5 விக்கெட்டுகளை வீழ்த்தி ஆட்டநாயகன் விருதையும் வென்றார். அற்புதமாகப் பந்துவீசிய தாக்கூர் 3.5 ஓவர்கள் வீசி அதில் ஒரு மெய்டன் 30 ரன்கள், 14 டாட்பந்துகள் எடுத்து 5 விக்கெட்டுகளையும் வீழ்த்தினார்.

வெற்றிக்கு ஆபத்தாக இருக்கக்கூடிய பேட்டர்கள் கில், திவேட்டியா, விஜய் சங்கர் என பேட்டர்கள் விக்கெட்டுகளை வீழ்த்தி வெற்றிப்பாதை அமைத்தது யாஷ் தாக்கூர் பந்துவீச்சுதான்.

குருணல் பாண்டியாவின் பந்துவீச்சு நேற்றைய ஆட்டத்தில் குஜராத் பேட்டர்களின் கைகளைக் கட்டிப்போட்டது என்று கூறலாம். 4ஓவர்கள் வீசிய குர்னல் பாண்டியா 11 ரன்கள் கொடுத்து 3 விக்கெட்டுகளை வீழ்த்தினார், இதில் 13 டாட்பந்துகள் உள்பட ஒரு பவுண்டரி,சிக்ஸர்கூட அடிக்கவிடாமல் பந்துவீசியது சிறப்பாகும்.

அதிலும் குஜராத்தின் ஆபத்தான பேட்டர் சாய் சுதர்ஷன் விக்கெட்டை வீழ்த்தி குர்னல் பாண்டியா ஆட்டத்துக்கு திருப்புமுனையை ஏற்படுத்தினார். அதன்பின் நடுவரிசை பேட்டர்கள் பிஆர் சரத், நல்கன்டே இருவரின் விக்கெட்டுகளையும் கைப்பற்றி வெற்றிக்கு முக்கியப் பங்களிப்பு செய்தார்.

 

பட மூலாதாரம்,GETTY IMAGES

ரவி பிஸ்னோய் நேற்றைய ஆட்டத்தில் 2 ஓவர்கள் மட்டுமே வீசினாலும், அவர் விக்கெட் எடுத்தவிதம், கேட்ச் பிடித்தவிதம் அணிக்கு வலுவாக அமைந்துவிட்டது. வில்லியம்ஸன் அடித்த ஷாட்டை ஸ்பைடர் போல் காற்றில் பறந்து, அந்தரத்தில் 52மைக்ரோ வினாடிகள் இருந்து ஆகச்சிறந்த கேட்சைப் பிடித்தார். வில்லியம்ஸன் விக்கெட்டை எடுத்தது குஜராத் அணியின் முதுகெலும்பை உடைத்தது போன்றதாகிவிட்டது, லக்னோ அணியும் பாதி வெற்றியை அடைந்த மனநிறைவை பிஸ்னோய் ஏற்படுத்திக் கொடுத்தார்.

163 ரன்கள் என்பது வலுவான பேட்டர்கள் இருந்திருந்தால் லக்னோ போன்ற அருமையான விக்கெட்டில் எளிதாக சேஸிங் செய்யக்கூடிய ஸ்கோர் என்பதில் சந்தேகமில்லை. ஆனால், இந்த குறைவான ஸ்கோரை வைத்துக் கொண்டு டிபெண்ட் செய்து லக்னோ வெற்றி பெற பந்துவீச்சாளர்கள் உழைப்பு முக்கியக் காரணம்.

பட மூலாதாரம்,GETTY IMAGES

ராகுல்,ஸ்டாய்னிஷ் பொறுப்பான பேட்டிங்

லக்னோ அணியின் தொடக்க ஆட்டக்காரர் டீகாக்கிற்கு நேற்று 100-வது ஐபிஎல் ஆட்டமாகும். முதல் ஓவரிலேயே சிக்ஸர் அடித்து அதிரடியாகத் தொடங்கி, அடுத்த ஓவரில் பேட்டில் எட்ஜ் எடுத்து உமேஷ் யாதவ் ஓவரில் டீகாக்(6) விக்கெட்டை இழந்தார். அடுத்துவந்த படிக்கல்(7) தொடர்ந்து 4வதுமுறையாக ஒற்றை இலக்க ரன்னில் ஆட்டமிழந்து லக்னோ அணி நிர்வாகத்துக்கு ஏமாற்றம் அளித்தார்.

அடுத்தடுத்து 2 விக்கெட்டுகளை இழந்து லக்னோ அணி தடுமாறியது. 3வது விக்கெட்டுக்கு கேப்டன் ராகுல், ஸ்டாய்னிஷ் சேர்ந்து அணியை மெல்லச் சரிவிலிருந்து மீட்டனர். 3வது விக்கெட்டுக்கு இருவரும் 73ரன்கள் சேர்த்துப் பிரிந்தனர். கேப்டன் ராகுல் ஸ்ட்ரைக் ரேட் குறித்து பெரிதாக கவலைப்படாமல் நிதானமாக ஆடி 31 பந்துகளில் 33 ரன்னில் நல்கன்டே பந்துவீச்சில் ஆட்டமிழந்தார்.

நீண்டகாலத்துக்குப்பின் ஸ்டாய்னிஷ் அற்புதமான இன்னிங்ஸை நேற்று ஆடினார். ஆங்கர் ரோல் எடுத்து ஆடிய ஸ்டாய்னிஷ் 40 பந்துகளில் அரைசதம் அடித்து, 58 ரன்னில் நல்கன்டே பந்துவீச்சில் விக்கெட்டை இழந்தார்.

பூரன், பதோனி பங்களிப்பு

கடைசி நேரத்தில் நிகோலஸ் பூரன்(32), பதோனி(20) அருமையான கேமியோ ஆடி ரன்ரேட்டை உயர்த்தினர். பூரன் டெத் ஓவர்களில் அடித்த 3 சிக்ஸர்களும், பதோனி அடித்த 3 பவுண்டரிகளும் லக்னோ அணியை பெரிய சரிவிலிருந்து மீட்டது. இருவரும் கடைசி நேரத்தில் சேர்த்த 52 ரன்கள் லக்னோ அணியை 163 ரன்கள் எனும் கவுரமான ஸ்கோருக்கு கொண்டு செல்ல உதவியது. ஒருவேளை பூரன், பதோனி நிலைக்காமல் இருந்திருந்தால், லக்னோ அணி 120 ரன்களுக்குள் சுருண்டிருக்கும் வாய்ப்பிருந்தது.

https://www.bbc.com/tamil/articles/ce9780z7m21o

துடுப்பாட்டத்தில் கொல்கத்தா பிரகாசிக்கத் தவறியது; சென்னைக்கு இலகுவான 7 விக்கெட் வெற்றி

Published By: VISHNU   09 APR, 2024 | 12:15 AM

(நெவில் அன்தனி)

கொல்கத்தா நைட் ரைடர்ஸுக்கு எதிராக சென்னை சேப்பாக்கம் எம்.ஏ. சிதம்பரம் விளையாட்டரங்கில் திங்கட்கிழமை (08) நடைபெற்ற இண்டியன் பிறீமியர் லீக் கிரிக்கெட் போட்டியில் சகலதுறைகளிலும் பிரகாசித்த சென்னை சுப்பர் கிங்ஸ் 7 விக்கெட்களால் மிக இலகுவாக வெற்றிபெற்றது.

இந்தியாவில் நடைபெற்றுவரும் 17ஆவது இண்டியன் பிறீமியர் லீக் அத்தியாயத்தின் 22ஆவது போட்டி இதுவாகும்.

இந்தப் போட்டியில் கொல்கத்தா நைட் ரைடர்ஸினால் நிர்ணயிக்கப்பட்ட சுமாரான 138 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய சென்னை சுப்பர் கிங்ஸ் 17.4 ஓவர்களில் 3 விக்கெட்களை இழந்து 141 ஓட்டங்களைப் பெற்று வெற்றியீட்டியது.

கொல்கத்தா நைட் ரைடர்ஸ் அணி  வீரர்களைப் போன்று கவனக்குறைவாக துடுப்பெடுத்தாடாமல் நிதனாத்தைக் கடைப்பிடித்தவாறு வெற்றியை மாத்திரம் குறிவைத்து சென்னை சுப்பர் கிங்ஸ்  வீரர்களைப்   துடுப்பெடுத்தாடி அதனை நிறைவேற்றிக்கொண்டனர்.

ரச்சின் ரவிந்த்ரா 15 ஓட்டங்களுடன் ஆட்டம் இழந்தபோதிலும் டெரில் மிச்செல், ஷிவம் டுபே ஆகியோருடன் சிறப்பான இணைப்பாட்டங்களை ஏற்படுத்தி அணியின் வெற்றியை அணித் தலைவர் ருத்துராஜ் கய்க்வாட் உறுதிசெய்தார்.

இரண்டாவது விக்கெட்டில் டெரில் மிச்செலுடன் 55 பந்துகளில் 70 ஓட்டங்களைப் பகிர்ந்த ருத்துராஜ் கய்க்வாட், 3ஆவது விக்கெட்டில் ஷவம் டுபேயுடன் மேலும் 38 ஓட்டங்களைப் பகிர்ந்தார்.

டெரில் மிச்செல் 27 ஓட்டங்களையும் ஷிவம் டுபே 28 ஓட்டங்களையும் பெற்றனர்.

ருத்துராஜ் கய்க்வாட் 67 ஓட்டங்களுடனும் எம்.எஸ். தோனி ஒரு ஓட்டத்துடனும் ஆட்டம் இழக்காதிருந்தனர்.

பந்துவீச்சில் வைபாவ் அரோரா 28 ஓட்டங்களுக்கு 2 விக்கெட்களைக் கைப்பற்றினார்.

முன்னதாக முதலில் துடுப்பெடுத்தாட அழைக்கப்பட்ட கொல்கத்தா நைட் ரைடர்ஸ் 20 ஓவர்களில் 9 விக்கெட்களை இழந்து 137 ஓட்டங்களைப் பெற்றது.

பவர் ப்ளே நிறைவில் ஒரு விக்கெட்டை மாத்திரம் இழந்து 56 ஓட்டங்களைப் பெற்று பலமான நிலையிலிருந்த கொல்கத்தா நைட் ரைடர்ஸ் அதன் பின்னர் சீரான இடைவெளியில்  விக்கெட்களை   இழந்தது.

சென்னை பந்துவீச்சாளர்கள் சமயோசிதமாக பந்துவீசி கொல்கத்தா துடுப்பாட்ட வீரர்களுக்கு சிரமத்தைக் கொடுத்தனர். பெரும்பாலான துடுப்பாட்ட வீரர்கள் தவறான அடி தெரிவுகளால் பிடிகளைக் கொடுத்து ஆட்டம் இழந்தனர்.

அதிரடி ஆட்டக்காரர் சுனில் நரேன் 27 ஓட்டங்களையும் அங்கரிஷ் ரகுவான்ஷி 24 ஓட்டங்களையும் ஷ்ரேயாஸ் ஐயர் 34 ஓட்டங்களையும் பெற்றனர்.

பந்துவீச்சில் ரவிந்த்ர ஜடேஜா 18 ஓட்டங்களுக்கு 3 விக்கெட்களையும் துஷார் தேஷ்பாண்டே 33 ஒட்டங்களுக்கு 3 விக்கெட்களையும் முஸ்தாபிஸுர் ரஹ்மான் 22 ஓட்டங்களுக்கு 2 விக்கெட்களையும் கைப்பற்றினர்.

இந்தப் போட்டியில் தனது 100ஆவது பிடியை எடுத்த ரவிந்த்ர ஜடேஜா, ஐபிஎல் வரலாற்றில் அரிய மைல்கல் சாதனை ஒன்றை நிலைநாட்டினார்.

ஐபிஎல் வரலாற்றில் 1000 ஓட்டங்கள், 100 விக்கெட்கள், 100 பிடிகள் என்ற அரிய மைல்கல் சாதனையை நிலைநாட்டிய வீரர் என்ற பெருமையை ரவிந்த்ர ஜடேஜா இன்று பெற்றுக்கொண்டார்.

இத்தகைய சாதனையைத் தன்னகத்தே கொண்டுள்ள ஜடேஜா இன்றைய போட்டியில் ஆட்டநாயகன் விருதை வென்றெடுத்தார்.

https://www.virakesari.lk/article/180771

சன்ரைஸ் அணியில் யாழ் மத்திய கல்லூரியின் பழைய மாணவர் விஜயகாந்த் தெரிவு செய்யப்பட்டிருக்கிறார். 

Edited April 9, 20241 yr by கந்தப்பு
எழுத்துப்பிழை

ஐ.பி.எல். தொடரில் விஜயகாந்த் வியாஸ்காந்த்

Published By: VISHNU   09 APR, 2024 | 07:13 PM

 

நடைபெற்றுவரும் ஐ.பி.எல். தொடரில் யாழ்ப்பாணத்தை சேர்ந்த விஜயகாந்த் வியாஸ்காந்தை சன்ரைசர்ஸ் ஹைதராபாத் அணிக்குள் இணைக்கப்பட்டுள்ளார்.

இந்த அறிவிப்பை சன்ரைசர்ஸ் ஹைதராபாத் அணி நிர்வாகம் உத்தியோகப்பூர்வமாக அறிவித்துள்ளது.

சன்ரைசர்ஸ் ஹைதராபாத் அணியிலிருந்து காயம் காரணமாக இலங்கை வீரர் வனிந்து ஹசரங்க விலகியதன் காரணமாகவே இந்த முடிவு எடுக்கப்பட்டுள்ளது.

வனிந்து ஹசரங்க இந்த ஆண்டு ஐபிஎல் போட்டியில் ஹைதராபாத் சன்ரைசர்ஸ் அணிக்காக விளையாடவுள்ளார்.

வனிந்து ஹசரங்கவுக்கு ஏற்பட்ட காயம் குணமடையாததால் ஐ.பி.எல். தொடரில் விளையாட முடியாது என இலங்கை கிரிக்கெட் நிறுவனம் இந்திய கிரிக்கெட் கட்டுப்பாட்டு சபைக்கு தெரிவித்திருந்தது.

அதன்படி வனிந்துவுக்கு பதிலாக விஜயகாந்த் வியாஸ்காந்த் சன்ரைசர்ஸ் ஹைதராபாத் அணியில் சேர்க்கப்பட்டுள்ளார். 

வியாஸ்காந்த் தற்போது சன்ரைசர்ஸ் ஹைதராபாத் அணிக்காக வலை பந்துவீச்சாளராக செயற்பட்டு வருகின்றமை குறிப்பிடத்தக்கது.

https://www.virakesari.lk/article/180847

இது ஆகச் சிறந்த ஆட்டம் என கம்மின்ஸ் கூறியது ஏன்? - அப்படி என்ன நடந்தது?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• 59 நிமிடங்களுக்கு முன்னர்

டி20 போட்டி என்றாலே விறுவிறுப்பு, திருப்பங்கள், இருக்கையின் நுனியில் அமரவைக்கும் முடிவு, ரத்தக்கொதிப்பை ஏற்றும் தருணங்கள், இதயத்துடிப்பை எகிற வைக்கும் தருணங்கள் பெரும்பாலும் இருக்கும். அவை அனைத்தும் நேற்றைய பஞ்சாப் மற்றும் சன்ரைசர்ஸ் ஆட்டத்தை நேரிலும், தொலைக்காட்சியிலும் பார்த்த ரசிகர்களுக்கு ஏற்பட்டிருக்கும் என்று நம்பலாம்.

கடைசிப்பந்து வரை யார் பக்கம் ஆட்டம் முடியும் என்று கணிக்க முடியாத அளவுக்கு பரபரப்பு நிறைந்ததாக இருந்தது. சிறந்த டி20 ஆட்டங்களுள் ஒன்றாக இந்த ஆட்டத்தைக் குறிப்பிடலாம். கடைசி ஓவரின் கடைசிப் பந்துவரை பஞ்சாப் பேட்டர்கள் வெற்றிக்காகப் போராடினார்கள், அதேநேரம், பதற்றத்தில் சன்ரைசர்ஸ் பந்துவீச்சாளர் உனத்கட் வெற்றியைத் தவறவிட்டுவிடுவாரோ என்ற படபடப்பு என அனைத்தும் தொற்றிக்கொண்டு ரசிகர்களின் டென்ஷனை உச்சத்துக்கு கொண்டு சென்றது.

உனத்கட் வீசிய ஒரு பந்தில்தான் ஆட்டத்தின் முடிவு தலைகீழானது. கடைசி ஓவரை தொடக்கத்தில் இருந்து மோசமாக வீசிய உனத்கட் அந்தஒரு பந்தையும் வழக்கம்போல் மோசமாக வீசியிருந்தால், வெற்றியை பஞ்சாப்பிடம் தூக்கிக்கொடுத்துவிட்டு சன்ரைசர்ஸ் சென்றிருக்கும். ஆக, பஞ்சாப்பின் தோல்வி, சன்ரைசர்ஸ் வெற்றி அனைத்தும் ஒரு பந்தில்தான் முடிவு செய்யப்பட்டது.

முல்லான்பூரில் நேற்று நடந்த ஐபிஎல் டி20 தொடரின் 23-வது லீக் ஆட்டத்தில் பஞ்சாப் கிங்ஸ் அணியை 2 ரன்களில் தோற்கடித்தது சன்ரைசர்ஸ் ஹைதராபாத் அணி.

 

பட மூலாதாரம்,GETTY IMAGES

முதலில் பேட் செய்த சன்ரைசர்ஸ் ஹைதராபாத் அணி 20 ஓவர்களில் 9 விக்கெட் இழப்புக்கு 182 ரன்கள் சேர்த்தது. 183 ரன்கள் சேர்த்தால் வெற்றி எனும் இலக்குடன் களமிறங்கிய பஞ்சாப் அணி 20 ஓவர்களில் 6 விக்கெட் இழப்புக்கு 180 ரன்கள் சேர்த்து 2 ரன்னில் தோல்வி அடைந்தது.

இந்த வெற்றியின் மூலம் சன்ரைசர்ஸ் அணி 5 போட்டிகளில் 3 வெற்றி, 2 தோல்வி என 6 புள்ளிகளுடன் 5வது இடத்துக்கு முன்னேறியுள்ளது, நிகர ரன்ரேட்டும் 0.344 ஆக இருக்கிறது. இந்த ஆட்டத்தில் வெற்றிக்காக கடைசிவரை இழுத்தடித்து வந்தது நிகர ரன்ரேட்டை பெரிதாக உயர்த்தவில்லை. மாறாக பஞ்சாப் கிங்ஸ் அணி 5 போட்டிகளி்ல் 3 தோல்விகள், 2 வெற்றி என 4 புள்ளிகளுடன் நிகர ரன்ரேட் மைனஸ் 0.196 என 6-வது இடத்தில் இருக்கிறது.

சன்ரைசர்ஸ் அணி ஒரு கட்டத்தில் 150 ரன்களைக் கடப்பதே கடினம் என்ற நிலையில் இருந்தது. ஆனால், அந்த அணியை பேட்டிங்கிலும், பந்துவீச்சிலும் சிறப்பாகக் கொண்டு சென்றவர் ‘அன்கேப்டு’ வீரர் நிதீஷ்குமார் ரெட்டிதான். நிதீஷ் குமார் ரெட்டி 37 பந்துகளில் 64(5சிக்ஸர்கள், 4 பவுண்டரிகள்) ரன்கள் சேர்த்தும், பந்துவீச்சில் ஒரு விக்கெட்டையும் வீழ்த்தி ஆட்டநாயகன் விருது வென்றார்.

சன்ரைசர்ஸ் அணி நீண்டகாலத்துக்கு பின் சிறந்த ஆல்ரவுண்டர்களையும், இளம் வீரர்களையும் அடையாளம் கண்டுள்ளது. இளம் வீரர்கள் மீது சன்ரைசர்ஸ் அணி செய்த முதலீடு வீண்போகவில்லை. அப்துல் சமது (25), ஷான்பாஸ் அகமது (14) அபிஷேக் சர்மா (16) என இளம் வீரர்கள் பல நேரங்களில் சன்ரைசர்ஸ் வெற்றிக்கு முக்கியக் காரணமாக அமைந்துள்ளனர். அது மட்டுமல்லாமல் இதுபோன்ற இளம் வீரர்கள் இந்திய அணியின் தேர்வாளர்களுக்கு இதுபோன்ற ஆட்டத்தின் மூலம் அடையாளம் காட்டப்பட்டுள்ளனர்.

பட மூலாதாரம்,GETTY IMAGES

படக்குறிப்பு,

இந்த ஓவரில் அஷுதோஷ் 2 பவுண்டர்கள் உள்பட 11 ரன்கள் சேர்த்து வெற்றிக்கு அருகே அணியை நகர்த்தினார்

போராடிய பஞ்சாப் வீரர்கள்

அதேபோல பஞ்சாப் கிங்ஸ் அணியின் பேட்டர்கள் அஷுதோஷ், சஷாங் இருவரும் கடைசிப் பந்துவரை தங்கள் அணியின் வெற்றிக்காகப் போராடினார்கள். ஏற்கெனவே குஜராத் டைட்டன்ஸ் அணிக்கு எதிரான ஆட்டத்தில் தோல்வி என அனைவரும் நினைத்த நேரத்தில் சஷாங்க், அஷுதோஷ் இருவரும் இணைந்து மாபெரும் வெற்றியைத் தேடித்தந்த நிலையில் நேற்றைய ஆட்டத்தையும் இருவரும் மாற்ற முயன்றனர். ஆனால், ஒரு பந்தில் அனைத்தும் மாறியது. சஷாங் 46 ரன்களிலும், அஷுதோஷ் 33 ரன்களிலும் இறுதிவரை ஆட்டமிழக்காமல் இருந்தனர்.

சன்ரைசர்ஸ் அணியின் கேப்டன் கம்மின்ஸ் கூறுகையில் “கிரிக்கெட்டின் மிகச்சிறந்த ஆட்டமாக இது இருக்கும். பஞ்சாப் சிறப்பாக பந்துவீசி தொடங்கினாலும் எங்கள் பேட்டர்கள் 182 ரன்கள் அடித்துவிட்டார்கள். அதையும் நாங்கள் டிபெண்ட் செய்திருக்கிறோம். இம்பாக்ட் வீரரின் சிறப்பே பேட்டிங் வரிசையை இன்னும் ஆழமாக கொண்டு செல்ல முடியும். 150 ரன்கள் சேர்த்திருந்தால், நிச்சயமாக தோற்றிருப்போம்.

"புதிய பந்து எப்போதுமே விக்கெட்டை பெற்றுக்கொடுப்பதில் முக்கியம்வாய்ந்தது. எங்கள் பெஞ்ச் வலிமை, வீரர்கள் செயல்பாடு மகிழ்ச்சியாக இருக்கிறது. புதிய பந்தில் நானும், புவியும் சிறப்பாக பந்துவீசி இரு விக்கெட்டுகளை வீழ்த்தியது திருப்பமாக அமைந்தது. இரு அணிகளிலும் ஏராளமான இடதுகை, வலது பேட்டர்களும், பந்துவீச்சாளர்களும் இருப்பதால் ஆட்டம் கடும் நெருக்கடியாகச் சென்றது. நிதீஷ் குமார் சிறப்பான பங்களிப்பு செய்தார். அவரின் பேட்டிங்கால் 180 ரன்கள் வந்தது,” எனத் தெரிவித்தார்.

பட மூலாதாரம்,SPORTZPICS

ஆட்டத்தை மாற்றிய ஓவர்கள்

கடைசி 5 ஓவர்களில் பஞ்சாப் வெற்றிக்கு 78 ரன்கள் தேவை என அசாதாரண இலக்கு இருந்தது. கைவசம் 5 விக்கெட்டுகள் இருந்தன. நிதிஷ் குமார் வீசிய 16-வது ஓவரில் ஜிதேஷ் சர்மா சிக்ஸர் அடித்தநிலையில் விக்கெட்டை இழந்தார். அந்த ஓவரில் பஞ்சாப் 11 ரன்கள் சேர்த்தது.

6-ஆவது விக்கெட்டுக்கு சஷாங்குடன், அஷுதோஷ் சேர்ந்தார். புவனேஷ்வர் வீசிய 17வது ஓவரில் சஷாங் சிங் 3 பவுண்டரிகள் உள்பட 17 ரன்கள் சேர்த்து ஆட்டத்தை பரபரப்பாக்கினார்.

கடைசி 3 ஓவர்களில் பஞ்சாப் வெற்றிக்கு 50 ரன்கள் தேவைப்பட்டது. கேப்டன் கம்மின்ஸ் 18-வது ஓவரை வீசினார். இந்த ஓவரில் அஷுதோஷ் 2 பவுண்டர்கள் உள்பட 11 ரன்கள் சேர்த்து வெற்றிக்கு அருகே அணியை நகர்த்தினார். கடைசி 12 பந்துகளில் வெற்றிக்கு 39 ரன்கள் தேவைப்பட்டது.

நடராஜன் வீசிய 19-ஆவது ஓவரில் அஷுதோஷ், சஷாங் இருவரும் தலா ஒரு பவுண்டரி அடித்து 10 ரன்கள் சேர்த்தனர். கடைசி ஓவரில் வெற்றிக்கு 29 ரன்கள் தேவைப்பட்டன. பஞ்சாப் அணி வென்றுவிடுமா அல்லது தோல்வியைத் தழுவுமா என்ற பரபரப்பு அரங்கில் ரசிகர்களைத் தொற்றிக்கொண்டது.

திக்..திக்.. கடைசி ஓவர்

20-ஆவது ஓவரை உனத்கட் வீசினார். உனத்கட் வீசிய முதல் பந்தில் அஷுடோஷ் மிட்விக்கெட் திசையில் சிக்ஸருக்கு பறக்கவிட்டார். இதனால் பதற்றமடைந்த உனத்கட் தொடர்ந்து 2 வைடு பந்துகளை வீசி, கூடுதலாக 2 ரன்களைக் கொடுத்தார். 2-வது பந்தில் லாங்ஆன் திசையில் அஷுதோஷ் மீண்டும் ஒரு சிக்ஸரை விளாசினார்.

இதனால் 2 பந்துகளில் வெற்றிக்கு 14 ரன்களை பஞ்சாப் சேர்த்தது. கடைசி 4 பந்துகளில் 15 ரன்கள் தேவைப்பட்டது. 3வது பந்தில் அஷுதோஷ் 2 ரன்கள் சேர்த்தார். 3 பந்துகளில் வெற்றிக்கு 13 ரன்கள் தேவை. 4-வது பந்திலும் அஷுதோஷ் 2 ரன்கள் சேர்த்து ஸ்ட்ரைக்கை தக்கவைத்தார். 2 பந்துகளில் வெற்றிக்கு 11 ரன்கள் தேவை. 5-வது பந்தை உனத்கட் மீண்டும் வைடு பந்தாக வீசினார். இதில் கூடுதலாக ஒரு ரன் கிடைக்க வெற்றிக்கு 10 ரன்கள் மட்டுமே தேவைப்பட்டது. 5-வது பந்தில் அஷுதோஷ் மிட்விக்கெட்டில்தூக்கி அடிக்க பவுண்டரி செல்லும் என எதிர்பார்க்கப்பட்டு ஒரு ரன் மட்டுமே கிடைத்தது.

இந்த ஒரு பந்து தான் ஆட்டத்தை மாற்றிய சூத்திரதாரியாக இருந்தது. கடைசிப் பந்தில் வெற்றிக்கு 9 ரன்கள் தேவைப்பட்டநிலையில் சஷாங் சிங் ஒரு சிக்ஸர் அடிக்க 2 ரன்னில் பஞ்சாப் அணி தோற்றது. கடைசி ஓவரில் மட்டும் அஷுதோஷுக்கு 3 கேட்சுகளை பஞ்சாப் அணி கோட்டைவிட்டும், வெற்றிபெற்றுள்ளது.

பட மூலாதாரம்,GETTY IMAGES

படக்குறிப்பு,

ஹர்பிரித் பிரார் ஓவரில் ஒரு பவுண்டரி, சிக்ஸர், ரபாடா ஓவரில் ஒரு சிக்ஸர், சாம்கரன் ஓவரில் ஒரு சிக்ஸர் என நிதிஷ் குமார் பந்துகளை பறக்கவிட்டார்

சன்ரைசர்ஸை மீட்ட ஆபத்பாந்தவன்

சன்ரைசர்ஸ் அணியின் ஸ்கோர் நேற்றைய ஆட்டத்தில் 150 ரன்களைக் கடப்பதே கடினமாக இருந்தது. தொடக்க ஆட்டக்காரர்கள் டிராவிஸ் ஹெட் (21),அபிஷேக் (16), மார்க்ரம் (0), திரிபாதி (11), கிளாசன் (9) என விரைவாக ஆட்டமிழக்க 10 ஓவர்களில் 4 விக்கெட் இழப்புக்கு 64 ரன்கள் என பரிதாபமாக இருந்தது. இதனால் 120 முதல் 130 ரன்களில் ஆட்டம் முடிந்துவிடும் என்று ரசிகர்கள் எண்ணினர்.

ஆனால், நிதிஷ் குமார் ரெட்டி (64) அப்துல் சமது கூட்டணி 6-வது விக்கெட்டுக்கு 18 பந்துகளில் 50 ரன்கள் சேர்த்து பெரிய ஸ்கோருக்கு கொண்டு சென்றனர். ஷான்பாஸ் அகமது கடைசி நேரத்தில் கேமியோ ஆடி 14 ரன்களைச் சேர்த்தார். 10 ஓவர்களில் 64 ரன்கள் இருந்த சன்ரைசர்ஸ் அணியை அடுத்த 10 ஓவர்களில் 182 ரன்கள்வரை இழுத்துவந்தனர், கடைசி 10 ஓவர்களில் மட்டும் சன்ரைசர்ஸ் அணி 118 ரன்கள் சேர்த்தனர்.

ஒரு கட்டத்தில் நிதிஷ்குமார் 18 பந்துகளில் 14 ரன்கள் மட்டுமே சேர்த்திருந்தார். ஹர்பிரித் பிரார் ஓவரில் ஒரு பவுண்டரி, சிக்ஸர், ரபாடா ஓவரில் ஒரு சிக்ஸர், சாம்கரன் ஓவரில் ஒரு சிக்ஸர் என நிதிஷ் குமார் பந்துகளை பறக்கவிட்டார். அதிலும் பிரார்வீசிய 15வது ஓவரில் 2 சிக்ஸர்கள், 2 பவுண்டரிகள் என அவரைக் குறிவைத்து வெளுத்து 32 பந்துகளில் ஐபிஎல் தொடரில் முதல் அரைசதத்தை பதிவு செய்தார். நிதிஷ் குமார் மட்டும் நடுவரிசையில் நிலைத்து பேட் செய்யாமல் இருந்திருந்தால் சன்ரைசர்ஸ் தோல்வி உறுதி செய்யப்பட்டிருக்கும்.

பட மூலாதாரம்,GETTY IMAGES

படக்குறிப்பு,

நிதிஷ் குமார் ரெட்டி (64) அப்துல் சமது கூட்டணி 6-வது விக்கெட்டுக்கு 18 பந்துகளில் 50 ரன்கள் சேர்த்து பெரிய ஸ்கோருக்கு கொண்டு சென்றனர்

பஞ்சாப் அணி எங்கே கோட்டைவிட்டது?

பஞ்சாப் அணியின் பந்துவீச்சாளர்கள் முதல் 10 ஓவர்களில் சிறப்பாகவே செயல்பட்டனர், கட்டுக்கோப்பாகப் பந்துவீசினர். அதனால்தான் சனரைசர்ஸ் அணிக்கு நெருக்கடி அளித்து 4 விக்கெட்டுகளை வீழ்த்த முடிந்தது. அதிலும் பவர்ப்ளே ஓவருக்குள் 3 விக்கெட்டுகளை வீழ்த்தி பஞ்சாப் நெருக்கடி அளிக்க முடிந்தது.

ஆனால், 10 ஓவர்களுக்கு மேல் அதிலும் 16 ஓவர்கள் வரை ஆட்டம் கையைவிட்டு சென்றது. இந்த 6 ஓவர்களுக்குள்தான் நிதீஷ்குமார் ரெட்டி பஞ்சாப் பந்துவீச்சை பஞ்சாகப் பறக்கவிட்டார். அதிலும் சாம்கரன், ஹர்பிரித் பிரார், இருவரின் ஓவர்களும் குறிவைக்கப்பட்டது. பஞ்சாப் கேப்டன் ஷிகர் தவண் நேற்று 5 பந்துவீச்சாளர்களை மட்டுமே பயன்படுத்தினார், கூடுதலாக வேறு சில பந்துவீச்சாளர்களைப் பயன்படுத்தி இருந்தால், அல்லது இம்பாக்ட் வீரராக களமிறக்கி இருந்தால், சன்ரைசர்ஸ் ஸ்கோரை கட்டுப்படுத்தி இருக்கலாம்.

பட மூலாதாரம்,SPORTZPICS

பேட்டிங்கில் பேர்ஸ்டோ இந்த சீசன் தொடங்கியதில் இருந்து சரியாக ஆடவில்லை. இந்த ஆட்டத்தில் கம்மின்ஸ் பந்துவீச்சை மோசமான ஷாட் மூலம் அடிக்க முயன்று பேர்ஸ்டோ டக்அவுட்டில் வெளியேறினார். கேப்டன் தவண், பிரப்சிம்ரன் சிங் ஆகியோரும் ஓரளவுக்கு பங்களிப்பு செய்திருக்க வேண்டும். இருவரும் குறைந்தபட்ச ஸ்கோர் செய்திருந்தால், கடைசி நேரத்தில் சஷாங்சிங், அஷுதோஷுக்கு நெருக்கடி வந்திருக்காது. இருவரும் இருந்த ஃபார்மிற்கு வெற்றியை எளிதாக பெற்றுக் கொடுத்திருப்பார்கள்.

பேர்ஸ்டோவை அமரவைத்து, ஜிதேஷ் சர்மாவை கீப்பிங் செய்ய வைக்கலாம், பேர்ஸ்டோவுக்குப் பதிலாக லிவிங்ஸ்டோன் அல்லது ரிலோ ரூஸோ இருவரில் ஒருவரை ஆட வைக்கலாம்.

நடுவரிசையில் சாம்கரன் (29) சிக்கந்தர் ராசா (28), ஜிதேஷ் சர்மா (19) ஆகியோர் சிறந்த கேமியோ ஆடி ரன்களைச் சேர்த்தனர். ஆனால், அஷுடோஷ், சஷாங்க் சிங் இருவரின் பேட்டிங்கும் நேற்றை ஆட்டத்தில் மாஸ்டர் கிளாஸ் என்றுதான் கூற முடியும்.

பந்துவீச்சில் சாம்கரன், ஹர்பிரித் பிரார் தவிர்த்து 3 பேருமே சிறப்பாக பந்துவீசினர். அர்ஷ்தீப் சிங் 4 ஓவர்கள் வீசி 29 ரன்கள் கொடுத்து 4 விக்கெட்டுகளை கைப்பற்றினார். அர்ஷ்தீப் தனது முதல் இரு ஓவர்களில் 8 ரன்கள் கொடுத்து 2 விக்கெட்டுகளை வீழ்த்தி அருமையாகப் பந்துவீசியிருந்தார். டெத் ஓவர்களில் அர்ஷ்தீப் பந்துவீச்சும் கட்டுக்கோப்பாக இருந்ததால்தான் ஷான்பாஸ் அகமதுவால் பெரிதாக அடிக்க முடியவில்லை.

இது, பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/cglx9ez4kpxo

ரஷித்கான் பேட்டாலும் பந்தாலும் நிகழ்த்திய அற்புதம் - குஜராத் அணி தோல்வியை வெற்றியாக மாற்றியது எப்படி?

பட மூலாதாரம்,GETTY IMAGES

கட்டுரை தகவல்

• எழுதியவர், க. போத்திராஜ்
• பதவி, பிபிசி தமிழுக்காக
• 6 மணி நேரங்களுக்கு முன்னர்

ஐபிஎல் டி20 தொடரின் ப்ளே ஆஃப் சுற்று இன்னும் தொடங்கவே இல்லை, ஆனால், அதற்குள் ஒவ்வொரு லீக் ஆட்டமும் பல ட்விட்ஸ்ட்கள் நிறைந்தும், ரசிகர்களின் இதயத்துடிப்பை எகிறச் செய்யும் போட்டியாகவும் அமைந்து வருகிறது.

சன்ரைசர்ஸ்-பஞ்சாப் கிங்ஸ் ஆட்டம் நேற்றுமுன்தினம் பரபரப்பாக அமைந்தநிலையில் அதைவிட பல மடங்கு ரத்தக்கொதிப்பை எகிறச் செய்யும் ஆட்டமாக நேற்றைய ராஜஸ்தான் ராயல்ஸ் மற்றும் குஜராத் டைட்டன்ஸ் அணிகளுக்கு இடையிலான ஆட்டம் அமைந்திருந்தது.

16-வது ஓவருக்குப்பின் ஆட்டத்தின் முடிவில் “ஜிக்ஜாக்” ஏற்படத் தொடங்கியது. ஒரு ஓவர் ராஜஸ்தானுக்கு சாதகமாகவும், மற்றொரு ஓவர் குஜராத்துக்கு சாதகதமாகவும் என யாருமே கணிக்க முடியாதவகையில், இருக்கையைவிட்டும், தொலைக்காட்சியிலிருந்து கண்களை அகற்றவிடாமலும் ஆட்டம் அமைந்தது.

ராஜஸ்தான் அணி தனது அனைத்துவிதமான “சிலிண்டர்களை ஃபயர்” செய்தும், இறுதியில் வெற்றியை குஜராத்திடம் கோட்டைவிட்டது. கடைசிப்பந்தில் குஜராத் அணி வெற்றியைச் சுவைத்து தங்களை ஆசுவாசப்படுத்தி, பெருமூச்சுவிட்டுக்கொண்டது.

ஜெய்ப்பூரில் நேற்று நடந்த ஐபிஎல் டி20 தொடரின் 24-வது ஆட்டத்தில் ராஜஸ்தான் ராயல்ஸ் அணியை 3 விக்கெட் வித்தியாசத்தில் தோற்கடித்தது குஜராத் டைட்டன்ஸ் அணி.

முதலில் பேட் செய்த ராஜஸ்தான் ராயல்ஸ் அணி 3 விக்கெட் இழப்புக்கு 196 ரன்கள் குவித்தது. 197 ரன்கள் சேர்த்தால் வெற்றி எனும் இலக்குடன் களமிறங்கிய குஜராத் டைட்டன்ஸ் அணி 7 விக்கெட் இழப்புக்கு 199 ரன்கள் சேர்த்து 3 விக்கெட் வித்தியாச்தில் வென்றது.

 

பட மூலாதாரம்,GETTY IMAGES

ராஜஸ்தானுக்கு முதல் தோல்வி

தொடர்ந்து வெற்றிகளைப் பெற்று முதலிடத்தில் இருந்து வந்த ராஜஸ்தான் ராயல்ஸ் அணி தொடரில் முதல் தோல்வியை அதிலும் சொந்த மைதானத்தில் அடைந்துள்ளது. இதன் மூலம் 5 போட்டிகளில் ஒரு தோல்வி, 4 வெற்றி, 8 புள்ளிகளுடன் முதலிடத்தில் நீடித்தாலும், நிகர ரன்ரேட் 0.871ஆகக் குறைந்துவிட்டது.

குஜராத் டைட்டன்ஸ் அணி தொடர்ந்து இரு தோல்விகளைச் சந்தித்தநிலையில் இந்த போராட்டமான சேஸிங் அந்த அணி வீரர்களுக்கு உற்சாகத்தை அளிக்கும். 6 போட்டிகளில் 3 தோல்வி, 3 வெற்றிகளுடன் 6 புள்ளிகளுடன் 6வது இடத்துக்கு நகர்ந்துள்ளது, நிகரரன்ரேட் மைனஸ் 0.637 என்ற ரீதியில் இருக்கிறது.

குஜராத் அணியின் வெற்றிக்கு கேப்டன் சுப்மான் கில் சிறந்த அடித்தளம் அமைத்துக் கொடுத்தாலும் நடுவரிசை பேட்டர்கள் அடுத்தடுத்து ஆட்டமிழந்து ஏமாற்றம் அளித்து தோல்வியை நோக்கி கொண்டு சென்றனர். ஆனால், 7வது விக்கெட்டுக்கு ராகுல் திவேட்டியா, ரஷித்கான் கூட்டணி ஆட்டத்தின் போக்கையே மாற்றியது.

பட மூலாதாரம்,GETTY IMAGES

ரஷித்கான் எனும் பிரமாஸ்திரம்

ரஷித்கான் மிகவும் முக்கியத்துவம் வாய்ந்த போட்டிகளில் தன்னுள் மறைந்திருக்கும் பேட்டிங் திறனை வெளிப்படுத்தி, அணியை கரைசேர்த்துவிடுகிறார். இதற்கு முன்பும் பல ஆட்டங்கள் அதற்கு உதாரணமாக அமைந்ந்திருந்த நிலையில் நேற்றைய ஆட்டம் கூடுதல் சிறப்பு சேர்த்தது.

பந்துவீச்சில் 4 ஓவர்கள் வீசி 18 ரன்கள் ஒரு விக்கெட் 10 டாட் பந்துகள் என ராஜஸ்தான் ராயல்ஸ் பேட்டர்களை ரஷித்கான் கட்டிப்போட்டார். பேட்டிங்கிலும் கடைசி நேரத்தில் களமிறங்கிய ரஷித்கான் 11 பந்துகளில் 24ரன்கள் சேர்த்து அணியை வெற்றிக்கு கொண்டு சென்றார்.

ரஷித்கான் தனது கணக்கில் அடித்த 4 பவுண்டரிகளும், சாதாரண பவுண்டரிகள் அல்ல “கோல்டன் பவுண்டரிகள்” என்றுதான் சொல்ல வேண்டும். ரஷித்கான் அந்த பவுண்டரிகளை அடிக்காமல் இருந்தால், எதுவுமே சாத்தியமாக இருந்திருக்காது.

ரஷித் பற்றி சுப்மான் கில் கூறியது என்ன?

குஜராத் டைட்டன்ஸ் அணியின் கேப்டன் சுப்மான் கில் கூறுகையில் “ கடைசிப்பந்தில் வெற்றி என்பது அற்புதமான தருணம். ரஷித் அருமையான வீரர், இவரைப் போன்றவர் அணிக்குத் தேவை. கடந்த போட்டியிலும் திவேட்டியா, ரஷித் கான் முக்கியப் பங்களிப்பு செய்தனர், இந்த ஆட்டத்தில் வெற்றிக்கு உதவியுள்ளனர். இருவரும் விளையாடியவிதத்தைப் பார்க்க மகிழ்ச்சியாக இருந்தது. கடைசிவரை போராடிய அந்த மனநிலைதான் வெற்றி கொடுத்தது” எனத் தெரிவித்தார்.

 

‘சஞ்சுமல் பாய்ஸ்’ ஆட்டத்தை தவறவிட்டது எங்கே?

15-ஆவது ஓவர்கள்வரை வெற்றி என்னமோ ராஜஸ்தான் ராயல்ஸ் பக்கம்தான் இருந்தது என்பதை மறுப்பதற்கில்லை. ஆனால், அடுத்த 5 ஓவர்களில் வெற்றியை ஒருவர் மாற்றி, ஒருவர் பிடுங்குவதும், தக்கவைப்பதுமாக இருந்தனர். கடைசி 5 ஓவர்களில் குஜராத் வெற்றிக்கு 73 ரன்கள் தேவைப்பட்டது.

கில் 64 ரன்களுடனும், திவேட்டியாவும் களத்தில் இருந்தனர். சஹல் வீசிய 16வது ஓவரில் கில் இரு பவுண்டரிகளை விளாசிய நிலையில் 3வது பவுண்டரிக்கு ஆசைப்பட்டு வைடு பந்தை அடிக்கமுயன்று விக்கெட்கீப்பர் சாம்ஸனால் ஸ்டெம்பிங் செய்யப்பட்டு ஆட்டமிழந்தார். சுப்மான் கில் ஆட்டமிழந்ததும் ராஜஸ்தான் வெற்றி ஒளிமயமானது. அடுத்துவந்த ஷாருக்கான், திவேட்டியாவுடன் இணைந்தார்.

அஸ்வின் நேற்றைய ஆட்டத்தில் எதிர்பார்த்த அளவுக்கு பந்துவீசவில்லை, அவரின் பந்துவீச்சு சுத்தமாக எடுபடவில்லை. அஸ்வின் வீசிய 17-வது ஓவரில் ஷாருக்கான் ஒரு சிக்ஸர், பவுண்டரியும், திவேட்டியா ஒருபவுண்டரியும் என 17 ரன்கள் எடுத்தனர்.

கடைசி 3 ஓவர்களில் குஜராத் வெற்றிக்கு 42 ரன்கள் தேவைப்பட்டது. 18-வது ஓவரை கட்டுக்கோப்பாக வீசிய ஆவேஷ்கான், முதல் இருபந்துகளி்ல் 2 ரன்களையும், 3வது பந்தில் ஷாருக்கானை யார்கர்மூலம் கால்காப்பில் வாங்க வைத்து ஆட்டமிழக்கச் செய்து ட்விஸ்டை ஏற்படுத்தினார். அந்த ஓவரில் குஜராத் அணி 7 ரன்கள் மட்டுமே சேர்த்தது.

பட மூலாதாரம்,GETTY IMAGES

வெற்றியைத் தீர்மானித்த கடைசி 2 ஓவர்

கடைசி 12 பந்துகளில் குஜராத் வெற்றிக்கு 35 ரன்கள் தேவைப்பட்டது. திவேட்டியா, ரஷித்கான் களத்தில் இருந்தனர். 19-வது ஓவரை குல்தீப் சென் வீசினார். முதல் பந்தில் ஒரு ரன்னை விட்டுக்கொடுத்த சென், 2வது பந்தைவைடாக வீசினார். அடுத்தபந்தில் திவேட்டியா ஒரு பவுண்டரி விளாசினார். 4வது பந்தை நோபாலாக வீசி 5 ரன்களை குல்தீப் வழங்கினார். 5-வது பந்தை மீண்டும் வைடாக வீசி, கடைசிப்பந்தில் திவேட்டியா ஒரு பவுண்டரி விளாசினார்.

குல்தீப் சென் 2 வைடுகள், ஒரு நோபால் என 6 பந்துகளுக்கு கூடுதலாக 3 பந்துகள் வீசியது, குஜாரத் அணிக்கு சாதகமாக மாறி ரன்சேர்க்க உதவியது. இந்த ஓவரில் 20 ரன்களை குஜராத் அணி சேர்த்தது. 2 வைடுகளையும், நோபாலையும் குல்தீப் தவிர்த்திருந்தால் 7 ரன்களை குறைத்திருக்கலாம்.

கடைசி ஓவரில் குஜராத் வெற்றிக்கு 15ரன்கள் தேவைப்பட்டது. போட்டி நேரத்தைவிட கூடுதலாக ராஜஸ்தான் எடுத்துக்கொண்டதால், 30யார்ட் வட்டத்துக்குள் கூடுதலாக ஒருபீல்டரை நிறுத்தும் வகையில் அபராதம் விதிக்கப்பட்டது. பவுண்டரி எல்லையில் 4 பீல்டர்கள் மட்டுமே வைத்து பின்னடைவைச் சந்தித்தது.

கடைசி ஓவரை ஆவேஷ்கான் வீசினார். முதல் பந்தில் ரஷித்கான் பேட்டை கிராஸ்ச செய்து லெக்திசையில் பவுண்டரி விளாசினார்.

2-வது பந்தில் 2 ரன்களைச் சேர்த்த ரஷித்கான் 3-வது பந்தில் ரஷித்கான் பேட்டின் நுனியில் பட்டு தேர்டுமேன் திசையில் பவுண்டரி சென்றது. 3 பந்துகளில் குஜராத் அணி 10 ரன்கள் சேர்த்துவிட்டது. 3 பந்துகளையும் ரஷித்கான் ஸ்ட்ரைக்கில் தக்கவைத்துக்கொண்டார்.

கடைசி 3 பந்துகளில் வெற்றிக்கு 5 ரன்கள் மட்டுமே தேவை. 4-வது பந்தைதட்டிவிட்டு ரஷித்கான் ஒரு ரன் சேர்த்தார். 5-வது பந்தில் திவேட்டியா பந்தை தட்டிவிட எல்லைக்கோடுவரை சென்ற பந்தை பட்லர் விரட்டிப்பிடித்து பீல்டிங் செய்து எறிந்தார். திவேட்டியா (22) 3வது ரன்னுக்கு ஆசைப்பட்டு ரன்அவுட் ஆகி வெளியேறியதால் ஆட்டத்தில் பரபரப்பு தொற்றியது.

கடைசி ஒரு பந்தில் குஜராத் வெற்றிக்கு 2 ரன்கள் தேவைப்பட்டது. ஸ்ட்ரைக்கில் ரஷித்கான் இருந்தார். ஆவேஷ்கான் வீசிய பந்தை பவுண்டரி அடித்து ரஷித்கான் குஜராத் அணியை வெற்றி பெற வைத்தார்.

பட மூலாதாரம்,GETTY IMAGES

கேப்டனின் கடின பணி எது தெரியுமா? - சாம்சஸின் கருத்து

ராஜஸ்தான் ராயல்ஸ் கேப்டன் சாம்ஸன் கூறுகையில் “ போட்டியின் கடைசிப் பந்தை நினைத்தாலே சிரிப்பு வருகிறது, நேர்மையாகக் கூறினால் அந்த தருணத்தை பற்றி பேசவதே கடினமானது. கேப்டனின் கடினமான பணி என்பது, தோல்விஅடைந்தபின் எங்கு தோற்றோம் என்று விவரிப்பதுதான். சில மணிநேரத்துப்பின் அதைப்பற்றி கூறு முடியும். குஜராத் டைட்டன்ஸ் அணியினர் நன்றாக பேட் செய்தனர், பந்துவீச்சும், பீல்டிங்கும் அருமை. நான் பேட் செய்தபோது 180ரன்கள்தான் வரும் என நினைத்தேன், 197 ரன்கள் என்பது வெற்றிக்கான இலக்குதான். விக்கெட் நன்கு வறண்டு, பந்து தாழ்வாக வந்தது. பந்துவீச்சு இன்னும் மேம்பட வேண்டும், தொடக்கம் சிறப்பாக இன்னும் அமைய வேண்டும், நாங்கள் இன்னிங்ஸை இழுத்துவந்தது எளிதானது அல்ல. 197 ரன்கள் ஜெய்ப்பூரில் பனிப்பொழிவு இல்லாமல் சேஸிங் செய்யக்கூடிய ஸ்கோர்தான்” எனத் தெரிவித்தார்

டெத்ஓவரில் ஏன் போல்ட் பந்துவீசவில்லை?

ராஜஸ்தான் அணியின் பக்கம்தான் 15 ஓவர்கள்வரை வெற்றி இருந்தது. இதில் அஸ்வினுக்கும், குல்தீப் சென்னுக்கும் ஓவர்கள் வழக்காமல் டிரன்ட் போல்ட்டுக்கு ஓவர் வழங்கி இருக்கலாம். ஏனென்றால், நேற்றைய ஆட்டத்தில் தொடக்கத்தில் 2 ஓவர்கள் வீசிய போல்ட் 8 ரன்கள் மட்டுமே விட்டுக் கொடுத்தார்.

அவருக்கு 2 ஓவர்கள் இருந்தது. மிகச்சிறந்த டெத்ஓவர் பந்துவீச்சாளரான டிரன்ட் போல்ட்டுக்கு 2 ஓவர்கள் இருந்தும், அவரைப் பந்துவீசச் செய்யாமல், ஏன் அஸ்வினுக்கும், அனுபவம் இல்லாத குல்தீப் சென்னுக்கும் பந்துவீச கேப்டன் சாம்ஸன் கூறினார் என்பது சமூக வலைத்தளங்களில் விவாதமாகியுள்ளது.

அது மட்டுமல்ல டிரன்ட் போல்டுக்கு எந்தவிதமான காயமும் ஏற்படாத நிலையில், அவரும் களத்தில் இருந்தபோது அவரை பந்துவீச அழைக்காதது ஏன் என்றும் கேள்விகளை ரசிகர்கள் சமூகவலைத்தளங்களில் வைத்துள்ளனர்.

பட மூலாதாரம்,GETTY IMAGES

கில், சுதர்ஷன் வலுவான அடித்தளம்

197 ரன்கள் இலக்கு அடைவதற்கு கடினமானதுதான் என்றபோதிலும், கில், சாய் சுதர்ஷன் நிதானமாக ஆட்டத்தைத் தொடங்கினர். அதிலும் ஆவேஷ்கான் வீசிய முதல் ஓவரிலேயே சுதர்ஷன் அப்பர்கட் ஷாட்டில் சிக்ஸருக்கு பறக்கவிட்டார். இம்பாக்ட் வீரராக கேசவ் மகராஜ் விரைவாக வந்தாலும் 2 பவுண்டரிகளை கில் விளாசி பவர்ப்ளேயில் விக்கெட் இழப்பின்றி 44ரன்கள் சேர்த்தனர்.

சஹல் வீசிய 8-வது ஓவரில் சுதர்ஷன் 2 பவுண்டரிகளை விளாசினார். இந்த சீசனுக்கு அறிமுகமாக குல்தீப் சென் பந்துவீச அழைக்கப்பட்டார். குல்தீப் வீசிய 8-வது ஓவரில் சுதர்ஷன் 35 ரன்னில் கால்காப்பில் வாங்கி வெளியேறினார், அடுத்து குல்தீப் வீசிய 11வது ஓவரில் மேத்யூ வேட் போல்டாகி ஆட்டமிழக்க, அடுத்துவந்த அபினவ் மனோகரும் க்ளீன் போல்டாகி விக்கெட்டை இழந்தார். 10 பந்துகளில் குஜராத் அணி அடுத்தடுத்து 3 விக்கெட்டுகளை இழந்தது. 10-வது ஓவரில் இருந்து

நிதானமாக பேட் செய்த கில் 35 பந்துகளில் அரைசதம் அடித்தார். நடுவரிசையில் களமிறக்கப்பட்ட தமிழக வீரர் விஜய் சங்கர் 3 பவுண்டரிகளுடன் 16 ரன்கள் சேர்த்து சஹல் பந்துவீச்சில் க்ளீன் போல்டாகினார்.

அதன்பின் சுப்மான் கில் ரன்சேர்க்கும் கியரை மாற்றி அஸ்வின் வீசிய 15வது ஓவரில் 2 பவுண்டர்கள் உள்பட 13 ரன்களையும், சஹல் வீசிய 16வது ஓவரில் 2 பவுண்டர்கள் 3வது பவுண்டரிக்கு வைடுபந்தை ஆசைப்பட்டபோது ஸ்டெம்பிங் செய்யப்பட்டு 72 ரன்களில் ஆட்டமிழந்தார்.

கேப்டனுக்குரிய பொறுப்புடன் பேட் செய்த கில் அமைத்துக் கொடுத்த அடித்தளத்தால்தான் கடைசிவரிசையில் வந்த திவேட்டியா, ரஷித்கான், ஷாருக்கானால் ஓரளவுக்கு பதற்றம் இல்லாமல் பேட் செய்ய முடிந்தது. சுப்மான் கில்லும் தொடக்கத்திலேயே ஆட்டிழந்திருந்தால், குஜராத் அணியின் தோல்வி உறுதியாகி இருக்கும்.

பட மூலாதாரம்,GETTY IMAGES

சாம்ஸன், பராக் பொறுப்பான ஆட்டம்

ராஜஸ்தான் அணியின் தொடக்க ஆட்டக்காரர்கள் ஜெய்ஸ்வால்(24), பட்லர்(8) இருவரும் விரைவாகவே ஆட்டமிழந்ததால், அணியை காக்க வேண்டிய பொறுப்பு கேப்டன் சாம்ஸனுக்கும், ரியான் பராக் ஏற்பட்டது. இந்த சீசனில் 5வது போட்டியில்விளையாடும் ஜெய்ஷ்வால் இதுவரை ஒரு போட்டியில்கூட சிறப்பாக பேட் செய்யவில்லை, ஒருஅரைசதம்கூட அடிக்கவில்லை. கடந்த போட்டியில் சதம் அடித்த பட்லர் இந்த ஆட்டத்தில் ரஷித்கான் பந்துவீச்சில் விக்கெட்டை இழந்தார்.

பவர்ப்ளேயில் ராஜஸ்தான் அணி 2 விக்கெட் இழப்புக்கு 42 ரன்கள் மட்டுமே சேர்த்து. 6வது ஓவரிலிருந்து சாம்ஸன், பராக் கூட்டணி சேர்ந்து அணியை இழுத்து வந்தனர். 3வது விக்கெட்டுக்கு இருவரும் 130 ரன்கள் சேர்த்தனர்.

ரஷித்கான் பந்துவீச்சை மட்டும்தான் இருவராலும் அடித்து ஆடமுடியவில்லை. மற்றவகையில் மோகித் ஷர்மா, நூர்அகமது, உமேஷ் யாதவ், பந்துவீச்சை நொறுக்கி எடுத்தனர். சாம்ஸன் நிதானமாக பேட் செய்ய பராக் சிக்ஸர், பவுண்டரிகளாக விளாசி 34 பந்துகளி்ல் அரைசதம் அடித்தார். நூர் அகமதுவின் 17 பந்துகளில் ரியான் பராக் 33 ரன்கள் சேர்த்தார். சாம்ஸனுக்கு பெரிதாக ஸ்ட்ரைக் கிடைக்காதால் தொடக்கத்தில் 20 பந்துகளில் 29 ரன்கள்தான் சேர்த்திருந்தார். அதன்பின் அதிரடியாக பவுண்டரிகள் அடித்து சாம்ஸன் 31 பந்துகளில் அரைசதம் அடித்தார்.

ரியான் பராக் 76 ரன்கள்(48பந்து, 5சிக்ஸர், 3பவுண்டரி) சேர்த்து மோகித் சர்மா பந்துவீச்சில் விக்கெட்டை இழந்தார். அடுத்துவந்த ஹெட்மயரும் சிறிய கேமியோ ஆடி 13 ரன்கள் சேர்த்தார், சாம்ஸன்68 ரன்களுடனும்,ஹெட்மயர் 13 ரன்களுடனும் இறுதிவரை ஆட்டமிழக்காமல் இருந்தனர். ராஜஸ்தான் ராயல்ஸ் அணியின் ஸ்கோர் உயர்வுக்கு சாம்ஸன், பராக் சேர்த்த ரன்கள்தான் பிரதானமாகும்.

ராஜஸ்தான் பந்துவீச்சைப் பொறுத்தவரை அஸ்வின், சஹல், குல்தீப் சென், ஆவேஷ் கான் ஆகிய 4 பேருமே ஓவருக்கு 10 ரன்ரேட்டில் ரன்களை வாரி வழங்கினர். அதிலும் அஸ்வின் பந்துவீச்சு ஏன் நேற்று மோசமாக இருந்தது எனத் தெரியவில்லை. 2 ஓவர்கள் வீசி 8 ரன்கள் மட்டுமே கொடுத்த டிரன்ட் போல்டுக்கு ஏன் டெத் ஓவரில் வாய்ப்பு வழங்கப்படவில்லை என்பது ரசிகர்கள் தொடர்ந்து எழுப்பும் கேள்வியாகும்.

- இது, பிபிசிக்காக கலெக்டிவ் நியூஸ்ரூம் வெளியீடு.

https://www.bbc.com/tamil/articles/ce96znwxv5po

மும்பையின் தவறுகள் திருத்தப்பட்டனவா? பும்ராவை ஹர்திக் கச்சிதமாகப் பயன்படுத்தியது எப்படி?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• 2 மணி நேரங்களுக்கு முன்னர்

சொந்த மைதானம், 360 டிகிரி வீரர் சூர்யகுமார் அணிக்குத் திரும்பியது, பும்ராவின் துல்லியமான பந்துவீச்சு என பல சாதகமான அம்சங்களை கச்சிதமாகப் பயன்படுத்திக் கொண்ட மும்பை அணி ஐபிஎல் தொடரில் 2-ஆவது வெற்றியைப் பெற்றுள்ளது.

மும்பை வான்கடே மைதானத்தில் நேற்று நடந்த ஐபிஎல் டி20 தொடரின் 25-வது லீக் ஆட்டத்தில் ராயல் சேலஞ்சர்ஸ் பெங்களூரு அணியை 7 விக்கெட் வித்தியாசத்தில் தோற்கடித்தது மும்பை இந்தியன்ஸ் அணி.

முதலில் பேட் செய்த ஆர்சிபி அணி 8 விக்கெட் இழப்புக்கு 196 ரன்கள் குவித்தது. 197 ரன்களை துரத்திய மும்பை இந்தியன்ஸ் அணி 27 பந்துகள் மீதமிருக்கையில் 3 விக்கெட்டுகளை இழந்து 199 ரன்கள் சேர்த்து 7 விக்கெட் வித்தியாசத்தில் வென்றது.

இந்த வெற்றியின் மூலம் மும்பை இந்தியன்ஸ் அணி 5 போட்டிகளில் 2 வெற்றி, 3 தோல்விகள் என 4 புள்ளிகளுடன் 7-வது இடத்துக்கு முன்னேறியுள்ளது.

ஆர்சிபி அணியைப் பொறுத்தவரை ஒருவெற்றி மட்டும்தான் வெற்றுள்ளது, அதன்பின் தொடர்ந்து 5 தோல்விகளால் துவண்டுபோயுள்ளது. 2 புள்ளிகளுடன் 9-வது இடத்தில் ஆர்சிபி பின்தங்கி இருக்கிறது, நிகர ரன்ரேட்டும் மைனஸ் 1.124 ஆகக் குறைந்துள்ளது.

மும்பை வான்கடே மைதானம் மிகச்சிறியது, அதிலும் பேட்டர்களுக்கு சொர்க்கபுரி என்று வர்ணிக்கப்படுகிறது. அப்படி இருக்கும்போது, ஆர்சிபி அணி சேர்த்த 196 ரன்கள் என்பது பேட்டிங் பலமுள்ள மும்பை அணிக்கு எதிராக நிச்சயமாகப் போதாது. 250 ரன்களுக்கு மேல் சேர்த்திருந்தால்தான், வான்கடே மைதானத்தில் சவாலான இலக்காக இருந்திருக்கும். 197 ரன்கள் சேஸிங் என்பது வான்கடே மைதானத்தில் அதிலும்மும்பை அணி சேஸிங் எதிர்பார்க்கப்பட்ட ஒன்றுதான்.

 

பட மூலாதாரம்,SPORTZPICS

பும்ராவும், மற்ற பந்துவீச்சாளர்களும்

டி20 உலகக் கோப்பைக்கு இன்னும் இரு மாதங்களே இருக்கும் நிலையில் பும்ராவின் பந்துவீச்சு மெருகேறுவது இந்திய அணிக்கு சாதகமான அம்சம். இந்த ஆட்டத்தில் கிங் கோலி, டூப்பிளசிஸ் உள்பட 5 விக்கெட்டுகளை பும்ரா வீழ்த்தி, ஆர்சிபி பேட்டிங் சரிவுக்கு காரணமாகினார். 4 ஓவர்கள் வீசிய பும்ரா 13 டாட்பந்துகளுடன், 21 ரன்கள் கொடுத்து 5 விக்கெட்டுகளை வீழ்த்தி ஆட்டநாயகன் விருது வென்றார்.

பும்ரா வீசிய 19வது ஓவரில் 3-ஆவது பந்தில் சவுகானும், 4வது பந்தில் வியாசக்கும், 17-வது ஓவரை வீசும்போது 4வது பந்தில் டூப்பிளசிஸும், 5வது பந்தில் லாம்ரோரும் அடுத்தடுத்து ஆட்டமிழந்தனர். பும்ரா ஹாட்ரிக் விக்கெட் எடுப்பார் என எதிர்பார்க்கப்பட்டநிலையில் ஏமாற்றமே மிஞ்சியது. பும்ரா 5 விக்கெட்டுகள் வீழ்த்தியவுடன் முன்னாள் கேப்டன் ரோஹித் சர்மா அவரை மேலே தூக்கி கொண்டாடினார்.

டெல்லி அணிக்கு எதிராக கடந்த ஞாயின்று நடந்த ஆட்டத்தில் இரு அணிகளும் சேர்ந்து 439 ரன்கள் குவித்தாலும், பும்ராவின் பந்துவீச்சு மட்டும் தனித்து நின்றது. அனைத்து பந்துவீச்சாளர்களின் பந்துவீச்சும் பேட்டர்களால் பந்தாடப்பட்டநிலையில் பும்ராவின் பந்துவீச்சை பேட்டர்கள் எளிதாக எதிர்கொள்ள முடியவில்லை. அந்த ஆட்டத்திலும் பும்ரா 4 ஓவர்கள் வீசி 22ரன்கள் கொடுத்து 2 விக்கெட்டுகளை வீழ்த்தி தனித்து காணப்பட்டார்.

ஆர்சிபி அணிக்கு எதிராக ஐபிஎல் தொடரில் 5 விக்கெட் வீழ்த்திய முதல் வேகப்பந்துவீச்சாளர் ஜஸ்பிரித் பும்ராதான். அது மட்டுமல்லாமல் ஐபிஎல் தொடரில் 2வது முறையாகவும் பும்ரா 5 விக்கெட்டுகளை வீழ்த்தினார். மேலும், 21 முறை 3 விக்கெட்டுகளுக்கு மேல் வீழ்த்திய 4வது பந்துவீச்சாளர் என்ற பெருமையை பும்ரா பெற்றார்.

இந்த ஆட்டத்தில் ஆர்சிபி, மும்பை பந்துவீச்சாளர்கள் சேர்ந்து 31.3 ஓவர்கள் வீசி,6 விக்கெட்டுகளை வீழ்த்தி, 32 பவுண்டரி, 25 சிக்ஸர்களை வழங்கினர். இவர்களின் எக்னாமி ரேட்டும்11.80 ஆகவும், சராசரியும் 62 ஆக இருந்தது, டாட்பால் சதவீதம் 32.28 ஆக இருந்தது.

ஆனால், பும்ரா மட்டும் இந்த ஆட்டத்தில் 4 ஓவர்கள் வீசி ஒரு பவுண்டரி,ஒரு சிக்ஸர், 5 விக்கெட்டுகளை வீழ்த்தினார். பும்ராவின் எக்னாமி 5.25 என மிகக்குறைவாகவும், சாரசரி4.20 என்றும், டாட்பால் சதவீதம் 54.17 என அதிகமாகவும் இருக்கிறது. 12 பந்துவீச்சாளர்கள் சேர்ந்து 372 ரன்கள் வழங்கிய நிலையில் பும்ரா மட்டும் 21 ரன்கள் வழங்கிசிறந்த பந்துவீச்சை வெளிப்படுத்தியுள்ளார்.

 

பட மூலாதாரம்,GETTY IMAGES

“என்னுடைய அதிர்ஷ்டமே இவர்தான்”

வெற்றிக் கேப்டன் ஹர்திக் பாண்டியா கூறுகையில் “ அற்புதமான வெற்றி, இதைதான் விரும்புகிறோம். நாங்கள் வென்றவிதமும் சிறப்பு. இம்பாக்ட் வீரரால் எங்களுக்கு கூடுதலாக பந்துவீச்சாளரை பயன்படுத்த முடிந்தது இது இன்னும் உதவியாக இருந்தது. ரோஹித், கிஷன் சிறப்பான தொடக்கத்தை அளித்து எளிதாக முடிக்க உதவினர். இலக்கு குறைவானது அல்ல, ரன்ரேட் அதிகம் என்பது அனைவருக்கும் தெரியும். பும்ரா என்னுடன் இருப்பது எனக்கு அதிர்ஷ்டம். ஒவருக்கு ஓவர் அற்புதம் செய்கிறார். ஒவ்வொரு ஓவரிலும் நான் அவரிடம் விக்கெட் கேட்பேன்.”

“அதிகமான அனுபவம், நம்பிக்கை கொண்டவர் பும்ரா. சூர்யாவின் வருகையும், அரைசதமும் வரவேற்கக்கூடியது. சூர்யாவுக்கு எதிரான அணியிலும் கேப்டனாக நான் இருந்திருக்கிறேன், எந்த பேட்டரையும் இதுபோன்று ஷாட்கள் அடித்து நான் பார்த்தது இல்லை” எனத் தெரிவித்தார்.

 

பட மூலாதாரம்,SPORTZPICS

வான்கடேவும் மும்பையும் 50வது வெற்றியும்

மும்பை இந்தியன்ஸ் அணி நேற்றைய ஆட்டத்தில் பெற்ற வெற்றி மூலம், வான்ஹடே மைதானத்தில் 50 வெற்றிகளைப் பெற்ற முதல் அணி என்ற பெருமையைப் பெற்றது.ஒரு குறிப்பிட்ட மைதானத்தில் 50 வெற்றிகளைப் பெற்ற முதல் அணி என்ற பெருமையை மும்பை இந்தியன்ஸ் அணி பெற்றது.(இதில் சூப்பர் ஓவர் வெற்றி சேர்க்கப்படவில்லை)

ஆர்சிபி அணி 11-வது முறையாக ஆர்சிபி அணிக்கு 190 ரன்களுக்கு மேல் அடிக்கப்பட்ட ஸ்கோரை டிபெண்ட் செய்ய தவறியுள்ளது. அது மட்டுமல்லாமல் 9-வது முறையாக 190 ரன்களுக்கு மேல் மும்பை இந்தியன்ஸ் அணி 190 ரன்களுக்கு அதிகமான ஸ்கோரை வெற்றிகரமாக சேஸிங் செய்துள்ளது.

ஐபிஎல் தொடரில் மும்பை அணிக்காக பவர்ப்ளே ஓவருக்குள் 4 பேட்டர்கள் இதுவரை அரைசதம் அடித்துள்ளனர். அதில் 2 முறை இஷான் கிஷன் (ஆர்சிபி, சன்ரைசர்ஸ்) அடித்துள்ளார், 2008ல் ஜெயசூர்யாவும், 2014ல் லின்டல் சிம்மன்ஸும் அடித்துள்ளனர்.

அது மட்டுமல்லாமல் நேற்றைய ஆட்டத்தில் ரோஹித் சர்மா, இஷான் கிஷன் கூட்டணி முதல்விக்கெட்டுக்கு 100 ரன்களுக்கு மேல் பார்ட்னர்ஷிப் அமைத்தனர். மும்பை இந்தியன்ஸ் வரலாற்றில் தொடக்க ஜோடி 100ரன்களுக்கு மேல் சேர்த்தது இதுதான் முதல்முறையாகும். ரோஹித் சர்மா இதுவரை 92 இன்னிங்ஸ்களில் தொடக்க வீரராகக் களமிறங்கியும் ஒருமுறைகூட 100 ரன்கள் பார்ட்னர்ஷிப் அமைத்தது இல்லை, அதிகபட்சமாக குயின்டன் டீ காக்குடன் சேர்ந்து 96 ரன்கள் பார்ட்னர்ஷிப் அமைக்கப்பட்டது. ஆனால் 100 ரன்கள் எனும் மைல்கல் நேற்றுதான் அடைந்துள்ளது மும்பை இந்தியன்ஸ் அணி.

 

பட மூலாதாரம்,GETTY IMAGES

மும்பை இந்தியன்ஸ் பேட்டர்களின் அதிரடி

மும்பை இந்தியன்ஸ் வெற்றிக்கு 3 பேட்டர்கள், ஒரு பந்துவீச்சாளர்தான் முக்கியக் காரணம். இஷான் கிஷன்69(34பந்துகள்), ரோஹித் சர்மா38, சூர்யகுமார் யாதவ்52(19பந்துகள்), பும்ரா(5 விக்கெட்) ஆகியோரின் பிரதான பங்களிப்புதான். இஷான், ரோஹித்சர்மா இருவரும் மிகப்பெரிய ஸ்கோரை துரத்திச் செல்லும் பயணத்தில் 8 ஓவர்களில் 100 ரன்கள் எனும் வலுவான அடித்தளத்தை அமைத்துக் கொடுத்துப் பிரிந்தனர்.

ரோஹித் சர்மா 38 ரன்கள் சேர்த்தாலும் தனக்கே உரிய ஸ்டைலில் 3 சிக்ஸர்கள், 3 பவுண்டரிகளை விளாசி ரசிகர்களை குஷிப்படுத்தினார். அதிலும் இஷான் கிஷன் முதல் இரு ஓவர்களக்குப்பின் ஆர்சிபி வீரர்கள் வீசிய பந்துகளை பவுண்டரிக்கும், சிக்ஸருக்கும் பறக்கவிட்டு 23 பந்துகளில் அரைசதம் அடித்தார்.

3வது விக்கெட்டுக்கு வந்த 360 டிகிரிவீர் சூர்யகுமார் காயத்தால் நீண்ட காலத்துக்குப்பின் களமிறங்கினார். முதல் போட்டியில் டக்அவுட்டான சூர்யகுமார், அனைத்துக்கும் சேர்த்து பதிலடி கொடுத்து, 17 பந்துகளில் அதிரடியான அரைசதத்தை அடித்து இலக்கை துரத்தும் பணியை எளிதாக்கினார்.

இந்த ஐபிஎல் சீசனில் குறைந்தபட்ச பந்துகளில் அரைசதம் அடித்த 2வது வீரராக சூர்யகுமார் இடம் பெற்றார். சன்ரைசர்ஸ் பேட்டர் அபிஷேக் சர்மா 16 பந்துகளில் அரைசதம் அடித்தநிலையில், சூர்யகுமார் 17 பந்துகளில் அரைசதம் அடித்தார். அதிலும் டாப்ளேயின் 13-வது ஓவரில் 4,6,4,4 என விளாசி ஸ்கை அரைசதம் அடித்தார். ஒட்டுமொத்தமாக ஸ்கை கணக்கில் 4 சிக்ஸர்கள், 5 பவுண்டரிகள் அடக்கம். சூர்யகுமார் 15 ரன்கள் சேர்த்திருந்தபோதே ஆட்டமிழந்திருக்க வேண்டும், ஆனால் மேக்ஸ்வெல் கேட்சை நழுவவிட்டதற்கு ஆர்சிபி விலை கொடுத்தது.

கேப்டன் ஹர்திக் பாண்டியா தனது பங்கிற்கு 3 சிக்ஸர்கள் உள்பட 6 பந்துகளி்ல் 21 ரன்களும், திலக் வர்மா 16 ரன்களுடன் இறுதிவரை ஆட்டமிழக்காமல் இருந்து அணியை வெற்றிக்கு அழைத்துச் சென்றனர்.

மும்பை போன்ற தட்டையான, பேட்டர்களுக்கு மட்டும் ஒத்துழைக்கும் மைதானத்தில் 250 ரன்கள் சேர்த்தாலும், சிஎஸ்கே, ஆர்சிபி, கொல்கத்தா போன்ற வலுவான பேட்டர்களை வைத்திருக்கும் அணிகளுக்கு சவாலான ஸ்கோராக இருக்கப் போவதில்லை.

பட மூலாதாரம்,GETTY IMAGES

தினேஷ் கார்த்திக்கின் ‘மாஸ்டர் கிளாஸ்’

2018ம் ஆண்டு இலங்கையில் நடந்த நிடாஸ் கோப்பைக்குப்பின் தினேஷ் கார்த்திக்கின் ஆக்ரோஷமான ஆட்டத்தை நேற்று காணமுடிந்தது. ஆர்சிபி பேட்டர்கள் அனைவருக்கும் சிம்மசொப்னமாக பந்துவீசிய பும்ராவின் பந்துவீச்சை எக்ஸ்ட்ரா கவரில் சிக்ஸர் அடித்தபோது ரசிகர்களின் ஆரவாரக்குரல் அரங்கை அதிரச் செய்தது. ஒருகாலத்தில் மும்பை அணிக்கு டிகே விளையாடிய நினைவு வந்து ரசிக்கர்கள் டிகே, டிகே என்று உச்சரித்தனர்.

டிகே இந்த ஐபிஎல் சீசனோடு ஓய்வு பெறத் திட்டமிட்டுள்ளதாகத் தெரிவித்துள்ளார். ஆனால், ஒவ்வொரு போட்டியிலும் ஆர்சிபி அணிக்காக ஆகச்சிறந்த பங்களிப்பை பேட்டிங்கில் டிகே அளித்து வருகிறார். ஆர்சிபி அணி முதல் வெற்றி பெற்றதே டிகேயின் அற்புதமான பேட்டிங்கான். டிகே அடித்த ஷாட்கள் அனைத்தும் அற்புதமானவை, யாருடைய பந்துவீச்சு எனப் பார்க்காமல் வெளுத்துவாங்கினார்.

ஒரு கட்டத்தில் டிகேவுக்கு எப்படி பந்துவீசுவது என்பது குறித்து கேப்டன் பாண்டியா களத்தில் சிறிய ஆலோசனை நடத்தும் நிலை ஏற்பட்டது. அதிலும் மத்வால் வீசிய 16-வது ஓவரில் ஸ்கூப்பில் 2 பவுண்டர்களிள் அடித்து 19 ரன்களைச் சேர்த்தார். மத்வால்வீசிய கடைசி ஓவரிலும் 2 சிக்ஸர்கள், ஒரு பவுண்டரி என 17 ரன்களை டிகே சேர்த்து, 22 பந்துகளில் அரைசதம் அடித்தார். டிகே தான் சந்தித்த கடைசி 9 பந்துகளில் மட்டும் 1,1,6,6,0,6,6,4,1 என்று ரன்களை விளாசினார்.

2023ம் ஆண்டு சீசனில் ஆர்சிபிக்காக ஆடி ரன்கள் சேர்த்ததைவிட, டிகே இந்த சீசனில் அதிகமாக ரன்கள் சேர்த்துவிட்டார். இந்தப் போட்டியிலும் டிகேயின் பங்களிப்பு முக்கியத்துவமானது என்றாலும், எதுவுமே ஆர்சிபிக்குப் போதவில்லை, அதை தக்கவைக்கும் திறனுள்ள பந்துவீச்சுஇல்லை.

ஆர்சிபி தோல்விக்கு காரணம் என்ன?

ஆர்சிபி அணியில் நேற்றைய ஆட்டத்தில் கேப்டன் டூப்பிளசிஸ்(61), பட்டிதார்(50) டிகே(53) ஆகியோரின் பங்களிப்புதான் பிரதானமாகும். தொடக்க ஆட்டக்காரர்களான கோலி(8), வில் ஜேக்ஸ்(8), மேக்ஸ்வெல்(0), லாம்ரோர்(0), சவுகான்(9) ஆகியோர் ஏமாற்றினர்.

அதிலும் மேக்ஸ்வெல் இந்த சீசனில் 5வது போட்டியிலும் சொதப்பலான பேட்டிங்கை வெளிப்படுத்தியுள்ளார். இதே வான்ஹடே மைதானத்தில்தான் உலகக் கோப்பைத் தொடரில் ஆப்கானிஸ்தானுக்கு எதிராக ஒற்றை பேட்டராக ஆட்டத்தை மேக்ஸ்வெல் வென்று கொடுத்தார், ஆனால், இந்த சீசனில் இதுவரை மேக்ஸ்வெல் பேட்டிங்கில் பெரிதாக எந்தப் பங்களிப்பும் செய்யவில்லை.

 

பட மூலாதாரம்,GETTY IMAGES

‘கேஜிஎப்’ தோல்வி

கேஜிஎப் எனப்படும் கோலி, மேக்ஸ்வெல், டூப்பிளசிஸ் ஆகியோர்தான் ஆர்சிபியின் தூண்கள் என்று ரசிகர்களால் நம்பப்பட்டு வருகிறது, இவர்கள்தான் நட்சத்திர பேட்டர்கள் இவர்கள் சொதப்பும்போது அணிக்கு பெரிதாக ஸ்கோர் வராது. இந்த 3 பேரில் யாரேனும் ஒருவர்தான் ஒவ்வொரு போட்டியிலும் சிறப்பாக ஆடுகறார்களேத் தவிர 3 பேரும் ஒரே நேரத்தில் சிறப்பாக பேட் செய்வதில்லை. இதனால் ஆர்சிபி அணியால் பெரிய ஸ்கோருக்கு செல்ல வேண்டிய வாய்ப்புகள் இருந்தபோதிலும் அந்த வாய்ப்பு நழுவிப்போகிறது.

இதுவரை விராட் கோலி ஒரு சதம், அரைசதம், டூப்பிளசிஸ் அரைசதம் என்று கணக்கை தொடங்கினாலும் மேக்ஸ்வெல் களத்தில் நின்று பேட் செய்த நிமிடங்களை எண்ணிவிடலாம். 5 போட்டிகளில் மேக்ஸ்வெல் 2 முறை டக்அவுட் ஆகியுள்ளார். பந்துவீச்சிலும் மேக்ஸ்வெல் பெரிதாகப் பங்களிப்பும் செய்யவில்லை. பஞ்சாப் கிங்ஸ் அணியில் மேக்ஸ்வெல் இருந்தபோது ‘என்ன செய்தாரோ அதே பணியை’ தற்போது ஆர்சிபி அணிக்கு செய்து வருகிறார்.

பந்துவீச்சு ஒட்டுமொத்த தோல்வி

ஆர்சிபி அணி அடுத்துவரும் போட்டிகளில் எத்தனை பெரிய ஸ்கோர் அடித்தாலும் அதை டிபெண்ட் செய்ய முடியாது. ஏனென்றால் அதற்குத் தகுதியான பந்துவீச்சாளர்கள் இல்லை என்று ரசிகர்கள் சமூகவலைத்தளத்தில் விமர்சிக்கிறார்கள்.

சுழற்பந்துவீச்சில் சர்வதேச அனுபவம் கொண்ட ஒரு சுழற்பந்துவீச்சாளர்கூட இல்லை, வேகப்பந்துவீச்சில் சிராஜ் பந்துவீச்சை எளிதாக அடிக்கிறார்கள், மற்ற பந்துவீச்சாளர்கள் ரன்களை வாரி வழங்குகிறார்கள். இந்த ஆட்டத்தில் ஆர்சிபி பந்துவீச்சாளர்கள் அனைவரும் 12 ரன்ரேட்டுக்கு அதிகமாகத்தான் ஓவருக்கு வாரி வழங்கினர்.

வான்கடே விக்கெட்டில் எந்த அளவுக்கு வேகத்தை அதிகப்படுத்தி பேட்டருக்கு ஒரு பந்துவீச்சாளர் வீசுகிறாரோ அதைவிட பன்மடங்கு வேகத்தில் பந்து சிக்ஸருக்கும், பவுண்டரிக்கும் செல்லும். இது ஆடுகளத்தின் ரிப்போர்டாகும். அதனால்தான் பும்ரா தனது பந்துவீச்சில் பல்வேறு வேரியேஷன்களையும், வேகத்தைக் குறைத்தும் வீசினார். ஆனால், நேற்றைய ஆட்டத்தில் ஆர்சிபி பந்துவீச்சாளர்கள் பந்துவீச்சில் வேரியேஷன்களை தேடும்நிலைதான் இருந்தது. பேட்டர்களுக்கு எந்தச் சிரமும் இல்லாமல் பேட்டுக்கே பந்தை வீசி, பவுண்டரி, சிக்ஸர்களை வாரி வழங்கினர்.

- இது, பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/c3gl9yx5p9yo

நேற்றைய விளையாட்டில் மும்பை அபாரமான விளையாட்டு.......இரண்டு மூன்று வருடங்களுக்கு முன் பார்த்த மும்பையை நேற்றுத்தான் பார்க்க முடிந்தது......ஆரம்பத்தில் ரோஹித்  ஹிஸானுக்கு அடிக்க வாய்ப்பு குடுத்து விளையாடியதுபோல் எனக்குத் தோன்றியது, பின் அவரும் செம அடி அடித்தார் ......சூரியகுமார் சொல்லி வேல இல்ல ....... பாண்டியாவும் நல்ல விளையாட்டு....... பும்ரா வெரி நைஸ் .......!

பெங்களூரில் மேக்ஸ்வெல் ஒரே சொதப்பல்......!

அம்மணி வெரி வெரி ஹாப்பி ஆப்டர் லோங் டைம்......ஐ லைக் இட் .....!   😂

LSG vs DC: லக்னௌ சாதனைக்கு முற்றுப்புள்ளி - டெல்லிக்கு யானை பலம் தந்த குல்தீப் செய்தது என்ன?

பட மூலாதாரம்,SPORTZPICS

கட்டுரை தகவல்

• எழுதியவர், போத்திராஜ்
• பதவி, பிபிசி தமிழுக்காக
• 13 ஏப்ரல் 2024, 03:02 GMT

  புதுப்பிக்கப்பட்டது 2 மணி நேரங்களுக்கு முன்னர்

சாதனைகள் என்றுமே சாதனைகளாகவே நீடித்திருப்பதில்லை. கால ஓட்டத்தில் அவை முறியடிக்கப்பட்டால்தான் புதிய சாதனை பிறக்கும். அந்த வகையில் ஐபிஎல் வரலாற்றில் லக்னௌ அணி வைத்திருந்த சாதனைக்கு நேற்று டெல்லி கேபிடல்ஸ் அணி முற்றுப்புள்ளி வைத்தது.

லக்னௌவில் நேற்று நடந்த ஐபிஎல் டி20 போட்டியின் 26வது லீக் ஆட்டத்தில் லக்னௌ சூப்பர் ஜெயின்ட்ஸ் அணியை 6 விக்கெட் வித்தியாசத்தில் வென்றது டெல்லி கேபிடல்ஸ் அணி.

முதலில் பேட் செய்த லக்னௌ அணி 20 ஓவர்களில் 7 விக்கெட் இழப்புக்கு 167 ரன்கள் சேர்த்தது. 168 ரன்கள் சேர்த்தால் வெற்றி எனும் இலக்குடன் களமிறங்கிய டெல்லி கேபிடல்ஸ் 11 பந்துகள் மீதமிருக்கையில் 4 விக்கெட் இழப்புக்கு 170 ரன்கள் சேர்த்து 6 விக்கெட் வித்தியாசத்தில் வென்றது.

இந்த வெற்றி மூலம் புள்ளிவரிசையில் கடைசி இடத்திலிருந்த டெல்லி கேபிடல்ஸ் 9வது இடத்துக்கு முன்னேறியுள்ளது. 6 போட்டிகளில் 2 வெற்றிகள், 4 தோல்விகள் என 4 புள்ளிகளுடன், நிகர ரன்ரேட்டையும் மைனஸ் 0.975 ஆக உயர்த்திக் கொண்டுள்ளது. சிஎஸ்கே அணிக்கு எதிரான வெற்றிக்குப் பின் தொடர்ந்து தோல்விகளைச் சந்தித்து வந்த டெல்லிக்கு இந்த வெற்றி பெரிய உற்சாகத்தை அளிக்கும்.

 

பட மூலாதாரம்,SPORTZPICS

அதேநேரம் லக்னௌ அணி 5 போட்டிகளில் 3 வெற்றி, 2 தோல்வி என 6 புள்ளிகளுடன் 4வது இடத்துக்குச் சரிந்துள்ளது. இந்தத் தோல்வியால் நிகர ரன்ரேட் 0.436 எனக் குறைந்ததால், 6 புள்ளிகளுடன் இருந்த சிஎஸ்கே அணி 3வது இடத்துக்கு முன்னேறியுள்ளது.

ஐபிஎல் வரலாற்றில் லக்னௌ அணி நீண்டகாலமாக ஒரு சாதனையைத் தக்க வைத்து வருகிறது. அதாவது லக்னௌ அணி இதுவரை 13 போட்டிகளில் முதலில் பேட் செய்து 160 ரன்களுக்கு மேல் கடந்துவிட்ட போட்டிகளில் தோற்றது இல்லை. 160 ரன்களுக்கு மேல் அடிக்கப்பட்ட அனைத்து ஸ்கோரையும் டிபெண்ட் செய்து வெற்றி பெற்றுள்ளது என்ற சாதனையைத் தக்கவைத்திருந்தது.

ஆனால், இந்த ஆட்டத்தில் லக்னௌ அணி 167 ரன்கள் அடித்த நிலையிலும், அந்த அணியை டிபெண்ட் செய்யவிடாமல் தடுத்து, டெல்லி கேபிடல்ஸ் வென்றுள்ளது. இதன் மூலம் 160 ரன்களுக்கு மேல் லக்னௌ சேர்த்தும் வெற்றி பெற்ற முதல் அணி என்ற பெருமையை டெல்லி கேபிடல்ஸ் பெற்றுள்ளது.

டெல்லி அணியின் வெற்றிக்கு முக்கியக் காரணம் காயத்திலிருந்து மீண்டு வந்து, அற்புதமான பந்துவீச்சை வெளிப்படுத்திய ‘சினாமேன்’ குல்தீப் யாதவின் பந்துவீச்சுதான். லக்னௌ அணியின் முக்கிய விக்கெட்டுகளான கேஎல் ராகுல்(39), ஸ்டாய்னிஷ்(8) நிகலோஸ் பூரன்(0) ஆகிய 3 பேட்டர்களை வீழ்த்தினார். குல்தீப் யாதவ் 4 ஓவர்கள் வீசி 20 ரன்கள் கொடுத்து 3 விக்கெட்டுகளையும் கைப்பற்றி ஆட்டநாயகன் விருதும் வென்றார்.

பட மூலாதாரம்,SPORTZPICS

அது மட்டுமல்லாமல் பேட்டிங்கில் ஆஸ்திரேலியாவின் இளம் வீரரான ஜேக் ஃப்ரேசர் மெக்ருக் என்ற பேட்டரை டெல்லி கேபிடல்ஸ் கண்டுபிடித்துள்ளது. அறிமுகமான முதல் ஆட்டத்திலேயே லக்னௌ பந்துவீச்சை அநாயசமாக எதிர்கொண்ட ஃப்ரேசர்(55) 31 பந்துகளில் அரைசதம் அடித்து வெற்றியை எளிதாக்கினார்.

இதுதவிர தொடக்க ஆட்டக்காரர் பிரித்வி ஷா (32), கேப்டன் ரிஷப் பந்த்(41) ஆகியோரின் பங்களிப்பு டெல்லி கேபிடல்ஸ் அணிக்கு வெற்றியை எளிதாக்கியது. அதிலும் 3வது விக்கெட்டுக்கு ஃபேரசர், பந்த் கூட்டணி சேர்த்த 77 ரன்கள் பார்ட்னர்ஷிப் வெற்றிக்கு அருகே கொண்டு சென்றது.

மிகவும் எளிய இலக்கு இந்தப் போட்டியில் வெல்லாவிட்டால் வாய்ப்பைத் தவற விட்டுவிடுவோம் என அறிந்து பேட்டர்கள் பொறுப்புடன் விளையாடியதால் டெல்லி அணி வெற்றியைப் பெற்றது.

'தோல்விகளுக்குப் பின் கிடைத்த வெற்றி'

டெல்லி அணியின் கேப்டன் ரிஷப் பந்த் கூறுகையில், “நிம்மதியாக இருக்கிறேன், தோல்விகளுக்குப் பின் கிடைத்த வெற்றி. சாம்பியன் போல் சிந்தியுங்கள், கடுமையாகப் போராடுவது அவசியம் என எங்கள் வீரர்களிடம் தெரிவித்தேன். ஒவ்வொரு வீரரும் தனிப்பட்ட ரீதியில் பொறுப்பெடுத்து விளையாடினர்.

குழுவாகவும் சிறப்பாகச் செயல்பட்டோம். காயத்தால் பல வீரர்கள் விளையாடாமல் இருப்பது பெரிய பாதிப்பாக அமைந்துள்ளது. 10 அணிகள் விளையாடுவதால், வீரர்கள் கிடைப்பதும் கடினமாக இருக்கிறது. தோல்வியால் கற்றுக்கொள்ள வேண்டும் அல்லது மன்னிப்பு கேட்க வேண்டும்.

நீண்ட காலத்துக்குப் பின் எங்கள் அணியில் 3வது வீரராக ஃப்ரேசரை அடையாளம் கண்டோம். முதல் போட்டியிலேயே பெரிய தாக்கத்தை ஏற்படுத்திவிட்டார்” எனத் தெரிவித்தார்.

 

சாதனை படைத்த 8வது பார்ட்னர்ஷிப்

பட மூலாதாரம்,SPORTZPICS

லக்னௌ அணியைப் பொருத்தவரை அந்த அணியின் பேட்டிங் தோல்விதான் போட்டியை இழக்கக் காரணம். டீகாக்(19), ராகுல்(39), நடுவரிசையில் ஸ்டாய்னிஷ், பூரன், படிக்கல், தீபக் ஹூடா, குர்னல் பாண்டியா என பேட்டர்கள் ஒருவர்கூட சோபிக்கவில்லை. 94 ரன்களுக்கு 7 விக்கெட்டுகளை இழந்து மோசமான நிலையில் இருந்தது.

ஆனால், 8வது விக்கெட்டுக்கு அர்ஷத்கான், ஆயுஷ் பதோனி இருவரும் சேர்ந்து 73 ரன்கள் சேர்த்து லக்னௌ அணியை 160 ரன்களுக்கு மேல் உயர்த்தினர். அதிலும் பதோனி அதிரடியாக ஆடி 31 பந்துகளில் அரைசதம் அடித்து அணியின் ஸ்கோரை உயர்த்தினார்.

எட்டாவது விக்கெட்டுக்கு இருவரும் சேர்ந்து 73 ரன்கள் சேர்த்தனர். ஐபிஎல் வரலாற்றில் 8வது விக்கெட்டுக்கு சேர்க்கப்பட்ட அதிகபட்ச ஸ்கோர் இது. பதோனியும் சரியாக விளையாடமல் இருந்திருந்தால் லக்னௌ அணியின் கதை 120 ரன்களுக்குள் முடிந்திருக்கும்.

அது மட்டுமல்லாமல் லக்னௌ அணியின் புயல்வேகப் பந்துவீச்சாளர் மயங்க் யாதவ் காயத்தால் அவதிப்பட்டதால் கடந்த 2 போட்டிகளாக விளையாடவில்லை. அவர் அணியில் இருந்திருந்தால் நிச்சயம் ஏதேனும் திருப்பம் ஏற்பட்டிருக்கும். மயங்க் இல்லாதது லக்னௌ அணிக்கு சிறிய பின்னடைவுதான்.

 

மயங்க் ஏன் விளையாடவில்லை?

பட மூலாதாரம்,SPORTZPICS

மயங்க் உடல்நிலை குறித்து கேப்டன் ராகுல் கூறுகையில், “மயங்க் உடல்நலம் தேறிவிட்டார், நலமாக இருக்கிறார். நன்றாக இருப்பதாக தெரிவித்தார்.

இருப்பினும் அவசரப்பட்டு அவரைக் களமிறக்க நாங்கள் விரும்பவில்லை. இளம் வீரர், குறைந்த வயது, அவரின் உடல்நிலைக்கும் முக்கியத்துவம் அளிக்க வேண்டும், அதை நாங்கள் பாதுகாக்க வேண்டும்.

மயங்க் களமிறங்க ஆவலோடு இருக்கிறார், நாங்கள்தான் தடுத்து வைத்துள்ளோம். இன்னும் இரு போட்டிகளுக்குப் பின் களமிறங்குவார்,” எனத் தெரிவித்தார்.

யார் இந்த ஃபேரசர் மெக்ருக்?

ஆஸ்திரேலிய அணியின் மெல்போர்ன் நகரைச் சேர்ந்த 22 வயதான இளம் பேட்டர் ஃப்ரேசர் மெக்ருக். லுங்கி இங்கிடி காயத்தால் விலகவே அவருக்குப் பதிலாக ரூ.50 லட்சத்தில் ஃபரேசரை வாங்கியது.

ஆஸ்திரேலிய அணிக்காக 2 ஒருநாள் போட்டிகளில் மட்டுமே ஆடியுள்ள ஃபரேசர் கடந்த பிப்ரவரி மாதம் மேற்கிந்தியத் தீவுகள் அணிக்கு எதிரான ஒருநாள் போட்டியில் 221 ஸ்ட்ரைக் ரேட்டில் அரைசதம்(51) அடித்தார்.

ஒருநாள் போட்டிகளில் விளையாடிய ஃப்ரேசர் இதுவரை சர்வதேச டி20 போட்டிகளில் விளையாடியதில்லை. ஆஸ்திரேலியாவில் நடந்த உள்நாட்டு டி20 போட்டிகளில் ஃப்ரேசர் 37 போட்டிகளில் விளையாடி 135 ஸ்ட்ரைக் ரேட் வைத்துள்ளார்.

 

பட மூலாதாரம்,SPORTZPICS

அது மட்டுமல்லாமல் “லிஸ்ட்-ஏ” ஒரு நாள் போட்டிகளில் குறைந்த பந்துகளில் சதம் அடித்து ஏபிடியின் சாதனையை முறியடித்து ஃப்ரேசர் உலக சாதனை படைத்துள்ளார். 2023, அக்டோபரில் தெற்கு ஆஸ்திரேலிய அணிக்காக ஆடிய ஃப்ரேசர் 29 பந்துகளில் 13 சிக்ஸர், 10 பவுண்டரிகளுடன் சதம் அடித்து சாதனை படைத்தார்.

ஆஸ்திரேலியாவில் நடந்து முடிந்த பிக்பாஷ் டி20 லீக்கிலும் ஃப்ரேசர் 257 ரன்கள் குவித்திருந்தார், 158 ஸ்ட்ரைக் ரேட் வைத்திருந்தார். இதனால் டெல்லி கேபிடல்ஸ் பயிற்சியாளர் ரிக்கி பாண்டிங் கவனத்தை ஈர்த்து, ஃப்ரேசர் அணிக்குள் வந்தார்.

இந்த ஆட்டத்தில் அறிமுகமான முதல் போட்டியிலேயே ஃப்ரேசர் 157 ஸ்ட்ரைக் ரேட்டில் 31 பந்துகளில் அரைசதம் அடித்து அசத்தினார். அதிலும் ஃப்ரேசர் தான் சந்தித்த 3வது பந்திலேயே ப்ரண்ட் புட் அடித்து, டீப் மிட்விக்கெட்டில் சிக்ஸர் விளாசி ரன் கணக்கைத் தொடங்கினார்.

ஃப்ரேசர் பேட்டிங்கை பார்த்து பயிற்சியாளர் பாண்டிங் ரசித்துக் கொண்டிருந்தார். குர்னல் பாண்டியா ஓவரில் மிட்விக்கெட், எக்ஸ்ட்ரா கவர் மற்றும் லாங்ஆஃப் திசையில் தொடர்ந்து 3 சிக்ஸர்களை விளாசி ரன்களை குவித்தார். ஃப்ரேசர் தனது கணக்கில் 5 சிக்ஸர்களையும், 2 பவுண்டரிகளையும் விளாசி 55 ரன்களில் ஆட்டமிழந்தார்.

டெல்லி கேபிடல்ஸ் அணிக்கு 3வது பேட்டராக அருமையான கண்டுபிடிப்பாக ஃப்ரேசர் அமைந்துள்ளார் என்பதில் சந்தேகமில்லை.

 

பந்தின் கேப்டன் பொறுப்பு

பட மூலாதாரம்,SPORTZPICS

ரிஷப் பந்த் இந்த சீசனில் கேப்டனுக்குரிய பொறுப்புடன் ஒவ்வொரு போட்டியிலும் பேட் செய்து வருகிறார். இந்தப் போட்டியில் நிச்சயம் வெற்றி கிடைக்கும் என்ற நம்பிக்கையில் பந்த் ஒவ்வொரு ரன்களையும் சேர்த்தார்.

வார்னர்(9), பிரித்வி ஷா(32) ரன்களில் ஆட்டமிழந்தபோது டெல்லி கேபிடல்ஸ் அணி 2 விக்கெட் இழப்புக்கு 63 ரன்கள் சேர்த்து தடுமாற்றத்துடன் இருந்தது.

ஆனால், 3வது விக்கெட்டுக்கு ஃப்ரேசருடன், பந்த் அமைத்த பார்ட்னர்ஷிப் டெல்லி அணியை வெற்றிக்கு அருகே அழைத்துச் சென்றது. இருவரும் சேர்ந்து லக்னௌ பந்துவீச்சை வெளுத்து வாங்கினர்.

ஃப்ரேசர் ஒருபுறம் சிக்ஸர், பவுண்டரி விளாச, ரிஷப் பந்தும் தனது பங்கிற்கு 2 சிக்ஸர்கள், 4 பவுண்டரிகளை விரட்டி ரன்ரேட்டை குறையவிடாமல் கொண்டு சென்றார். அரைசதம் நோக்கி நகர்ந்த பந்த் 41 ரன்னில் பிஸ்னோய் பந்துவீச்சில் ஸ்டெம்பிங் செய்யப்பட்டார்.

 

யானை பலம் தந்த குல்தீப் வருகை

பட மூலாதாரம்,SPORTZPICS

சினாமேன் சுழற்பந்துவீச்சாளர் குல்தீப் காயத்தால் அவதிப்பட்டதால், டெல்லி கேபிடல்ஸ் அணி விரல் ஸ்பின்னர் அக்ஸர் படேலை மட்டும் வைத்து கடந்த சில போட்டிகளை எதிர்கொண்டு தோல்வியும் அடைந்தது. ஆனால், குல்தீப் யாதவ் நேற்றைய ஆட்டத்தில் களமிறங்கியவுடன் போட்டியின் போக்கையே தனது பந்துவீச்சால் மாற்றினார்.

லக்னௌ அணியின் ரன்வேகத்தைக் கட்டுப்படுத்திய குல்தீப், விக்கெட்டுகளையும் வீழ்த்திக் கொடுத்து, லக்னௌவை கடும் சிரமத்தில் தள்ளினார். குறிப்பாக ஸ்டாய்னிஷ், பூரன், கே.எல் ராகுல் ஆகிய 3 முக்கிய பேட்டர்களை வீழ்த்தி, டெல்லி அணியை 77 ரன்களுக்கு 5 விக்கெட்டுகளை இழக்கச் செய்து தடுமாறச் செய்தார்.

அதிலும் குல்தீப் பந்துவீச்சைக் குறைத்து மதிப்பிட்டு அடிக்க முயன்றார். ஆனால் பந்து கூக்ளியாகவே, ஷர்மாவிடம் கேட்ச் கொடுத்து ஆட்டமிழந்தார். நிகோலஸ் பூரன் அதிரடியாக பேட் செய்யக் கூடியவர், குல்தீப் பந்தை தவறாகக் கணித்து ஆட முற்படவே, க்ளீன் போல்டாகி டக்அவுட்டில் ஆட்டமிழந்தார்.

குல்தீப் பந்துவீச்சில் பவுண்டரி அடித்து ஸ்கோரை உயர்த்திய கேப்டன் ராகுல், வைடாக வீசப்பட்ட பந்தை இறங்கி அடிக்க முற்பட்டு, ரிஷப் பந்தால் ஸ்டெம்பிங் செய்யப்பட்டார். இந்த 3 விக்கெட்டுகளையும் வீழ்த்தி ஆட்டத்தில் திருப்புமுனையை குல்தீப் ஏற்படுத்தினார்.

டெல்லி கேபிடல்ஸ் அணிக்கு குல்தீப் வருகை அந்த அணிக்கு யானை பலத்தை ஏற்படுத்தியது. தொடர் தோல்விகளுக்குப் பின் பெற்ற வெற்றியால், கேப்டன் ரிஷப் பந்த், பயிற்சியாளர் பாண்டிங், மென்டர் கங்குலி முகத்தில் நேற்றுதான் புன்னகை தவழ்ந்தது.

 

தோனியாக மாறிய பதோனி

பட மூலாதாரம்,SPORTZPICS

தீபக் ஹூடா 10 ரன்னில் இஷாந்த் ஷர்மா பந்துவீச்சில் வார்னரிடம் கேட்ச் கொடுத்து ஆட்டமிழந்தார். முகேஷ்குமார் பவுன்ஸர் பந்துவீச்சில் குர்னல் பாண்டியா 3 ரன்னில் விக்கெட் கீப்பர் பந்திடம் கேட்ச் கொடுத்து வெளியேறினார். இதனால் 94 ரன்களுக்கு 7 விக்கெட்டுகளை இழந்து லக்னௌ அணி தடுமாறியது.

நடுவரிசை பேட்டர்கள் “கொலாப்ஸ்” ஆகியதால் 6 ஓவர்களாக லக்னௌ அணி ஒரு பவுண்டரிகூட அடிக்காததால் ஸ்கோர் படுத்துவிட்டது. 8வது விக்கெட்டுக்கு ஆயுஷ் பதோனி, அர்ஷத் கூட்டணி அணியை சரிவிலிருந்து மீட்டது. பதோனியின் அதிரடிக்கு ஒத்துழைத்து அர்ஷத் ஸ்ட்ரைக்கை மாற்றி பேட் செய்தார்.

அதிரடியாக பேட் செய்த பதோனி ஒரு சிக்ஸர், 5 பவுண்டரிகளுடன் 31 பந்துகளில் அரைசதம் அடித்தார். அர்ஷத் கான் 20 ரன்கள் சேர்த்தார். இருவரும் 8வது விக்கெட்டுக்கு 73 ரன்கள் சேர்த்து ஐபிஎல் வரலாற்றில் சாதனையும் படைத்தனர்.

கடைசி நேரத்தில் களமிறங்கி அருமையான ஃபினிஷ் செய்து, தோனியை போன்ற ஃபினிஷராக பதோனி மாறினார். பதோனி, அர்ஷத் இருவரும் நிலைத்து ஆடாமல் இருந்திருந்தால் லக்னௌ நிலை பரிதாபமாகியிருக்கும், டெல்லி அணியும் குறைந்த ஓவர்களில் வென்று, நிகர ரன்ரேட்டை உயர்த்தியிருக்கும்.

- இது, பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/cle0g8g612po

இந்தப் போட்டிகளை pc யில் பார்க்கும் தளம் ஏதும் உண்டா.

PBKS vs RR: ராஜஸ்தானை கரை சேர்த்த ஹெட்மயர் - கடைசிவரை திணறடித்த பஞ்சாப் கிங்ஸ்

பட மூலாதாரம்,SPORTZPICS

2 மணி நேரங்களுக்கு முன்னர்

ஐபிஎல் டி20 தொடரின் அழகே ஒவ்வொரு ஆட்டமும் எப்படி நகரும் என்று கணிக்க முடியாமல் இருப்பதுதான். அதிக ஸ்கோர் கொண்டதாக இருக்கும், ஆனால் ஆட்டம் ஒருதரப்பாக முடியும். மற்றொரு போட்டியில் குறைந்த ஸ்கோர் குவிக்கப்பட்டாலும், இரு அணிகளும் வெற்றிக்காக கடைசிப் பந்துவரை போராடி ரசிகர்களின் பொறுமையை, இதயத் துடிப்பைச் சோதித்துப் பார்க்கும்.

இதுபோன்ற விதவிதமான சுவாரஸ்யமான சம்பவங்களைக் கொண்ட போட்டிகள் தொடர் முழுவதும் நிறைந்திருப்பதுதான் இந்த ஐபிஎல் தொடரின் வெற்றியாக அமைந்துள்ளது. அதுபோன்ற ஆட்டம்தான் நேற்று ராஜஸ்தான் ராயல்ஸ் மற்றும் பஞ்சாப் கிங்ஸ் இடையே நடந்தது.

கடைசிப் பந்துவரை எந்த அணி வெற்றி பெறும் என ரசிகர்களாலும், களத்தில் இருக்கும் வீரர்கள், டக்அவுட்டில் இருக்கும் அணி குழுவினர் என யாராலும் ஊகிக்க முடியவில்லை. அதுபோன்ற உச்ச பரபரப்பு நிறைந்த ஆட்டம் நேற்று நடந்தது.

முல்லான்பூரில் நேற்று நடந்த ஐபிஎல் டி20 தொடரின் 27வது ஆட்டத்தில் பஞ்சாப் கிங்ஸ் அணியை 3 விக்கெட் வித்தியாசத்தில் வென்றது ராஜஸ்தான் ராயல்ஸ் அணி.

முதலில் பேட் செய்த பஞ்சாப் கிங்ஸ் அணி 8 விக்கெட் இழப்புக்கு 147 ரன்கள் குவித்தது. 148 ரன்கள் சேர்த்தால் வெற்றி எனும் இலக்குடன் களமிறங்கிய ராஜஸ்தான் அணி 19.5 ஓவர்களில் 7 விக்கெட் இழப்புக்கு 152 ரன்கள் சேர்த்து 3 விக்கெட் வித்தியாசத்தில் வென்றது.

 

நிகர ரன்ரேட் உயரவில்லை

பட மூலாதாரம்,SPORTZPICS

இந்த வெற்றியின் மூலம் ராஜஸ்தான் அணி 6 போட்டிகளில் 5 வெற்றி, ஒரு தோல்வி என 10 புள்ளிகளுடன் முதலிடத்தில் நீடிக்கிறது. 5 வெற்றிகள் பெற்றும் நிகர ரன்ரேட் பெரிதாக உயராமல் 0.767 ஆகவே இருக்கிறது.

குறைவான இலக்குள்ள இந்த ஆட்டத்தில் குறைந்த ஓவர்களில் சேஸிங் செய்திருந்தால் நிச்சயமாக நிகர ரன்ரேட் உயர்ந்திருக்கும். ஆனால் கடைசிப் பந்துவரை சேஸிங்கை இழுத்து வந்ததால், பெரிதாக நிகர ரன்ரேட் உயரவில்லை.

பஞ்சாப் கிங்ஸ் அணியைப் பொறுத்தவரை 6 போட்டிகளில் 2 வெற்றி, 4 தோல்வி என 4 புள்ளிகளுடன் 8வது இடத்தில் இருக்கிறது. நிகர ரன்ரேட் 0.218 ஆக இருக்கிறது. இந்த ஆட்டத்தில் வென்றிருந்தால், நிச்சயமாக 6வது இடத்துக்கு முன்னேறியிருக்கும்.

திணறிய ராஜஸ்தான்

நேற்றைய இலக்கைப் பொறுத்தவரை 148 என்பது மிகவும் குறைவான இலக்குதான். இந்தக் குறைந்த இலக்கை சேஸிங் செய்ய ராஜஸ்தான் ராயல்ஸ் அணி மிகப்பெரிய போராட்டம் நடத்தியது ஏன் என்பது வியப்பாக இருக்கிறது.

விக்கெட்டும் பந்துவீச்சாளர்களுக்கு சாதகமானது அல்ல, அப்படி இருந்தும் பேட்டர்கள் பொறுப்பின்றி பேட் செய்து ஆட்டமிழந்து ஆட்டத்தை நெருக்கடியில் தள்ளினர்.

எளிதாக வெற்றி பெறக்கூடிய ஸ்கோராக இருக்கும் நிலையில், ஒரு பேட்டர் நிலைத்து பேட் செய்திருந்தால் ஆட்டம் 15 ஓவர்களில் முடிந்திருக்கும்.

இதுபோன்ற குறைந்த ஸ்கரை சேஸிங் செய்யத் தொடங்கும்போது ஏதாவது இரு பேட்டர்கள் அதிரடியான ஆட்டத்தைக் கையாண்டு பவர்ப்ளே ஓவர்களை பயன்படுத்தினாலே 70% வெற்றி உறுதியாகிவிடும்.

பட மூலாதாரம்,SPORTZPICS

ஆனால், ராஜஸ்தான் அணியில் ஜெய்ஸ்வால் 39 ரன்கள் சேர்த்ததே அதிகபட்சம். மற்ற வகையில் எந்த பேட்டரும் முன்னெடுப்பு செய்து அதிரடியான ஆட்டத்தை ஆடவில்லை. பெரிதாக ஸ்கோர் செய்யாததும் கடைசி வரையிலான போராட்டத்துக்கு காரணம்.

வெற்றிக்கு உரிய டிபெண்ட் செய்ய முடியாத ஸ்கோராக 147 ரன்கள் என்பது இருந்தாலும், கட்டுக்கோப்பான ஃபீல்டிங், துல்லியமான பந்துவீச்சு ஆகியவற்றால், பஞ்சாப் கிங்ஸ் அணியும் கடைசிப் பந்துவரை போராடியது சிறப்பு.

ஹீரோ சிம்ரன்

கடைசி நேரத்தில் சிம்ரன் ஹெட்மயர் மட்டும் கேமியோ ஆடி 3 சிக்ஸர்கள், ஒரு பவுண்டரி உள்பட 10 பந்துகளில் 27 ரன்கள் சேர்க்காமல் இருந்திருந்தால், ராஜஸ்தான் தோல்வி உறுதியாகி இருக்கும்.

கடைசிப் பந்துவரை வெற்றிக்காகப் போராடிய ஹெட்மயர் ஆட்டநாயகனாக அறிவிக்கப்பட்டார்.

திசை மாறிய ஆட்டம்

ராஜஸ்தான் அணி பவர்ப்ளே ஓவர்கள் முடிவில் விக்கெட் இழப்பின்றி 47 ரன்களும், அடுத்த 9 ஓவர்களில் 52 ரன்களும் சேர்த்தது. 15 ஓவர்கள் வரை ராஜஸ்தான் அணி 3 விக்கெட் இழப்புக்கு 99 ரன்கள் சேர்த்து வலுவாக இருந்தது.

முப்பது பந்துகளில் வெற்றிக்கு 49 ரன்கள் தேவைப்பட்டது, கைவசம் 7 விக்கெட்டுகள் இருந்தன. ஆனால், அடுத்தடுத்த ஓவர்களில் 4 விக்கெட்டுகள் சரிந்தது, கட்டுக்கோப்பான பஞ்சாப் கிங்ஸ் பந்துவீச்சு வெற்றியை எளிதாக ராஜஸ்தானுக்கு வழங்கவில்லை.

 

பரபரப்பு நிறைந்த கடைசி ஓவர்கள்

பட மூலாதாரம்,SPORTZPICS

சாம் கரன் 16-வது ஓவரை வீசினார். களத்தில் ரியான் பராக், ஜூரெல் இருந்தனர். இந்த ஓவரை நெருக்கடியாக வீசிய சாம்கரன் 6 ரன்கள் மட்டுமே வழங்கினார். கடைசி 4 ஓவர்களில் ராஜஸ்தான் வெற்றிக்கு 43 ரன்கள் தேவைப்பட்டது.

அர்ஷ்தீப் வீசிய 17வது ஓவரில் ரியான் பராக் சிக்ஸர் அடித்த நிலையில் 4வது பந்தில் ரபாடாவிடம் கேட்ச் கொடுத்து 23 ரன்னில் ஆட்டமிழந்தார். அடுத்து ஹெட்மயர் களமிறங்கினார். இந்த ஓவரில் 9 ரன்கள் மட்டுமே ராஜஸ்தானுக்கு கிடைத்தது.

கடைசி 3 ஓவர்களில் ராஜஸ்தான் வெற்றிக்கு 34 ரன்கள் தேவைப்பட்டது. ஹர்சல் படேல் வீசிய 18வது ஓவரில் ஜூரெல் 6 ரன்னில் சசாங்சிங்கிடம் கேட்ச் கொடுத்து விக்கெட்டை இழந்தார். அந்த ஓவரில் ஹெட்மயர் ஒரு சிக்ஸர், பவுண்டரி உள்பட 14 ரன்கள் சேர்த்து பதற்றத்தைக் குறைத்தார்.

நெருக்கடி ஏற்படுத்திய விக்கெட் சரிவு

கடைசி 2 ஓவர்களில் ராஜஸ்தான் வெற்றிக்கு 20 ரன்கள் தேவைப்பட்டது. ஹெட்மயர், பாவெல் களத்தில் இருந்தனர். சாம்கரன் வீசிய 19வது ஓவரில் பாவெல் அடுத்தடுத்து 2 பவுண்டரிகளை விளாசினார்.

ஆனால், 3வது பந்து ஸ்லோ பவுன்சராக வீச விக்கெட் கீப்பரிடம் கேட்ச் கொடுத்து பாவெல் 11 ரன்னில் வெளியேறினார்.

அடுத்து வந்த கேசவ் மகராஜ் ஒரு ரன்னில் லிவிஸ்டோனிடம் கேட்ச கொடுத்து ஆட்டமிழந்தார். இந்த ஓவரில் 10 ரன்கள் கிடைத்தாலும், 2 விக்கெட்டுகளை ராஜஸ்தான் இழந்தது.

 

எதிர்பாராத இரு சிக்ஸர்கள்

பட மூலாதாரம்,SPORTZPICS

கடைசி ஓவரில் ராஜஸ்தான் வெற்றிக்கு 10 ரன்கள் தேவைப்பட்டன. ஹெட்மயர், போல்ட் களத்தில் இருந்தனர். அர்ஷ்தீப் கடைசி ஓவரை வீசினார். முதல் இரு பந்துகளை ஹெட்மயருக்கு யார்கராக வீச ரன் ஏதும் எடுக்கவில்லை.

மூன்றாவது பந்தை யார்கராக வீச முயன்று தவறவே, ஹெட்மயர் சிக்ஸருக்கு விளாசினார். 4வது பந்தில் ஹெட்மயர் 2 ரன்கள் எடுக்கவே ஆட்டம் பரபரப்பானது.

கடைசி 2 பந்துகளில் ராஜஸ்தான் வெற்றிக்கு 2 ரன்கள் தேவைப்பட்டன. அர்ஷ்தீப் ஃபுல்டாஸாக வீசவே, ஹெட்மயர் ஃபைன் லெக் திசையில் சிக்ஸருக்கு விளாசி வெற்றியை உறுதி செய்தார்.

ரபாடாவின் புயல்வேகம்

பஞ்சாப் அணி போட்டியை கடைசிப் பந்துவரை இழுத்து வந்து நெருக்கடி கொடுக்க அந்த அணியின் பந்துவீச்சாளர்கள்தான் காரணம். குறிப்பாக ரபாடா அற்புதமாகப் பந்துவீசினார். 4 ஓவர்களை வீசிய ரபாடா 18 ரன்கள் கொடுத்து சாம்ஸன், ஜெய்ஸ்வால் இருவரின் விக்கெட்டுகளையும் வீழ்த்தினார்.

பட மூலாதாரம்,SPORTZPICS

இதில் 14 டாட் பந்துகளும் அடங்கும். பவர்ப்ளே ஓவரில் ரபாடா இரு ஓவர்களையும் கட்டுக்கோப்பாக வீசி 12 ரன்கள் மட்டுமே கொடுத்தார். நடுப்பகுதி ஓவர்களில் மீண்டும் ரபாடா பந்துவீச வந்தபோது, ராஜஸ்தான் விக்கெட் இழப்பின்றிப் பயணித்தது.

அப்போது ரபாடாவின் துல்லியமான பந்துவீச்சில் ஜெய்ஸ்வால், கேப்டன் சாம்ஸன் வீழ்ந்தனர். ரபாடா தன்னுடைய 4 ஓவர்களில் 2 பவுண்டரிகள் மட்டுமே அடிக்க அனுமதித்தார்.

அதேபோல கேப்டன் பொறுப்பேற்று ஆடிய சாம் கரனும் 4 ஓவர்கள் வீசி 25 ரன்கள் கொடுத்து 2 விக்கெட்டுகளை கைப்பற்றினார். அர்ஷ்தீப், ஹர்சல் படேல் இருவர் மட்டுமே ஓரளவுக்கு ரன்களை வாரி வழங்கினர். மற்றவகையில் லிவிங்ஸ்டோன், ஹர்பிரித் பிராரும் ஓவருக்கு 7 ரன்களுக்குள்தான் கொடுத்தனர். இதில் அர்ஷ்தீப், ஹர்சல் படேல் கட்டுக்கோப்பாக வீசியிருந்தால், ஆட்டம் பஞ்சாப் அணி பக்கம் திரும்பியிருக்கும்.

 

'பெருமையாக இருக்கிறது'

பட மூலாதாரம்,SPORTZPICS

பஞ்சாப் கிங்ஸ் கேப்டன் சாம் கரன் பேசுகையில், “விக்கெட் சிறிது மெதுவாக இருந்ததால் பந்து நின்று சென்றன. நாங்கள் சிறப்பான தொடக்கத்தை பேட்டிங்கில் அளிக்கவில்லை என்றாலும் ஃபினிஷிங் சிறப்பாக இருந்தது.

நாங்கள் எங்களால் முடிந்தவரை வெற்றிக்காக முயன்றோம். 150 ரன்களுக்கு மேல் சேர்த்திருந்தால் ஆட்டம் எங்கள் பக்கம் இருந்திருக்கும் என நம்புகிறேன்.

நெருக்கடியாக வந்து தோற்றாலும் பல பாசிட்டிவ் விஷயங்களை அடையாளம் கண்டோம். பேட்டிங்கில் இன்னும் நாங்கள் கவனம் செலுத்த வேண்டும். பந்துவீச்சு, ஃபீல்டிங் எதிர்பார்ப்பைவிட சிறப்பாக இருந்தது. வெற்றிக்கு அருகே வந்து முடியவில்லை என்பது வருத்தம். நிச்சயமாக அடுத்த ஆட்டத்தில் வெற்றி பெறுவோம்.

முலான்பூர் அனைவருக்குமே புதியதாக இருந்தது, இருப்பினும் தகவமைத்துக் கொண்டோம். கடைசிப் பந்துவரை ஆட்டத்தைக் கொண்டு சென்ற எங்கள் பந்துவீச்சாளர்களைக் கண்டு பெருமையாக இருக்கிறது,” எனத் தெரிவித்தார்.

 

பேட்டிங்கில் திணறிய பஞ்சாப் கிங்ஸ்

பட மூலாதாரம்,SPORTZPICS

பஞ்சாப் கிங்ஸ் அணி வெற்றிக்காக பந்துவீ்ச்சாளர்கள் போராடிய அளவுக்கு பேட்டர்களும் ஓரளவுக்கு பங்களிப்பு செய்திருந்தால், ஆட்டம் நிச்சயமாக பஞ்சாப் கிங்ஸுக்கு சாதகமாக இருந்திருக்கும். ஆனால், பஞ்சாப் அணியில் ஜிதேஷ் ஷர்மா சேர்த்த 29 ரன்கள்தான் அதிகபட்சமாக இருந்தது.

அனுபவம் மிகுந்த பேட்டரான பேர்ஸ்டோவுக்கு கட்டம் சரியில்லை. இந்தத் தொடரில் இதுவரை ஒரு போட்டியில்கூட சராசரியாக 30 ரன்களைக்கூட கடந்திருக்கமாட்டார். இந்த ஆட்டத்திலும் ஹெட்மயருக்கு கேட்ச் பயிற்சி அளிப்பதுபோல் கேசவ் மகராஜ் பந்துவீச்சில் 15 ரன்னில் பேர்ஸ்டோ ஆட்டமிழந்தார்.

உள்நாட்டுப் போட்டிகளில் சிறப்பாக ஆடிய அதர்வா தைடே 15 ரன்னில் விக்கெட்டை பறிகொடுத்தார். பிரப்சிம்ரன் சிங்(10), சாம் கரன்(6), சசாங் சிங்(9), லிவிங்ஸ்டோ(21) என வலிமையான பேட்டிங் வரிசை இருந்தும் ஒருவர்கூட நிலைத்து பேட் செய்யவில்லை.

இந்த 4 பேட்டர்களின் படுமோசமாக இருந்ததே விக்கெட் இழப்பிற்கு காரணம் என்று வர்ணனையாளர்கள் விமர்சித்தனர். இன்னும் கூடுதலாக 20 ரன்கள் சேர்த்திருந்தால் பஞ்சாப் வெற்றியை உறுதி செய்திருக்கும்.

கடைசி வரிசையில் களமிறங்கிய அஷுடோஷ் சர்மா கேமியோ ஆடியதால் ஓரளவுக்கு கௌரமான ஸ்கோரை பஞ்சாப் பெற்றது. அஷுடோஷ் 9 பந்துகளில் 20 ரன்கள் சேர்த்து ஆட்டமிழந்தார். பவர்ப்ளேவில் ஒரு விக்கெட் இழப்புக்கு 38 ரன்கள் சேர்த்த பஞ்சாப் அணி 10 ஓவர்கள் முடிவில் 4 விக்கெட் இழப்புக்கு 54 ரன்கள் சேர்த்தது. 15 ஓவர்கள் முடிவில் 5 விக்கெட் இழப்புக்கு 86 ரன்கள் என மந்தமாக பேட் செய்தது. கடைசி 6 ஓவர்களில் மட்டும்தான் பஞ்சாப் அணி 72 ரன்கள் சேர்த்ததால்தான் கௌரவமான ஸ்கோர் கிடைத்தது.

இல்லாவிட்டால் 120 ரன்களில் பஞ்சாப் அணி சுருண்டிருக்கும். பஞ்சாப் அணியில் ஏராளமான பாசிட்டிவ் விஷயங்கள் இருப்பதில் சந்தேகமில்லை. ஆனால், அதை எவ்வாறு களத்தில் செயல்படுத்துகிறது என்பதில்தான் அடுத்தடுத்த போட்டிகளில் வெற்றி அடங்கியிருக்கிறது.

 

கட்டுக்கோப்பான ராஜஸ்தான் பந்துவீச்சு

பட மூலாதாரம்,SPORTZPICS

ராஜஸ்தான் ராயல்ஸ் அணியின் பந்துவீச்சாளர்கள் தங்களுக்குரிய பணியைச் சிறப்பாகச் செய்து பஞ்சாப் அணியை 147 ரன்களில் கட்டுப்படுத்தினர். ஆனால், ராஜஸ்தான் அணியின் பேட்டர்களும், பஞ்சாப் பேட்டர்களை போல் தங்களின் பணியை முழுவதுமாகச் செய்யவில்லை என்பதுதான் நிதர்சனம்.

ராஜஸ்தான் அணியின் பந்துவீச்சாளர்கள் அனைவரும் ஓவருக்கு 7 ரன்டேட்டுக்கு அதிகமாக ரன்களை கொடுக்கவில்லை. கடந்த போட்டியில் 2 ஓவர்கள் மட்டுமே போல்டுக்கு ஏன் வழங்கப்பட்டது பெரிய விவாதத்தை ஏற்படுத்தியது.

இந்த முறை 4 ஓவர்கள் வீசிய போல்ட் 22 ரன்கள் மட்டுமே கொடுத்து ஒரு விக்கெட்டையும் வீழ்த்தினார். கேசவ் மகராஜ் 4 ஓவர்கள் வீசி 23 ரன்கள் கொடுத்து 2 விக்கெட்டுகளை சாய்த்தார்.

யஜூவேவந்திர சஹல் 4 ஓவர்கள் வீசி 31 ரன்கள் கொடுத்து ஒரு விக்கெட்டை வீழ்த்தி, ஐபிஎல் தொடரில் 200வது விக்கெட்டை எடுத்தார். ஆவேஷ், குல்தீப் சென்னும் கட்டுக்கோப்பாகவே பந்துவீசினர். ராஜஸ்தான் அணியின் பந்துவீச்சாளர்கள் தங்கள் பணியைச் சிறப்பாகச் செய்து முடித்தனர்.

- இது, பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/ckkezkq207lo

'ரூ.24 கோடிக்கு தகுதியானவன்' என்று நிரூபித்த ஸ்டார்க்: கொல்கத்தா - லக்னௌ ஆட்டத்தில் என்ன நடந்தது?

பட மூலாதாரம்,GETTY IMAGES

கட்டுரை தகவல்

• எழுதியவர், போத்திராஜ்
• பதவி, பிபிசி தமிழுக்காக
• 14 ஏப்ரல் 2024

மிட்செல் ஸ்டார்க்கின் துல்லியமான பந்துவீச்சு, நரைன் மற்றும் வருண் சக்கரவர்த்தியின் நெருக்கடி தரும் சுழற்பந்துவீச்சு, பில் சால்ட்டின் அதிரடி ஆட்டம் ஆகியவற்றால், லக்னெள அணியை எளிதாக வீழ்த்தியது கொல்கத்தா நைட் ரைடர்ஸ் அணி.

கொல்கத்தாவில் இன்று நடந்த ஐபிஎல் டி20 தொடரின் 28-வது லீக் ஆட்டத்தில் லக்னெள சூப்பர் ஜெயின்ட்ஸ் அணியை 8 விக்கெட் வித்தியாசத்தில் தோற்கடித்தது கொல்கத்தா நைட் ரைடர்ஸ் அணி.

முதலில் பேட் செய்த லக்னெள அணி 20 ஓவர்களில் 7 விக்கெட் இழப்புக்கு 161 ரன்கள் சேர்த்தது. 162 ரன்கள் சேர்த்தால் வெற்றி எனும் இலக்குடன் களமிறங்கிய கொல்கத்தா அணி 26 பந்துகள் மீதமிருக்கும் நிலையில், 2 விக்கெட் இழப்புக்கு 162 ரன்கள் சேர்த்து 8 விக்கெட் வித்தியாசத்தில் வென்றது.

பட மூலாதாரம்,GETTY IMAGES

படக்குறிப்பு,47 பந்துகளில் 89 ரன்கள் சேர்த்து இறுதிவரை ஆட்டமிழக்காமல் இருந்தார் கொல்கத்தா வீரர் பில் சால்ட்.

அசத்திய ஸ்டார்க் மற்றும் பில் சால்ட்

கொல்கத்தா ஈடன் கார்டன் மைதானத்தில் வங்காள புத்தாண்டில் ரசிகர்களுக்கு மறக்க முடியாத பரிசை ஸ்டார்க், பில் சால்ட் அளித்துள்ளனர். பந்துவீச்சில் ஸ்டார்க்கும், பேட்டிங்கில் சால்ட்டும் மிரட்டி, வெற்றியை எளிதாக்கினர்.

அதிரடியாக பேட் செய்த பில் சால்ட் 26 பந்துகளில் அரைசதம் அடித்து, 47 பந்துகளில் 89 ரன்கள் சேர்த்து இறுதிவரை ஆட்டமிழக்காமல் இருந்து அணியின் வெற்றிக்கு முக்கியப் பங்காற்றினார். 2 முக்கிய கேட்சுகளையும் பிடித்த சால்ட்டுக்கு ஆட்டநாயகன் விருது வழங்கப்பட்டது.

பட மூலாதாரம்,GETTY IMAGES

படக்குறிப்பு,லக்னெள வீரர் தீபக் ஹூடாவின் விக்கெட்டை வீழ்த்திய ஸ்டார்கை பாராட்டும் கொல்கத்தா வீரர்கள்.

பந்துவீச்சில் உலகின் நம்பர் ஒன் பந்துவீச்சாளரான மிட்செல் ஸ்டார்க், தன்னை கொல்கத்தா அணி 24.75 கோடி ரூபாய் ொடுத்து வாங்கியது சரிதான் என்று இந்த போட்டியில் நிரூபித்தார். 4 ஓவர்கள் வீசி 28 ரன்கள் கொடுத்து 3 விக்கெட்டுகளை வீழ்த்தி லக்னெள அணியை சுருட்ட முக்கியக் காரணமாகினார்.

அது மட்டுமல்லாமல், சுனில் நரைன், வருண் சக்ரவர்த்தி இருவரும் சுழற்பந்துவீச்சில் லக்னெள பேட்டர்களின் கரங்களைக் கட்டிப் போட்டனர். இருவரும் ஓவருக்கு 5.8 ரன் வீதம் 8 ஓவர்கள் வீசி 47 ரன்கள் கொடுத்து 2 விக்கெட்டுகளைக் கைப்பற்றினர்.

கொல்கத்தா ஈடன் கார்டன் ஆடுகளம் பேட்டர்களுக்கு நன்கு ஒத்துழைக்கக் கூடிய ஆடுகளம் தான். ஆனால், சிறிது நிலைத்து நிதானமாக பேட் செய்ய வேண்டும். ஆனால் லக்னெள அணியில் பூரன் ஒருவரைத் தவிர வேறு எந்த பேட்டரும் சராசரியாக 5 ஓவர்கள் கூட நிலைத்து பேட் செய்யவில்லை. 50 ரன்களுக்கு கூட யாரும் பார்ட்னர்ஷிப் அமைக்கவில்லை.

பட மூலாதாரம்,GETTY IMAGES

படக்குறிப்பு,முதலில் பேட் செய்த லக்னெள அணி 20 ஓவர்களில் 7 விக்கெட் இழப்புக்கு 161 ரன்கள் மட்டுமே சேர்த்தது.

லக்னெள அணி தோற்றது ஏன்?

இக்கட்டான நேரத்தில் ஆங்கர் ரோல் எடுக்கும் கேப்டன் ராகுல் (39), கடந்த போட்டியில் அதிரடியாக பேட் செய்த பதோனி (29), பூரன் (45) ஆகியோர் மட்டுமே ஓரளவு ரன் சேர்த்தனர். மற்ற எந்த பேட்டரும் பெரிதாக ஸ்கோர் செய்யவில்லை.

தேவ்தத் படிக்கல் தொடர்ந்து சொதப்புகிறார் என அவருக்குப் பதிலாக ப்ளேயிங் லெவனில் சேர்க்கப்பட்ட தீபக் ஹூடாவும் சரிவர திறமையை வெளிப்படுத்தவில்லை.

லக்னெள அணிக்காக ஷாமர் ஜோஸப் இன்று முதல் போட்டியில் ஆடினார். பந்துவீச்சில் மோசமாக செயல்பட்ட ஜோஸப் 4 ஓவர்கள் வீசி 47 ரன்களை வாரி வழங்கினார், இதில் 3 வைடுகள், 3 நோபால்கள் என ஜோஸப் உதிரிகளையும் விட்டு வைக்கவில்லை.

பீல்டிங்கிலும் லக்னெள அணி கட்டுக்கோப்பாகச் செயல்படவில்லை. பில் சால்ட்டுக்கு மட்டும் இன்று இரு கேட்சுகளை தவறவிட்டனர். இதில் ஏதாவது ஒரு கேட்சைப் பிடித்திருந்தாலே அவரை குறைந்த ரன்னில் ஆட்டமிழக்கச் செய்திருக்கலாம். இரு கேட்சுகளை கோட்டைவிட்டதற்கான விலையை லக்னெள அணி கொடுத்தது.

அது மட்டுமல்லாமல் கொல்கத்தா அணி உதிரிகளாக 8 ரன்கள் மட்டுமே கொடுத்தது. ஆனால், லக்னெள அணி 22 ரன்களை வாரி வழங்கியது. மேலும் 20 பவுண்டரிகள், 4 சிக்ஸர்களை அடிக்க கொல்கத்தா பேட்டர்களை அனுமதித்தது. இதுவே 24 பந்துகளில் 100 ரன்களை வாரி வழங்கி தோல்வியை எளிதாக ஒப்புக்கொண்டுவிட்டது.

இதில் உதிரிகள் வரிசையில் 22 ரன்களையும் சேர்த்தால் 122 ரன்கள் கொல்கத்தா அணிக்கு எளிதாகக் கிடைத்துவிட்டது. இந்தத் தவறுகளுக்கு எல்லாம் லக்னெள அணி விலை கொடுத்துள்ளது.

லக்னெள அணிக்கு ஆறுதலான அம்சம், மோசின்கான் பந்துவீச்சு தான். பவர்ப்ளே ஓவர்களிலேயே கொல்கத்தா அணியின் சுனில் நரேன் (6), ரகுவன்ஷி (7) விக்கெட்டுகளை எடுத்துக் கொடுத்து நெருக்கடி அளி்த்தார். ஆனால், மோசின்கான் அமைத்துக் கொடுத்த பாதையை சக வேகப்பந்துவீச்சாளர்களான யாஷ் தாக்கூர், ஜோஸப் இருவரும் பயன்படுத்திக் கொள்ளவில்லை. சுழற்பந்துவீச்சிலும் குர்னல் பாண்டியா, பிஸ்னோய் பந்துவீச்சும் பெரிதாக அணிக்கு உதவவில்லை.

லக்னெள அணி பந்துவீச்சில் பெரிதாக திணறுவதற்கும், 160 ரன்களுக்கு மேல் அடித்தும் டிஃபெண்ட் செய்ய முடியாமல் திணறுவதற்கும் இளம் பந்துவீச்சாளர் மயங்க் யாதவ் இல்லாதது முக்கியக் காரணமாகும். அது மட்டுல்லாமல் பந்துவீச்சுக்கு ஏராளமான வீரர்கள் பெஞ்சில் இருந்தாலும் அதை பயன்படுத்தாமல் இருக்கிறது. நவீன் உல் ஹக்கிற்கு பதிலாக அல்ஜாரி ஜோஸப் களமிறங்கினர்.

நியூசிலாந்து வேகப்பந்துவீச்சாளர் மாட் ஹென்றி, இந்திய பந்துவீச்சாளர் ஷிவம் மாவி, சுழற்பந்துவீச்சில் அனுபவம் நிறைந்த அமித் மிஸ்வை பயன்படுத்தி இருக்கலாம்.

ஆல்ரவுண்டர்கள் வரிசையில் கெயில் மேயர்ஸ்க்கு இதுவரை வாய்ப்பு வழங்கப்படவே இல்லை. சிறந்த கலவை இல்லாதது, தொடர்ந்து ஒரே மாதிரியான வீரர்களுக்கு வாய்ப்பு வழங்குவது எதிரணி எளிதாக வியூகத்தை அமைத்துவிடக் கூடும்.

 

பட மூலாதாரம்,GETTY IMAGES

படக்குறிப்பு,லக்னெள அணியின் கேப்டன் கே.எல்.ராகுல்.

'தோல்வியை பற்றி யோசிக்காமல் மீண்டெழுவோம்'

லக்னெள அணியின் கேப்டன் கே.எல்.ராகுல் கூறுகையில் “எங்களுக்கு இது கடினமான நாள். எங்களை அடித்து நொறுக்கியிருக்கிறார்கள். ஒவ்வொரு அணியும் இதுபோன்றுதான் வெற்றி பெற நினைக்கிறது. ஒவ்வொரு போட்டியைப் பற்றியும் அதிகமாக சிந்தித்துக் கொண்டிருக்கக்கூடாது. எங்கு தவறு நடந்தது என்பதை கண்டறிந்து சரிசெய்து அடுத்த போட்டியில் மீண்டெழுவோம்."

"நாங்கள் மோசமான ஷாட்கள் அடித்தோம் எனக் கூறமுடியாது. அதை சரியாக முறையில் செயல்படுத்தவில்லை. தொடர்ந்து விக்கெட்டுகளை சீரான இடைவெளியில் விட்டதும் தோல்விக்கு காரணம். நாங்கள் 30 ரன்கள் குறைவாக சேர்த்துள்ளோம். விக்கெட் கைவசம் இருந்திருந்தால், கூடுதலாக ரன்கள் சேர்த்திருப்போம்" என்று கூறினார்.

மேலும், "பந்துவீச்சில் தான் போட்டியை கோட்டை விட்டிருக்கிறோம். தொடக்கத்தில் விக்கெட்டுகளை எடுத்தாலும் அதிகமான பவுண்டரிகளை விட்டுக்கொடுத்தோம். தொடர் தோல்விகளால் பதற்றப்படவில்லை, முடிவுகளைப் பற்றி நினைக்காமல் நம்பிக்கையுடன் ஆட்டத்தை எதிர்கொள்வோம்"

"கடந்த 2 ஆட்டங்களாக எங்களால் 160 ரன்களுக்கு மேல் குவிக்க முடியாமைக்கு என்ன காரணம் என்று ஆலோசிப்போம். 180 முதல் 200 ரன்களை எட்டுவதற்கு என்ன செய்யலாம் என்பது குறித்து அணிக்குள் ஆலோசிப்போம்” எனத் தெரிவித்தார்.

 

பட மூலாதாரம்,GETTY IMAGES

படக்குறிப்பு,அதிரடியாக ஆட்டத்தைத் தொடங்கிய டீ காக் 10 ரன்கள் மட்டுமே எடுத்து ஆட்டமிழந்தார்.

விக்கெட் சரிவு

டாஸ் வென்ற கொல்கத்தா அணி முதலில் பந்துவீச்சைத் தேர்ந்தெடுத்தது. லக்னோ அணியின் தொடக்க ஆட்டக்காரர்கள் டீ காக், ராகுல் ஆட்டத்தைத் தொடங்கினர். ஸ்டார்க் வீசிய முதல் ஓவரில் முதல் இரு பந்துகளில் பவுண்டரி அடித்து டீ காக் அதிரடியாகத் தொடங்கினார்.

அரோரா வீசிய 2வது ஓவரில் ராகுல் சிக்ஸர் விளாச, அதே ஓவரின் கடைசிப்பந்தில் நரேனிடம் கேட்ச் கொடுத்து டீ காக் 10 ரன்னில் விக்கெட்டை பறிகொடுத்தார். அடுத்து தீபக் ஹூடா களமிறங்கினார். ஸ்டார்க் ஓவரில் திணறிய ஹூடா ஒரு ரன் எடுத்து ஸ்ட்ரைக்கை ராகுலிடம் வழங்க, அவர் பவுண்டரி விளாசினார்.

ஸ்டார்க் வீசிய 5-வது ஓவரில் நினைத்தது போலவே நடந்தது. ஸ்டார்க் ஓவரில் திணறிய ஹூடா 8 ரன்னில் ராமன்தீப் சிங்கிடம் பேக்வேர்ட் பாயின்ட்டில் கேட்ச் கொடுத்து ஆட்டமிழந்து வெளியேறினார். அடுத்து வந்த பதோனி, ராகுலுடன் சேர்ந்தார். பவர்ப்ளே ஓவர்கள் முடிவில் லக்னோ அணி 2 விக்கெட் இழப்புக்கு 49 ரன்கள் சேர்த்திருந்தது.

பட மூலாதாரம்,GETTY IMAGES

படக்குறிப்பு,கொல்கத்தா வீரர் வருண் சக்ரவர்த்தி.

திணறடித்த நரைன் மற்றும் சக்ரவர்த்தி

நரைன், ஹர்சித் ராணா வீசிய இரு ஓவர்களிலும் ராகுல், பதோனியால் ஒரு பவுண்டரி கூட அடிக்க முடியவில்லை. இருவரும் சேர்ந்து லக்னோ ரன்ரேட்டை கட்டிப் பிடித்தனர். 2 ஓவர்களுக்குப் பின் வருண் வீசிய 10-வது ஓவரில் தான் பதோனி பவுண்டரி அடித்தார்.

ரஸல் வீசிய 11-வது ஓவரில் கே.எல்.ராகுல் சிக்ஸர் அடித்த நிலையில் அடுத்த பந்தில் டீப் மிட்- விக்கெட்டில் ராமன்தீப் சிங்கிடம் கேட்ச் கொடுத்து ராகுல் 39 ரன்னில் விக்கெட்டை பறிகொடுத்தார். அடுத்து களமிறங்கிய ஸ்டாய்னிஸ் வந்த வேகத்தில் ரஸல் ஓவரில் 2 பவுண்டரிகளை விளாசினார்.

வருண் சக்ரவர்த்தி வீசிய 12வது ஓவரில் பதோனி சிக்ஸர் விளாசிய நிலையில் அதே ஓவரின் கடைசிப் பந்தில் ஸ்டாய்னிஷ் ஸ்டெம்பிங் செய்யப்பட்டு 10 ரன்னில் பெவிலியன் திரும்பினார். அடுத்து வந்த பூரன், பதோனியுடன் சேர்ந்தார்.

நரைன், சக்ரவர்த்தி இருவரும் லக்னோ அணியின் ரன்ரேட்டுக்கு பெரிய தடைக்கல்லாக மாறினர். சக்ரவர்த்தி வீசிய 14வது ஓவரில் பூரன் ஒரு சிக்ஸர் விளாசி அணியின் ஸ்கோரை 100 ரன்களுக்கு உயர்த்தினார்.

 

பட மூலாதாரம்,GETTY IMAGES

படக்குறிப்பு,லக்னெள வீரர் பூரன் 45 ரன்கள் சேர்த்தார்.

ஆறுதல் அளித்த பூரன்

நரைன் வீசிய 15-வது ஓவரில் மீண்டும் திருப்பம் ஏற்பட்டது. முதல் பந்திலேயே பதோனி கால்காப்பில் வாங்க அப்பீல் செய்யப்பட்டது. ஆனால் நடுவர் அக்சய் அவுட் வழங்க மறுத்துவிட்டார். 3வது நடுவர் சென்றும் அவுட் இல்லை என தீர்ப்பளிக்கப்பட்டது. நரைன் ஓவருக்கு திணறிய பதோனி அதே ஓவரின் 4வது பந்தில் ரகுவன்ஷியிடம் கேட்ச் கொடுத்து 29 ரன்னில் ஆட்டமிழந்தார்.

6வது விக்கெட்டுக்கு குர்னல் பாண்டியா களமிறங்கி, பூரனுடன் சேர்ந்தார். இரு ஓவர்களாக லக்னோ அணி ஒரு பவுண்டரி, சிக்ஸர் கூட அடிக்கவில்லை. 16-வது ஓவரை வீசிய வருண், லக்னோ பேட்டர்களை ரன் சேர்க்கவிடாமல் திணறவிட்டார்.

18-வது ஓவரை வீசிய அரோராவின் பந்துவீச்சை குறிவைத்து பூரன் அதிரடி ஆட்டத்தில் இறங்கினார். அவரின் ஓவரில் பூரன் இரு சிக்ஸர்களை விளாசி 18 ரன்களைச் சேர்த்தார்.

19-வது ஓவரை ஹர்சித் ராணா வீசினார். இந்த ஓவரையும் குறிவைத்த பூரன் 2 பவுண்டரிகள் உள்பட 11 ரன்கள் சேர்த்தார். கடைசி ஓவரை ஸ்டார்க் வீசினார். முதல் பந்திலேயே விக்கெட் கீப்பர் சால்டிடம் கேட்ச் கொடுத்து பூரன் 45 ரன்களில் பெவிலியன் திரும்பினார். அடுத்துவந்த அர்ஷத் கானும் 5 ரன்னில் ஸ்டார்க் பந்தில் போல்டாக லக்னோ அணி 7 விக்கெட் இழப்புக்கு 161 ரன்கள் சேர்த்தது.

கொல்கத்தா அணித் தரப்பில் மிட்செல் ஸ்டார்க் 4 ஓவர்கள் பந்துவீசி 28 ரன்கள் கொடுத்து 3 விக்கெட்டுகளைக் கைப்பற்றினார். நரைன், சக்கரவர்த்தி இருவரும் சேர்ந்து 8 ஓவர்கள் வீசி 47 ரன்கள் கொடுத்து 2 விக்கெட்டுகளை வீழ்த்தினர், சராசரியாக ஓவருக்கு 5.80 ரன்கள் விட்டுக் கொடுத்தனர். 16 டாட் பந்துகளையும் வீசினர்.

கொல்கத்தா அணி எளிதான வெற்றி

162 ரன்கள் சேர்த்தால் வெற்றி எனும் இலக்குடன் கொல்கத்தா அணி களமிறங்கியது. பில் சால்ட், நரைன் ஆட்டத்தைத் தொடங்கினர். மோசின் கான் வீசிய 2 ஓவரில் நரைன் 6 ரன்னில் ஸ்டாய்னிஷிடம் கேட்ச் கொடுத்து ஆட்டமிழந்தார். அடுத்துவந்த ரகுவன்ஷியும் 7 ரன்னில் மோசின்கான் பந்துவீச்சில் விக்கெட்டை இழந்தார். இரு விக்கெட்டுகளை பவர்ப்ளே ஓவரில் கொல்கத்தா இழந்தது.

3வது விக்கெட்டுக்கு கேப்டன் ஸ்ரேயாஸ், சால்டுடன் இணைந்தார். குர்னல் பாண்டியா ஓவரில் ஹாட்ரிக் பவுண்டரி விளாசிய சால்ட் ஆட்டத்தால் பவர்ப்ளேயில் கொல்கத்தா 2 விக்கெட் இழப்புக்கு 58 ரன்கள் சேர்த்தது. சால்ட் 31 ரன்கள் சேர்த்திருந்தபோது மீண்டும் 2வது முறையாக அவர் கொடுத்த கேட்சை லக்னெள வீரர்கள் கோட்டைவிட்டனர். இந்த வாய்ப்பைப் பயன்படுத்திய சால்ட், அர்ஷத் கான் ஓவரில் தொடர்ந்து 4 பவுண்டரிகள் விளாசி, 26 பந்துகளில் அரைசதம் நிறைவு செய்தார்.

அதேபோல யாஷ் தாக்கூர் வீசிய 14-வது ஓவரிலும் சால்ட் 3 பவுண்டரிகளை விளாசி ஃபினிஷிங் டச் கொடுத்தார். மோசின் கான் வீசிய 15-வது ஓவரில் மிகப்பெரியசிக்ஸர் விளாசினார். சால்ட் 47 பந்துகளில் 89 ரன்கள் சேர்த்து(14 பவுண்டரி, 3 சிக்ஸர்) இறுதிவரை ஆட்டமிழக்காமல் இருந்தார்.

சால்ட் அதிரடியாக பேட் செய்ய ஸ்ரேயாஸ் நிதான ஆட்டத்தைக் கடைபிடித்தார். பெரிய ஷாட்களுக்கு செல்வதை ஸ்ரேயாஸ் தவிர்த்தார். கொல்கத்தா அணி இலக்கை நெருங்கிய போதுதான் அர்ஷத்கான், பிஸ்னோய் ஓவரில் பவுண்டரிகளை விளாசி வெற்றியை விரைவுப்படுத்தினார்.

ஸ்ரேயாஸ் 38 ரன்களுடன் இறுதிவரை ஆட்டமிழக்காமல் இருந்தார். 3வது விக்கெட்டுக்கு ஸ்ரேயாஸ்-சால்ட் இருவரும் 120 ரன்கள் பார்ட்னர்ஷிப் அமைத்து வெற்றி பெற்றுக் கொடுத்தனர்.

புள்ளிப் பட்டியலில் மாற்றம்

கொல்கத்தா அணி தொடர்ந்து வெற்றிகளைக் குவித்து வரும் நிலையில் லக்னெள அணி தொடர்ந்து 2வது தோல்வியைச் சந்தித்துள்ளது. கொல்கத்தா அணி 5 போட்டிகளில் 4 வெற்றி, ஒரு தோல்வி என 8 புள்ளிகளுடன், நிகர ரன்ரேட்டில் 1.688 என்ற கணக்கில் வலுவாக 2வது இடத்தில் நீடிக்கிறது.

லக்னெள அணி 6 போட்டிகளில் 3 தோல்வி, 3 வெற்றி என 6 புள்ளிகளுடன் நிகர ரன்ரேட்டில் 0.038 என்ற கணக்கில் 5வது இடத்தில் இருக்கிறது. இன்னும் ஒரு தோல்வியைச் சந்தித்தால் லக்னெள அணியின் நிகர ரன்ரேட் மைனசில் சென்றுவிடும் என்பதோடு, இன்று நடக்கும் ஆட்டத்தில் மும்பை வென்றாலே லக்னெளவுக்கு புள்ளிக்கணக்கில் நெருக்கடிக்கு வந்துவிடும்.

https://www.bbc.com/tamil/articles/cp3gnvp222jo

ஸ்டம்புக்கு முன்னும் பின்னும் நின்று மாயம் செய்தாரா தோனி? ஹர்திக்கும் ருதுராஜும் கூறியது என்ன?

பட மூலாதாரம்,GETTY IMAGES

கட்டுரை தகவல்

• எழுதியவர், க.போத்திராஜ்
• பதவி, பிபிசி தமிழுக்காக
• 4 மணி நேரங்களுக்கு முன்னர்

சிஎஸ்கேவுக்கான தோனியின் 250-வது ஆட்டம், சிஎஸ்கேயின் 150-வது வெற்றி, ரோஹித்தின் சதம், 500-வது சிக்ஸர், இந்த சீசனில் சிஎஸ்கேயின் முதல் வெளி மைதான வெற்றி, தோனியின் ஹாட்ரிக் சிக்ஸர்கள் என நேற்றைய சிஎஸ்கே-மும்பை இந்தியன்ஸ் ஆட்டத்தில் நடந்தவற்றை பட்டியலிடலாம்.

இவற்றில் ரசிகர்களுக்கு முக்கியமாக மாறியிருப்பது, 42 வயது தோனி களத்தில் இறங்கி 3 பந்துகளில் ஹாட்ரிக் சிக்ஸர்களை பறக்கவிட்டு, சிஎஸ்கே அணியை 200 ரன்களுக்குமேல் கொண்டு சென்றதுதான். இதுவே ஆட்டத்தின் வெற்றிக்கான வித்தியாசமாகவும் அமைந்தது. முன்னாள் கேப்டன் தோனி மட்டும் கடைசி நேரத்தில் 20 ரன்களை அடிக்காமல் இருந்திருந்தால் சிஎஸ்கே ஸ்கோர் 185 ரன்களுக்குள் முடிந்திருக்க வாய்ப்பிருந்தது. மும்பை அணியும் ரோஹித் சர்மாவால் வெற்றி பெற்றிருக்கக்கூடும்.

போட்டியில், ரோஹித் சர்மா அடித்த சதம் மும்பை நிர்வாகத்துக்கும், கேப்டன் ஹர்திக் பாண்டியாவுக்கும் பதில் சொல்வது அமைந்துவிட்டது என ரசிகர்கள் சமூக வலைத்தளங்களில் எழுதுகிறார்கள். இதுவரை ரோஹித் சர்மா கடைசிவரை ஆட்டமிழக்காமல் இருந்து விளையாடிய அனைத்து ஆட்டங்களிலும் மும்பை இந்தியன்ஸ் வென்றுள்ளது. ரோஹித் சர்மா சதம் அடித்து, ஆட்டமிழக்காமல் இருந்தும், மும்பை அணி வெற்றி பெறாமல் இருந்தது இதுதான் முதல்முறை.

ரோஹித் சர்மா கடைசிவரை மும்பை இந்தியன்ஸ் அணியைக் கைவிடவில்லை, ஆட்டமிழக்காமல் வெற்றிக்காக கடைசிப்பந்துவரை போராடினார். ஆனால், அவருடன் நிலைத்து நின்று யாரும் ஆடவில்லை.

 

பட மூலாதாரம்,GETTY IMAGES

முதலில் பேட் செய்த சிஎஸ்கே அணி 20 ஓவர்களில்4 விக்கெட் இழப்புக்கு 206 ரன்கள் சேர்த்தது. 207 ரன்கள் இலக்குடன் களமிறங்கிய மும்பை இந்தியன்ஸ் 20 ஓவர்களில்6 விக்கெட் இழப்புக்கு 186 ரன்கள் சேர்த்து 20 ரன்களில் தோற்றது.

இந்த வெற்றியின் மூலம் சிஎஸ்கே அணி, 6 போட்டிகளில் 4 வெற்றி, 2 தோல்வி என 8 புள்ளிகளுடன், நிகரரன்ரேட்டில் 0.726 புள்ளிகளுடன் 3வது இடத்தில் நீடிக்கிறது. மும்பை இந்தியன்ஸ் அணி 6 போட்டிகளில் 2 வெற்றி, 4 தோல்விகளுடன் 4 புள்ளிகளுடன் 8-வது இடத்தில் இருக்கிறது.

இந்த ஐபிஎல் சீசனில் சிஎஸ்கே அணி வெளி மைதானத்தில் பெற்ற முதல் வெற்றி இதுவாகும். அதேபோல மும்பை இந்தியன்ஸ் அணியும் சொந்த மைதானத்தில் இந்த சீசனில் அடைந்த முதல் தோல்வியாகும்.

சிஎஸ்கே வெற்றிக்கு முக்கியத் திருப்புமுனையாக அமைந்த மதீஷா பதிரணா ஆட்டநாயகனாகத் தேர்ந்தெடுக்கப்பட்டார். 4 ஓவர்கள் வீசிய அவர், 28 ரன்கள் கொடுத்து 4 விக்கெட்டுகளை கைப்பற்றினார். பதிரணா கைப்பற்றிய 4 விக்கெட்டுகளுமே சிஎஸ்கே அணியின் வெற்றிக்கான திருப்புமுனை விக்கெட்டுகளாகும்.

வான்கடே மைதானத்தில் 207 ரன்கள் இலக்கு என்பது சேஸிங் செய்ய முடியாத பெரிய இலக்கு அல்ல. ஆனால், பேட்டர்களுக்கு சொர்க்கபுரியான இந்த மைதானத்தில் பேட்டர்களின் கரங்களைக் கட்டிப்போடுவதும், சரியான முறையில் திட்டங்களையும், ஸ்மார்ட் கிரிக்கெட் ஆடுவதும்தான் முக்கியம்.

குறிப்பாக கடைசி ஓவரில் களமிறங்கிய தோனி ஹர்திக் பாண்டியா ஓவரில் 4 பந்துகளில் ஹாட்ரிக் சிக்ஸர்கள் உள்பட 20 ரன்கள் சேர்த்தது தனது உடற்தகுதியை வெளிப்படுத்தியது மட்டுமல்லாமல், சிஎஸ்கே வெற்றிக்கு முக்கியமான ஸ்கோராக மாறியது.

ரோஹித் சர்மா 30 பந்துகளில் அரைசதம் அடித்தும், 61 பந்துகளில் சதம் அடித்தும் எந்தப் பயனும் இல்லாமல் போனது. ரோஹித் சர்மா கணக்கில் 11 பவுண்டரி, 5 சிக்ஸர்கள் அடங்கும்.

 

பட மூலாதாரம்,GETTY IMAGES

மும்பை அணியில் ரோஹித் சர்மா சேர்த்த 105 ரன்கள், இஷான் கிஷன் 23 ரன்கள் சேர்த்ததுதான் அதிகபட்ச ஸ்கோர். மற்ற எந்த பேட்டரிடம் இருந்து ரோஹித் சர்மாவுக்கு ஒத்துழைப்பு கிடைக்கவில்லை. முதல் விக்கெட்டுக்கு இஷான் –ரோஹித் கூட்டணி சேர்த்த 70 ரன்கள் பார்ட்னர்ஷிப்பும், திலக் வர்மா-ரோஹித் சேர்த்த 60 ரன்கல் பார்ட்னர்ஷிப்பும்தான் அதிகபட்சமாகும். மற்ற எந்த பேட்டரும் ரோஹித் சர்மாவுக்கு துணையாக பேட் செய்யவில்லை.

ஒருவேளை ஹர்திக் பாண்டியா, டிம் டேவிட், சூர்யகுமார் யாதவ், திலக் வர்மா, ஷெப்பர்ட் ஆகியோரில் ஒருவர் நிலைத்து பேட் செய்திருந்தால், ரோஹித் சர்மா இருந்த ஃபார்மிற்கு ஆட்டம் வேறு திசையில் பயணித்திருக்கும்.

ஒட்டுமொத்தத்தில் மும்பை இந்தியன்ஸ் அணியை ரோஹித் கைவிடவில்லை, ஆனால், மற்ற பேட்டர்கள் சேர்ந்து ரோஹித்சர்மாவை கைவிட்டனர்.

தோனி பற்றி ஹர்திக் கூறியது என்ன?

மும்பை இந்தியன்ஸ் கேப்டன் ஹர்திக் பாண்டியா கூறுகையில் “ 207 ரன்கள் சேஸிங் செய்யக்கூடிய ஸ்கோர்தான். சிஎஸ்கே பந்துவீச்சாளர்கள் நன்கு பந்துவீசினர். பதிரணா பந்துவீச்சு வித்தியாசமாக இருந்தது. சிஎஸ்கே சரியாகத் திட்டமிட்டு அதை செயல்படுத்தி ஸ்மார்டாக செயல்பட்டது. சிஎஸ்கே அணியில் ஸ்டம்புக்கு பின்னால் நின்று கொண்டு ஆலோசனைகளை வழங்கி, எதை எப்படி செய்யலாம் என்று கூறியவர்தான் காரணம்.”

“பதிரணா பந்துவீச வராதவரை ஆட்டம் எங்களிடம் இருந்தது. துபே பேட் செய்தபோது சுழற்பந்துவீச்சாளர்களை பயன்படுத்தி இருக்கலாமா என்ற கேள்வி எழுகிறது. ஆனால், அந்த நேரத்தில் சூழலுக்கு எது சரியோ அதைத்தான் செய்தேன். நாங்கள் ஸ்மார்ட்டாக செயல்பட்டால் அடுத்துவரும் ஆட்டங்களில் விரும்பிய முடிவுகளை அடையலாம்” எனத் தெரிவித்தார்.

 

பட மூலாதாரம்,GETTY IMAGES

வெற்றிக்கு பதிரணா காரணமாக அமைந்தது எப்படி?

மும்பை இந்தியன்ஸ் அணி 7 ஓவர்கள் வரை 10 ரன்ரேட்டில் வெற்றியை நோக்கி சீராக பயணித்தது. ஆனால், 8-வது ஓவரை பதிரணா வீச வந்தபோதுதான் ஆட்டத்தில் திருப்புமுனை ஏற்பட்டது. பதிரணா வீசிய முதல் பந்திலேயே இஷான் கிஷன்(23) மிட்விக்கெட்டில் ஷர்துல் தாக்கூரிடம் கேட்ச் கொடுத்து ஆட்டமிழந்தார். அதே ஓவரின் 3வது பந்தில் 360 டிகிரி பேட்டர் சூர்யகுமார் டீப் தேர்டுமேன் திசையில் அடித்த ஷாட்டை முஸ்தபிசுர் கேட்ச் பிடித்து ஆட்டமிழக்கச் செய்தார். இந்த இரு விக்கெட்டுகள் மும்பை அணியின் ரன்ரேட் வேகத்துக்கு பிரேக் போட்டன.

அதன்பின் வந்த திலக் வர்மா ரோஹித்துடன் சேர்ந்து ஓரளவுக்கு ஸ்கோரை உயர்த்தி, மீண்டும் வெற்றியை நோக்கி மும்பை நகரத் தொடங்கியது, ஆட்டமும் சிஎஸ்கே கையைவிட்டு நகர்ந்தது. 14-வது ஓவரில் பதிராணா மீண்டும் பந்துவீச அழைக்கப்பட்டார். பதிரணா வீசிய ஸ்லோவர் பந்தில் மிட்ஆப்பி்ல் திலக் வர்மா தூக்கி அடிக்க தாக்கூர் கேட்ச் பிடித்தார். வெற்றியை நோக்கி வேகமாக நகர்ந்த மும்பை அணிக்கு மீண்டும் தடைக்கல் விழுந்தது.

 

பட மூலாதாரம்,GETTY IMAGES

ஆட்டத்தை திருப்பிய ஓவர்கள்

அதன்பின் 15-வது ஓவரை வீசிய ஷர்துல் தாக்கூர் 2 ரன்கள் மட்டுமே விட்டுக் கொடுத்து அருமையாகப் பந்துவீசினார். அதேபோல 16-வவரை வீசிய தேஷ்பாண்டே 3 ரன்கள் கொடுத்து, கேப்டன் ஹர்திக் வி்க்கெட்டை வீழ்த்தினார். இருவரும் இரு ஓவர்களில் 5 ரன்கள் மட்டுமே கொடுத்தனர். இந்த இரு ஓவர்கள்தான் மும்பை அணி மீது பெரிய அழுதத்தை கொண்டு வந்து சேர்த்து, நெருக்கடியில் தள்ளியது. மும்பை வீரர்களான ஷர்துல், தேஷ்பாண்டே இருவரும் சிஎஸ்கேவுக்கு சரியான வேலையை செய்து கொடுத்தனர்.

இரு ஓவர்களில் அதிகமான டாட் பந்துகளை விட்டதால், மும்பை இந்தியன்ஸ் அணின் வெற்றிக்கான ரன்ரேட்டை கடுமையாக உயர்த்தி, களத்தில் இருந்த ரோஹித் சர்மாவுக்கு பெரிய அழுத்தத்தைக் கொடுத்தது.

அடுத்துவந்த டிம் டேவிட் மீதும் ரன்ரேட் அழுத்தம் இருந்தது. இதனால் முஸ்தபிசுர் வீசிய 17-வது ஓவரில் 2 சிக்ஸர்களை விளாசி, அதேஓவரில் ரவீந்திராவிடம் கேட்ச் கொடுத்து ஆட்டமிழந்தார். கடந்த போட்டியில் அதிரடியாக ஆடிய ஷெப்பர்டை கிளீன் போல்டாக்கி பதீராணா வெளியேற்றினார்.

ஆட்டத்தின் 14 முதல் 16-வது ஓவர்கள்தான் சிஎஸ்கே மற்றும் மும்பை அணிக்கு திருப்புமுனையாக அமைந்தது. திலக் வர்மா ஆட்டமிழந்த 14வது ஓவர், ஷர்துல் வீசிய 15வது ஓவர், தேஷ் பாண்டே வீசிய 16வது ஓவர் ஆகியவை ஆட்டத்தின் போக்கை மாற்றி, மும்பையிடம் இருந்து வெற்றியை முழுமையாக சிஎஸ்கே பறித்துக் கொண்டது.

 

பட மூலாதாரம்,GETTY IMAGES

சிஎஸ்கே கேப்டன் ருதுராஜ், தோனியின் பேட்டிங் பற்றி கூறியது என்ன?

சிஎஸ்கே கேப்டன் ருதுராஜ் கெய்க்வாட் கூறுகையில் “ நாங்கள் பெரிய ஸ்கோரை அடிக்க எங்கள் அணியின் இளம் விக்கெட் கீப்பர் கடைசி நேரத்தில் அடித்த ஹாட்ரிக் சிக்ஸர்கள்தான் காரணம். அதுதான் வெற்றிக்கான வித்தியாசமாகவும் இருந்தது. இதுபோன்ற மைதானத்தில் எப்போதுமே கூடுதலாக 15 ரன்கள் அடிக்கவேண்டும். 220 ரன்கள்வரை எதிர்பார்த்தோம். பந்துவீச்சில் நாங்கள் எங்கள் திட்டத்தை சரியாக் செயல்படுத்தினோம். எங்கள் அணியின் மலிங்கா சிறப்பாகப் பந்துவீசி யார்கர்களை கச்சிதமாக இறக்கினார். துஷார், ஷர்துலும் இரு சிறப்பான ஓவர்களை வீசினர். ஒவ்வொருவரும் சிறந்த பங்களிப்பு செய்தனர். ரஹானே தொடக்க வீரராக களமிறங்கியது வித்தியாசமாக இருந்திருக்கும்”எ னத் தெரிவித்தார்

நம்பிக்கையளித்த துபே-கெய்க்வாட் ஜோடி

சிஎஸ்கே அணியின் மிகப்பெரிய ஸ்கோர் உயர்வுக்கு 3வது விக்கெட்டுக்கு ஷிவம் துபே, கெய்க்வாட் ஜோடி சேர்த்த ரன்கள்தான் முக்கியக் காரணம். நடுப்பகுதியில் இருவரும் சேர்ந்து சிஎஸ்கே ஸ்கோரை அருமையாக நகர்த்திக் கொண்டு சென்றனர். பவர்ப்ளேயில் சிஎஸ்கே அணி 2 விக்கெட்டுகளை இழந்து 48 ரன்கள் சேர்த்தநிலையில், அடுத்த 7 ஓவர்களில் இருவரின் பேட்டிங்கால் 100 ரன்கள் சேர்த்தது.

கடைசி 5 ஓவர்களில்கூட 56 ரன்கள்தான் சிஎஸ்கே சேர்த்தது. சிஎஸ்கேவுக்கு பேட்டிங்கில் திருப்புமுனையாக அமைந்தது. 7 முதல் 15-வது ஓவர்கள்தான். 7-ஆவது ஓவர்கள் முதல் 15-ஆவது ஓவர்களில் மும்பை பந்துவீச்சாளர்கள் செய்த தவறை கெய்க்வாட், துபே இருவரும் நன்கு பயன்படுத்தினர்.

துபே களமிறங்கியபின் மும்பை பந்துவீச்சை விளாசத் தொடங்கினார், கெய்க்வாடும் தனது பங்கிற்கு பவுண்டரிகள் விளாச ரன்ரேட் உயரத் தொடங்கியது. 6 ஓவர்களில் 48 ரன்கள் இருந்த சிஎஸ்கே 11 ஓவர்களில் 100 ரன்களை எட்டியது.

துபே 28 பந்துகளிலும், கெய்க்வாட் 33 பந்துகளிலும் அரைசதம் அடித்தனர். இந்த சீசனில் துபே அடித்த 2வது அரைசதம், கெய்க்வாட்டுக்கும் இது 2 வது அரைசதமாக அமைந்தது. கெய்க்வாட் 69 ரன்னில்(40 பந்துகள் 5சிக்ஸர்கள், 5பவுண்டரிகள்) ஆட்டமிழந்தார். துபே 38 பந்துகளில் 66 ரன்களுடன்(2சிக்ஸர், 10பவுண்டரி) இறுதிவரை ஆட்டமிழக்காமல் இருந்தார்.

 

பட மூலாதாரம்,GETTY IMAGES

மோசமான மும்பை பந்துவீச்சு

மும்பை அணியில் பும்ரா, முகமது நபியைத் தவிர வேறு எந்த பந்துவீச்சாளரும் சிறப்பாகப் பந்துவீசவில்லை. இருவர் மட்டுமே ஓவருக்கு 6 ரன்ரேட்டில் வீசியுள்ளனர். பும்ரா விக்கெட் ஏதும் வீழ்த்தவில்லை என்றாலும், 4 ஓவர்களில் 23 ரன்கள் மட்டுமே கொடுத்து சிஎஸ்கே பேட்டர்களுக்கு சிம்மசொப்னமாகத் திகழந்தார். அதேபோல முகமது நபி 3 ஓவர்கள் வீசி 18 ரன்கள் கொடுத்து கட்டுக்கோப்பாகப் பந்துவீசினார். துபே சுழற்பந்துவீச்சை நன்கு விளையாடுவார் என்பதால், அவர் களத்துக்குவந்தபின் சுழற்பந்துவீச்சை ஹர்திக் பயன்படுத்தவில்லை. ஆனால், முகமது நபி, ஸ்ரேயாஸ் கோபாலை பயன்படுத்தி இருந்தால் துபே பெரிய ஷாட்களை அடித்திருந்தாலும் ஒரு கட்டத்தில் விக்கெட் விழுந்திருக்கும். அதைச் செய்ய ஹர்திக் தவறிவிட்டார்.

மற்ற பந்துவீச்சாளர்கள் 10 ரன்களுக்கு மேல் வழங்கினர். ஆகாஷ் மத்வாலுக்கு 3ஓவர்களையும், ஸ்ரேயாஸ் கோபாலுக்கு ஒரு ஓவரையும் ஹர்திக் பாண்டியா வழங்கினார். இருவரும் ஓரளவுக்கு நன்றாகப் பந்துவீசிய நிலையில் துபே, கெய்க்வாட்டுக்கு பயந்து இருவரையும் சரியாக ஹர்திக் பயன்படுத்தவில்லை. ஆனால், அதற்குப்பதிலாக தன்னால் நன்கு பந்துவீச இயலும் என நினைத்துக்கொண்டு 3 ஓவர்களில் 43 ரன்களை வழங்கி, 2 விக்கெட்டுகளையும் கைப்பற்றினார்.

 

பட மூலாதாரம்,GETTY IMAGES

மும்பை அணி எங்கு தோற்றது?

மும்பை வான்கடே மைதானத்தில் 207 ரன்கள் நிச்சயமாக சேஸிங் செய்யக்கூடிய ஸ்கோர்தான். இதுபோன்ற சிறிய மைதானத்தில் ரன்களை ஓடி எடுப்பதில் கவனம் செலுத்தாமல், டாட் பந்துகளை விடாமல் சிக்ஸர் அடிக்கும் பவர்ஷாட் அடிப்பதில் மும்பை பேட்டர்கள் கோட்டை விட்டனர்.

இந்த ஆட்டத்தில் மும்பை, சிஎஸ்கே அணிகளின் பேட்டர்கள் தலா 19 பவுண்டரிகள் அடித்துள்ளனர். ஆனால், சிக்ஸரைப் பொறுத்தவரை, சிஎஸ்கே அணி 11 சிக்ஸர்களை விளாசிய நிலையில் மும்பை அணி 8 சிக்ஸர்கள் மட்டுமே அடித்தது. ஆக, தோனி கடைசி நேரத்தில் அடித்த ஹாட்ரிக் சிக்ஸர்கள்தான் வெற்றியைத் தீர்மானிப்பதாக அமைந்தது. மும்பை பேட்டர்கள் சிறிய கேமியோ கூட ஆடாமல் சிக்ஸர்கள் அடிக்காமல் ஆட்டமிழந்ததுதான் மும்பையை தோற்க வைத்தது.

இது பிபிசிக்காக கலெக்டிவ் நியூஸ்ரூம் வெளியீடு

https://www.bbc.com/tamil/articles/c51n4dn7m32o

என்ன‌ அடி ஜ‌பிஎல்ல‌ மீண்டும் அதிக‌ ர‌ன்ஸ் அடிச்ச‌ சாத‌னைய‌ மீண்டும் சன்ரைசர்ஸ் அணிக்கு................................

 

 

தினேஸ் கார்த்திக் செஞ்ச‌ரி அடிப்பார் என்று எதிர் பார்த்தேன் 83ர‌ன்ஸ்சில் அவுட் ஆகி விட்டார்

 

ஹில‌ன் ம‌ஸ்வேலைன்று ந‌ட‌ந்த‌ விளையாட்டில் சேர்க்க‌ வில்லை

ப‌டு சுத‌ப்ப‌ல் விளையாட்டு விளையாடின‌ அனைத்து விளையாட்டிலும்.....................................