இந்தப்படத்தின் பெயரையும் முகப்புப் படத்தையும் பார்த்தவுடன் நான் நினைத்தது அமொரிக்கா தனது புகழ்பாடும் வழமையான விளம்பரப்படமாக இருக்கும் என்று. ஆனால் இது உண்மைச்சம்பவத்தைப் பற்றி எழுதப்பட்ட Flags of Our Fathers என்ற புத்தகத்தைத் தழுவி எடுக்கப்பட்டது. புத்தகத்தை எழுதியவர் James Bradley.

புத்தகத்தை எழுதியவரின் தந்தையான கடற்படையின் களமுனை வைத்தியரும் 2 அமெரிக்க ஈரூடகப் படையினரும் 2 ஆம் உலகமா யுத்த காலப்பகுதியில் அமெரிக்க அரசு தனது மக்களிடம் போர்க்கால கடன் அடிப்படையிலான நிதிதிரட்டல் (war bonds) முயற்சியில் முக்கிய கதாநாயகர்கள் ஆனார்கள்.

அமெரிக்கப்படைகள் யப்பானை ஆக்கிரமிப்பதற்கு முன்னோடியாக Iwo Jima என்ற தீவை கைப்பற்ற முடிவெடுத்தது. அதுவே அமெரிக்கா யப்பானியர்களை அவர்களது தாயகத்திலேயே எதிர்கொள்ளும் முதலாவது களம். அதற்கு முன்னர் நடந்த மோதல்கள் யப்பானால் ஆக்கிரமிக்கப்பட்டிருந்த களங்களில் நடந்தவையாகும். அந்தவகையில் இங்கு யப்பானியர்கள் ஓர்மத்தோடு போரிடுவார்கள் என்ற எதிர்பார்ப்பு இருந்தது. அதேவேளை பிரச்சாரரீதியில் யப்பானின் தாயகத்தில் 1 பகுதியில் யப்பானை தோற்கடிப்பது முக்கியமான ஒரு குறியீடாக பார்க்கப்பட்டது. இதனால்தீவில் கொடி ஏற்றப்படுவதை சித்தரிக்கும் Joe Rosenthal இனால் எடுக்கப்பட்ட படம் மிகவும் பிரபலம் அடைந்தது.

அன்றை நாள் அமெரிக்க ஜநாதிபதி இந்தப்படத்தின் பிரபல்யத்தை பயன்படுத்தி போர்க்கால கடன் அடிப்படையிலான நிதித் திரட்டலின் எதிர்வரும் 7 ஆவது முயற்சிக்கு பயன்படுத்த முடிவெடுத்தார். இதன் பிரகாரம் இவர்கள் அந்தப்படத்தில் உள்ளவர்களில் உயிரோடு எஞ்சியுள்ளவர்களை களமுனையில் இருந்து அமெரிக்காவிற்கு திருப்பி அழைத்து நிதித்திரட்டலிற்கு பயன்படுத்த முயற்சிக்கிறது.

War bond

களமுனையில் பேர்வீரர்களாக இருந்தவர்களில் சிலர் தெரிவு செய்யப்பட்டு திடீர் என்று பிரச்சார கதாநாயகர்களாக மாற்றப்படுவதால் ஏற்படும் தனிநபர் தாக்கங்களை மனநிலையை உளவியலை மய்யப்படுத்தியதாக கதை நகர்கிறது.

http://www.flagsofourfathers.com/

http://www.apple.com/trailers/dreamworks/flagsofourfathers/

படத்திற்கு கருவான புத்தகத்தினை எழுதியவர் தனது தகப்பனின் போர் அனுபவங்களின் விபரங்களைப் பகிராத மொளனமும் பிரச்சார நிகழ்வுகளைத் தவிர்த்து வந்த தன்மையும் இறுதியில் தந்தையாரின் இறப்பிற்கு பின்னர் ஆய்வு செய்து புத்தகத்தை எழுதத் தூண்டியதாக கூறுகிறார்.

போர்க்காலத்தின் உண்மை நிகழ்வுகளைத் தழுவிய இந்தப்படம் போராடும் இனமாகிய எமக்கு பல விடையங்களை உணர விளங்கிக் கொள்ள உதவும்.

அவற்றில சிலவாக...

-1- போர்கால கடன் அடிப்படையிலான நிதித்திரட்டலின் முக்கியம். அது 1, 2 முறையல்ல பலமுறை செய்ய வேண்டிய நிலையில் அமெரிக்காவே இருந்திருக்கிறது.

-2- நிதித்திரட்டல் பிரச்சார யுக்திகளில் ஏற்படும் சிக்கல்கள். அந்த முயற்சிகளில் சிக்குண்டு தவிர்க்கக் கூடிய போராளிகளின் மனநிலை.

-3- அமெரிக்காவில் இருந்த மக்களினால் உலகமாயுத்த காலப்பகுதியில் கூட பசுபிக் மற்றும் ஜரோப்பிய களங்களில் போராடிக் கொண்டிருந்த அமெரிக்க வீரர்களின் மனேநிலையை புரியமுடியாதவர்களாக களங்களின் யதார்த்தத்தை அறியாதவர்களாக இருந்தார்கள். அதனால் அமெரிக்காவில் இருந்தவர்களிடம் ஒருவகை போலியான (அல்லது மேலோட்டமான) பிரச்சாரத்தினூடாகத்தான் பங்களிப்பைப் பெற முயற்சிக்கப்பட்டது.

Liberty Bonds, Enlist or Invest.

Edited October 2, 200718 yr by kurukaalapoovan

களமுனையில் பேர்வீரர்களாக இருந்தவர்களில் சிலர் தெரிவு செய்யப்பட்டு திடீர் என்று பிரச்சார கதாநாயகர்களாக மாற்றப்படுவதால் ஏற்படும் தனிநபர் தாக்கங்களை மனநிலையை உளவியலை மய்யப்படுத்தியதாக கதை நகர்கிறது.

நன்றி குறுக்காலபோவான். முகப்புப்படம் நல்லாக வந்திருக்கிறது. பிரச்சாரம், நிதிதிரட்டல், புதியமுறைக் கையாளல்கள் என்பன சிந்திக்கக்கூடிய, விவாதிக்கவேண்டிய விடயங்களே.

நன்றி குறூக்ஸ் இணைப்புக்கு.