எமது மண்ணில் அனைத்துத் துறைகளும் போர்ச்சூழலில் வளர்ச்சிபெற வேண்டும் என்பதில் எமது தேசியத் தலைவர் பெருவிருப்புக்கொண்டு செயற்பட்டு வருகின்றார் என்று தமிழீழ அரசியல்துறைப் பொறுப்பாளர் பா.நடேசன் தெரிவித்துள்ளார்.

தொடர்ந்து வாசிக்க

யாராலும் தமிழீழ விடுதலைப் போராட்டத்தை நசுக்க முடியாது – பா. நடேசன்

எந்தவொரு சக்தியாலும் தமிழீழ விடுதலைப் போராட்டத்தை நசுக்க முடியாதென, தமிழீழ அரசியல்த்துறைப் பொறுப்பாளர் பா. நடேசன் தெரிவித்துள்ளார்.

கிளிநொச்சி ஆங்கிலக் கல்லூரியின் புதிய கட்டடத் திறப்பு, மற்றும் ஐந்தாம் அணியினருக்கான புதிய கற்றல் ஆரம்ப நிகழ்வு என்பன இன்று காலை இம்பெற்றன.

இவற்றில் கலந்து கொண்டு சிறப்புரை ஆற்றும்போதே பா. நடேசன் இவ்வாறு தெரிவித்தார்.

இன்று புதன்கிழமை முற்பகல் 9.00 மணிக்கு நடைபெற்ற இந்நிகழ்வில், தமிழீழ கல்விக்கழகப் பொறுப்பாளர் வே.இளங்குமரன் பொதுச்சுடரினை ஏற்றினார்.

தமிழீழ தேசியக் கொடியினை ஏற்றிவைத்த தமிழீழ அரசியல்துறைப் பொறுப்பாளர் பா.நடேசன், கல்லூரிப் பெயர்ப்பலகையினையும் திரைநீக்கம் செய்து வைத்து, புதிய கட்டடத்தினையும் திறந்து வைத்தார்.

கல்லூரி முதல்வர் என்.நளாயினி தலைமையுரை நிகழ்த்தினார்.

தமிழீழ கல்வி மேம்பாட்டு பேரவைத் தலைவர் பிரான்சிஸ் யோசப் அடிகளார் வாழ்த்துரை நிகழ்த்தினார்.

பா. நடேசன் அவர்களின் உரையிலிருந்து…

எமது மண்ணில் சகல துறைகளும் போர்ச்சூழவில் வழளர்ச்சி பெற வேண்டும் என்பதில் தமிழீழ தேசியத் தலைவர் அவர்கள் மிகுந்த விருப்புகொண்டு செயற்பட்டு வருகின்றார்.

போர்ச் சுழலில் ஆங்கில மொழியினைக் கற்று அதனை எமது மாணவர்களுக்கு கற்பிக்கின்ற பணியினைச் செய்வதற்கான கற்றல் தொடங்குகின்ற நாள் இது, ஒரு மகழ்ச்சியான நாள்.

போர்ச் சுழலில் இவ்வாறான நல்ல செயற்பாடுகள் மேற்கொள்ளப்படுவது பாராட்டுக்குரியது.

போர்ச்சூழலில் எதிரியானவன் தமிழர்களின் அனைத்துத் துறைகளையும் முடக்கி விடுகின்ற நிலை காணப்படுகின்றது.

ஆனால் எமது மண்ணில் அனைத்துத் துறைகளும் போர்ச்சூழலில் வளர்ச்சிபெற வேண்டும் என்பதில் எமது தேசியத் தலைவர் பெருவிருப்புக்கொண்டு செயற்பட்டு வருகின்றார்.

சிங்கள அரசுகள் எமது விடுதலைப் போராட்டத்தின் தொடக்கத்தில் எமது மொழி கல்வி, பண்பாட்டு அம்சங்களை சிதைக்க வேண்டும் என்பதிலேயே பெரும் முயற்சி மேற்கொண்டன.

ஆனால் எமது விடுதலைப் போராட்டமும் எதிரியின் பெரும் சவால்களை எதிர்கொண்டு தொழில்நுட்பம் மருத்துவம் உட்பட பெரும் துறைகளில் பெரும் வளர்ச்சி கண்டுள்ளது.

எமது கல்வித்துறையில் ஆசிரியர் நெருக்கடி உள்ளபோதும் இக்கல்லூரியினூடாக பயிற்றுவிக்கப்படவுள்ள ஆசிரியர்கள் நாளை எமது மாணவர்கள் மத்தியில் பணியாற்றுவது என்பது ஒரு சிறப்பான விடயம்.

தற்போது உள்ள பதற்றமான சூழல்களையும் நெருக்கடிகளையும் பொருட்படுத்தாமல் தாம் மேற்கொள்கின்ற பணியில் முன்னேற வேண்டும் என்றும் பா.நடேசன் தனது உரையில் குறிப்பிட்டுள்ளார்.

தமிழர் புனர்வாழ்வுக் கழகத்தின் உறுதுணையுடன் ஆங்கில மொழிக் கல்லூரி கிளிநொச்சியில் இயங்கி வருகின்றது.

http://www.pathivu.com/