தாய்லாந்தில் வாகனம் செலுத்தும்போது கைத்தொலைபேசி பாவிக்கத் தடை.

தாய்லாந்தில் வாகனம் செலுத்தும்போது கைத்தொலைபேசி பாவிக்கத் தடை.

16.02.2008 / நிருபர் எல்லாளன்

பாங்கொக்: வாகனங்களில் செல்லும்போது கைத்தொலைபேசி உபயோகிப்பதற்கு தாய்லாந்து அரசாங்கம் தடை விதித்துள்ளது. இந்தத் தடை உத்தரவு மே மாதம் 8ஆம் திகதி முதல் அமுலுக்கு வரும் எனத் தெரிவிக்கப்பட்டுள்ளது.

வாகனங்களைச் செலுத்துவோர் கைத்தொலைபேசி பயன்படுத்துவதால் அதிக அளவில் விபத்துகள் நடைபெறுகின்றன. இத்தகைய விபத்துகளை தடுக்க, வாகனம் செலுத்தும் போது கைத்தொலைபேசி உபயோகத்திற்கு தடை விதிக்க தாய்லாந்து அரசாங்கம் முடிவு செய்தது.

இதையடுத்து, அதற்கான தடை உத்தரவை தாய்லாந்து அரசு பிறப்பித்துள்ளது. இந்தத் தடை உத்தரவை கண்டிப்பாக பின்பற்ற வேண்டும் என்று வாகனச் சாரதிகள் அறிவுறுத்தப்பட்டுள்ளனர். மேலும் இதனை மீறுவோர் மீது கடும் நடவடிக்கை எடுக்கப்படும் என்றும், அபராதத் தொகையாக 4000 ரூபாய் செலுத்த வேண்டும் என்றும் அரசு அறிவித்துள்ளது. இதனை கண்காணிக்க பாங்கொக் நகரெங்கும் அதிநவீன வீடியோ சாதனங்கள் பொருத்தப்படவுள்ளன.

வாகனங்களில் செல்லும்போது கைத்தொலைபேசி உபயோகிப்பதால் ஏற்படும் விபத்துக்களினால் தாய்லாந்தில் வருடாந்தம் ஆயிரக்கணக்கானோர் உயிரிழப்பதாக பாங்கொக் நகர துணை ஆணையர் தெரிவித்துள்ளார்.

sankathi.com