மக்கள் ஆணையின்றி அரசாங்கம் ஆட்சி புலிகளாலேயே மஹிந்த ஜனாதிபதியானார்முஸ்லிம் காங்கிரஸ் தலைவர் ஹக்கீம்

2/24/2008 5:18:51 PM

வீரகேசரி நாளேடு - மக்கள் ஆணையின்றி அரசாங்கம் ஆட்சி செய்து வருகின்றது. விடுதலைப் புலிகளினாலேயே ஜனாதிபதி மஹிந்த ராஜபக்ஷ ஆட்சிக்கு வந்தார். ஜனாதிபதி தேர்தலை புலிகள் பகிஷ்கரித்திருக்காவிடின் ஜனாதிபதியாக மஹிந்த ராஜபக்ஷ வந்திருக்க முடியாது என்று ஸ்ரீலங்கா முஸ்லிம் காங்கிரஸின் தலைவரும் எம்.பி.யுமான ரவூப் ஹக்கீம் தெரிவித்தார். பெரும்பான்மையற்ற அரசாங்கம் முஸ்லிம் காங்கிரஸ், ஐ.தே.க. உறுப்பினர்களின் தயவிலேயே ஆட்சியை நடத்துகின்றனர் என்றும் அவர் கூறினார்.

நவீன சந்தை கட்டிடத்திற்கான அடிக்கல் நாட்டு வைபவமும், பிரதேசசபை, தவிசாளர், உப தவிசாளர், உறுப்பினர்களை வரவேற்று கௌரவிக்கும் மக்கள் எழுச்சிப் பெருவிழாவும் அட்டாளைச்சேனை பிரதேசசபைத் தவிசாளர் மசூர் சின்னலெவ்வை தலைமையில் அட்டாளைச்சேனை பிரதேசசபை வளாகத்தில் நடைபெற்ற போது பிரதம அதிதியாகக் கலந்து கொண்டு உரையாற்றுகையிலேயே முஸ்லிம் காங்கிரஸ் தலைவர் மேற்கண்டவாறு தெரிவித்தார்.

தொடர்ந்து அவர் அங்கு உரையாற்றுகையில் கூறியதாவது:

அமைச்சுப் பதவி இல்லை என்றால் முஸ்லிம் காங்கிரஸ் வாழ முடியாது. மக்கள் மத்தியில் நிலைத்து நிற்க முடியாது. எனவே எங்களிடம் தஞ்சமடைந்த முஸ்லிம் காங்கிரஸின் கோரிக்கைகள் எதனையும் செய்வதில்லை என்ற எண்ணத்தில் அரசாங்கம் இருந்தது.

அமைச்சரவைக் கூட்டத்தின்போது மக்கள் தொடர்பான பிரச்சினைகளிலும் சமூகம் சம்பந்தமான பிரச்சினைகளிலும் நான் ஒரு போதும் விட்டுக்கொடுப்பை இந்த ஜனாதிபதிக்கு செய்யவில்லை.

இருந்த போதும் விகிதாசார தேர்தலை முழுமையாக மாற்றி தொகுதிவாரியான தேர்தலை கொண்டு வர தேர்தல் சட்டத்தை திருத்தி அதன் மூலம் தொடர்ந்தும் சிறுபான்மை கட்சிகளின் ஆதரவில் தங்கியிருக்காது பெரும்பான்மையை பெற்று ஆட்சி அமைக்கலாம் என எண்ணியே தேர்தல் சட்டத்தினை திருத்த அரசு முனைந்தபோது முஸ்லிம் காங்கிரஸ் தன்னந்தனியாக நின்று தடுத்து நிறுத்தியது.

முஸ்லிம் காங்கிரஸ் அரசுடன் இணைந்து கொண்டபோது முன்வைத்த எந்த இலக்குகளையும் எம்மால் அடைந்து கொள்ள முடியாத நிலையில்தான் அரசை விட்டு வெளியேறினோம். கட்சி எதிர்நோக்கியிருந்த அச்சுறுத்தலில் இருந்து கட்சியை காப்பாற்ற அரசு முஸ்லிம் காங்கிரஸுடன் இணைந்து கொண்டது.

முன்னர் காங்கிரஸ் அரசுடன் இணைந்து கொண்டதனால், உள்நாட்டுக்குள்ளும் வெளிநாட்டுக்குள்ளும் முஸ்லிம் கட்சிகள் எங்களுடன் உள்ளது என்பதை மட்டுமே காட்டி வந்துள்ளது. தவிர வேறு எதனையும் சாதித்து விட முடியாமல் போய்விட்டது. அரசு முஸ்லிம்களை ஏமாற்றி வருகின்றது. பாராளுமன்ற உறுப்பினர் எம்.ரி.ஹஸன் அலி, பய்சால்காசிம் உட்பட உயர் அதிகாரிகளும் இக்கூட்டத்தில் கலந்து கொண்டனர்.

மக்கள் ஆணையின்றி அரசாங்கம் ஆட்சி புலிகளாலேயே மஹிந்த ஜனாதிபதியானார்

மக்கள் ஆணையின்றி என்று சொல்ல முடியாது

ஆனால்

புலிகளாலேயே மஹிந்த ஜனாதிபதியானார்

இது 100 வீதம் உண்மை

ஆனால்

தலைவர் ஏன் இவரை ஜனாதிபதியாக்கினார்

இதுதான் கோடிபெறும் கேள்வி இன்று????

மக்கள் ஆணையின்றி அரசாங்கம் ஆட்சி புலிகளாலேயே மஹிந்த ஜனாதிபதியானார்முஸ்லிம் காங்கிரஸ் தலைவர் ஹக்கீம் .

பாவம்.. சுடலை ஞானமா? பதவியில் ஒட்டிக்கொண்டிருக்கும்போது இதெல்லாம் தெரியவில்லையா.. சரியான சந்தர்ப்பாவாதிகள் இவர்கள். அரசாங்கம் கவிழ்ந்துவிட்டால் முன்னேற்பாடாக யு.என்.பி உடன் இணந்து கொள்ளவென்று பிரிந்த இவரும் ஒரு தலைவன்.. சீ..