வன்னியில் இடம்பெயர்ந்த 3,27,790 பேரில் 60 வீதமானோருக்கு அடிப்படை வசதிகள் இல்லை

[16 - November - 2008]

வன்னியில் இடம்பெயர்ந்துள்ள சுமார் மூன்று இலட்சத்து 27 ஆயிரத்து 790 பேரில் 60 வீதமானோருக்கு அடிப்படை வசதிகளில்லை என தமிழர் புனர்வாழ்வுக் கழகம் தெரிவித்துள்ளது.

முக்கியமாக கூடாரங்கள் எதுவுமின்றி இந்த மக்கள் மரநிழல்களில் வாழ்ந்து வருகின்றனர். ஏற்கனவே கடள்கோளின் போது இடம்பெயர்ந்த சுமார் 90 ஆயிரம் மக்களுடன் சேர்த்து 320 ஆயிரம் பேர் கிளிநொச்சியிலும் முல்லைத்தீவிலும் இடம்பெயர்ந்துள்ளனர். இவர்களில் 40 வீதமான மக்களுக்கு உணவுப் பற்றாக்குறை நிலவுவதாக தமிழர் புனர்வாழ்வுக் கழகம் குறிப்பிட்டுள்ளது.

உணவு விநியோகம் மிகவும் மோசமான நிலையை அடைந்துள்ளது. பாதைகள் சீரின்மை மற்றும் இலங்கை அரசாங்கத்தின் பாதுகாப்பு கெடுபிடிகள் என்பன இதற்கான காரணங்களாகும். அத்துடன், பருவப் பெயர்ச்சி மழையும் மக்களை சீரழிக்க செய்துள்ளது.

வன்னியிலுள்ள கிராமங்கள் தோறும் சமய சமூகத் தலைவர்கள் சுமார் 300 குடும்பங்களுக்கு ஒரு குழு என்ற அடிப்படையில் தெரிவு செய்து அவசர உதவிகளை மேற்கொள்கின்றனர்.

இதேவேளை, வன்னியில் அவசர தேவைகள் என்ற அடிப்படையில் தமிழர் புனர்வாழ்வுக் கழகம் சில தேவைகளை பெயரிட்டுள்ளது.

சுமார் 15 ஆயிரத்து 130 குடும்பங்களுக்கு கூடாரங்களை அமைக்க கூரைத் தகடுகள், சீமெந்துப் பொதிகள், உணவற்ற ஏனைய நிவாரணங்கள் சுமார் 20 ஆயிரம் குடும்பங்களுக்கு தேவைப்படுகின்றன.

கர்ப்பிணித் தாய்மாருக்கு சுமார் மூவாயிரம் பிரசவ ஆடைகள், குழந்தைகளுக்கான சுமார் மூவாயிரம் ஆடைகள், நுளம்புவலை, தண்ணீர் தாங்கிகள், நீர் சுத்திரிப்பு வில்லைகள், எரிபொருள், தண்ணீர் பௌசர்கள் மற்றும் அவசிய சிகிச்சைகளுக்கு உட்பட்ட சுகாதார மருத்துவ கருவிகள் ஆகியன வன்னியில் உடனடியாகத் தேவை என தமிழர் புனர்வாழ்வுக்கழகம் தெரிவித்துள்ளது.

http://www.thinakkural.com/news/2008/11/16...s_page62034.htm

இந்த மக்களுக்கு உதவிகள் கிடைக்கும் வளிகளை ஆராய்வதுதான் புலம்பெயர்ந்த மக்களின் இண்றைய முக்கிய கடமை....!!

இதுதான் தமிழீழ விடிவையும் விரைவு படுத்தும்.... போராடும் போராளிகளின் சுமையை இறக்கும் கடமையை புலம்பெயர்ந்தவை செய்ய வேண்டும்...

இதை பிரச்சார ரீதியிலும் செய்யலாம் என்பதுதான் உண்மை ...... !!

போராடும் மக்களின் தாங்கு சக்தியில் தான் போராட்டத்தின் இறுதி முடிவு, அது வெற்றியா இல்லை தோல்வியா என்பது தங்கி உள்ளது. அவ் மக்களின் அடிப்படை வசதிகளை பெருக்குவதிலும், அம் மக்களின் துயரங்களை அரசியல் சாராத சர்வதேச அமைப்புகள் மூலம் வெளிக்கொண்டு வருவதிலும் புலம் பெயர் மக்களும், ஈழ மக்களுக்காக என்றென்றும் குரல கொடுக்கும் தமிழக மக்களும் முழு மூச்சுடன் முன் வரவேண்டும்.

ஆகக் குறைந்தது ஒரு நாளைக்கான வருமானத்தினையாவது, புலம் பெயர்ந்து வாழும் மக்களாகிய நாம் இயலுமான வழிகளில் வன்னியை சென்றடைய கூடிய விதத்தில் வழங்க வேண்டும். நன்கு ஒழுங்கமைக்கப் பட்ட ஒரு செயல்திட்டத்தின் மூலம் புலம் பெயர் நாடுகளில் இருக்கும் அனைத்து மக்களும் இதனை அந்த அந்த நாடுகளில் உள்ள சட்டத்திற்குட்பட்ட ரீதியில் இன்றே செய்ய ஆரம்பிக்க வேண்டும்

--------------

எவராவது கனடாவில், இத்தகைய முயற்சிகளில் ஈடுபட்டுள்ளார்களா..? தயவு செய்து அறியத்தரவும்

Edited November 16, 200817 yr by NIZHALI