இன்று ஆரம்பமான நாடு கடந்த தமிழீழ அரசின் அங்குரார்ப்பணக் கூட்டத்தில் கலந்து கொள்வதற்காக கனடாவிலிருந்து பயணமான பிரதிநிதிகள், ஊடகவியலாளர்கள், பார்வையாளர்கள் உள்ளிட்டோர் அமெரிக்க எல்லையில் வைத்து குடிவரவு அதிகாரிகளால் 5 மணிநேரம் தடுத்து வைக்கப்பட்டு விசாரிக்கப்பட்டதாகத் தெரிவிக்கப்படுகிறது.

நாடு கடந்த தமிழீழ அரசின் கூட்டத்தில் கலந்து கொள்வதற்காக அமெரிக்காவிற்குள் புகுவதாகத் தெரிவித்த அனைவரும் விதிவிலக்கின்றி கடுமையான சோதனைகளுக்கும் கால தாமதத்திற்கும் ஆளாக்கப்பட்டதாக அங்கிருந்து கிடைக்கும் தகவல்கள் தெரிவிக்கின்றன.

எதுவித ஒளிவுமறைவுமின்றி செயற்பட்டுக் கொண்டிருக்கும் எம்மை என்ன காரணத்திற்காகத் தடுத்து வைக்கிறோம் என்பது கூட அறிவிக்காமல் தடுத்து வைத்தது எந்த வகையில் நியாயம் எனப் பாதிக்கப்பட்ட நாடு கடந்த தமிழீழ அரசின் கனேடியப் பிரதிநிதி ஒருவர் நமது நிருபரிடம் முறைப்பட்டார்.

கனடாவிலிருந்து இந்த நிகழ்வு தொடர்பான செய்திகளைச் சேகரிக்கச் சென்ற ஊடகவியலாளர்களும் இவ்வாறு பல மணி நேரங்கள் தடுத்து வைக்கப்பட்டதாக அங்கிருந்து கிடைக்கும் செய்திகள் தெரிவிக்கின்றன.

SOURCE: http://www.eelamweb.com

தடைகள் இடர்கள் எல்லாம் என்ன புதுசா?

இதெல்லாம் பார்க்கும்போதுதான் எங்களுக்கான ஒரு தேசத்தின் அவசியம் புத்துணர்வு பெறுகிறது.

இது அமெரிக்காவின் வழமையான நிகழ்வுதான். சாதாரணமாகச் செல்பவர்களையே உரித்து எடுத்துவிடுவார்கள் சோதனை என்ற பெயரில். ஏன் அத்வானியை ஒருமுறை உரித்தெடுத்ததாகக் கேள்விப்பட்டிருக்கிறேன்.

கனடாவில் இருந்து அமெரிக்கா செல்லும் போது அமெரிக்கா எல்லைகளில் பலரைத் தடுப்பது வழக்கம். கடவுட்சீட்டில் உள்ள பெயர்கள் ஏற்கனவே அமெரிக்காவில் சந்தேகிக்கப்படுபவர்களின் பெயர்களாக இருந்தால் அல்லது வாகன இலக்கம் சந்தேகிக்கப்படுபவரின் வாகனமாக இருந்தால் மறித்து சோதனை செய்வார்கள். சோதனை செய்யப்படுபவர்கள் நிரபராதிகள் என்று தெரிந்தாலும், மேலிடத்தில் இருந்து வரும் அறிவுறுத்தல் வரும் வரை வைத்திருப்பார்கள். இதற்கு பெரும்பாலும் 3 மணித்தியாலம் எடுக்கும். அதுவரை அங்கே இருக்க வேண்டும். நாடுகடந்த அரசியலில் தெரிவு செய்யப்பட்டவர்களில் சிலர் விடுதலைப்புலிகள் அமைப்புடன் தொடர்புடைய அமைப்பைச்(தமிழர் ஒருங்கிணைப்புக்குழுவைச் சேர்ந்தவர்கள்) சேர்ந்தவர்களாக இருந்தால் இவர்களின் விபரங்கள் ஏற்கனவே சிறிலங்கா அல்லது ஒட்டுப்படைகள் மூலம் அமெரிக்காவுக்கு அனுப்பி வைக்கப்படும். அவர்கள் அமெரிக்கா செல்லும் போது விசாரிப்பார்கள். ஒருவரைப் பிடிக்காதவர்களின் விபரங்களும் அமெரிக்கா அரசுக்கு சில விசமிகள் அனுப்புவதுண்டு.

நான் இருமுறை அமெரிக்கா சென்றிருக்கிறேன். விமானத்தில் சென்றபோது ஒரு பிரச்சனையுமில்லை. ஆனால் கனடா சென்று திரும்பும் போது 2 முறை மறிக்கப்பட்டேன். முதல் முறை சென்ற போது நாங்கள் சென்ற வாகனத்தின் உரிமையாளரின் பெயர் அமெரிக்காவில் விசாரிக்கப்படுபவர்களின் பட்டியலில் இருக்கிறது. அந்தப் பெயரை உடைய ஒருவர் பின்பு விடுதலைப்புலிகளுக்கு ஆயூதம் பெற உதவினார் என்று கைது செய்யப்பட்டார். எங்களது வாகனத்தில் உரிமையாளர் வரவில்லை. எனினும் அவரது பெயருடைய வேறு ஒருவர் அமெரிக்கா பட்டியலில் இருப்பதினால் எங்களை மறித்தார்கள். மறித்த அதிகாரிகளுக்கு எங்களுடன் வந்தவர்களைப் பார்த்தபின்பு நலம் விசாரித்தார்கள். எனென்றால் கடந்த ஒருவருடமாக அந்த வாகனம் அடிக்கடி அந்த எல்லையில் சோதனை செய்யப்படும். அவர்களுக்கு தெரியும் நாங்கள் நிரபராதி. எனினும் மேலதிக அறிவுறுத்தல் வரும்வரை 3 மணித்தியாலம் அங்கே இருந்தோம். அதாவது ஒருவரின் பெயர் அமெரிக்கா பாதுகாப்புப் பட்டியலில் இருக்கும் என்றால் அவருடைய பெயரை உடைய மற்றவர்களும் மறிக்கப்படுவார்கள்.

2ம் முறை நாங்கள் வாடகை மகிழுந்தில் எல்லையைக் கடக்கும் போது மறிக்கப்பட்டோம். வாடகைச் சாரதி மலேசியா நாட்டு முஸ்லீம். அவர் கனடாவில் மருத்துவராகப் படிக்கிறார். படிப்பதற்கு பணம் தேவை என்பதினால் மகிழுந்து ஒடுகிறார். அவர் படிப்பதற்காக அதிகபணம் அமெரிக்காவில் இருந்து சென்றிருக்கிறது. அதிகபணம் அவருக்கு சென்றதினால் அவரை அடிக்கடி மறிப்பார்கள். அதனால் நாங்களும் அன்று 1 மணித்தியாலம் அங்கே நிற்க வேண்டி இருந்தது.