சென்னை முழுக்க அடைமழை! காலை பதினோரு மணிக்கு சந்திப்பு என்றார் உலகநாயகன் கமல்... வருவாரா? மாட்டாரா? நெஞ்சுக்குள் பூவா தலையா? விழுந்து கொண்டிருந்தது. ஏ.வி.எம். வாசலில் வந்து நிற்கிறது கமலின் வெள்ளை நிற கார்.

தனது ‘மன்மதன் அம்பு’க்காக கல்லூரி மாணவனைப் போல் உடம்பை களை ஏற்றிக் கொண்டு ஜொலிக்கிறார். விஜய் டி.வி.யின் ‘காஃபி வித் அனு’ தீபாவளி நிகழ்ச்சிக்காக ரசிகர்களைச் சந்திக்க வந்திருந்தார். அங்கே பேசியதில் இருந்து...

உங்களுடைய சொந்த வாழ்க்கையில் எவ்வளவோ ஏற்றத் தாழ்வுகள். ஆனால் எப்படி தன்னம்பிக்கை குன்றாமல் நிற்கிறீர்கள்?

‘‘ஒவ்வொரு வளர்ச்சிக்கும், ஒவ்வொரு வயதிற்கும் ஒரு தேவை இருக்கிறது. தேவை வரும்போது அழுகை வரும். தேவை பூர்த்தியாகிவிட்டால் அழுகை வராது. எல்லோர் வாழ்க்கையிலும் மேடு பள்ளம் இருக்கின்றது. எனக்கும் இருக்காதா என்ன? என்னுடைய சொந்த வாழ்க்கையின் சோகங்களை வெளியே சொல்லத் தேவையில்லை. என் வீட்டு டாய்லட், பாத்ரூம் வெளியே தெரிய வேண்டாம். அதற்கு கதவு இருக்கின்றது. அந்தப் பக்கமாக பார்க்க முயற்சிக்காதீர்கள். கதவு மூடி இருந்தால் சாவி துவாரத்தின் வழியே பார்க்கக் கூடாது! மீறி பார்த்தால் உங்களுக்குத் தான் அவ மானம். தனிப்பட்ட வாழ்க்கையில் எல்லோரையும் போல எனக்கென்று அழுவதற்கு நிறைய இடங்கள் இருக்கின்றன. நானும் உங்களைப் போல மனிதன் தானே? அதை வெளியே சொல்ல வேண்டிய அவசியம் இல்லை.’’

எல்லா நடிகர்களையும் கேட்கின்ற கேள்வி தான் இது. நீங்கள் அரசியலுக்கு வருவீர்களா? பல விஷயங்களில் ஒதுங்கியே இருக்கிறீர்களே?

‘‘என்னைப்பற்றி அப்படி ஒரு கருத்து நிலவுகிறது ஒதுங்கி எல்லாம் இல்லை. நான் அரசியலில்தான் இருக்கிறேன். என்னுடைய சினிமாக்களில் அரசியல் இருக்கிறது. அந் தப் படங்களில் சாதி மத சாடல் இருக்கும். சரித்திரம் பற்றிய ஆதங்கம் இருக்கும். என்னுடைய காமெடி படங்களில்கூட அரசி யல் இருக்கிறது. தசாவதாரத்தில் அரசியல் இல்லையா? என்னுடைய அரசியல் ஓட்டுப் போடும்போது இருக்கிறது. என் உரிமை அது. கை விரல் நகத்தில் பூசப்படும் மையைப் போன்றது என் அரசியல். என்ன, மேலுக்கு பூசிக் கொள்வதில்லை. அரசியல்வாதிகள் செய்யும் நிறைகுறைகளை நான் விமர்சனம் செய்து கொண்டுதானே இருக்கிறேன். அது அரசியல் இல்லையா? நான் தனி ஆள் இல்லை. சமூகத்தின் பிரதிநிதி. நேரடி அரசியலில் இருப்பவர்கள் சமூக ஊழியர்கள். அவர்களைக் கேள்வி கேட்பதுகூட ஒரு அரசியல்தான்’’.

நன்றி குமுதம்

படங்களைப் பார்வையிட......... http://www.thedipaar.com/cinema/cinema.php?id=5285

கமலகாசன் அவர்கள் நீண்டகாலமாக இதை கூறி வருகின்றார்; தனது நடிப்பை மாத்திரம் பாருங்கள்.. ஆனால்.. தனது அந்தரங்க வாழ்க்கையினுள் நுழைந்து புதினம் பார்க்கவேண்டாம் என்று. ஆனால், அதை எல்லோரும் கேட்பதாக தெரியவில்லை.

நடிகர்கள் நடிப்பதோடு நிறுத்தி, ஏனைய சகலதையும் நிறுத்தவேண்டும்.

நற்பணிமன்றங்கள்,விழிப்புணர்ச்சிமன்றங்கள் என்று எல்லாம் ஆரம்பிக்கக்கூடாது.

மற்றவனுக்கு புத்திமதியும்,நல்விளக்கக்களும் உபதேசிக்க முன் தான் யோக்கியனா என்பதை சிறிது சிந்திக்க வேண்டும்.

Edited November 4, 201015 yr by குமாரசாமி