லண்டனை உலுப்பும் வெள்ளை வான் கடத்தல்! இலங்கை வர்த்தகர் சித்திரவதைக்கு பின் படுகொலை

சனி, 20 நவம்பர் 2010 10:33

கோடீஸ்வர வர்த்தகரான இலங்கை முஸ்லிம் ஒருவர் பிரித்தானியாவின் தலைநகர் லண்டனில் வெள்ளை வான் ஒன்றில் குழு ஒன்றால் கடத்தப்பட்டு சித்திரவதை செய்யப்பட்ட பின் கொல்லப்பட்டுள்ளார்.

மூன்று பிள்ளைகளின் தந்தையான சலீம் அமர் (வயது-33) என்பவரே படுகொலை செய்யப்பட்டவர் ஆவார்.

இவர் Hancocks Mount, Sunningdale பகுதியில் குடும்பத்துடன் வசித்து வந்தவர். மிகவும் ஆடம்பரமாகவும், உல்லாசமாகவும் வாழ்ந்தவர். இவரது சடலம் கடந்த புதன்கிழமை white Mercedes Sprinter van இன் பின் பகுதியில் இருந்து காயப்பட்ட நிலையில் பொலிஸாரால் மீட்கப்பட்டார்.

ஆயினும் இவரை காப்பாற்ற முடியவில்லை. இவரை சுட்டியல் போன்ற ஆயுதம் ஒன்றால் தலையில் அடித்துப் படுகொலை செய்திருக்கின்றனர். வர்த்தக கொடுக்கல் வாங்கல்கள் மற்றும் சொத்துப் பிரச்சினைகளே இக்கொலைக்கு காரணம் என்று பொலிஸார் நம்புகின்றனர்.

இவரை கொன்றனர் என்கிற குற்றச்சாட்டில் கேம்பிரிச் நகரத்தைச் சேர்ந்த நால்வர் நேற்று இரவு கைது செய்யப்பட்டுள்ளனர். இவர்கள் கடந்த புதன் கிழமை சம்பவ இடத்தில் இருந்து பொலிஸாருக்கு டிமிக்கி காட்டி விட்டு தப்பிச் சென்றிருந்தவர்கள் ஆவர்.

Robert Johnston,(வயது -56) Tom Johnston ( வயது- 24), Ben Johnston( வயது26), Shaun Matthews( வயது- 54) ஆகியோரே இச்சந்தேக நபர்கள் ஆவர். பெயர் குறிப்பிடப்படிருக்கும் முதல் மூன்று பேரும் ஒரே குடும்பத்தை சேர்ந்தவர்.

முதலாமவர் தகப்பன். ஏனைய இருவரும் பிள்ளைகள். நான்கு சந்தேக நபர்களும் இன்று Slough Magistrates' Court இல் ஆஜராக்கப்படுகின்றனர். அமர் இறக்கின்றமைக்கு 48 மணித்தியாலங்களுக்கு முன் வட லண்டனில் ஒருவர் வெள்ளை வானில் கடத்தப்பட்டு கொல்லப்பட்டுள்ளார்.

இப்படுகொலை தொடர்பாக 21 மற்றும் 23 வயது இளைஞர்கள் இருவர் கைது செய்யப்பட்டுள்ளனர். ஆயினும் இரு கொலைகளுக்கும் சம்பந்தம் இல்லை என்று பொலிஸார் தெரிவிக்கின்றனர்.

tamilcnn

இங்கேயுமா வெள்ளை வான்!

இனிமேல்க்காலத்திலை காசுபணமில்லாமல் பஞ்சப்பரதேசியாய் வாழ்ந்தால்...உடம்புக்கும் நல்லது உளத்துக்கும் நல்லது .