வெள்ளிக்கிழமை, பெப்ரவரி 4, 2011

கடந்த 15 வருடங்களாக யாழ்ப்பாணம் மூளாய் அரசடிச் சந்தியில் முகாமிட்டிருந்த கடற்படையினர் நேற்று அங்கிருந்து முற்றாக விலகிச் சென்றுள்ளனர். இராணுவப் பொருள்கள் மற்றும் இரும்புக் கேடயங்கள் என்பனவற்றை கடற்படையினர் எடுத்துச் சென்றுள்ளதாக எமது யாழ். செய்திகள் தெரிவிக்கின்றன.

வலிகாமம் மேற்கின் ஏனைய இடங்களிலிருந்து காரைநகருக்குச் செல்லும்போது எதிர்நோக்க வேண்டிய முன்னணி கடற்படைக் காவலரணாக இதுவரை இந்தக் காவலரண் விளங்கியதுடன், பொன்னாலை கடற்படை முகாமின் பிரதான முன்னணிக் காவலரணாக இந்த காவலரண் இருந்துவந்தது.

மூளாய் அரசடிச் சந்தியில் சுற்றியிருந்த வீடுகள், கடைகள் மற்றும் சினிமா திரையரங்கு என்பற்றை உள்ளடக்கி இந்தக் காவலரண் அமைக்கப்பட்டிருந்தது.

கடந்த சில மாதங்களுக்கு முன்னர் திரையரங்கு கடைகள் என்பற்றை விடுவித்திருந்த கடற்படையினர் தமது இந்தக் காவலரணின் எல்லையை குறுகியதாக மாற்றியிருந்தனர்.

பொன்னாலையில் மக்கள் மீள்குடியேற்றப்படுவதற்கு வசதியாக இங்கிருக்கும் கடற்படை முகாம் தற்போது திருவடி நிலைக்கு அண்மையில் உள்ள பௌத்த விகாரைக்கு அண்மித்த பகுதிக்கு இடம்மாற்றப்பட்டு வருகிறது.

இதேநேரம், கடந்த 15 வருடங்களாக யாழ் பருத்தித்துறை வீதியில் இருந்த இராணுவ முகாம் ஒன்று அண்மையில் அகற்றப்பட்டிருந்தமை இங்கு குறிப்பிடத்தக்கது.

ஈழ நாதம்

இராணுவக்குறைப்பின் ஓர் அங்கமாக இடம் பெறுகிறதா? அல்லது உள்ளூராட்சி தேர்த்தலில் மக்களின் வாக்குகளை பெறும் ஓர் உத்தியா?

இராணுவக்குறைப்பின் ஓர் அங்கமாக இடம் பெறுகிறதா? அல்லது உள்ளூராட்சி தேர்த்தலில் மக்களின் வாக்குகளை பெறும் ஓர் உத்தியா?

இரண்டும்தான்.