சரணடைய மறுத்த சூசை – கடற்படை அதிகாரி

Thursday, May 12, 2011, 9:51

சிறீலங்கா

இறுதிக்கட்டப் போரின் போது தமிழீழ விடுதலைப் புலிகளின் கடற்படைத் தளபதி சூசையை சரணடையுமாறு அவரது மனைவி மூலம் கடற்படை தளபதி ஒருவர் அழுத்தம் கொடுத்துள்ளார் என்ற தகவல் வெளியாகியுள்ளது.

போரின் இறுதிக் கட்டத்தில் படையினருடன் இணைந்து செய்தி சேகரிப்பில் ஈடுபட்டிருந்த அரச ஊடகவியலாளர்களில் ஒருவரும், தகவல் திணைக்களப் பணிப்பாளருமான வசந்தபிரிய ராமநாயக்கவே சிங்கள நாளிதழில் இதனைக் குறிப்பிட்டுள்ளார்.

அதில் அவர் மேலும் குறிப்பிடுகையில்,

போரின் இறுதிக்கட்டத்தில் நடுக்கடலில் வைத்து விடுதலைப் புலிகளின் படகொன்று கடற்படையினரால் வழிமறித்துப் பிடிக்கப்பட்டது. குறித்த படகில் விடுதலைப் புலிகளின் கடற்படைத் தளபதி சூசையின் குடும்பத்தினர் இருந்தனர். அவர்கள் நாட்டை விட்டு தப்பிச் செல்லவே முயன்றனர்.

இதேவேளை சூசை படையினருடன் சண்டையிட்டுக் கொண்டிருந்தார். படகில் வந்த சூசையின் குடும்பத்தினரிடம் கடற்படையினர் விசாரணை மேற்கொண்டபோதே சூசை புதுமாத்தளனில் போரிட்டுக் கொண்டிருந்த விடயம் தெரியவந்தது.

சூசை உங்களுடன் வரமாட்டாரா என்று அவரது குடும்பத்தினரிடம் கடற்படை அதிகாரிகள் கேட்டதற்கு அவர்கள் இல்லை என்று பதிலளித்தனர்.

இதனைத் தொடர்ந்து குறித்த கடற்படை அதிகாரி தனது கைத்தொலைபேசியை சூசையின் மனைவியிடம் கொடுத்து சூசையுடன் பேசுமாறு பணித்தார்.

சூசையையும் தம்மிடம் வந்து சரணடையுமாறு அவரது மனைவி மூலம் அந்தக் கடற்படை அதிகாரி அழுத்தம் கொடுத்தார். ஆனால் சூசை சரணடையவில்லை. அவர் தீர்க்கமான எண்ணத்துடன் போரில் ஈடுபட்டதாக வசந்தபிரிய ராமநாயக்க குறித்த கட்டுரையில் தெரிவித்துள்ளார்.

சூசையை அவரது மனைவி மூலம் சரணடைய அழுத்தம் கொடுத்த கடற்படை அதிகாரியின் பெயரை அவர் குறிப்பிடவில்லை.

tamilthai.com

அதாவது சூசை அவர்களது குடும்பம் சிங்களத்தால் சிறைபிடிக்கப்பட்டதும், அவரது குடும்பத்தினரைப் பணயம் வைத்து சூசை அவர்களை வழிக்குக் கொண்டுவரும் முயற்சியை சிங்களம் கையாணடவிடையம் வெளிவந்திருக்கின்றது. அன்றேல் அவரது குடும்பம் கொலை செய்யப்படும் என அச்சுறுத்தல் விடப்பட்டிருக்கின்றது. தற:போது சூசை அவர்களது குடும்பநிலை யாருக்கும் தெரியாது. சிலவேளை கொலைசெய்யப்பட்டிருக்கலாம்.

தளபதி சூசைக்கு என்ன நடந்ததென்று ஒருவருக்கும் தெரியாது.

சிங்களம் தான் அவரைச் சரணடையக் கேட்டதாகவும், தான் ஒரு சமாதானப் பிரியர் ஆகவும் தன்னை உலகுக்குக் காட்டிக் கொள்ள இந்த அறிக்கையை வெளியிட்டிருக்கலாம்!

கடற்படை அதிகாரியின் பெயர் குறிப்பிடப்படவில்லை என்பதைக் கவனிக்கவும்!!!

சூசை அண்ணாவின் குடுப்பத்தினரை பிடிக்கும் காட்சி ,

சூசை அண்ணாவின் குடும்பத்தினர் எங்கு இருக்கிறார்கள் என்று தெரியாதா ? இவர்களை பிடிக்கும் ஒளிப்பதிவு இது அப்படியானால் இதையும் சனல் 4க்கு அனுப்பலாம் , தயவுசெய்து உறுதிப்படுத்துங்கள்

சூசை அண்ணாவின் குடும்பத்தினர் எங்கு இருக்கிறார்கள் என்று தெரியாதா ? இவர்களை பிடிக்கும் ஒளிப்பதிவு இது அப்படியானால் இதையும் சனல் 4க்கு அனுப்பலாம் , தயவுசெய்து உறுதிப்படுத்துங்கள்

சூசையின் மனைவியின் சகோதரர் ஒருவர் அண்மையில் இலங்கை சென்று அவர்களை சந்தித்தது வந்துள்ளார். அனைவரும் கடற்படையின் பாதுகாப்பில் உள்ள முகாமில் நலமாக இருப்பதாக அவர் தெரிவித்துள்ளார்

சூசையின் மனைவியின் சகோதரர் ஒருவர் அண்மையில் இலங்கை சென்று அவர்களை சந்தித்தது வந்துள்ளார். அனைவரும் கடற்படையின் பாதுகாப்பில் உள்ள முகாமில் நலமாக இருப்பதாக அவர் தெரிவித்துள்ளார்

இது உண்மை; நானும் அவர்களின் உறவினர்கள் ஊடாக கேள்விப்பட்டேன். ஆனால் அரசாங்கத்துடம் சேர்ந்து இயங்கும் சில தமிழ் குழுக்கள் அவர்களை எடுத்து தருவதாக கூறி வசூல் பண்ண முயற்சிகள் செய்யினமாம்.