நடிகர் சரத்குமாருக்கு ஓர் அன்பு மடல்

அன்புக்குரிய சரத்குமாருக்கு வணக்கம். தங்கள் பிறந்த நாள் கடந்த 14 ந் திகதி என்று பத்திரிகை வாயிலாக அறிந்தோம். ஈழத்தமிழர்களின் அவல நிலைகண்டு பிறந்தநாள் கொண்டாட்டங்கள் அனைத்தையும் முற்றாக நிறுத்துவதாக தாங்கள் வெளியிட்ட அறிக்கையை வாசித்தபோது எம் இதயம் நெக்குருகியது.

உலகறிந்த நடிகராக, தமிழக சட்டசபையின் உறுப்பினராக,நடிகர்சங்கத் தலைவராக இருக்கும் தாங்கள் ஈழத் தமிழர்கள் அவலப்படும் போது எனக்குப் பிறந்த நாள் கொண்டாட்டம் வேண்டாமென்று நீங்கள் அறிவித்தபோது - கைக்குட்டையால் எங்கள் முகங்களை மூடி விம்மி அழுதோம். எங்கள் அழுகைக்கு இரண்டு காரணங்கள் உண்டு.

அதில் ஒன்று நீங்கள் எங்கள் மீது கொண்ட அளவுகடந்த பாசம். மற்றையது, எங்கள் இனத்தின் போக்கு.

ஓ ! நாங்கள் இசை விழாக்களில் களித்து இன்புறுகின்றோம். கேக் வெட்டி வீடுகளில் பிறந்த நாள் கொண்டாடுகின்றோம். திருவிழாக்களில் சினிமாப்பாடல்களைப் பாடி மகிழ்வுறுகின்றோம். எல்லாக் கொண்டாட்டங்களும் நடந்து கொண்டிருக்கின்றன. ஒருபுறத்தில் தறப்பாளுக்குள் குந்தியிருந்து தன் குழந்தைக்கு விஷ­ ஜந்துக்கள் தீண்டாமல் காவல் செய்யும் தமிழ்த் தாய்,மறுபுறத்தில் இன்னிசைக் கச்சேரியில் இன்புறும் தமிழ்ச்சமூகம்.

எங்களுக்காக நீங்கள் உங்கள் பிறந்தநாள் கொண்டாட்டத்தை கை விடும்போது நாங்களோ... என்ன செய்வது! எங்களின் நிலைமை அப்படியாயிற்று. இவற்றை நினைத்துதான் விம்மி அழுகின்றோம். அன்புக்குரிய நடிகர் சரத்குமார் அவர்களே, உங்கள் போன்ற தமிழ்ப் பற்றாளர்களின் கருத்துக்களும் செயல்களுமே எங்களை ஆற்றுப்படுத்துகின்றன. தமிழக சட்டசபையில் தீர்மானம், சகோதரன் சீமானின் நியாயமான கேள்விகள், பழ நெடுமாறன் ஐயாவின் விடாத முயற்சி, அண்ணன் வைகோவின் ஆணித்தரமான பேச்சு, இவற்றைத் தவிர எங்களுக்கு எதிர்காலம் உண்டென நினைப்பதற்கு வேறு எதுவும் இல்லை.

ஆகையால் எங்கள் மீதான அன்பிற்கும் பாசத்திற்கும் என்றும் கடமைப்பட்டுள்ளோம். உங்கள் தமிழ்ப்பற்று வாழ்க, வளர்க. இந்நேரத்தில் அன்புக்குரிய கலைஞர் ஐயாவை விசாரிக்காமல் விட முடியாது.

நீங்கள் திரைப்படத்தில் நடித்தீர்கள். அவர் அரசியலில் நடித்தார். உங்கள் திரைப்பட நடிப்பை தவிர வேறு எந்த நடிப்பும் நிலைக்காது.

முடிந்தால் நாம் கூறிய இத் தத்துவத்தை கலைஞர் ஐயாவிடம் சொல்லி விடவும்.

நன்றி வலம்புரி

http://www.eeladhesam.com/index.php?option=com_

Edited July 16, 201114 yr by தமிழ் அரசு

ஓ ! நாங்கள் இசை விழாக்களில் களித்து இன்புறுகின்றோம். கேக் வெட்டி வீடுகளில் பிறந்த நாள் கொண்டாடுகின்றோம். திருவிழாக்களில் சினிமாப்பாடல்களைப் பாடி மகிழ்வுறுகின்றோம். எல்லாக் கொண்டாட்டங்களும் நடந்து கொண்டிருக்கின்றன. ஒருபுறத்தில் தறப்பாளுக்குள் குந்தியிருந்து தன் குழந்தைக்கு விஷ­ ஜந்துக்கள் தீண்டாமல் காவல் செய்யும் தமிழ்த் தாய்,மறுபுறத்தில் இன்னிசைக் கச்சேரியில் இன்புறும் தமிழ்ச்சமூகம்.

எங்களுக்காக நீங்கள் உங்கள் பிறந்தநாள் கொண்டாட்டத்தை கை விடும்போது நாங்களோ... என்ன செய்வது! எங்களின் நிலைமை அப்படியாயிற்று. இவற்றை நினைத்துதான் விம்மி அழுகின்றோம்.

இந்த மடலில் உள்ள கருத்துடன் ஒருமித்து உள்ளேன் இதற்க்கான முழுக்காரணம் சமூகத்தில் உள்ள சில விசமிகளின் திட்டமிட்ட வேலையே !

அட வலம்புரிய விடுஙள் தோழர்..முன்பு ஒருமுறை வெளிநாட்டு ஈழதமிழர் ஒருவரிடம் சன் ரீவை பார்ப்பதை நிறுத்திவிடலாமே என்று கூறியபோது(எங்கள் சந்ததிகள் தமிழை மறக்காமல் இருப்பதே சன் ரீவி காரணம்என்று ஒரே போடு போட்டார்._) அயம் எஸ்கேப்பு வெளிநாட்டில் என்ன மொழியோ ? ஜெர்மனி... பிரான்ஸ்.... என பலவிதம் இருக்கம் ....

Edited July 16, 201114 yr by புரட்சிகர தமிழ்தேசியன்