நாளை சென்னை வரும் ஹிலாரி கிளிங்டன் முதல்வர் ஜயலலிதாவை சந்திப்பார். இந்த சந்திப்பில் இரண்டு விடயங்கள் பற்றி பேசுவார். அதில் இலங்கைப் போரில் நடந்த குற்றங்கள் குறித்து விசாரணை நடத்த வேண்டும் என்கிற ஐ.நா.நிபுணர் குழு அளித்துள்ள பரிந்துரையை இலங்கை அரசு நிராகரித்துள்ளதால், அதற்கு எதிராக பன்னாட்டு விசாரணையை நடத்தும் நடவடிக்கைகளை அமெரிக்க அரசு முன்னெடுக்க வேண்டும் என்று தமிழக முதல்வர் வலியுறுத்துவார் என்று முதல்வர் வட்டாரங்கள் தெரிவிக்கின்றன.

இது தொடர்பான செய்திகள் வருமாறு;

டெல்லி வந்துள்ள அமெரிக்க அயலுறவு அமைச்சர் ஹில்லாரி கிளிண்டன் நாளை மதியம் சென்னை வருகிறார். தமிழக முதல்வர் ஜெயலலிதாவை அவர் சந்தித்துப் பேசுவதும் உறுதியாகியுள்ளது.

.

நாளை காலை டெல்லியில் இருந்து சிறப்பு விமானத்தில் மதியம் 12.40 மணிக்கு சென்னை வரும் ஹில்லாரி, விமான நிலையத்தில் அளிக்கப்படும் வரவேற்பிற்குப் பின்னர் கோட்டூர்புரத்தில் உள்ள அண்ணா நூற்றாண்டு நூலகத்தில் மாணவர்களையும், தென்னிந்திய குடிமக்களையும் சந்திப்பார் என்று சென்னையில் உள்ள அமெரிக்க்த துணைத் தூதரம் வெளியிட்டுள்ள செய்திக் குறிப்பு தெரிவிக்கிறது.

.

மாலை 4.30 மணிக்கு கலாஷேத்ராவிற்கு சென்று அங்கு நடைபெறவுள்ள கலை நிகழ்ச்சியில் பங்கேற்கிறார். அந்நிகழ்ச்சிக்குப் பிறகு மகளிர் அமைப்புக்களைச் சேர்ந்தவர்களை சந்திக்கிறார்.

.

இந்நிகழ்ச்சிகளுக்கு இடையிலோ அல்லது ஹில்லாரி சென்னை வந்துவுடனோ தமிழக முதல்வருடனான சந்திப்பு இருக்கும் என்று கூறப்படுகிறது.

.

ஹில்லாரி - ஜெயலலிதா சந்திப்பில், தமிழ்நாட்டில் அமெரிக்க முதலீடுகளை அதிகரிப்பது தொடர்பாக முக்கியமாகப் பேசப்படும் என்றும், அதன் பிறகு இலங்கையில் நடந்த தமிழினப் படுகொலை பற்றி அவரிடம் தமிழக முதல்வர் விரிவாக எடுத்துரைப்பார் என்றும் கூறப்படுகிறது.

.

குறிப்பாக, இலங்கைப் போரில் நடந்த குற்றங்கள் குறித்து விசாரணை நடத்த வேண்டும் என்கிற ஐ.நா.நிபுணர் குழு அளித்துள்ள பரிந்துரையை இலங்கை அரசு நிராகரித்துள்ளதால், அதற்கு எதிராக பன்னாட்டு விசாரணையை நடத்தும் நடவடிக்கைகளை அமெரிக்க அரசு முன்னெடுக்க வேண்டும் என்று தமிழக முதல்வர் வலியுறுத்துவார் என்று கூறப்படுகிறது.

Eelanatham.Net

'சர்வதேச விசாரணைக்கு ஹிலாரியிடம் ஜெயலலிதா வற்புறுத்தினார்' என்ற நல்ல செய்தியை தமிழ் உலகம் எதிர்பார்த்துள்ளது.

நாளை சென்னை வரும் ஹிலாரி கிளிங்டன் முதல்வர் ஜயலலிதாவை சந்திப்பார். இந்த சந்திப்பில் இரண்டு விடயங்கள் பற்றி பேசுவார். அதில் இலங்கைப் போரில் நடந்த குற்றங்கள் குறித்து விசாரணை நடத்த வேண்டும் என்கிற ஐ.நா.நிபுணர் குழு அளித்துள்ள பரிந்துரையை இலங்கை அரசு நிராகரித்துள்ளதால், அதற்கு எதிராக பன்னாட்டு விசாரணையை நடத்தும் நடவடிக்கைகளை அமெரிக்க அரசு முன்னெடுக்க வேண்டும் என்று தமிழக முதல்வர் வலியுறுத்துவார் என்று முதல்வர் வட்டாரங்கள் தெரிவிக்கின்றன.....

ஈழம் சம்பந்தமாக தமிழகத்தில் எந்த அரசியல் கட்சிகளும் நிரந்தர தீர்வுக்கான உறுதியான நடவடிக்கை எடுக்கவில்லை. போர்குற்ற விசாரணைக்கான சட்டமன்ற தீர்மனத்தை அடுத்து நாள நடபெறப்போகும் இந்த சந்திப்பிலும் செயலலிதா ஈழத்தமிழர்களின் இன்னலுக்கு விடிவாக ஹில்லாரியிடம் வற்புறுத்தினால் தமிழர் அனைவ்ரும் நிச்சய்ம் என்றும் போற்றுவர். தமிழ் நாட்டில் இதுவரை திட்டமிட்டு இருட்டடிப்பு செய்யப்பட்டு வந்த இறுதிபோரின் கொடூரங்களையும் செயா தொலைக்காட்சியில் சில முறையாவது ஒளிபரப்ப ஏற்பாடு செய்யப்பட வேண்டும்.

மறுக்கப்பட்ட மனித நேயம், உரிமைகள் மீண்டும் ஈழத்தில் மலர வேண்டுமென்பதே தமிழுணர்வாளர்களின் எதிர்பார்ப்பு.