Jump to content

ஏராளன்

கருத்துக்கள உறவுகள்
  • Posts

    5304
  • Joined

  • Last visited

  • Days Won

    6

Everything posted by ஏராளன்

  1. Afghanistan 160/5 Namibia (3.1/20 ov, target 161)20/2 Namibia need 141 runs in 101 balls. அண்ணை போட்டி நடத்துவதால நீங்க பக்க சார்பாக எழுதாதீங்க, அங்க ஒரு தங்கச்சி கவலை முகக்குறி போட்டுள்ளார்.
  2. அவரின் வாழ்வு உணர்த்தும் பாடம் இது தான் என நான் நினைக்கிறேன்.
  3. முன்னாள் ஜனாதிபதி அம்மையார் சொன்னது ஞாபகம் வரவில்லையா?!
  4. 2006 ல் நண்பனின் அகால மரணம், 2011 ல் தம்பி icu ல் 38 நாள் இருந்து மீண்டது, 2016 ல் அத்தானின் மகள் 19 வயதில் எதிர்பாராத மருத்துவரின் தவறால் இழந்தது இவற்றால் மரணம் பற்றிய அச்சமில்லை. வாழும்போது சக உயிர்களுக்கு ஏதோ ஒரு விதத்தில் பயனுற வாழ்ந்தால் போதும். இதயம் நின்று 5/6 நிமிடங்களில் இயங்க வைத்தால் உயிர் தப்ப வாய்ப்பு உண்டு என நினைக்கிறேன். இதயத்தை இயங்க வைக்கும் முதலுதவி பலரும் அறிந்து வைத்திருப்பது நல்லது.
  5. England (11.4/20 ov)126/2 England won by 8 wickets (with 50 balls remaining) அப்ப நான் இனி 3 ஆம் இடமா? கிருபன் அண்ணை!
  6. அவுஸ்திரேலியாக்கு என்னாச்சு?! இது T20 என்று சொல்லுங்கப்பா!
  7. அமெரிக்க பூர்வகுடி தலைவரின் தலைமுடியை வைத்து கொள்ளுப் பேரனை உறுதி செய்த விஞ்ஞானிகள் 2 மணி நேரங்களுக்கு முன்னர் பட மூலாதாரம்,GETTY IMAGES படக்குறிப்பு, 1876ம் ஆண்டு நடந்த லிட்டில் பிக்ஹார்ன் போரில் 1,500 பூர்வகுடி அமெரிக்கர்களைக் கொண்ட படைக்கு சிட்டிங் புல் தலைமையேற்று போர் புரிந்தது மிகவும் புகழ் பெற்ற சம்பவம். 19-ம் நூற்றாண்டை சேர்ந்த புகழ் பெற்ற அமெரிக்க பூர்வகுடி இனத் தலைவர் 'சிட்டிங் புல்' என்பவரின் தலைமுடி மாதிரியை வைத்து அவரது கொள்ளுப் பேரன் யார் என்பதை உறுதி செய்திருக்கிறார்கள் விஞ்ஞானிகள். வாஷிங்டன் டி.சி.யில் பாதுகாத்து வைக்கப்பட்டிருந்த சிட்டிங் புல்லின் தலை முடி மாதிரியில் இருந்து எடுக்கப்பட்ட டி.என்.ஏ.வை வைத்து ஆய்வு செய்யப்பட்டது. இதன் மூலம், எர்னி லா பாயின்டே என்கிற 73 வயது மனிதர் சிட்டிங் புல்லின் கொள்ளுப்பேரன் என்பது உறுதி செய்யப்பட்டது. இவர் சவுத் டகோடாவை சேர்ந்தவர். நீண்ட காலம் முன்பு இறந்தவர்களின் மரபணு (டி.என்.ஏ.) சிதைவுகளில் இருந்து, அவர்களது குடும்ப வரிசையை கண்டுபிடிக்க உதவுகிற ஒரு புதிய முறையில் இந்த ஆய்வு மேற்கொள்ளப்பட்டது. மற்ற வரலாற்று நாயகர்களின் வாழும் வாரிசுகளை கண்டுபிடிப்பதற்கான வாய்ப்பின் கதவை இது திறந்துவிட்டுள்ளது. "என் கொள்ளுத் தாத்தாவுக்கும் எனக்குமான வாரிசு உறவை அடையாளம் காண்பதற்கான வேறொரு முறைதான் இந்த டி.என்.ஏ. ஆய்வு என்று நான் கருதுகிறேன்," என லா பாயின்டே ராய்டர்ஸ் செய்தி முகமையிடம் கூறினார். அவருக்கு மூன்று சகோதரிகள் உள்ளனர். 23 ஆயிரம் ஆண்டுகளுக்கு முந்தைய மனித காலடித்தடம் அமெரிக்க வரலாற்றை மாற்றி எழுதுகிறதா? கொலம்பஸுக்கு முன்பே அமெரிக்காவில் கால் பதித்த வைக்கிங் இனம்: விஞ்ஞானிகள் விளக்கம் "எங்கள் முன்னோர்களுக்கும் எங்களுக்குமான உறவை சிலர் தொடர்ந்து கேள்வி எழுப்பி வருகிறார்கள். அவர்கள் எப்போதும் தொல்லைதான். இந்த ஆய்வு முடிவைக்கூட அவர்கள் சந்தேகிப்பார்கள்," என்கிறார் அவர். பட மூலாதாரம்,ALAMY படக்குறிப்பு, எர்னி லா பாயின்டே. 2011ல் எடுக்கப்பட்ட புகைப்படம். மரபணு சிதைவைக் கொண்டு பாரம்பரிய கிளைகளைக் கண்டறியும் இந்தப் புதிய முறையை எஸ்கே வில்லர்ஸ்லவ் என்பவர் தலைமையிலான விஞ்ஞானிகள் குழு உருவாக்கியது. இவர், கேம்பிரிட்ஜ் பல்கலைக்கழகத்தில் உயிர் மரபியல் மையத்தை சேர்ந்த லுண்ட்பெக் ஃபவுண்டேஷனின் இயக்குநராக உள்ளார். தலைமுடியில் இருந்து பிரித்தெடுக்கப்பட்ட மரபணுச் சிதைவுகளில் இருந்த ஆட்டோசோமல் டி.என்.ஏ.வை அடிப்படையாக கொண்டு இந்த புதிய ஆய்வு முறை செயல்படுகிறது. தன் சிறுவயதில் இருந்தே சிட்டிங் புல் வாழ்க்கை குறித்து தாம் வியப்பு கொண்டிருந்ததாகவும், லா பாயின்டேவுக்கு உதவி செய்வதற்கு தாம் சுமார் 10 ஆண்டுகளுக்கு முன்பு முன்வந்ததாகவும் ஆய்வுக் குழுவின் தலைவர் வில்லர்ஸ்லெவ் தெரிவித்தார். சிட்டிங் புல்லின் நீள் சிண்டு முடியை 2007ம் ஆண்டு லா பாயிண்டேவிடம் ஒப்படைத்தது, வாஷிங்டன் டிசி-யில் உள்ள ஸ்மித்சோனியன் இன்ஸ்டிட்டியூஷன். இந்த நீள் சிண்டு முடியை ஆய்வுக் குழுவிடம் தருவதற்கு முன்பு, தங்கள் பாரம்பரிய சடங்கு ஒன்றில் பங்கேற்கவேண்டும் என்று வில்லர்ஸ்லெவ்வை கேட்டுக்கொண்டார் லா பாயின்டே. மருத்துவர், மேளக்காரர், மந்திரம் ஓதல் எல்லாம் இடம் பெறும் இந்த சடங்கில் பங்கேற்றால் இந்த ஆய்வுக்கு சிட்டிங் புல்லின் ஆவி ஆசி வழங்கும் என்று லா பாயின்டே நம்பினார். இந்த சடங்கில் சிட்டிங் புல்லின் ஆவியின் கட்டளை என்று கூறி பெரும்பாலான சிண்டு முடியை எரித்துவிட்டார் லா பாயின்டே. இதனால், ஆய்வுக் குழுவுக்கு வெறும் 4 சென்டி மீட்டர் முடியே மிஞ்சியது என்று ஏ.எஃப்.பி. செய்தி முகமையிடம் கூறினார் விஞ்ஞானி வில்லர்ஸ்லெவ். அப்போது எல்லாம் நாசமாகிவிட்டதாகவும், ஆனால் வெறும் 4 செ.மீ. முடி மட்டுமே எஞ்சியிருந்ததால், ஆய்வுக் குழுவுக்கு புதிய ஆய்வு முறையை உருவாக்கவேண்டிய நெருக்கடி ஏற்பட்டது என்றும் வில்லர்ஸ்லெவ் கூறினார். 5 கம்பெனி அமெரிக்கப் படையை நாசம் செய்த சிட்டிங் புல் 1876ம் ஆண்டு நடந்த லிட்டில் பிக்ஹார்ன் போரில் 1,500 பூர்வகுடி அமெரிக்கர்களைக் கொண்ட படைக்கு சிட்டிங் புல் தலைமையேற்று போர் புரிந்தது மிகவும் புகழ் பெற்ற சம்பவம். அமெரிக்க ராணுவ ஜெனரல் கஸ்டர் என்பவரையும், ஐந்து கம்பெனி ராணுவத்தினரையும் இந்தப் போரில் துடைத்தெறிந்தது சிட்டிங் புல்லின் படை. டடன்கா - ஐயோடன்கா என்ற இயற்பெயர் கொண்ட சிட்டிங் புல் 1890ம் ஆண்டு அமெரிக்க அரசாங்கத்தின் சார்பாக செயல்பட்ட "இந்திய போலீஸ்" படையால் சுட்டுக்கொல்லப்பட்டார். https://www.bbc.com/tamil/global-59087596
  8. இவர் தமிழ்நாட்டின் முன்னாள் எதிர்க்கட்சித் தலைவர் இல்லையா?!
  9. புனித் ராஜ்குமார் மரணமும் உடற்பயிற்சி சர்ச்சையும்: உடற்பயிற்சி செய்யும்போது மாரடைப்பு ஏற்படுமா? மருத்துவர் விளக்கம் எம்.மணிகண்டன் பிபிசி தமிழ் 16 நிமிடங்களுக்கு முன்னர் பட மூலாதாரம்,GETTY IMAGES நாற்பத்து ஆறே வயதான, தொடர்ச்சியாக உடற்பயிற்சி செய்யக் கூடியவரான கன்னட நடிகர் புனித் ராஜ்குமார் மாரடைப்பால் மரணமடைந்ததைத் தொடர்ந்து அதிக உடற்பயிற்சி செய்தால் ஆபத்து ஏற்படக்கூடும் என்ற ஒரு கருத்து உலவி வருகிறது. உடற்பயிற்சிக் கூடத்திலேயே மாரடைப்பு ஏற்பட்டவர்கள், மைதானத்தில் விளையாடிக் கொண்டிருக்கும்போதே மரணமடைந்தவர்கள் என பல்வேறு நிகழ்வுகளைக் கேள்விப்பட்டிருக்கிறோம். புனித் ராஜ்குமாரின் திடீர் மரணம் காரணமாக, இதயம் மற்றும் உடற்பயிற்சி தொடர்பான பல்வேறு கேள்விகள் எழுந்திருக்கின்றன. இவை குறித்து இதய சிகிச்சை நிபுணர் ஆர்.மோகன் தரும் விளக்கங்களை பார்க்கலாம். கேள்விகளும், அவரது பதில்களும்: கேள்வி: உடற்பயிற்சியால் மாரடைப்பு ஏற்படும் என்பது எந்த அளவுக்கு உண்மை? பதில்: மாரடைப்பு என்பது யாருக்கு வேண்டுமானாலும் வரலாம். ஆனால் உடற்பயிற்சியின் போது அதற்கான வாய்ப்பு அதிகமாகிறது. உடற்பயிற்சி செய்யும்போது முதலில் நமது இதயத் துடிப்பு அதிகமாகும். ரத்தத்தில் ஆக்சிஜன் தேவை அதிகரிக்கும் போது அதைச் சமப்படுத்துவதற்காக இதயத்தின் உந்தித் தள்ளும் வேகமும் அதிகரிக்கிறது. இவற்றுடன் ரத்த அழுத்தமும் கூடுகிறது. இவை அனைத்தும் சேர்ந்து இதயத்துக்கு கூடுதலாக அழுத்தத்தை அளிக்கின்றன. இதற்கு ஏற்றபடி இதயத்தின் தன்மை இல்லாவிட்டால் திடீர் மாரடைப்பு ஏற்படும். உடற்பயிற்சி செய்யும்போது யாருக்கு மாரடைப்பு ஏற்பட வாய்ப்பு அதிகம்? ஏற்கெனவே இதயத்தில் அறுவைச் சிகிச்சை கொண்டவர்கள், இதயத்தில் பிரச்னை உள்ளவர்கள், தூக்கம் சரியாக இல்லாதவர்கள், இதயப் பிரச்னை இருக்கும் குடும்ப உறுப்பினர்களைக் கொண்டவர்கள், அதிகமான மன அழுத்தம் இருப்பவர்கள், ரத்த அழுத்தம் சீராக இல்லாதவர்கள், நீரிழிவு நோய் உள்ளவர்கள், மூச்சுத் திணறல் ஏற்படுவோர், உடல் எடை அதிகமாக இருப்பவர்கள் போன்றோர் உடற்பயிற்சி செய்யும் போது கவனமாக இருக்க வேண்டும். பட மூலாதாரம்,GETTY IMAGES உடற்பயிற்சியின்போது என்னென்ன முன்னெச்சரிக்கை ஏற்பாடுகளைச் செய்து கொள்ள வேண்டும்? உடற்பயிற்சிக் கூடத்தில் சேரும்போதும், உடல் எடையைக் குறைப்பதற்காக உடற்பயிற்சிகளை மேற்கொள்ளும்போதும், இலக்கு வைத்து உடற்பயிற்சிகளைத் திட்டமிடும்போதும் மருத்துவர்களைக் கலந்து ஆலோசித்துக் கொள்ள வேண்டும். ஈசிஜி, டிரெட்மில் போன்ற பரிசோதனைகள் மூலமாக மருத்துவர்கள் உடற்பயிற்சி மேற்கொள்வது தொடர்பான ஆலோசனைகளை வழங்குவார்கள். அதீத உடற்பயிற்சிகள், நீண்டதூர ஓட்டங்கள் போன்றவற்றுக்கு முன்னதாகவும் இதயத்தை பரிசோதித்துக் கொள்வது நல்லது. உடற்பயிற்சி மேற்கொள்ளும்போது இதயத் துடிப்பு அதிகரிக்கும். ஒவ்வொருவரின் வயதைப் பொறுத்து அதிகபட்ச இதயத்துடிப்பு நிர்ணியிக்கப்படுகிறது. அந்த எண்ணிக்கையைத் தாண்டாதவாறு பார்த்துக் கொள்ள வேண்டும். இதயத்துடிப்பு அதிகமானால் இதயம் இயல்பு நிலைக்குத் திரும்பும்வரை ஓய்வெடுத்துவிட்டு, உடற்பயிற்சியைத் தொடரலாம். பட மூலாதாரம்,GETTY IMAGES உடற்பயிற்சி செய்வோர் பொதுவாகச் செய்யும் தவறுகள் என்ன? உடல் வலிமை என்பது வேறு, இதயத்தின் வலிமை என்பது வேறு. உடல் வலிமை இருப்பவர்களுக்கு இதயம் வலுவாக இருக்க வேண்டும் என்று அவசியமில்லை. நல்ல உடல் வலிமை கொண்டிருப்போருக்கும்கூட இதயம் பலவீனமாக இருப்பதற்கு வாய்ப்புண்டு. இதை பலரும் புரிந்து கொள்வதில்லை. மன நலத்துடன் மகிழ்ந்திருக்க என்ன உணவுகளை உண்ண வேண்டும்? அதிகமாக சாப்பிட தோன்றுவது மனநல பிரச்னையா? நிபுணர்கள் விளக்கம் சில மாதங்களுக்கு முன்பு செய்ய முடிந்த உடற்பயிற்சியை இப்போதும் செய்ய முடியும் என்று கருதக்கூடாது. ஏனென்றால் சில மாதங்களில்கூட இதயத்தில் மாற்றங்கள் வந்திருக்கக்கூடும். அதனால் பல மாதங்களுக்குப் முன் செய்த உடற்பயிற்சிகளை மீண்டும் தொடங்கும்போது படிப்படியாகவே தொடங்க வேண்டும். சிலர் உடனடியாக பழைய தீவிரத் தன்மையுடன் உடற்பயிற்சிகளைத் தொடங்குகிறார்கள். இது ஆபத்தானது. உடற்பயிற்சி செய்வோர் மத்தியில் இதயத்துடிப்பு தொடர்பான விழிப்புணர்வு இருக்கிறது. ஆனால் பெரும்பாலும் ரத்த அழுத்தத்தை கவனிக்கத் தவறுகிறார்கள். உடற்பயிற்சிக் கூடத்திலேயே ரத்த அழுத்தத்தை பரிசோதிக்கும் கருவிகள் கண்டிப்பாக இருக்க வேண்டும். அவ்வப்போது ரத்த அழுத்தத்தை பரிசோதித்துக் கொள்ள வேண்டும். சிறிய அளவு நெஞ்சு வலியோ, மூச்சுத் திணறலோ ஏற்பட்டாலும் மருத்துவரை அணுக வேண்டும். பட மூலாதாரம்,GETTY IMAGES இதுவரை உடற்பயிற்சியே செய்யாதவர்கள் திடீரென உடற்பயிற்சி, உடல் எடைக் குறைப்பு என ஆர்வம் ஏற்பட்டு தீவிரமாக உடற்பயிற்சி செய்கிறார்கள். இது உடற்பயிற்சி செய்யாமல் இருப்பதைவிடவும் ஆபத்தானது. அவர்கள் படிப்படியாகவே உடற்பயிற்சியின் தீவிரத்தை அதிகரிக்க வேண்டும். உடற்பயிற்சி செய்வோர் சப்ளிமென்ட் எனப்படும் துணை ஊட்டச் சத்து உணவுகளை எடுத்துக் கொள்ளும்போது கண்டிப்பாக அது தொடர்பான மருத்துவரின் ஆலோசனை அவசியம். பொதுவாகவே இதை யாரும் பின்பற்றுவதில்லை. எந்த அளவு உடற்பயிற்சி செய்வது நல்லது, எதையெல்லாம் செய்யக்கூடாது? எந்த உடற்பயிற்சி கூடாது என்ற வரம்பு எதுவும் இல்லை. ஒவ்வொரின் உடல் கூறுகளைப் பொறுத்து உடற்பயிற்சியின் அளவும் இருக்க வேண்டும். குறிப்பிட்ட வயதுடைய ஒருவரால் செய்ய முடிகிற உடற்பயிற்சியை அதே வயதுடைய மற்றவரால் செய்ய முடியும் என்று கூற முடியாது. எனினும் தீவிரமான உடற்பயிற்சிகளை மேற்கொள்வதற்கு முன் இதயம் அதைத் தாங்குமா என்பதைப் பரிசோதனை செய்து கொள்வது அவசியம். பட மூலாதாரம்,GETTY IMAGES உடற்பயிற்சி செய்து கொண்டிருக்கும்போது, இதயத்துடிப்பு உள்ளிட்டவற்றை எப்படி கண்காணிப்பது? கைகளில் கட்டிக் கொள்ளத்தக்க வகையிலான உடற்பயிற்சிக் கருவிகள் ஏராளமாகச் சந்தையில் கிடைக்கின்றன. அவற்றில் நமது இதயத்துடிப்பு, ஆக்சிஜன் அளவு போன்றவற்றை கண்காணித்துக் கொள்ளலாம். ஆனால் ரத்த அழுத்தத்தை அப்படி கணக்கிட முடிவதில்லை. குறைந்தது வாரம் ஒரு முறையாவது அதை பரிசோதனை செய்து கொள்ள வேண்டும். https://www.bbc.com/tamil/science-59102160
  10. மெடா என்ற சொல் ஹீப்ரூ மொழியில் தரும் விபரீத பொருள்: கேலிக்குள்ளாகும் ஃபேஸ்புக் 27 நிமிடங்களுக்கு முன்னர் பட மூலாதாரம்,REUTERS படக்குறிப்பு, மார்க் ஸுக்கர்பெர்க் சில நாட்களுக்கு முன்புதான் ஃபேஸ்புக் சமூக வலைதளத்தை நடத்தும் நிறுவனம் தன் பெயரை 'மெடா' என்று மாற்றிக்கொண்டது. ஹீப்ரூ மொழியில் 'மெடா' என்றால் இறப்பு என்று பொருள் வருவதால் அதைவைத்து ஃபேஸ்புக் நிறுவனம் சமூக வலைதளத்தில் கேலிக்குள்ளாகிறது. ஃபேஸ்புக் இறந்துவிட்டது என்று பொருள் தரும் வகையில் #FacebookDead என்கிற ஹேஷ் டேகின் கீழ் பலரும் ட்விட்டர் தளத்தில், பலரும் எழுதுகிறார்கள். Twitter பதிவை கடந்து செல்ல, 1 Twitter பதிவின் முடிவு, 1 ஒரு ட்விட்டர் பயனர் "ஹீப்ரூ பேசும் மக்கள் அனைவரும் சிரிக்க ஒரு நல்ல காரணத்தை கொடுத்தமைக்கு நன்றி" என கூறினார். ஃபேஸ்புக் மட்டுமே இப்படி பெயர் மாற்ற மொழிபெயர்ப்பு பிரச்சனையால் அனைவரும் பார்த்து சிரிக்கும் நிலைக்குத் தள்ளப்பட்ட நிறுவனமல்ல. மொழிபெயர்ப்பின் போது பொருள் மாறிய சில எடுத்துக்காட்டுகள் கீழே கொடுக்கப்பட்டுள்ளன. உங்கள் விரல்களை வெட்டி சாப்பிடுங்கள் படக்குறிப்பு, கே எஃப் சி உணவகம் அமெரிக்காவைச் சேர்ந்த கே எஃப் சி துரித உணவகத்துக்கு 'விரல்களை நக்கி சாப்பிடும் அளவுக்கு சிறப்பானது' என்பது தான் அவர்களின் இலக்கு வாக்கியம். அந்நிறுவனம் சீனாவுக்கு 1980-களில் நுழைந்த போது, தங்களின் இலக்கு வாக்கியத்தை சீனாவில் மொழிபெயர்த்த போது அத்தனை சிறப்பாக பொருந்திப் போகவில்லை. மாண்டரின் மொழியில் "உங்கள் விரல்களை வெட்டி சாப்பிடுங்கள்" என்று பொருள்படும் வகையில் மொழிபெயர்ப்பு செய்யப்பட்டது. ஃபேஸ்புக் தாய் நிறுவனத்தின் பெயர் 'மெடா' என மாற்றம் - இது குறித்து மார்க் சொல்வதென்ன? பேஸ்புக், இன்ஸ்டாகிராம், வாட்ஸ்அப் 6 மணி நேரம் முடக்கம்: காரணம் என்ன? ஆனால் அந்த வாசகங்கள் கே எஃப் சி நிறுவனத்தை அதிகம் பாதிக்கவில்லை. இப்போதும் சீனாவின் மிகப்பெரிய துரித உணவகங்களில் ஒன்றாக உள்ளது கே எஃப் சி. உலகின் முன்னணி சொகுசு கார் நிறுவனமான ரோல்ஸ் ராய்ஸ், தன் 'சில்வர் மிஸ்ட்' காரின் பெயரை 'மிஸ்ட்' என மாற்றியது. அதை ஜெர்மனில் மொழிபெயர்த்தால் 'சாணம்' அல்லது 'மலம்' என பொருள்பட்டது. பிறகு காருக்கு சில்வர் ஷேடோவ் என்று பெயர் மாற்றப்பட்டது. பட மூலாதாரம்,GETTY IMAGES படக்குறிப்பு, நோக்கியா லூமியா நோக்கியா நிறுவனம் கடந்த 2011ம் ஆண்டு லூமியா மொபைல் போன்களை அறிமுகப்படுத்தியபோது, அது எதிர்பார்த்த அளவுக்கு எதிர்வினைகள் வரவில்லை. ஸ்பானிய மொழியில் லூமியா என்றால் 'விபச்சாரம் செய்பவர்' என்று பொருள். நாடோடியாக வாழும் மக்களின் ஆதிக்கம் அதிகம் இருக்கும் மொழி வழக்குகளில் மட்டுமே இப்படி பொருள்படும். ஹோண்டா நிறுவனம் தன் புதிய கார் ஒன்றுக்கு ஃபிட்டா என்று பெயரிட இருந்தது. ஸ்வீடிஷ் மொழியில் ஃபிட்டா என்றால் யோனிக் குழலை குறிக்கும் கொச்சையான சொல். இந்த பிரச்சனை தொடக்கத்திலேயே கண்டுபிடிக்கப்பட்டதால், அந்த ரக வாகனத்துக்கு ஜாஸ் என பல நாடுகளில் பெயரிடப்பட்டது. https://www.bbc.com/tamil/global-59101361
  11. Type 2 diabetes வரும் காரணம் insulin resistance என்று கூறுகிறார்கள். முதலில் Type 2 diabetes அடையாளம் காணும் போது insulin அளவு அதிகமாக இருக்குமாமே. ஜஸ்ரின் அண்ணாக்கு கூட தெரிந்திருக்கலாம்.
  12. ஃபேஸ்புக் தாய் நிறுவனத்தின் பெயர் 'மெடா' என மாற்றம்: இது குறித்து மார்க் சொல்வதென்ன? டேனியல் தாமஸ் வணிக செய்தியாளர், நியூ யார்க் ஒரு மணி நேரத்துக்கு முன்னர் பட மூலாதாரம்,AFP VIA GETTY IMAGES படக்குறிப்பு, மார்க் சக்கர்பெர்க் ஃபேஸ்புக் நிறுவனம் மிகப்பெரிய பிராண்டிங் முயற்சியின் ஒரு பகுதியாக, தன் கார்ப்பரேட் நிறுவன பெயரை 'மெடா' என மாற்றியுள்ளது. ஃபேஸ்புக் நிறுவனம் செய்யும் பணிகளை இந்த புதுப்பெயர் உள்ளடக்குவதாக இருக்கும் என நிறுவன தரப்பிலிருந்து கூறப்பட்டுள்ளது. ஃபேஸ்புக் சமூக வலைதளம் என்பதைத் தாண்டி, மெய்நிகர் சேவைகளை எல்லாம் மேம்படுத்தி வருகிறது. இந்த பெயர் மாற்றம், தன் சமூக வலைதளங்களான ஃபேஸ்புக், இன்ஸ்டாகிராம், வாட்ஸ் ஆப் போன்ற சேவைகளுக்கு பொருந்தாது, அச்சேவைகளைக் கட்டுப்படுத்தும் தாய் நிறுவனமான ஃபேஸ்புக்குக்கு மட்டுமே இந்த பெயர் மாற்றம் பொருந்தும். ஃபேஸ்புக் நிறுவனத்தில் பணியாற்றிய முன்னாள் ஊழியர் ஒருவர் வெளியிட்ட, ஆவணங்களின் அடிப்படையில், ஃபேஸ்புக் தொடர்பாக பல்வேறு எதிர்மறை செய்திகள் வந்ததைத் தொடர்ந்து இப்பெயர் மாற்றப்பட்டுள்ளது. ஃபேஸ்புக் நிறுவனம் பாதுகாப்பை விட லாபத்துக்கு முன்னுரிமை கொடுத்தது என ஃப்ரான்செஸ் ஹாகென் என்கிற முன்னாள் ஊழியர் குற்றம்சாட்டினார். கடந்த 2015ஆம் ஆண்டு கூகுள் நிறுவனம் தன் தாய் நிறுவனத்தின் பெயரை 'ஆல்ஃபபெட்' என மாற்றியது. ஆனால் அப்பெயர் அதிகம் பிரபலமாகவில்லை. பட மூலாதாரம்,META படக்குறிப்பு, மெடாவெர்ஸ் ஒரு ஹெட்செட்டைப் பயன்படுத்தி விளையாட, வேலை செய்ய, ஒருவரோடு ஒருவர் மெய்நிகராக தொடர்பு கொள்ள 'மெடாவெர்ஸ்' என்கிற இணைய உலகத்தைக் கட்டமைப்பது தொடர்பான திட்டங்களை வெளியிட்ட போது, 'மெடா' என்கிற பெயரையும் அறிவித்தார் ஃபேஸ்புக் நிறுவனத்தின் தலைவர் மார்க் சக்கர்பெர்க். இன்று நாம் (ஃபேஸ்புக்) செய்யும் அனைத்து வேலைகளையும் இப்போதிருக்கும் பிராண்ட் பெயரால் முழுமையாக பிரதிபலிக்க சாத்தியமில்லை என்று அவர் கூறினார். 'ட்ரூத் சோஷியல்' என்ற பெயரில் புதிய சமூக ஊடகம் தொடங்கும் டொனால்டு டிரம்ப் அமேசான் மழைக்காடுகள் சட்ட விரோத விற்பனை: பிபிசி புலனாய்வும் ஃபேஸ்புக் நடவடிக்கையும் "காலப்போக்கில் நாம் மெடாவெர்ஸ் நிறுவனமாக பார்க்கப்படுவோமென நம்புகிறேன். நம் பணிகள் மற்றும் அடையாளத்தை, நாம் கட்டமைப்பதை நோக்கி நிலை நிறுத்த விரும்புகிறேன்" என ஒரு மெய்நிகர் மாநாட்டில் கூறினார். "இப்போது எங்கள் வியாபாரத்தை இரு பிரிவுகளாக பார்க்கிறோம் மற்றும் குறிப்பிடுகிறோம். ஒன்று எங்கள் செயலிகளின் குடும்பம் மற்றொன்று எதிர்கால தலங்கள் குறித்த பணிகள். "இதன் ஒரு பகுதியாக, நாம் செய்யும் எல்லா பணிகளையும் பிரதிபலிக்கும் விதத்திலும், நாம் யார் என்பதை பிரதிபலிக்கும் விதத்திலும், நாம் கட்டமைக்க இருப்பதையும் பிரதிபலிக்கும் விதத்தில் புதிய நிறுவன பிராண்ட் பெயரை தேர்வு செய்ய வேண்டிய நேரமிது" என்றார். பட மூலாதாரம்,GETTY IMAGES படக்குறிப்பு, ஃபேஸ்புக் மெடா ஃபேஸ்புக் நிறுவனம், கலிஃபோர்னியாவில் உள்ள மென்லோ பார்க் தலைமையகத்தில் வியாழக்கிழமை, கட்டை விரலை உயர்த்தி இருக்கும் லைக் படத்தை நீக்கிவிட்டு, நீல நிற முடிவுறா எண்களைக் குறிக்கப் பயன்படுத்தும் குறியீட்டை அறிமுகம் செய்தது. 'மெடா' என்கிற சொல்லுக்கு கிரேக்க மொழியில் 'அப்பால்' என பொருள். ஒரு வெளி நபருக்கு மெடாவெர்ஸ் என்பது மெய்நிகரில் ஒரு பதிப்பு போல இருக்கலாம், ஆனால் சிலரோ இது எதிர்கால இணையமாக இருக்கலாம் என்று நம்புகிறார்கள். ஒரு கணினிக்கு முன் இருப்பதற்கு பதிலாக, மெடாவெர்சில் ஒரு ஹெட்செட்டைக் கொண்டு மெய்நிகர் உலகத்தில் அனைத்து டிஜிட்டல் சுற்றுசூழலிலும் இணையலாம். இந்த மெய்நிகர் சேவையை வேலை செய்வது, விளையாடுவது, கலை நிகழ்ச்சிகளைக் காண்பது, நண்பர்கள் மற்றும் குடும்பத்தினரோடு பழகுவது என பலவற்றிலும் பயன்படுத்தலாம் என நம்பப்படுகிறது. வரும் டிசம்பர் 1ம் தேதி முதல் ஃபேஸ்புக் நிறுவன பங்குகள் கூட, எம்விஆர்எஸ் என்கிற பெயரில் விற்கப்படும் என அந்நிறுவனம் கூறியுள்ளது. https://www.bbc.com/tamil/global-59086605
  13. பார்க்க பச்சை பெருமாள் அரிசியின் அண்ணனோ தம்பி போல இருக்கிறார் மாப்பிள்ளைச் சம்பா அரிசி.
  14. மடிக்கணினி: துள்ளித் திரிந்த காலம், இன்று படுத்து குறட்டை விடும் காலம் அண்மையில் ஒரு நண்பர் தான் புதிதாக 70,000க்கு வாங்கியுள்ள ஒரு மடிக்கணினியை காட்டினார். பார்க்க அழகாக இருந்தது. “நன்றாக வேலை செய்யுதா?” என்று கேட்டபோது உதட்டைப் பிதுக்கினார். திறந்ததும் விழித்து சோம்பல் முறிக்கவே நேரம் எடுக்கிறது. சில நேரம் வேலை நடுவே படுமெத்தனமாகிறது என்று புலம்பினார். இவ்வளவு விலைகொடுத்து வாங்கியுமா? எனக்கு அப்போது சுமார் பத்து வருடங்களுக்கு முந்தின நிலை நினைவுக்கு வந்தது. அப்போது மடிக்கணினிகளின் விலை ரொம்ப குறைவாக இருந்தது. சுணக்கமின்றி வேலையும் செய்யும். அதுமட்டுமல்ல அன்று இந்தளவுக்கு கணினிகளுக்கு சுமை இருக்கவில்லை. ஒரு மடிக்கணினி அல்லது டெஸ்க்டாப் கணினியை 10,000-20,000க்குள் வாங்கினால் அசல் விண்டோஸ் இயங்குதளத்தை எல்லாம் நிறுவ மாட்டார்கள். நகல் தான். அதுவும் சமர்த்தாக வேலை செய்யும். தாயிடம் பாலருந்திய நாய்க்குட்டிகளைப் போல துள்ளித் திரியும். நான் அப்போது வேலை செய்த பன்னாட்டு நிறுவனத்தில் இப்படியான நகல் இயங்குதள கணினிகளே அதிகம் இருந்தன. எப்போதாவது மைக்ரோசாப்ட் நிறுவனத்தில் இருந்து ஆள் வருவார்கள். அப்போது நகல் கணினிகளை அவசரமாக ஒரு தளத்தில் வைத்து பூட்டி விட்டு எங்களை அசல் இயங்குதள கணினிகள் உள்ள பணியிடத்துக்கு மாற்றுவார்கள். இப்போது மடிக்கணினிகளுடன் இலவசமாக மைக்ரோசாப்ட் இயங்குதளம் வந்து விடுகிறது. வெர்ட், எக்ஸல் போன்ற செயலிகளை பயன்படுத்த மட்டும் பணம் செலுத்த வேண்டும். ஆனால் இங்கு தான் ஒரு புதிய பிரச்சனை ஆரம்பிக்கிறது. இந்த கணினிகள் கச்சிதமாக இயங்குதளத்துடன் பொருந்துவதில்லை. அப்பா சட்டையை மகன் அணிவது போலத்தான் இந்த மடிக்கணினிகள் இயங்குதளத்தை ஏற்றுக் கொள்கின்றன. பொருத்தப்பாடின்மை இவை சரிவர இயங்காததற்கு ஒரு காரணம் என நினைக்கிறேன். அடுத்து, கடந்த சில ஆண்டுகளில் விண்டோஸ் இயங்குதளத்திற்கு இற்றைகள் (updates)வந்தபடியே இருக்கின்றன. ஒவ்வொன்றும் கணினியை தவறாது திக்கித் திணற வைக்கிறது. பாதுகாப்பு கருதி இந்த அப்டேட்டுகளை நிறுவுவது அவசியம் எனக் கூறினாலும் அவை செயல்பாட்டுத் திறனை வெகுவாக பாதிக்கின்றன. சில அரசியல் மேடைகளில் மாலை மேல் மாலையாகப் போட்டு சம்மந்தப்பட்டவரின் தோளும் முகமும் தெரியாதபடி பண்ணுவார்களே அப்படி இருக்கிறது அப்டேட்டுகளின் வேலை. இன்றைய கணினிகள் எப்போதும் இணையத்தொடர்பில் இருப்பதால் போலி இயங்குதளம், வெர்ட் எதுவும் சாத்தியமில்லை. கண்டுபிடித்து ஆப்படித்து விடுவார்கள். அப்டேட் செய்தாலும் சிக்கல், செய்யாவிட்டாலும் வம்பு. இதற்கு அடுத்து, ஒரு சிறிய பைக்கில் ஐந்து பேர் கொண்ட குடும்பம் ஒட்டிகொண்டு பயணிப்பதைப் போல இன்றைய யுகத்தின் கணினித் தேவைகளை சமாளிக்க விண்டோஸ் மூச்சு வாங்குகின்றன. முன்பு எப்போதாவது கணினி தொடர்பு கிடைக்கும் போது ஒரு மின்னஞ்சல் அனுப்புவோம், தரவிறக்கம் பண்ணி வைத்ததை படிப்போம், எழுதுவோம். இன்று ஒட்டுமொத்த அலுவலகமும் ஒரு மடிக்கணினிக்குள் வந்து விட்டது. இன்று கணினியின் சுமைகள் பத்து மடங்காவது அதிகரித்து விட்டது. எட்டு ஜிபி ரேம் இருந்தாலும் போதவில்லை, 16ஆக மாற்றினால் தான் வேகமாக இருக்கும் என ஒரு நண்பர் தன் மடிக்கணினியை பற்றி சொல்லுகிறார். தொழில்நுட்பத்தை பொறுத்தவரையில், பின்னணியில் மூன்றாம் தரப்பு மென்பொருட்கள் ஓடுவது, டிஸ்கில் உள்ள இடத்தை மென்பொருட்கள் பயன்படுத்தும் விதம், தெரியாமல் நாமே உள்ளே அனுமதிக்கிற மால்வேர், இன்றைய பிரவுஸர்கள் ரொம்ப சிக்கலானவையாக மாறி உள்ளது என விண்டோஸின் காசநோய்க்கு பல காரணங்களை சொல்லுகிறார்கள். (ஆனால் ஆச்சரியமாக கையடக்க ஆண்டிரய்ட் கருவிகள் இப்பிரச்சனைகளை எளிதில் சமாளிக்கின்றன.) நான் கல்லூரியில் படிக்கும் போது ஒரே ஒரு குறிப்பேடு போதுமானதாக இருந்தது. ரெண்டாயிரத்தில் தமிழக அரசு மடிக்கணினியை கொடுத்த போது மாணவர்களுக்கு அதை வைத்து என்ன செய்வதென்று தெரியவில்லை என்பதை நேரில் கண்டேன். ஆனால் இன்றைய நிலை அதுவல்ல - ஒரு மடிக்கணினி இல்லாமல் நீங்கள் ஒரு கல்லூரி மாணவராக வெற்றி பெற முடியாது. மின்னூல்களை, இணையதளங்களை படிக்க, அசைஸ்ன்மெண்டுகள் செய்ய, ஆன்லைன் வகுப்புகளில் கலந்து கொள்ள மடிக்கணினி அவசியமாகி விட்டது. என்னுடைய கல்லூரியில், படிக்கும் நேரத்தில் மடிக்கணினி இல்லாத ஒரு மாணவரைக் கூட பார்க்க முடியாது. அன்று பத்து ரூபாய் குறிப்பேட்டுடன், சில ஜெராக்ஸ் பிரதிகளுடன் படிப்பை முடிக்கலாம். இன்று அதற்கு குறைந்தது 50,000 ரூ மடிக்கணினி அவசியம். (அதுவும் அவ்வப்போது மூச்சிரைத்தபடியே ஓடும் என்றால் பெரும்பாடு தான்.) ஆனால் எத்தனை மத்தியவர்க்க, ஏழை மாணவர்களால் வாங்கி பயன்படுத்த முடியும்? எனக்கு நண்பரின் 70,000 ரூ மடிக்கணினியை பார்த்த போது நான் 2013இல் 17000 ரூபாய்க்கு வாங்கிய ஒரு சிறிய மடிக்கணி நினைவுக்கு வந்தது. அதை நான் தினமும் குறைந்தது 10 மணிநேரமாவது பயன்படுத்தினேன். யுடியூப், பேஸ்புக் என அதை விரட்டினேன். படங்களை தரவிறக்கி பார்த்தேன். நகல் இயங்குதளத்தில் நிறுவப்பட்ட நகல் வெட்டில் பல ஆயிரம் பக்கங்கள் எழுதினேன். அதன் மின்கலன் திறன் குறைவு தான். ஆனால் ஒருமுறை கூட அது “மூச்சு வாங்குதப்பா, நெஞ்சு வலிக்கும் போலிருக்கே” என்றெல்லாம் சொன்னதில்லை. ஒருமுறை கூட எதிர்பாராது ஷட் டவுன் ஆனதில்லை. சரியாக நான்கு ஆண்டுகள் ஓடி விட்டு அது எப்போதும் கூடவே திரியும் நாயைப் போல இருந்து விட்டு, ஒருநாள் பட்டென்று ஆழ்துயில் நிலைக்கு போனது. அதன் பிறகு நான் நான்கு மடங்கு அதிக விலைக்கு வாங்கின விண்டோஸ் மடிக்கணினி அந்த சிறிய மடிக்கணினியின் பாதி ஆற்றலைக் கூட காட்டவில்லை. என் நண்பர்கள் வசமுள்ள விண்டோஸ் மடிக்கணினிகளும் அவ்வாறே பணத்தில் கொழுத்த “ஊதாரி மைந்தனைப்” போன்றே இருக்கின்றன. அது உண்மையில் ஒரு அழகான கனாக்காலம் தான். அன்று கணினி போன்ற மின்சாதனங்களின் விலை குறைவு, செயல்திறனோ அதிகம். இந்த காலத்தில் சிறந்த தொடர்புசாதனம் திறன்பேசி தான். இன்றைய விண்டோஸை விட ஆண்டிராய்ட் இயங்குதளம் சிறப்பாக வேகமாக இருக்கிறது. நீங்கள் எத்தனை செயலிகளை திறந்து வைத்திருந்தாலும் தொட்டதும் அது திறந்து கொள்ளும். ஆனால் பத்து செயலிகளை திறந்து வைத்துவிட்டு விண்டோஸ் மடிக்கணினியை தட்டி எழுப்பினால் அதற்கு தூக்கம் கலையவே பத்து நிமிடமாகும். அதே போல ஸூம், பேஸ்புக், மின்னஞ்சல், காணொலியை எடிட் செய்வதற்கான செயலிகள், கூகிள் டாக் என எதை எடுத்துக்கொண்டாலும் அது விண்டோஸ் கணினியை விட வேகமாக சரளமாக திறன்பேசியிலே வேலை செய்கின்றன. நான் இந்த லாக்டவுன் காலத்தில் என் வகுப்புகளுக்கு, படிப்பதற்கு, காணொலி கூட்டங்களில் கலந்து கொள்வது, அசைன்மெண்டுகளை கூகிள் கிளாஸ்ரூமில் கொடுப்பதற்கு, அவ்வப்போது எனக்கு ஆய்வு மாணவர்கள் அனுப்பித் தரும் கட்டுரைகளைப் படிப்பதற்கு, பதில் அனுப்புவற்கு, மாணவர்களுக்கான ஆடியோ குறிப்புகள், யுடியூபுக்கான காணொலிகளை பதிவு செய்து எடிட் பண்ணுவதற்கு என் திறன்பேசியையே பயன்படுத்துகிறேன். என் அலுவலகம் இப்போது உள்ளங்கைக்குள் வந்து விட்டது. பெரும்பாலான யுடியூபர்கள் திறன்பேசியை வைத்தே பிழைப்பை ஓட்டுகிறார்கள் என நம்புகிறேன். இன்று நம்பத்தகுந்த கணினிகளாக ஆப்பிள் கணிகளும் சீன ஆண்டிராயிட் திறன்பேசிகளுமே இருக்கின்றன. 70,000 ரூ விண்டோஸ் மடிக்க்கணினியின் வேலையை 15,000 ரூ திறன்பேசி பலமடங்கு அதிக வேகத்தில் திறமையாக செய்கிறது. நான் கவனித்த வரையில் பெரும்பாலான மாணவர்கள் திறன்பேசியிலே பெரும்பாலான வேலைகளை முடிக்க கற்றுக்கொண்டு விட்டார்கள். இன்றைய ஸ்மார்ட் டிவிகளில் (வெளிச்சத்தை குறைத்த பின்னர்) திறன்பேசியின் திரையை casting செய்து, ஒரு புளூடூத் தட்டச்சுப்பலகையையும் வைத்து ஒரு சிறிய போனை ஒரு கணினியாக மாற்றி பயன்படுத்த முடியும் என நினைக்கிறேன். தேவையான போது போன், மற்ற நேரங்களில் “போன்-டெஸ்க்டாப்”. அல்லது கூட 25,000 செலவு பண்ண தயாரென்றால் திறன்பேசிக்கு பதில் ஒரு ஐபேட் வாங்கலாம். அது இந்த விண்டோஸ் மலைமுழுங்கி மகாதேவன்களை விட இந்த போன்-டெஸ்க்டாப்போ, ஐபேடோ சிறப்பாக கைகொடுக்கும். 2018இல் வந்த ஒரு புள்ளிவிபரப்படி ஆண்டிராய்ட் கருவிகள் உலகம் முழுக்க 72.23% பயன்படுத்தப்படுகின்றன. விண்டோஸ் 27% கீழே தான் வரும். விண்டோஸ் மடிக்கணினிகளின் காலம் மெல்ல மெல்ல முடிந்து வருகிறது. Posted 15 hours ago by ஆர். அபிலாஷ் http://thiruttusavi.blogspot.com/2021/10/blog-post_28.html
×
×
  • Create New...

Important Information

By using this site, you agree to our Terms of Use.