தன்னையும், தனது கைக் குழந்தையையும் கைவிட்டு, விவாகரத்துப் பெற வேண்டாமென மன்றாடினாள் மனைவி. ஆனால் விவாகரத்துப் பெற்று, மற்றொரு பெண்ணை மீண்டும் மண முடிப்பேன் என அடம்பிடித்தான் கணவன்.

நான் தவறு செய்திருந்தால் பகிரங்கமாக இங்கு மன்னிப்புக் கோருகிறேன் எனவும் கெஞ்சிப்பார்த்தாள். கல்நெஞ்சுக் கணவனோ சிறி தும் நெகிழ்ந்து கொடுக்கவில்லை.

பொறுமையின் எல்லைக்கே சென்றாள் மனைவி, தான் கொண்டுவந்திருந்த கத்தி ஒன்றை தன் கைப்பையிலிருந்து எடுத்து ஆவேசத்துடன் கணவனைக் குத்தி விட்டு தன் கைக்குழந்தையுடன் அங்கிருந்து சென்று விட்டாள்.

இது கற்பனைக் கதையல்ல, அம்பாறை மாவட்டத்தைச் சேர்ந்த நிந்தவூர் காதி நீதிமன்றத்தில் நடந்த உண்மைச் சம்பவம். இந்தச் சம்பவம் தொடர்பாகத் தெரியவருவதாவது:

நிந்தவூரைச் சேர்ந்த ஐ.எல்.எம். ஜூனைத் எனும் நபர் தனது இரண்டாவது மனைவியான நிந்தவூர் 5 ஆம் பிரிவைச் சேர்ந்த ஐ.பாத்திமா இர்பாவை விவா கரத்துச் செய்வதற்காக நிந்தவூர் காதிநீதிமன்றத்தில் "தலாக்' வழக்கு ஒன்றைத்தாக்கல் செய்திருந்தார்.

சம்பவ தினம் நிந்தவூர் காதிநீதிமன்றத்தில் குறித்த தலாக் வழக்குவிசாரணைக்கு எடுத்துக் கொள்ளப்பட்டது. கணவனும், மனைவியும் கைக்குழந்தையுடன் பிரசன்னமாகியிருந்தனர்.

விசாரணை தொடங்கியதும், தன்னையும், குழந்தையையும் விட்டுப் பிரிய வேண்டாம், நான் சேர்ந்து வாழவே விரும்புகின்றேன். நான் தவறு செய்திருந்தால் இங்கு பகிரங்கமாக மன்னிப்புக் கோருகின்றேன் என கணவனிடம் மன்றாடிய குறித்த பெண் கணவனைத் தன்னுடன் சேர்த்து வையுங்கள் என காதி நீதிபதியிடமும் கெஞ்சினாள்.

ஆனால் கணவனோ விவாகரத்து பெற்றே தீருவேன், நீதி மன்றம் தலாக் சொல்லி விவாக ரத்துப் பெற அனுமதி தர வேண்டுமெனக் கேட்டான். காதி நீதிபதி இதற்கு இணக்கப்பாடு ஒன்று ஏற்படாத நிலையில் இருவரும் சேர்ந்து வாழ முன்வருமாறு ஆலோசனைகளைக் கூறி மற்றொரு தினத்தில் விசாரணைக்கு வருமாறு "தலாக்' வழக்கை ஒத்திவைத்தார்.

இதனை அடுத்து காதி நீதிமன்றத்தை விட்டுச் செல்வதற்கு முன் மீண்டும் தன்னை விவாகரத்து செய்யாது சேர்ந்து வாழ வருமாறு கணவனிடம் கெஞ்சி மன்றாடினாள் குறித்த பெண்.

இதனை மறுத்துள்ளார் கணவன். ஆவேசம் கொண்டு பொங்கி எழுந்தாள் அந்தப் பெண். தன் பையிலிருந்து கத்தி ஒன்றை எடுத்தாள் கணவனைக் குத்தி விட்டு அந்த இடத்தை விட்ட கன்றாள்.

வயிற்றில் காயமடைந்த குறித்த நபர் இரத்தம் கசிய, சம்மாந்துறைப் பொலிஸில் முறைப்பாடு செய்தார். கல்முனை ஆதார வைத்தியசாலையில் சிகிச்சைக்கு அனுமதிக்கப்பட்டார்.

குறித்த பெண்ணை சம்மாந்துறைப் பொலிஸ் பெரும் குற்றப் பிரிவினர் கைது செய்து சம்மாந்துறை நீதிவான் நீதிமன்றத்தில் முன்னிலைப்படுத்திய போது 2000 ரூபா ரொக்கப்பிணையிலும், 25 ஆயிரம் ரூபா சரீரப்பிணையிலும் செல்ல நீதிபதி உத்தரவிட்டார்.

http://onlineuthayan.com/News_More.php?id=708191495707241218

ஒரே நேரத்தில் மூன்று பெண்களை நிக்கா செய்ய இஸ்லாம் அனுமதிக்குமே??!! கணவன் கொஞ்சம் அனுசரித்திருக்கலாம்..!!

துணிச்சலான மனைவி

துணிச்சலான மனைவி

கறுப்பி கட்டுரையில் குறித்த பெண் ஐ.எல்.எம். ஜூனைத்தின் மனைவி கட்டுரையை வாசிக்கும் எங்களுக்கும் மனைவியா .

துணிச்சலான பெண் என்பதே பொருத்தமாக இருக்கும் என நினைக்கின்றேன்

கறுப்பி கட்டுரையில் குறித்த பெண் ஐ.எல்.எம். ஜூனைத்தின் மனைவி கட்டுரையை வாசிக்கும் எங்களுக்கும் மனைவியா .

துணிச்சலான பெண் என்பதே பொருத்தமாக இருக்கும் என நினைக்கின்றேன்