பிரணாபின் இணையதளத்திலிருந்து கருணை மனு தகவல் நீக்கம்

இந்திய ஜனாதிபதி பிரணாப் முகர்ஜியின் அலுவலக இணையதளத்திலிருந்து கருணை மனு தொடர்பான பக்கம் நீக்கப்பட்டுள்ளது.

நீதிமன்றங்களில் மரண தண்டனை விதிக்கப்பட்டவர்கள் தங்களின் தண்டனையை மறுபரிசீலனை செய்யுமாறு ஜனாதிபதியிடம் கருணை மனு தாக்கல் செய்வது வழக்கம். அவ்வாறு தாக்கல் செய்யப்படும் கருணை மனுக்களின் நிலை குறித்த தகவல்கள் ஜனாதிபதியின் அலுவலக இணையதளத்தில் பதிவேற்றப்பட்டு வந்தது.

மும்பைத் தாக்குதல் குற்றவாளி அஜ்மல் கசாபின் கருணை மனு நிராகரிக்கப்பட்டு தூக்கிலிடப்பட்ட தகவல் உடனடியாக இணையதளத்தில் வெளியிடப்பட்டது. ஆனால், கடந்த 9-ஆம் தேதி அப்சல் குருவின் தூக்குத்தண்டனை நிறைவேற்றப்பட்டது குறித்த தகவல் இணையதளத்தில் பதிவு செய்யப்படவில்லை

இந்நிலையில் இணையதளத்திலிருந்து அந்த பக்கம் நீக்கப்பட்டுள்ளது.வருங்காலத்தில் கருணை மனுக்கள் தொடர்பான தகவல்களை பொதுமக்களுக்கு தெரியப்படுத்தும் பணிகளை மத்திய உள்துறை அமைச்சகம் கையாள உள்ளதால் இந்த நடவடிக்கை எடுக்கப்பட்டிருப்பதாக ஜனாதிபதி அலுவலகம் தெரிவித்துள்ளது.

நீக்கப்பட்ட பக்கத்திற்கு பதிலாக 1958 ஆம் ஆண்டிலிருந்து இந்திய ஜானாதிபதியுடன் வெளிநாட்டு பயணங்கள் மேற்கொண்ட பத்திரிக்கையாளர்கள் குறித்த தகவல்கலள் அளிக்கப்பட்டுள்ளது குறிப்பிடத்தக்கது.

http://tamil.webdunia.com/newsworld/news/national/1302/15/1130215007_1.htm

ஒரு போர்க்குற்றவாளியாகக் கருதபடுபவரிடம், கருணை கேட்டுக் கையேந்துவது, மற்றவர்களுக்குத் தெரியாமல் இருப்பதுவும் நன்மையே!

 

கருணை மனுக்களைக் கவனத்தில் கொள்ளாதவர்களிடம், கருணை விண்ணப்பம் செய்வதில், என்ன பயன் இருக்கப் போகின்றது?