செல்வமுத்து ஆசிரியர் - கந்தப்பு ஐயா!

எத்தனையோ - இடங்களில் - தமிழை சரிவர எழுதாது போனால் - உனடடியாவே சுட்டிக்காட்டும் - உங்கள் இருவரினதும் - கருத்துக்கள் - இங்க இருப்பவங்களுக்கு மட்டுமில்ல - இங்க உள்ள வராமலே - வாசிக்கிறவங்களுக்கும் .........

நிறைய விடயங்களை - தெரிய வைக்கும் - !

விசயம்..... அது:

என்னிடமும் உள்ள - சில குழப்பம் பத்தி - கேட்பது!

1)-துயர் பகிர்வு - துக்க செய்தி என்ற இடங்களில் -

உங்கள் குடும்பத்துக்கு - ஆழ்ந்த அனுதாபங்கள் - என்ற சொல் பாவிப்பது -

சரியானதா? வேறு - சொற்கள் பாவிக்க பட வேணுமா?

2) ஒருவரின் ஆக்கம் களத்தில் பதிவு செய்யப்படும்போது .......

அதை ஊக்குவிக்கும் போது ......

வாழ்த்துக்கள் என்ற சொல்லப்படுவது - சரியா?

அல்லது - பாராட்டுக்கள் என்று போடணுமா?

உங்கள் இருவரையும் - நிறைய மதிப்பவன் - என்ற ரீதியில் - உங்கள் கருத்துக்களை - எதிர்பார்க்கிறேன்! 8)

வர்ணன் நான் எனக்கு தெரிந்ததை சொல்கின்றேன்.

1 வது உங்கள் துயரில் நானும் பங்கு கொள்கின்றேன் என்பது சரியாக இருக்கும்.

2வது பாராட்டுக்கள்தான் சரியாக இருக்கும்.பாராட்டுக்கள் ஒருவருடைய திறமையை ஊக்குவிப்பதற்காக பாவிக்கப்படுவது. வாழ்த்துக்கள் ஒரு சந்தோச நிகழ்வுக்காக பாவிப்பது. அதற்கு திறமை தேவையில்லை.

நான் எனக்கு தெரிந்ததை சொன்னேன் முந்திரிக்கொட்டை மாதிரி பதில் சொல்லிவிட்டேன் என்று கோபம் கொள்ளவேண்டாம்

நீங்கள் கேட்ட கேள்விக்குப் பதில் அளிக்குமுன்பு என்னைப்பற்றி சில விபரங்கள். நானும் ஒரு காலத்தில் தமிழ் மீது ஆர்வம் இருந்தாலும் ஆங்கில மோகத்திலும் இருந்தனான் என்பதனை வேதனையுடன் தெரிவிக்கிறேன். பிறகு தமிழ்த்தேசிய(காசி ஆனந்தனின் நறுக்குகள் என்ற புத்தகம், தமிழீழ விடுதலைப்புலிகளின் வெளியீடான தமிழ்ப் பெயர்கள் அடங்கிய புத்தகம்) நூல்களினை வாசிக்கும் போது என்னை அறியாமல் தமிழ் மீது காதல் பிறந்தது. சென்ற வருடம் வன்னி மண்ணின் ஊடாக யாழ்ப்பாணம் சென்றிருந்தேன். செல்லும் போது தமிழீழத்தில் வியாபரா நிலையங்களில் தமிழ்ப் பெயர்களினைப்பார்க்க என்னை சந்தோசமாக இருந்தது. பாண்டியன் சுவையூற்றில் பாரதிதாசனின் 'தாயைப்பழித்தால் தாய் தடுத்தால் நான் மன்னிப்பேன், தமிழைப்பழித்தால் தாய் தடுத்தாலும் தட்டிக்கேப்பேன்' என்ற வரிகள் என்னை மிகவும் கவர்ந்தன. யாழில் சென்ற வருடம் நான் இணைந்தாலும், அதற்கு முன்பே 2 வருடங்களாக யாழில் கருத்துக்கள் வாசிப்பேன். குறிப்பாக தமிழ் மொழி பற்றிய கருத்துக்கள் என்னை மிகவும் கவர்ந்து தமிழ் மீது மிக மோகம் கொள்ளவைத்துள்ளது. அதைவிட சிட்னியில் எனக்குத்தெரிந்த சிலர் ஆங்கில மோகத்தில் தேசியத்துக்கும் தமிழுக்கும் எதிராகக் கதைக்கும் போது அவர்களோடு வாதிடுவதினால் எனக்குத் தமிழ் மீதும் தமிழ்த்தேசியத்தின் மீதும் ஆர்வம் மேலும் மேலும் கூடியது.

நீங்கள் கேட்ட கேள்விகள் இரண்டுக்கும் துயரில் பங்கெடுத்துக்கொள்கிறேன் என்று முதல் கேள்விக்கும் இரண்டாவது கேள்விக்கு

பாராட்டுக்கள், வாழ்த்துக்கள் இரண்டும் சரியான சொல்லாக இருந்தாலும் பாராட்டுக்கள் மிகவும் ஏற்ற சொல்லாகக் கருதுகிறேன்.

தமிழ் மீது ஆர்வம் இருந்தாலும் நான் பண்டிதன் அல்ல. செல்வமுத்து ஆசிரியர் என்னைவிட பலமடங்கு தமிழ் மீது ஆர்வம் கொண்டவர், தமிழ் பற்றி அதிக அறிவு உடையவர். அவரும் இதற்குச் சரியான பதிலைத்தருவார்.

வர்ணன் நான் எனக்கு தெரிந்ததை சொல்கின்றேன்.

1 வது உங்கள் துயரில் நானும் பங்கு கொள்கின்றேன் என்பது சரியாக இருக்கும்.

2வது பாராட்டுக்கள்தான் சரியாக இருக்கும்.பாராட்டுக்கள் ஒருவருடைய திறமையை ஊக்குவிப்பதற்காக பாவிக்கப்படுவது. வாழ்த்துக்கள் ஒரு சந்தோச நிகழ்வுக்காக பாவிப்பது. அதற்கு திறமை தேவையில்லை.

நான் எனக்கு தெரிந்ததை சொன்னேன் முந்திரிக்கொட்டை மாதிரி பதில் சொல்லிவிட்டேன் என்று கோபம் கொள்ளவேண்டாம்

அப்பிடி எல்லாம் இல்ல வியாசன் - நீங்கள் சொன்னமாதிரிதான் - இருக்கவேணும் என்று நினைச்சன் -

கந்தப்பு ஐயாவும் அதனையே குறிப்பிட்டார் .......

வேற ஏதோ சொன்னிங்க :

நான் எனக்கு தெரிந்ததை சொன்னேன் முந்திரிக்கொட்டை மாதிரி பதில் சொல்லிவிட்டேன் என்று கோபம் கொள்ளவேண்டாம்

என்ன விளையாட்டு இது?

பொதுவான இடங்களில் - கேட்கும் கேள்விகளுக்கு - யாரும் பதில் சொல்லலாம் தானே - நன்றி இருவருக்கும்! 8)

பொருத்தமான ஆய்வு எனக்கு தெரியாததை தெரிந்து கொள்ள உதவியது

நன்றி வர்ணன் அண்ணா :P

இன்றுதான் இதனையும் பார்த்தேன். உண்மையில் கள உறவுகள் எங்கள் மீது வைத்திருக்கும் நம்பிக்கையை, பற்றை பார்க்கும்போது என்னவோ செய்கின்றது, மகிழ்வாகவும் இருக்கின்றது.

நான் தமிழ்ப் பண்டிதனும் அல்ல, புலவனும் அல்ல. ஆனால் தமிழின்மேல் ஓர் அளவுகடந்த பாசம், "பைத்தியம்" என்றுகூடச் சொல்லுவார்கள். சிறுவயதிலிருந்து அப்படித்தான். அப்போது தொடக்கம் அகிலன், சாண்டில்யன் போன்றோரது கதைகள் என்றால் இரவு பகலாக இருந்து படிப்பேன். எழுதுவதுதான் அதிகம் பிடிக்கும் ஆனால் இங்கே அதற்கு நேரம் கிடைப்பது அரிது, இருந்தாலும் விடுவதில்லை. யாரும் தமிழில் எழுதும்போது பிழைகள் விட்டால் பார்க்க மனதுக்கு சிறிது சங்கடமாக இருக்கும்.

நீங்கள் கேட்ட கேள்விக்கு கந்தப்பு, வியாசன் இருவரும் கூறியதே சரி "உங்கள் துயரில் நாங்களும் பங்கெடுத்துக்கொள்கிறோம்" என்பதே மிகவும் பொருத்தமானது.

இரண்டாவது வினாவுக்கு - பாராட்டுக்கள் என்றால் ஒருவரின் திறமையைப் புகழ்வது. சிலர் வேண்டுமென்றே புகழ்வார்கள். (அநேகமாக அரங்கேற்றங்களில் இவற்றைப் பார்க்கலாம்) இது ஊக்குவிப்பதற்காகவும் இருக்கலாம் அல்லது இதயத்தைத் திறந்து உண்மையாகவே பாராட்டவும் செய்யலாம்.

வாழ்த்துவதற்கு வயது தேவையல்ல என்றும் கூறுவார்கள். வயதில் குறைந்தவரை வயதில் கூடியோர் "வாழ்த்துகிறேன்" என்று கூறுவார்கள். ஆனால் வயதில் கூடியோரை வயதில் குறைந்தோர் வாழ்த்தவேண்டி வரும்போது "வாழ்த்தி வணங்குகிறேன்" என்று கூறினால் மிகவும் நன்றாக இருக்கும்.

திருமண வைபவங்களில் வாழ்த்துவதும், களங்களில் ஆக்கங்கள் வரும்போது பாராட்டுவதும்தான் பொருத்தமானவை. ஆனால் புத்தக வெளியீடுகளில் இரண்டும் செய்வார்கள். அவரது திறமையைப் பாராட்டுவார்கள், அவர் இன்னும் பல ஆண்டு காலம் வாழ்ந்து பல படைப்புக்களைத் தரவேண்டும் என்று வாழ்த்தும் கூறுவார்கள்.