ஜம்மு காஷ்மீரில் எல்லைக் கட்டுப்பாட்டுக் கோடு அருகே நடமாடிய சீனாவைச் சேர்ந்த 3 பேரை ராணுவத்தினர் கைது செய்தனர். இந்தியப் பகுதியில் எல்லைக் கட்டுப்பாட்டுக் கோட்டையொட்டிய சுல்தான்கு என்ற பகுதிக்கு அருகில் ஜூன் 12ஆம் தேதி 3 நபர்கள் சுற்றித் திரிந்தனர். அவர்களை ராணுவ வீரர்கள் கைது செய்து விசாரணை நடத்தினர். சீனாவைச் சேர்ந்த அவர்களுக்கு ராணுவத்தினர் கேட்ட கேள்விகள் புரியவில்லை. அவர்களின் பெயர்களை அறிந்து கொள்ளவே 10 தினங்களானதாக அதிகாரி ஒருவர் தெரிவித்தார்.

  

அவர்களின் பெயர் அடில், சலாமோ மற்றும் அப்துல் காலிக் என்றும், அவர்கள் சீனாவைச் சேர்ந்த சன்னி முஸ்லிம் பிரிவைச் சேர்ந்தவர்கள் என்றும் தெரியவந்தது. அராபிய மொழியில் அச்சடிக்கப்பட்ட அரசியல் வரைபடங்களையும் அவர்கள் வைத்திருந்தனர். இப்போது முர்கோ சோதனைச் சாவடியில் காவலில் வைக்கப்பட்டுள்ள அந்த 3 பேரின் மொழி என்ன என்பதைக் கண்டறியும் பணியில் அதிகாரிகள் ஈடுபட்டுள்ளனர். ஏனெனில் அவர்கள் பேசும் வார்த்தைகள் சீனம் அல்லது பாகிஸ்தான் ஆக்கிரமிப்பு காஷ்ரமீரில் பேசப்படும் பால்டி ஆகிய மொழிகளுடன் தொடர்புடையதாக இல்லை.

அந்த நபர்கள் எந்த இடத்தில் இருந்து வந்தனர் என்பது தெளிவாகத் தெரிய வரவில்லை. அவர்கள் ராகி நல்லா, ஜீவன் நல்லா அல்லது தௌலத் பேக் ஓல்டி ஆகிய பகுதிகளில் ஒன்றின் வழியாக இந்திய நிலப்பரப்புக்குள் வந்திருப்பார்களா என்பது குறித்து அதிகாரிகள் ஆராய்ந்து வருகின்றனர். நல்ல உடற்கட்டுடன் இருக்கும் அந்த மூவரையும் லே நகருக்கு அழைத்துச் சென்று மொழிபெயர்ப்பாளர்களின் உதவியுடன் விசாரிக்க அதிகாரிகள் முடிவு செய்துள்ளனர். இதற்காக அவர்களை ஹெலிகாப்டர் மூலம் லே நகருக்கு அழைத்துச் செல்ல அனுமதி தருமாறு பாதுகாப்புத்துறைக்கு உள்துறை அமைச்சகம் கடிதம் எழுதியுள்ளது.

http://www.seithy.com/breifNews.php?newsID=86464&category=IndianNews&language=tamil

ஆகா,  அடுத்த விஜய் படத்துக்கு வில்லன்கள் கிடைத்துவிட்டார்கள் போலிருக்கிறது. ஏனென்றால் தன்னைக் காட்டிலும் உடற்கட்டு அதிகமாக உள்ள வில்லன்களைத் தேடிப்பிடித்து படமெடுத்து அதில் அவர்களை ஒற்றை ஆளாக நின்று அடித்துக் கொல்லுவதில் விஜயிற்கு நிகர் விஜய் தான். யாரப்பா அங்கே, அந்த பிலிம் புரோடியூஸரை காஷ்மீருக்கு அனுப்பி அவங்களை இங்கே கூட்டி வாங்கப்பா.

ஜம்மு காஷ்மீரில் எல்லைக் கட்டுப்பாட்டுக் கோடு அருகே நடமாடிய சீனாவைச் சேர்ந்த 3 பேரை ராணுவத்தினர் கைது செய்தனர். இந்தியப் பகுதியில் எல்லைக் கட்டுப்பாட்டுக் கோட்டையொட்டிய சுல்தான்கு என்ற பகுதிக்கு அருகில் ஜூன் 12ஆம் தேதி 3 நபர்கள் சுற்றித் திரிந்தனர். அவர்களை ராணுவ வீரர்கள் கைது செய்து விசாரணை நடத்தினர். சீனாவைச் சேர்ந்த அவர்களுக்கு ராணுவத்தினர் கேட்ட கேள்விகள் புரியவில்லை. அவர்களின் பெயர்களை அறிந்து கொள்ளவே 10 தினங்களானதாக அதிகாரி ஒருவர் தெரிவித்தார்.

 

 

இந்திய இராணுவம், எல்லைக் கோட்டிலும், 'காந்தீயம்' தான் பாவிக்கிறாங்க போல கிடக்கு!

Edited July 2, 201312 yr by புங்கையூரன்