லண்டன்: இலங்கையில் நடக்கும் காமன்வெல்த் மாநாட்டில் இங்கிலாந்து பிரதமர் பங்கேற்க கூடாது என்று, உண்ணாவிரதம் இருக்கும் லண்டன் வாழ் இலங்கை தமிழர் மருத்துவமனையில் அனுமதிக்கப்பட்டுள்ளார்.

காமன்வெல்த் மாநாட்டில் இங்கிலாந்து பிரதமர் கலந்துகொள்ள கூடாது என வலியுறுத்தி லண்டனில், இலங்கை தமிழர் பரமேஸ்வரன் சுப்ரமணியம் உண்ணாவிரதம் இருந்து வருகிறார். இவர் கடந்த திங்கட்கிழமை முதல் பிரதமர் டேவிட் கேமரன் வீட்டின் அருகில் உண்ணாவிரத போராட்டத்தை தொடங்கினார்.

கடும் குளிர் மற்றும் மழை காரணமாக அவரது உடல் நிலை மிகவும் பாதிக்கப்பட்டது. இதை அறிந்து தமிழின உணர்வாளர்கள், பரமேஸ்வரனை உண்ணாவிரத போராட்டத்தை கைவிடுமாறு கோரிக்கை வடுத்தனர். ஆனாலும், பரமேஸ்வரன் தனது உண்ணாவிரத போராட்டத்தை தொடர்ந்து வந்தார்.

 

 

இந்நிலையில், அவரை காண நேற்று வெளிநாட்டு ஊடகவியலாளர்கள் வந்தனர். அப்போது அவர் திடீரென மயக்கம் அடைந்தார். இது குறித்த தகவல் அறிந்து சம்பவ இடத்திற்கு விரைந்து வந்த லண்டன் போலீசார், பரமேஸ்வரனை மருத்துவமனையில் அனுமதித்தனர். பரமேஸ்வரனை பரிசோதித்த மருத்துவர்கள், அவர் கோமா நிலைக்கு செல்வதற்கு முன் தக்க நேரத்தில் மருத்துவமனையில் அனுமதித்துள்ளீர்கள் என்று கூறியுள்ளனர்.

 

http://news.vikatan.com/article.php?module=news&aid=21164

பரமேஸ்வரன் அண்ணா உண்ணாவிரதத்தை முடித்துக் கொள்ள லண்டன் வாழ் தமிழர்கள் வலியுறுத்த வேண்டும்.

தன்னை வருத்தி எதிரிகளின் உள்ளத்தையும் இளகவைக்கும் உரிமை இந்தியாவுக்கு மட்டுமே சொந்தமானதாக உலகத்திலும் பதியப்பட்டுள்ளது. வேறு எவரும் அதனைப் பின்பற்ற முயன்றால் நிலமை விபரீதமாகும்.

 

பரமேஸ்வரன் சுப்ரமணியம் நலம்பெற வேண்டுகிறேன்.