சென்னை மவுலிவாக்கத்தில் இடிந்து விழுந்த, 11 அடுக்குமாடி கட்டடத்தின் இடிபாடுகளில் சிக்கி உயிரிழந்தவர்களின் எண்ணிக்கை 47 ஆக உயர்ந்துள்ளது.

 

சென்னை மவுலிவாக்கத்தில் 11 மாடிகள் கொண்ட அடுக்குமாடி கட்டடம் இடிந்து விழுந்து தரைமட்டமானது. இதில் சிக்கியுள்ளவர்களை மீட்கும் பணி 5வது  நாளாக தொடர்ந்து நடைபெற்று வருகிறது.

 

இதுவரை இடிபாடுகளில் இருந்து 27 பேர் உயிருடன் மீட்கப்பட்டுள்ள நிலையில், பலி எண்ணிக்கை 47 ஆக உயர்ந்துள்ளது.

 

கட்டடம் இடிந்த பகுதியில் துர்நாற்றம் வீசுவதால் நோய் பரவாமல் இருக்க, முன்னெச்சரிக்கை நடவடிக்கையாக மருந்து தெளிக்கப்பட்டும், மீட்பு பணியில் ஈடுபடுபவர்களுக்கு தடுப்பூசி போடப்பட்டும் வருகிறது.   

 

சென்னை காவல்துறை, தீயணைப்பு துறை, தேசிய பேரிடர் மீட்பு குழுவினை சேர்ந்த 500க்கும் மேற்பட்டவர்கள் அடங்கிய 10 மீட்புக் குழுக்கள் தீவிர மீட்பு பணியில் ஈடுபட்டுள்ளன.

 

இதையடுத்து, இவ்விபத்தில் இதுவரை உயிரிழந்தவர்களின் எண்ணிக்கை 47 ஆக உயர்ந்துள்ளது. மீட்புப் பணியில் ஈடுபட்டுள்ளவர்கள் கட்டடத்தின் தரைத் தளத்தை நெருங்கியுள்ளனர் என்பது குறிப்பிடத்தக்கது

 

http://tamil.webdunia.com/article/regional-tamil-news/chennai-building-collapse-death-toll-rises-to-47-114070200044_1.html

ஒருபக்கம் விஞ்ஞான வளர்ச்சியின் சான்றுக்காக ஏவுகணை ஏவி மகிழ்ச்சி கொண்டாட்டம்.

இன்னொரு பக்கம் புதிதாக கட்டிக்கொண்டிருக்கும் அடுக்கு மாடிகள் தரைமட்டம். அதற்கு இடி இடித்ததால் கட்டிடம் நொருங்கியது என வக்காளத்து மறுபக்கம்....

இந்தியாவில் அறிவுக்கு பஞ்சமில்லை..நேர்மைக்கும் மனித தன்மைக்கும் தான் பஞ்சம்... யாரோ சிலரின் பேராசைக்கு...அப்பாவி ஏழை மக்கள் இப்படி பலியாகிறார்கள்...

மவுலிவாக்கம் மீட்புப் பணிகள் நிறைவு: 61 பேர் பலி; மீட்பு 27

 

சென்னை போரூர் அடுத்த மவுலிவாக்கத்தில் 11 அடுக்குமாடி கட்டிடம் விபத்துப் பகுதியில் கடந்த 7 நாட்களாக நடந்து வந்த மீட்புப் பணிகள் நிறைவு பெற்றன.

கடந்த 28-ம் தேதி மவுலிவாக்கத்தில் பிரைம் சிருஷ்டி கட்டுமான நிறுவனத்தினர் கட்டிவந்த 11 அடுக்குமாடி குடியிருப்பு இடிந்து விழுந்தது.

அன்று மாலை முதல் நடைபெற்று வந்த மீட்புப் பணியில் 27 பேர் உயிருடன் மீட்கப்பட்டனர். இடிபாடுகளில் சிக்கி 61 பேர் உயிரிழந்தனர்.

இந்த விபத்தில் ஆந்திரம், ஒடிசா, தமிழகத்தைச் சேர்ந்த தொழிலாளர்கள் பலியாகினர். 10-க்கும் மேற்பட்ட சடலங்கள் அடையாளம் காணப்படாமல் சென்னை ராயப்பேட்டை அரசு மருத்துவமனையில் உள்ளன.

மீட்புப் பணியில் தீயணைப்புத் துறையினர், காவல்துறையினருடன் தேசிய பேரிடர் மீட்புக் குழுவினரும் ஈடுபட்டிருந்தனர்.

இந்நிலையில், இன்று காலை முதல், 11 அடுக்குமாடி விழுந்த இடத்தில் இருந்து கட்டிட கழிவுகளை அகற்றும் பணி மட்டுமே நடைபெற்று வந்தது.

தேசிய பேரிடர் மேலாண்மை வாரிய அதிகாரி ஒருவர் கூறுகையில்: "உயிர்களுக்கு சேதம் ஏற்பட்டுவிடக் கூடாது என்பதாலேயே மீட்புப் பணிகள் மெதுவாக நடத்தப்பட்டது.

ஒடிசா மாநிலத்தைச் சேர்ந்த இளைஞர் ஒருவரை 7 மணி நேர போராட்டத்திற்குப் பிறகு மீட்டது மிகப்பெரிய சவாலாக இருந்தது. 7 நாட்களில் 27 பேரை உயிருடன் மீட்டுள்ளோம்" என்றார்.

மீட்புப் பணிகளை நிறைவு செய்யும் முன்னர் தேசிய பேரிடர் மீட்புப் படையினர், காவல் துறையினர், மாவட்ட நிர்வாகத்தினர் ஆலோசனை நடத்தினர்.

 

தி ஹிந்து