தென்னிந்திய நடிகர் விஜய் நடித்து இன்று திரைக்கு வந்த புலி திரைப்படம் மொக்கை படம் என கூறியவரின் தலையில் விஜயின் ரசிகர் தாக்கியதில் மொக்கை படம் என கூறியவர் தலையில் காயமடைந்துள்ளார்.

யாழில் உள்ள ராஜா திரையங்கிலையே இன்று காலை இந்த சம்பவம் இடம்பெற்று உள்ளது.

அச் சம்பவம் குறித்து மேலும் தெரியவருவதாவது,

தாவடி பகுதியை சேர்ந்த இளைஞர் குழு இன்று காலை திரைக்கு வந்த புலி திரைப்படத்தினை பார்வையிடுவதற்கு வந்திருந்தனர். அந்த குழுவில் விஜய் ரசிகர்களும் வேறு நடிகர்களின் ரசிகர்களும் இருந்துள்ளனர்.

புலி திரைப்படத்தின் காலை காட்சியினை பார்வையிட்ட பின்னர் குறித்த இளைஞர் குழுவில் இருந்த விஜய் ரசிகர் இல்லாத ஒருவர் "புலி படம் மொக்கை படம் " என கூறியுள்ளார். அதனை கேட்டவுடன் அக்குழுவில் இருந்த விஜய் ரசிகர் அவரின் தலையில் தாக்குதாலை மேற்கொண்டுள்ளார்.

அத்தாக்குதலினால் மொக்கை படம் என கூறியவரின் தலையில் காயம் ஏற்பட்டுள்ளது. அவ்வேளை அங்கிருந்த ஏனையவர்கள் அவர்களை சமாதானப்படுத்தி வைத்திய சாலைக்கு அனுப்பி வைத்தனர்.

யாழில் புலி திரைப்படம் கார்கீல்ஸ் சதுக்கத்தில் உள்ள மூன்று திரையங்கிலும், ராஜா திரையரங்கின் இரு திரையங்கிலும் காட்சிப்படுத்த படுகின்றன.

அதனை முன்னிட்டு ராஜா திரையரங்கம் உள்ள கஸ்தூரியார் வீதியில் ராஜா திரையரங்கம் முன்பாக வாழை கட்டி,  நீளம் வெள்ளை கொடி ரசிகர்களால் கட்டபப்டுள்ளது.

அத்துடன் திரையரங்கில் வைக்கப்பட்டுள்ள கட்டவுட்டுக்கு பால் அபிஷேகமும் ரசிகர்களால் செய்யப்பட்டது.

யாழில் இடம்பெறும் வன்முறை கலாச்சாரத்திற்கு தென்னிந்திய சினிமாவின் தாக்கமே காரணம் என வடமாகாண பிரதி பொலிஸ் மா அதிபர் ஊடகவியலாளர் சந்திப்பொன்றில் தெரிவித்து இருந்தார் என்பது குறிப்பிடத்தக்கது.
 

 

http://globaltamilnews.net/GTMNEditorial/tabid/71/articleType/ArticleView/articleId/124489/language/ta-IN/article.aspx

பூமி நடுங்கும்போதும் வான்கோழி இன்பம் அனுபவிக்குமாம். தமிழினம் அழியும்போதும் தமிழனுக்கு சினிமாதான் உலக இன்பம்.