அடேல் அன்ரியின் மனிதப் பண்பு

காலம் சென்ற தேசத்தின் குரல் அன்ரன் பாலசிங்கம் அவர்களின் அன்புத் துணைவியார் அடேல் அவர்கள் எழுதிய சுதந்திர வேட்கை என்ற நூலை வாசித்தபோது அவர் மீது எனக்கிருந்த மதிப்பு அதிகமாகியது. காரணம், விடுதலைப் புலிகளோடு மாற்றுக் கருத்துக் கொண்டிருந்த மற்றைய இயக்கத் தலைவர்களையும் தோழர்களையும் பற்றி மிகுந்த கண்ணியத்தோடு அவர் எழுதியிருந்தார். தவறுகளைச் சுட்டிக் காட்டும்போது மிக நாகரிகமான முறையில் அவற்றை சுட்டிக் காட்டியிருந்தார். அவர்களின் உயர்வுகளைக் குறிப்பிட்ட பின்னர்தான் தவறுகளைக் குறிப்பிட்டார். (பேரறிஞர் அண்ணாவிடமும் இந்தத் தன்மை இருந்தது)

நேற்று பாலாண்ணயின் இறுதி நிகழ்வில் கலந்து கொண்டேன். நேரத்திற்கே மண்டபதிற்குப் போய்விட்டதால் முன்னால் அமர்ந்து கொள்வதற்கு வாய்ப்புக் கிட்டியது. அங்கு தனது தீராத சோகத்தின் மத்தியிலும் ஆறுதல் சொல்ல வந்தவர்ளை எல்லாம் சிறு புன்னகையோடு அடேல் அன்ரி வரவேற்ற பாங்கு எங்களைப் போன்றவர்களை வியப்பில் ஆழ்த்தியது. தன்னை விட பல மடங்கு வயதில் குறைந்த சிறுவர்கள் , சிறுமியர்கள் , ஆறுதல் கூற வந்த போது ஒவ்வெரு முறையும் தனது சிரமத்தையும் பார்க்காமல் எழுந்து நின்று அவர்களை அணைத்து சோகத்தில் பங்கெடுத்த விதத்தைப் பார்த்தபோது அவர் மீது இருந்த மதிப்பு அதிகமாகியது. இதுவல்லவா மனிதம்! இதுவல்லவா தமிழ்ப் பண்பாடு! என நினைக்கத் தோன்றியது.

அவுஸ்திரேலியாவில் பிறந்தாலும் தமிழீழ மக்களுக்காக தனது துணைவரோடு தோளோடு தோள் நின்று உழைத்ததை நினைக்கும் போது எமது நெஞ்சமெல்லாம் கனக்கின்றது.

அன்புஈனும் ஆர்வம் உடைமை அதுஈனும்

நண்பு என்னும் நாடாச் சிறப்பு. (குறள் 74)

Edited December 21, 200618 yr by இளங்கோ

அவுஸ்திரேலியாவில் பிறந்தாலும் தமிழீழ மக்களுக்காக தனது துணைவரோடு தோளோடு தோள் நின்று உழைத்ததை நினைக்கும் போது எமது நெஞ்சமெல்லாம் கனக்கின்றது.

மேலும் நல்ல சுகத்தையும், மேலும் பணி தொடரவும் வாழ்த்திக்கொள்கிறேன்

உருவத்தால் வெள்ளைச்சியாகவும் உள்ளத்தால் உணர்வால் தமிழச்சியாகவும் திருமதி அடேல் பாலசிங்கம் காணப்படுகிறார். அவுஸ்திரேலியாவில் பிறந்த இவர் தன்னுடைய கணவருடன் சேர்ந்து ஈழத்தமிழர்களின் வாழ்விலும் தாழ்விலும் பங்கு கொண்டு , இந்தியப்படைகளிடமிருந்து தப்புவதற்காக யாழ்ப்பாணத்து மூலை முடுக்குகள் எல்லாம் ஒளித்துத் திரிந்தவர் அதுமட்டுமில்லாமல் துப்பாக்கிக் குண்டுகளிலிருந்து தப்புவதற்காகப் படுத்துப் பதுங்கியிருந்து, வன்னிக் காடுகளில் வாழ்ந்து விடுதலைப்புலிகளின் பெண்போராளிகளின் மருத்துவத் துறையை உருவாக்கி பயிற்சியளித்து, பெண்போராளிகளின் உணர்வுகளை நன்கு புரிந்து கொண்டு அவர்களுக்கு ஆலோசகராக, ஒரு நல்ல சகோதரியாகத் திகழ்ந்தவர் என்பதும் குறிப்பிடத்தக்கது.

நன்றி இளங்கோ!

அனைவருக்குள்ளும் இப்படியான எண்ணுங்கள் வளரட்டும்.

எங்கட சனத்தில் சிலர் ஈழத்தில் நடப்பதற்கும் தங்களுக்குச் சம்பந்தமில்லை என்று இருக்கும் போது எங்களுக்கு சம்பந்தமில்லாத மொழியில், கலாச்சாரத்தில் பிறந்தும் எமக்காக தனது கணவருடன் உழைத்த அடல் அம்மையாரை, அன்டன் பாலசிங்கத்தின் இறுதி நிகழ்வினைத் தொலைக்காட்சியினுடாகப் பார்த்த போது கண்களில் இருந்து கண்ணீர் வருகிறது.

அடேல் அன்னையின் அர்ப்பணிப்பு -

சராசரி மனிதர்களால் செய்யகூடியது இல்லைதான்

நீங்க எல்லாரும் - குறிப்பிடுவது போல!

3 தசாப்தமா போரின் - வெம்மை தாங்காம......

அங்க இருந்து - இங்க �#8220;டி வந்து கொண்டிருக்கிறோம்-

ஏதாவது - செய்யணும் என்று - இங்க இருந்து

அங்க போன அன்னையின் -தன்னலமற்ற தன்மை - உயர்வேதான்!

தேசத்தின் குரல் -தன் போராட்ட பங்களிப்பில் -

காட்டிய தன்னலமற்ற தியாகத்துக்கும் -துணிவுக்கும் -.....

அவர் - துணையும் ..எல்லாம்!

அவர் பக்கத்துணையா.........இருந்தது

சராசரி ஒரு - மனைவியா - இருந்து இருந்தால்...

அது தமிழோ - வெள்ளையோ..........

அந்த ராஜ ரிசி இவளவு செய்ய முடிந்திருக்குமா?

செய்தாலும் - சொந்த வாழ்க்கை- நிம்மதியாய் இருந்திருக்குமோ...

தெரியல!

Edited December 22, 200618 yr by இராவணன்