சஞ்சய் தத் இன்று விடுதலையானார்; பொதுநல அமைப்புக்கள் எதிர்ப்பு (வீடியோ)

 

மும்பை தொடர் குண்டு வெடிப்பு சம்பவம் தொடர்பான வழக்கில் 5 ஆண்டுகள் சிறைத் தண்டனை விதிக்கப்பட்ட ஹிந்தி நடிகர் சஞ்சய் தத், நன்னடத்தை காரணமாக சிறையில் இருந்து இன்று காலை வியாழக்கிழமை (25) விடுதலையானார்.

இந்நிலையில், சஞ்சய் தத் விடுதலை செய்யப்பட்டதற்கு எதிர்ப்பு தெரிவித்து சிறைக்கு வெளியே சிலர் போராட்டம் நடத்தினர். சிறையில் பலர் உள்ள நிலையில் சஞ்சய் தத் மட்டும் விடுதலை செய்யப்பட்டது ஏன் என்று அவர்கள் முழக்கங்கள் எழுப்பினர். போராட்டத்தில் ஈடுபட்டவர்களை போலீசார் கைது செய்தனர். இதுதவிர அவரது விடுதலைக்கு எதிர்ப்பு தெரிவித்து, மும்பை உயர் நீதிமன்றத்தில் பொதுநல வழக்கு தொடுக்கப்பட்டுள்ளது.

மும்பை உயர் நீதிமன்றத்தில் சமூக ஆர்வலர் பிரதீப் பாலேகர் என்பவர் பொது நல மனுவைத் தாக்கல் செய்துள்ளார்.

அதில், சஞ்சய் தத்துக்கு சாதகமாக சிறை நிர்வாகம் செயல்பட்டுள்ளதாகக் குற்றம்சாட்டப்பட்டுள்ளது.

மும்பையில் கடந்த 1993ஆம் ஆண்டு மார்ச் மாதம் பயங்கரவாதிகள் நிகழ்த்திய தொடர் குண்டு வெடிப்புகளில் 250க்கும் மேற்பட்டோர் பலியாகினர். 700க்கும் மேற்பட்டோர் காயமடைந்தனர்.

இந்த சம்பவத்தின் போது, இந்தி நடிகர் சஞ்சய் தத் சட்டவிரோதமாக ஆயுதங்கள் வைத்திருந்த குற்றத்திற்காக கைது செய்யப்பட்டார்.

இந்த வழக்கில், அவருக்கு 5 ஆண்டுகள் சிறைத் தண்டனை விதிக்கப்பட்டது.

இதையடுத்து, புணேவில் உள்ள எரவாடா சிறையில் கடந்த 2013 ஆம் ஆண்டு மே மாதம் அவர் அடைக்கப்பட்டார்.

இந்நிலையில், சிறையில் சஞ்சய் தத்தின் நன்னடத்தையைக் காரணம் காட்டி, தண்டனைக் காலம் நிறைவடைவதற்கு இன்னமும் 8 மாதங்களும், 16 நாள்களும் மீதமுள்ள நிலையில், அவர் இன்று காலை (வியாழக்கிழமை) விடுதலை செய்யப்பட்டார்.

பலத்த பாதுகாப்புடன் சிறையில் இருந்து வெளியே வந்த சஞ்சய் தத், செய்தியாளர்கள் சூழ்ந்த போதும் ஏதும் பேசாமல், காரில் ஏறி விமான நிலையம் புறப்பட்டு சென்றார்.

இன்று விடுதலையான சஞ்சய் தத் ஜெயிலுக்கு சல்யூட் அடித்துவிட்டு புறப்பட்டுச் சென்றார்.

http://tamil.adaderana.lk/news.php?nid=77389

இந்தியாவிற்க்கு குண்டு வைக்க உதவியவருக்கு நன்னடத்தை விடுதலை .....
ஆனால் என்னத்துக்கு என்று தெரியாமலே பற்றரி வாங்கி கொடுத்தவனுக்கு ஆயுள் பூராக சிறை.....உண்மையாகவே தமிழன் இழிச்சவாயன் தான்