இன்னும் உயிரோடுதான் இருக்கிறேன்! பிரிட்டன் அரசி எலிசபெத் நகைச்சுவை

 

---

 

• 
  வடக்கு அயர்லாந்தின் பெல்ஃபாஸ்ட் நகரில் ஹில்ஸ்பரோ அரண்மனையில் சந்தித்த பிரிட்டிஷ் அரசி எலிசபெத், வடக்கு அயர்லாந்து துணைப் பிரதமர் மார்ட்டின் மெக்கின்னஸ்.

பிரிட்டன் அரசி எலிசபெத்தின் உடல் நலம் பற்றிய விசாரிப்புக்கு, "இன்னும் உயிரோடுதான் இருக்கிறேன்' என்று அவர் நகைச்சுவையாக பதில் கூறினார்.

ஐரோப்பிய யூனியனில் பிரிட்டன் இணைந்திருப்பது குறித்து கடந்த வாரம் நடைபெற்ற பொது வாக்கெடுப்பில், அந்த அமைப்பிலிருந்து விலக வேண்டும் என்ற அதிர்ச்சிகரமான தீர்ப்பை மக்கள் அளித்தனர். அதனைத் தொடர்ந்து பிரதமர் டேவிட் கேமரூன் பதவி விலகுவதாக அறிவித்தார்.

அந்த நாட்டு அரசியலில் பரபரப்பான சூழல் நிலவி வருகிறது.

இந்தச் சூழலில், பிரிட்டனின் ஆளுகைக்குட்பட்ட வட அயர்லாந்துக்கு அரசி எலிசபெத் இரண்டு நாள் சுற்றுப்பயணமாக திங்கள்கிழமை சென்றார்.

பெல்ஃபாஸ்டில் அவரை வரவேற்ற வட அயர்லாந்து துணைப் பிரதமர் மார்ட்டின் மெக்கின்னஸ் அரசியின் உடல் நலம் குறித்து விசாரித்தார். அதற்கு அரசி, ""இன்னும் உயிரோடுதான் இருக்கிறேன்'' என்று நகைச்சுவையாக பதிலளித்தார்.

மேலும், அண்மைக் காலமாக அதிகப் பணிகளை மேற்கொள்ள வேண்டியிருப்பதாகவும் அவர் தெரிவித்தார். எனினும், அவர் அவ்வாறு குறிப்பிட்டது பொது வாக்கெடுப்புக்குப் பிறகு பிரிட்டனில் நிலவும் அரசியல் பரபரப்பு குறித்தா, அல்லது அண்மையில் கொண்டாடப்பட்ட அரசியின் 90-ஆவது பிறந்த நாள் விழாக்கள் குறித்தா என்பதை அவர் குறிப்பிடவில்லை.

ரகசியப் பேச்சுவார்த்தை: பொது வாக்கெடுப்பு முடிவுக்குப் பின்னர் பிரிட்டனிடமிருந்து ஸ்காட்லாந்து வெளியேறுவது குறித்து வாக்கெடுப்பு நடத்த பரிசீலித்து வருவதாக அந்த நாட்டுப் பிரதமர் நிக்கோலா ஸ்டர்ஜன் அறிவித்திருந்தார். அதைப் போலவே, பிரிட்டனிடமிருந்து பிரிந்து தெற்கு அயர்லாந்துடன் இணைவதற்கான பொது வாக்கெடுப்பு நிகழ்த்தப்பட வேண்டும் என்று மார்ட்டின் மெக்கின்னஸ் வலியுறுத்தி வருகிறார்.

இந்தச் சூழலில், வட அயர்லாந்து சென்றுள்ள அரசியும், மெக்கின்னஸும் ரகசியப் பேச்சுவார்த்தை நடத்தினர். எனினும், இந்தப் பேச்சுவார்த்தையின்போது வட - தென் அயர்லாந்து இணைப்பு குறித்து விவாதிக்கப்பட்டதா என்ற கேள்விக்குப் பதிலளிக்க மெக்கின்னஸ் மறுத்துவிட்டார்.

http://www.dinamani.com/world/2016/06/29/இன்னும்-உயிரோடுதான்-இருக்க/article3504603.ece

மகாராணியார் தனது ஆயுளில் சூரியன் அஸ்தமிக்காத சாம்ராஜ்ஜியத்தையும் பூரண அதிகாரத்தையும் கண்டவர், இன்று  சூரி  எட்டிக் கடக்கும் நிலப் பரப்பில் வரம்புகளுக்கு உட்பட்ட அதிகாரத்துடன் வாழ்பவர்....! மனதில் எவ்வளவு ரணம் இருந்திருந்தால் அந்த வேதனை இந்த வார்த்தைகளாகக் கொட்டியிருக்கும்....!

இது சாதாரணமாக நம்ம வீடுகளிலும் அப்பு, ஆச்சி பயன்படுத்தும் வார்த்தைதான்..., ஆனால் அது இயலாமையின் உச்சம்....!!

6 hours ago, suvy said:

மகாராணியார் தனது ஆயுளில் சூரியன் அஸ்தமிக்காத சாம்ராஜ்ஜியத்தையும் பூரண அதிகாரத்தையும் கண்டவர், இன்று  சூரி  எட்டிக் கடக்கும் நிலப் பரப்பில் வரம்புகளுக்கு உட்பட்ட அதிகாரத்துடன் வாழ்பவர்....! 

சூரியன் அஸ்தமிக்காத சாம்ராஜ்ய்தின் பரிபூரண அதிகாரத்தை தன்னிடம் வைத்திருந்தவர், விக்டோரியா மகாராணியார். இந்தியாவின் பேரரசியார் என்ற பட்டமும் சுமந்தவர்.

அப்போதெல்லாம், பிரிட்டனின் அரசியல் அதிகார பொறுப்பு வெஸ்ட்மினிஸ்டர் பாராளுமன்றிடமும், காலணித்துவ ஆட்சி விடயங்கள் மகாராணியார் நேரடி கண்காணிப்பிலும் இருந்தன.

கனடாவின் மாகாணங்களை ஒருங்கினைப்பதில் அவர் காட்டிய ஆர்வத்தால், கனடாவில், இன்றும் அவரது பெயரில் விடுமுறை உள்ளது.

எலிசபத் மகாராணியார் பதவி ஏற்கும் போது, பாதி சாம்ராஜ்யம் கை நழுவி விட்டது. மிகுதி பாராளுமன்றின் நேரடி கண்கானிப்பில்..

இவரது அண்னை 108 வயது வரை வாழ்ந்ததால், இவரும் இருப்பார்.

Edited June 29, 20169 yr by Nathamuni