3 வருடங்கள் காதலித்த யுவதியை கரம்பிடித்த இளைஞர்: திருமணம் முடித்து வாகனத்தில் பயணித்த போது மனைவியின் தோளில் சாய்ந்தபடியே மரணம் - அதிக மகிழ்ச்சி, வேலைப் பளுவே மரணத்துக்கு காரணங்கள் என அறிக்கை

2016-10-11 09:09:15

(ரெ.கிறிஷ்ணகாந்)

 

திரு­மணம் முடிந்து வீடு­தி­ரும்பிக் கொண்­டி­ருந்த போது மண­மகள் தோள் மீது சாய்ந்து கொண்டு சென்ற மண­ம­க­னொ­ருவர் திடீ­ரென மார­டைப்­பினால் உயி­ரி­ழந்த சம்­பவம் ஒன்று இப்­பா­க­முவ பிர­தே­சத்தில் இடம்­பெற்­றுள்­ளது.

 

இவ்­வாறு உயி­ரி­ழந்­தவர் இசுரு சம்பத் ரண­துங்க(25) என்ற இப்­பா­க­முவ பிர­தே­சத்தை சேர்ந்த இளை­ஞ­ராவார்.

 

கடந்த 3 வரு­டங்­க­ளாக தான் காத­லித்து வந்த மாத்­தறை ஹக்­மன பன­ம­வில பிர­தே­சத்தை சேர்ந்த 24 வய­தான யுவதி ஒரு­வரை  இவர் கடந்த 7ஆம் திகதி திரு­மணம் செய்­தி­ருந்தார்.

 

இம் மரணம் தொடர்பில் உயி­ரி­ழந்­த­வரின் மனைவி தெரி­விக்­கை­யில்,  நாம் இரு­வரும் திரு­மண வைபவம் முடி­வ­டைந்­த­வுடன் எதிர்­
கா­லத்தைப் பற்றி பேசிக்கொண்டே அன்­றைய தினம் 3 மணி­ய­ளவில் வாக­னத்தில் மாத்­தறை அதி­வேக நெடுஞ்­சா­லையில் இப்­பா­க­முவ நோக்கி வாக­னத்தில் பய­ணித்துக் கொண்­டி­ருந்தோம்.

 

இடையில் அழ­கிய இடம் ஒன்றில் இறங்கி படங்கள் சில­வற்றை எடுத்துக் கொண்டு மீண்டும் பய­ணத்தை தொடர்ந்தோம்.

 

அதன்­போது சிறிது நேரத்தில் இசு­ரு,  தனக்கு அச­தி­யாக உள்­ள­தாக கூறி எனது தோள் மீது சாய்ந்து கொண்டார்.

 

இரவு 8.30 மணி­ய­ளவில் எஹெ­லி­ய­கொ­டவை அண்­மித்தபோது அவர் அசா­தா­ர­ண­மான உடல்­நி­லையில் காணப்­பட்­ட­தனை உணர்ந்­த­த­னை­ய­டுத்து அதே வாக­னத்தில் அவரை அவி­சா­வளை வைத்­தி­ய­சா­லைக்கு அழைத்துச் சென்றோம் எனினும் அவர் மார­டைப்­பினால் ஏற்­க­னவே உயி­ரி­ழந்து­ விட்­ட­தாக வைத்­தி­யர்கள் தெரி­வித்­தனர் என்றார்.

 

அதிக சந்­தோஷம் மற்றும் தொடர்ச்சியான வேலைப்பளு காரணமாக ஏற்பட்ட மன அழுத்தத்தின் காரணமாக இவ்வாறு மாரடைப்பு ஏற் பட்டதாக வைத்தியர்கள் தெரிவித்துள்ளனர்.

 

http://www.metronews.lk/article.php?category=news&news=19860

இதுபோன்ற செய்திகளை படிக்கும் போதுதான், இத்தனை வருடமாகியும்  நாங்கள் மனைவியைக் கூட /  மனைவியும் எங்களைக் கூட  சரியாய் காதலிக்கவில்லையோ என்று தோன்றுகின்றது...! 

ஆழ்ந்த இரங்கல்கள்..!

(திருமணம் முடிந்து சில மணிநேரங்கள் கரைந்துவிட்டதால் மேக்கப்பும் கரைந்துவிட்டதா? இதையும் விசாரிங்க கனம் கோர்ட்டார் அவர்களே..)