எழுதிட மறுக்குது மனக்கோல்

எழுதிட எடுத்தேன் எழுதுகோல்
இயங்கிட மறுத்தது மனக்கோல்
எழுதி எழுதி என்ன பயன்
எதற்கும் தீர்வு இல்லை எனின்

நாளும் நாளும் தொடருது அவலம்
தடுத்திட வழி காண எவருமில்லா துயரம்
போதும் போதும் பேசி ஏமாற்றும் நாடகம்
முடிந்தால் மக்களைக் காப்பாற்ற வழி வேண்டும்

அல்லல்பட்டு அல்லபட்டு அழிவதுதான்
தமிழர் தலைவிதியோ என்று
எண்ணிடும் போது இதயம் துடிக்கிறது
அதனால் எழுதிட மறுக்குது மனக்கோல்

வெற்று ஆரவாரங்களோ எல்லாம் என
வெதும்புகின்றது உள்ளம்
சொத்துக்கள் சேர்ப்பவரும் அரச
இருக்கைகள் காப்பவர்களும் தான் 
அதிகமாகிவிட்டனர் என்னும்போது
அழுவதா? கொதிப்பதா? என தெரியவில்லை.

மெல்ல அரங்கேறும் இனக்கொலைக்கு
உடந்தையாளர்கள்தான் கூடுமானவர்களோ?
உண்மை உணர்வுடன் நீதி கேட்டு போராட
பக்கபலமாக மக்களுக்கு யாருமில்லையோ?

மக்களின் துயரநிகழ்வுகளில் கலந்து கொண்டு
அங்கும் அரசியல்மேடை போட நினைப்பவர்கள்
நித்தம் துயரத்துள் தள்ளாடும் மக்கள் நிலையை 
எப்படி உணர்வார் உதவிட வருவார்?

சாவையே காசாக்க துணிந்திடும் எத்தர்கள்- மக்கள்
வலிகளையே படமாக்கி விற்றிட முனையும் கொள்ளையர்கள்
போலி வாக்குறுதிகளை அள்ளிக்கொட்டி அரசியல்
ஆதாயம் தேடும் கொடியவர்கள் நடுவே மக்கள் வாழ்வு.

நச்சுப்பாம்புகள் நடுவேயும் கொடிய விலங்குகள் மத்தியிலும்
அச்சமின்றி எவரும் வாழ்ந்துவிடலாம் -பதவி மோகம்
பணவெறி பிடித்தலையும் மனிதப்பண்பில்லாதோர் நடுவே
பயமின்றி நிம்மதியாக வாழ முடிந்திடுமா? நீதிதான் கிடைத்திடுமா?

மந்தாகினி

 

 

 

மெல்ல அரங்கேறும் இனக்கொலைக்கு
உடந்தையாளர்கள்தான் கூடுமானவர்களோ?
உண்மை உணர்வுடன் நீதி கேட்டு போராட
பக்கபலமாக மக்களுக்கு யாருமில்லையோ?

 

எம்மினத்தின் அவலங்களை மிக நன்றாகச் எழுத்தில் வடித்திருக்கின்றிர்கள்....! தொடர்ந்து எழுதுங்கள் மந்தாகினி....! 

On 10/25/2016 at 3:08 PM, manthahini said:

நச்சுப்பாம்புகள் நடுவேயும் கொடிய விலங்குகள் மத்தியிலும்
அச்சமின்றி எவரும் வாழ்ந்துவிடலாம் -பதவி மோகம்
பணவெறி பிடித்தலையும் மனிதப்பண்பில்லாதோர் நடுவே
பயமின்றி நிம்மதியாக வாழ முடிந்திடுமா? நீதிதான் கிடைத்திடுமா?

மந்தாகினி

உண்மை.   நல்ல கவிதைப் பதிவு.

 

 

 

 

Edited November 2, 20169 yr by seyon yazhvaendhan