கருணாநிதியின் உடல் நிலையில் நல்ல முன்னேற்றம்: ராகுல் காந்தி மகிழ்ச்சி..!

 

 

கருணாநிதியின் உடல் நிலையில் நல்ல முன்னேற்றம் ஏற்பட்டுள்ளது என்று காங்கிரஸ் தலைவர் ராகுல் காந்தி தெரிவித்துள்ளார். 

தி.மு.க தலைவர் கருணாநியின்  94-வது பிறந்தநாள் விழா நேற்று வைரவிழாவாக கொண்டாடப்பட்டது. இந்த விழாவுக்கு இந்திய அளவில் முக்கியமான அரசியல் தலைவர்கள் அனைவரும் பங்கேற்றனர். காங்கிரஸ் துணைத் தலைவர் ராகுல் காந்தியும் பங்கேற்றார். இன்று காலையில் காங்கிரஸ் எம்.எல்.ஏக்களுடன் ராகுல் காந்தி ஆலோசனை நடத்தினார். ஆலோசனை முடித்த பின்னர் சென்னை கோபாலபுரத்தில் கருணாநிதியை நேரில் சென்று சந்தித்தார். ராகுல் காந்தியை தி.மு.க செயல் தலைவர் மு.க.ஸ்டாலின் வாயிலில் சென்று வரவேற்றார். ராகுலுடன் திருநாவுக்கரசர், முகுல் வாஸ்னிக் உள்ளிட்ட காங்கிரஸ் தலைவர்கள் உடனிருந்தனர். 

 

கருணாநிதியை சந்தித்தப்பின் செய்தியாளர்களிடம் பேசிய ராகுல் காந்தி, 'கருணாநிதியை சந்தித்தது மகிழ்ச்சியாக இருந்தது. நான் முன்னர் பார்த்ததைவிட அவரது உடல் நிலையில் நல்ல முன்னேற்றம் ஏற்பட்டுள்ளது. அது மகிழ்ச்சியைத் தருகிறது. காஷ்மீர் விவகாரத்தை பிரதமர் மோடி தவறாக கையாள்கிறார். காஷ்மீர் இந்தியாவின் பகுதி. காஷ்மீர் இந்தியாவைப் பலப்படுத்துகிறது' என்றார். 

http://www.vikatan.com/news/tamilnadu/91313-rahul-gandhi-meets-dmk-president-mkarunanithi.html

 

 

 

’பா.ஜ.க தான் தமிழ்நாடு அரசை இயக்குகிறது’ : ராகுல் காந்தி ஆவேசம்

 

 

நாடு முழுவதும் உள்ள எதிர்க் கட்சிகள் ஒன்று சேர்ந்து பா.ஜ.க மற்றும் ஆர்.எஸ்.எஸை வீழ்த்துவோம் என்று காங்கிரஸ் துணைத் தலைவர் ராகுல் காந்தி தெரிவித்துள்ளார்.

 
சென்னை ராயப்பேட்டையில் உள்ள காங்கிரஸ் தலைமை அலுவலகமான சத்தியமூர்த்தி பவனுக்கு ராகுல் காந்தி சென்றார். அங்கு அவர், தமிழக அரசியல் சூழல் குறித்து காங்கிரஸ் நிர்வாகிகளுடன் கலந்து ஆலோசனை செய்தார். அதன்பின்னர் செய்தியாளர்களிடம் பேசிய ராகுல் காந்தி, 'ஆர்.எஸ்.எஸ் மற்றும்  பா.ஜ.க  ஒரே கருத்தாக்கத்தை நாடு முழுவதும் திணிக்க முயற்சி செய்கிறார்கள். இந்தியா பல்வேறு கலாசாரத்தைக் கொண்ட நாடு.

இந்தியாவில் உள்ள ஒவ்வொரு இனத்தைச் சேர்ந்த மக்களும் தனக்கென உணவு, கலாசாரத்தைக் கொண்டு உள்ளனர். தங்களது மொழியில் சிந்திக்கின்றனர். தமிழர்கள் தமிழ் மொழியில் உணர்ச்சிகளை வெளிப்படுத்துகின்றனர். அதுதான் இந்தியாவின் பலம். அது இந்தியாவை பலவீனப்படுத்தாது. எதிர்க் கட்சிகள் ஒருமித்த கருத்துகளை கொண்டுள்ளது. எதிர்க்கட்சிகள் ஒன்றிணைந்து பா.ஜ.க மற்றும் ஆர்.எஸ்.எஸை வீழ்த்துவோம். ஒற்றைக் கலாச்சாரம் சார்ந்த பா.ஜ.கவின் செயல்பாடுகளை மக்களால் ஏற்றுக் கொள்ளமுடியவில்லை.

எதிர்க் கட்சிகள் ஒன்று சேர்ந்து ஆர்.எஸ்.எஸ்க்கு எதிராக சண்டையிடப் போகிறோம். பா.ஜ.க தான் தமிழ்நாடு அரசை இயக்குகிறது. காங்கிரஸ் உள்பட எதிர்கட்சிகள் யாரும் இந்தியாவில் இருக்கக் கூடாது என்று பா.ஜ.க விரும்புகிறது. ஆர்.எஸ்.எஸ். கொள்கைக்கு எதிராக யாரும் கருத்துகளை வெளிப்படுத்தக் கூடாது என்று பா.ஜ.க நினைக்கிறது' என்று குற்றம் சாட்டினார். 

http://www.vikatan.com/news/tamilnadu/91324-opposite-parties-will-defeat-bjp-says-rahul-gandhi.html

12 hours ago, நவீனன் said:

’பா.ஜ.க தான் தமிழ்நாடு அரசை இயக்குகிறது’ : ராகுல் காந்தி ஆவேசம்

இவர் என்ன கோதாரிக்கு தமிழ்நாட்டுக்கு வந்தவராம்? 

தேவலோகத்தைச் சுரண்டிப் போடுவார்...எண்டு இயமனுக்கே பயம் போல கிடக்குது!