தி.மு.க., தலைவர், கருணாநிதியின் உடல் நலத்தில் முன்னேற்றம் ஏற்பட்டு உள்ளதால், அவரது முன்னிலையில், முன்னாள் மத்திய அமைச்சர், அழகிரியை, மீண்டும் கட்சியில் சேர்க்க, தி.மு.க., செயல் தலைவர், ஸ்டாலின் திட்டமிட்டு உள்ளார். வெளிநாட்டு சுற்றுப் பயணத்தை முடித்து, ஸ்டாலின், சென்னை திரும்பிய பின், இணைப்பு பேச்சு நடக்கும் வாய்ப்பு உள்ளது.

 

இது குறித்து, தி.மு.க., வட்டாரங்கள் கூறிய தாவது:சர்ச்சைக்குரிய போஸ்டர்களை, மதுரையில், அழகிரி ஆதரவாளர்கள் ஒட்டிய விவகாரத்தால், தி.மு.க., தலைமைக்கும், அப்போதைய, தென் மண்டல அமைப்புச் செயலராக பணியாற்றிய அழகிரிக்கும் இடையே, கருத்து வேறுபாடு ஏற்பட்டது.

இதன் காரணமாக, அழகிரி உட்பட அவரது ஆதரவாளர்கள், கட்சியிலிருந்து நீக்கப்பட்டு உள்ளனர்.லோக்சபா தேர்தலில், அழகிரி, பா.ஜ.,

வேட்பாளர்களுக்கு ஆதரவாக குரல் கொடுத்தார். அவரது ஆதரவாளர்கள், தி.மு.க., வேட்பாளர்களுக்கு எதிராக களமிறங்கினர். ஸ்டாலின் தலைமையில், இந்த தேர்தலை சந்தித்த, தி.மு.க.,40 தொகுதிகளிலும் படுதோல்வி அடைந்தது. தோல்விக்கு, அழகிரி நீக்கம் தான் காரணம் என்ற விமர்சனங்கள் எழுந்தன. 2016சட்டசபை தேர்தலில், அழகிரி, வெளிநாடு சென்று விட்டார்; அவரது ஆதரவாளர்களும் ஒதுங்கி விட்டனர்.

தென் மாவட்டங்களில், தி.மு.க., - காங்., வேட்பாளர்கள், குறைந்த ஓட்டு வித்தியாசத்தில் வெற்றி வாய்ப்பை இழந்ததால், ஆட்சி அமைக்க முடியாத நிலை உருவாகியது.வரும் தேர்தலில், அழகிரி, கனிமொழியை புறக்கணிக்கும் நிலை நீடித்தால், தி.மு.க., எதிர்காலம் மோசமாகி விடும் என, மூத்த நிர்வாகிகள் கருதுகின்றனர்.கருணாநிதி குடும்பத்தினரும், அழகிரியை சேர்க்க வேண்டும் என்கின்றனர். எனவே, ஸ்டாலின், தன் பிடிவாதத்தை தளர்த்த முடிவு செய்துள்ளார்.
சமீபத்தில், மு.க.முத்து பேரன், மனுரஞ்சித் திருமணத்தை, சென்னை,கோபாலபுரம் இல்லத்தில், கருணாநிதி நடத்தி வைத்தார். இந்த திருமணத்தில் பங்கேற்க, சென்னை வந்த அழகிரி யிடம், ஸ்டாலின் முடிவு குறித்து, குடும்பத்தினர் பேசி உள்ளனர்.'அண்ணன், தம்பி, தங்கையிடம் ஒற்றுமை உணர்வு இல்லாமல், தனித்தனி அணியாக செயல்பட்டால், ஆளுங்கட்சியைப்

 

போல் எதிர்காலத்தில், தி.மு.க.,விலும் பிளவு ஏற்படும்' என, எச்சரித்து உள்ளனர்.

எனவே, 'கருணாநிதியின் உடல் நலத்தில் நல்ல முன்னேற்றம் ஏற்பட்டுள்ள நிலையில், அவரது முன்னிலையில், மீண்டும் அழகிரியை சேர்த்து விட்டால், கருணாநிதியும் மிக்க மகிழ்ச்சி அடைவார்.'தொண்டர்களுக்கும் உற்சாகம் பிறக்கும்' என, முரசொலி செல்வம், அமிர்தம் உள்ளிட்ட குடும்ப உறுப்பினர்கள், ஸ்டாலினிடம் கூறியுள்ளனர்.

அதையடுத்து, துபாய்க்கு கிளம்பும் முன், ஸ்டாலின், அழகிரியிடம் பேச முயன்றுள்ளார்; ஆனால், முடியவில்லை. எனவே, சென்னை திரும்பிய பின், அழகிரியிடம், அவர் பேசுவார் என, தெரிகிறது.இவ்வாறு கட்சி வட்டாரங்கள் கூறின. - நமது நிருபர் -

http://www.dinamalar.com/news_detail.asp?id=1889488

வேற வழி கிடையாது 

திண்ணை இப்போதைக்கு காலியாகாது என்பதை உணர்ந்ததால் வந்த ஞானோதயம்.....!