யாழ். இந்திய துணைத் தூதுவர் நடராஜன் மீள அழைக்கப்பட்டார்!

 

யாழ்ப்பாணம் இந்திய துணைத் தூதரகத்தின் துணைத் தூதுவர் ஆறுமுகம் நடராஜன் இந்திய வெளியுறவு அமைச்சின் அறிவுறுத்தலுக்கு அமைய யாழ்ப்பாணத்திலிருந்து மீள அழைக்கப்பட்டுள்ளார் என அறியமுடிகின்றது. 

அரசியல் ரீதியான அழுத்தம் காரணமாகவே அவருக்கு எதிராக இந்த நடவடிக்கையை இந்திய வெளியுறவு அமைச்சு முன்னெடுத்துள்ளதாகத் தெரிவிக்கப்பட்டது. 

இந்த நிலையில் யாழ்ப்பாணம் இந்திய துணைத் தூதுவராக கண்டி துணைத் தூதரகத்தின் அதிகாரி ஒருவரை நியமிக்க இந்தியத் தூதரகம் நடவடிக்கை எடுத்துள்ளதாகத் தெரியவருகிறது. 

யாழ்ப்பாணம் இந்திய துணைத் தூதரகத்தின் துணைத் தூதுவராக ஆறுமுகம் நடராஜன்  சுமார் 3 ஆண்டுகளாக பதவி வகித்தார் என்பது குறிப்பிடத்தக்கது.

https://news.ibctamil.com/ta/internal-affairs/Indian-Deputy-Ambassador-Natarajan-invited-resume

59 minutes ago, நவீனன் said:

அரசியல் ரீதியான அழுத்தம் காரணமாகவே அவருக்கு எதிராக இந்த நடவடிக்கையை இந்திய வெளியுறவு அமைச்சு முன்னெடுத்துள்ளதாகத் தெரிவிக்கப்பட்டது. 

யாருய்யா அந்த அரசியல்வாதி ?

“நீங்கள் நினைப்பது போல் திருப்பி அழைக்கவில்லை. இடமாற்றம் பெற்றே செல்கின்றேன்.” ஆ.நடராஜன்:-

 

குளோபல் தமிழ்ச் செய்தியாளர்

தான் இடமாற்றம் பெற்றே செல்வதாகவும், தன்னை மீள அழைத்துள்ளதாக வெளியான செய்தி உண்மைக்கு புறம்பானது என இந்திய துணைத்தூதுவர் ஆ. நடராஜன் தெரிவித்துள்ளார். யாழில்.உள்ள இந்திய துணைத்தூதரக துணை தூதுவரை அரசியல் அழுத்தம் காரணமாக மீள அழைத்து உள்ளதாக இணையங்களில் வெளியான செய்திகள் தொடர்பில் கருத்து தெரிவிக்கும் போதே அவ்வாறு தெரிவித்தார்.

மேலும் தெரிவிக்கையில், திருப்பி அழைக்கப்பட்டு விட்டதாக கூறப்பட்டதில் எந்த உண்மையும் இல்லை. நான் இங்கு மூன்று வருடங்கள் கடமையாற்றி விட்டமையால் இடமாற்றம் பெற்றே நான் இந்தியா செல்லவுள்ளேன். என்னை யாரும் திருப்பி அழைக்கவில்லை. இடமாற்றம் பெற்றே செல்கின்றேன்.

அரசியல் அழுத்தம் காரணமாக தான் இடமாற்றம் பெற்றேன் எனவும் செய்திகள் வெளிவந்துள்ளன. அதிலும் உண்மையில்லை. கண்டியில் உள்ள துணைத்தூதரகத்தில் இருந்து அதிகாரி ஒருவர் இங்கு வருவார் எனவும் செய்திகள் வெளியாகி இருந்தன. அதிலும் எந்த உண்மையும் இல்லை. என தெரிவித்தார்.

http://globaltamilnews.net/2017/57890/

இன்னொரு சண்டாளன் விரைவில் யாழில்!