இரா­ணு­வத்­தினர் மீதான முத­ல­மைச்­சரின் குற்­றச்­சாட்டும் யதார்த்த நிலையும்

இரா­ணு­வத்­தினர் மீதான முத­ல­மைச்­சரின் குற்­றச்­சாட்டும் யதார்த்த நிலையும்

வடக்கு கிழக்குப் பகு­தி­களில் இரா­ணு­வத்­தி­னரின் ஆதிக்கம் தொடர்ந்து வரு­வ­தாக பல்­வேறு தரப்­பி­னரும் தொடர்ச்­சி­யான குற்­றச்­சாட்­டுக்­களை சுமத்­தி­ வ­ரு­கின்­றனர். படை­யினர் சிவில் நிர்­வாக நட­வ­டிக்­கை­களில் தலை­யி­டு­வ­தா­கவும் வியா­பார செயற்­பா­டு­க­ளிலும் ஈடு­ப­டு­வ­தா­கவும் குற்றம் சுமத்­தப்­ப­டு­கின்­றது.

அப்­ப­கு­தியில் பொது­மக்­க­ளுக்கு சொந்­த­மான பெரு­ம­ள­வான நிலங்­களில் படை­யினர் தொடர்ந்தும் நிலை கொண்­டுள்­ள­துடன் ஆதிக்கம் செலுத்த முனை­வ­தா­கவும் விசனம் தெரி­விக்­கப்­ப­டு­கின்­றது. வடக்கு மாகாண முத­ல­மைச்சர் சி.வி. விக்­கி­னேஸ்­வரன் இரா­ணு­வத்­தி­னரின் இத்­த­கைய செயற்­பாடு தொடர்பில் கடு­மை­யாக விமர்­சித்­துள்ளார்.

வடக்கில் நிலை­கொண்­டுள்ள இரா­ணு­வத்­தினர் அங்கு தமது இருப்பை தக்­க­வைத்­துக்­கொள்­வ­தற்­காக பல்­வேறு தந்­திரோ­பா­யங்­களை கையாள்­கின்­றனர் என்று குற்­றம்­சாட்­டி­யுள்ள முத­ல­மைச்சர் விக்­கி­னேஸ்­வரன் இரா­ணுவம் இங்கு பாது­காப்­பிற்­காக நிலை­கொண்­டி­ருக்­க­வில்லை. வணி­க­நோக்­கு­ட­னேயே இரா­ணுவம் இயங்­கு­கின்­றது என்­பதே உண்மை. இரா­ணுவம் மட்டு­மல்ல கடற்­படை , விமா­னப்­படை­களும் இவ்­வா­றான வணிக வியா­பார நட­வ­டிக்­கை­களில் ஈடு­பட்­டுள்­ளன என்றும் சுட்­டிக்­காட்­டி­யுள்ளார்.

இரா­ணுவம் சுமார் 60 ஆயிரம் ஏக்கர் காணியை வட­மா­கா­ணத்தில் பிடித்து இன்றும் தன் கைவசம் வைத்­தி­ருக்­கி­றது. இது­வரை சிறிது சிறி­தாக கைய­ளித்து வரும் காணிகள் தனி­யா­ருக்கு சொந்­த­மா­ன­வை­யாகும். இவற்றை விட பண்­ணைகள், அரச கட்­ட­ட­ங்கள், சன­ச­மூக நிலை­யங்கள், அரச காணிகள், காடுகள் போன்ற பல­வற்­றையும் படை­யினர் பிடித்து வைத்­துள்­ளனர். காட்­டுப்­பாங்­கான பிர­தே­சங்­களில் எமது வளங்கள் சூறை­யா­டப்­பட்டு வரு­கின்­றன. கொழும்பில் வழங்கும் அனு­ம­திப்­பத்­தி­ரங்கள் குறிப்­பிடும் அள­விற்கு அதி­க­மாக கருங்­கற்கள் வெட்டி எடுக்­கப்­ப­டு­கின்­றன. இவை இரா­ணு­வத்தின் அனு­ச­ர­ணை­யுடன் இடம்­பெ­று­கின்­றன. பாரம்­ப­ரிய மீன­வர்­களின் மீன்­பிடி இடங்கள் தெற்கில் இருந்து வந்­த­வர்­க­ளிடம் கைய­ளிக்­கப்­பட்­டுள்­ளன என்றும் முத­ல­மைச்சர் தெரி­வித்­துள்ளார்.

இது குறித்து மேலும் கருத்து தெரி­வித்­துள்ள அவர், சட்ட கோட்­பாட்டு கற்­கை­க­ளுக்­கான தெற்­கா­சிய மையம் என்ற நிறு­வனம் கடந்த மாதம் ஓர் கைநூலை வெளி­யிட்­டுள்­ளது. அந்த கைநூலில் உள்ள விட­யங்­க­ளையும் சுட்­டிக்­காட்­டி­யுள்ளார். வடக்கு, கிழக்கில் உண­வ­கங்கள், சுற்­றுலா, புக­லி­டங்கள், வர­வேற்பு மண்­ட­பங்கள், சிற்­றுண்­டிச்­சா­லைகள் போன்­ற­வற்றை இரா­ணு­வத்­தினர் நடத்­து­கின்­றனர். சுற்­றுலாப் பய­ணத்­தொ­ழிலில் ஈடு­ப­டுதல், ஓய்வு நேரக் கேளிக்­கை­களை நடத்­துதல், விவ­சாய நிலங்கள், தோட்­டங்கள், பண்­ணை­களை இயக்­குதல், சிவில் பாது­காப்பு என்ற போர்­வையில் தலை­யீ­டு­களை மேற்­கொள்ளல் போன்ற விட­யங்­க­ளிலும் இரா­ணு­வத்­தினர் ஈடு­பட்­டுள்­ளனர். சிவில் பாது­காப்பு திணைக்­க­ளத்தின் கீழ் தமிழ் இளைஞர், யுவ­தி­களை இரா­ணு­வத்­தினர் வேலைக்கு அமர்த்தி விவ­சாயம், கால்­நடை வளர்ப்பு, ஓடு உற்­பத்தி போன்ற பல­வற்றில் ஈடு­ப­டுத்­து­கின்­றனர் என்றும் முத­ல­மைச்சர் தெரி­வித்­தி­ருக்­கின்றார்.

அண்­மைக்­கா­லத்தில் இரா­ணு­வத்­தினர் தமது நட­வ­டிக்­கை­களை தந்­தி­ரோ­பா­ய­மாக முன்­னெ­டுத்து வந்­தி­ருக்­கின்­றனர். வீடு­களை கட்­டிக்­கொ­டுப்­பது, கிணறு வெட்­டிக்­கொடுப்­பது, குளங்கள், கடல் ஓரங்கள் போன்­ற­வற்றை சுத்­தப்­ப­டுத்­திக்­கொ­டுப்­பது வாழ்­வா­தா­ரங்­களை வழங்­கு­வது, வெசாக் பண்­டிகை போன்ற தினங்­களில் கௌத­மரின் பெயரைச் சொல்லி களி­யாட்­டங்­க­ளையும் உண­வ­கங்கள் போன்­ற­வற்றை நடத்­து­வதால் மக்­களை தம்பால் திருப்பும் முயற்­சியில் ஈடு­பட்டு வரு­கின்­றனர். இது ஒரு ஆபத்­தான நட­வ­டிக்­கை­யாகும். இவற்றை தந்து தந்து எம்மை தம்பால் ஈர்த்­து­வ­ரு­கின்­றார்கள். இதற்கு அவர்கள் எதிர்­பார்க்கும் விலை தம்மை தொடர்ந்து இங்­கி­ருக்க எம்­மக்கள் குரல்­கொ­டுக்­க ­வேண்டும் என்­ப­தே­யாகும். இவ்­வா­றான நிலையில் படை­யி­னரை வெளி­யேற்றாவிட்டால் வடக்கு, கிழக்­கா­கி ­விடும் என்றும் முத­ல­மைச்சர் சுட்­டிக்­காட்­டி­யி­ருக்­கின்றார்.

முத­ல­மைச்­சரின் இந்த கருத்­துக்­க­ளி­லி­ருந்து படை­யினர் வடக்கு, கிழக்கில் சிவில் நிர்­வாக விட­யங்­களில் எவ்­வாறு தலை­யீடு செய்­கின்­றார்கள் என்­பதை அறிந்­து­கொள்­ளக்­கூ­டி­ய­தாக உள்­ளது. உண்­மை­யி­லேயே யுத்தம் இடம்­பெற்ற காலத்தில் வடக்கு, கிழக்கில் படை­யி­னரின் தலை­யீ­டுகள் தலை­வி­ரித்­தா­டி­யி­ருந்­தன. எத்­த­கைய முடி­வு­க­ளையும் படைத்­த­ரப்­பி­னரே மேற்­கொண்­டி­ருந்­தனர்.

2009ஆம் ஆண்டு மே மாதம் யுத்தம் முடி­வுக்­குக் ­கொண்­டு­வ­ரப்­பட்­ட­தை­ய­டுத்து இத்­த­கைய நிலை­மையில் பெரும் மாற்றம் ஏற்­படும் என்று எதிர்­பார்க்­கப்­பட்­டது. ஆனால் அன்று பத­வி­யி­லி­ருந்த அர­சாங்­க­மா­னது தொடர்ச்­சி­யாக வடக்கு, கிழக்கு மக்­களை இரா­ணுவ ஆதிக்­கத்­திற்குள் வைத்­தி­ருக்­கவே விரும்­பி­யது. இடம்­பெ­யர்ந்து மீள்­கு­டி­யேறிய மக்கள் மீதும் புனர்­வாழ்வு பெற்று வெளி­யே­றிய முன்னாள் போரா­ளிகள் மீதும் கண்­கா­ணிப்பு செலுத்­தப்­பட்­டது. படை­யி­னரின் புல­னாய்­வுத்­து­றை­யினர் இவர்­களை மிகத் தீவி­ர­மாக கண்­கா­ணித்து வந்­தனர்.

வடக்கு, கிழக்கில் கிரா­மங்­களில் நிகழ்­வொன்று நடத்­தப்­ப­ட­வேண்­டு­மானால் அது குறித்து படை­யி­ன­ருக்கு அறி­வித்து அனு­மதி பெற­வேண்­டிய நிலைமை காணப்­பட்டு வந்­தது. வீட்டில் திரு­மண வைபவம் ஒன்­றினை நடத்­து­வ­தா­னாலோ அல்­லது சிறிய வைபவம் ஒன்றை நடத்­து­வ­தாக இருந்­தாலோ படைத்­தரப்­பி­ன­ருக்கு அறி­விக்­க­வேண்­டிய சூழ்­நிலை காணப்­பட்­டது. இதே­போன்றே இரா­ணு­வத்­தி­னரால் முன்­னெ­டுக்­கப்­படும் சிவில் பாது­காப்பு திணைக்­க­ள­மா­னது முன்னாள் போரா­ளிகள் உட்­பட 3000க்கும் மேற்­பட்ட தமிழ் இளைஞர் யுவ­தி­களை வேலைக்கு அமர்த்­தி­யது. சிறுவர் பள்­ளி­களில் இத்­த­கை­ய­வர்­களை கல்வி கற்­பிப்­ப­தற்கும் நட­வ­டிக்கை எடுக்­கப்­பட்­டது.

இவ்­வா­றாக அனைத்­தை­யுமே இரா­ணு­வ­மயப்­ப­டுத்தும் செயற்­பா­டுகள் முன்­னெ­டுக்­கப்­பட்டு வந்­தன. பொது­மக்­களின் காணிகள் ஆக்­கி­ர­மிக்­கப்­பட்டு படை­யினர் தொடர்ந்தும் நிலை­கொண்­டி­ருக்கும் நிலைமை உரு­வா­கி­யி­ருந்­தது.

இந்த நிலை­யில்தான் 2015 ஆம் ஆண்டு ஜன­வரி மாதம் நல்­லாட்சி அர­சாங்கம் பத­வி­யேற்­ற­தை­ய­டுத்து நிலை­மை­களில் மாற்றம் ஏற்­படும் என்று தமிழ் மக்கள் எதிர்­பார்த்து காத்­தி­ருந்­தனர். இரா­ணு­வத்­தி­னரின் ஆதிக்கம் படிப்­ப­டி­யாக குறை­வ­டையும் என்று எதிர்­பார்க்­கப்­பட்­டது. வியா­பார, விவ­சாய நட­வ­டிக்­கை­களில் இருந்து படைத்­த­ரப்­பினர் வில­கிக்­கொள்­வார்கள் என்று எதிர்­பார்க்­கப்­பட்­டது.

ஆனால் படைத்­த­ரப்­பி­னரின் செயற்­பாட்டில் சில முன்­னேற்­ற­க­ர­மான விட­யங்கள் இடம்­பெற்­ற­போ­திலும் தமிழ் மக்கள் எதிர்­பார்த்­த­தைப்­போன்று படைத்­த­ரப்­பி­னரின் ஆதிக்கம் குறை­வ­டை­ய­வில்லை. படைத்­த­ரப்­பினர் ஆக்­கிர­மித்­தி­ருந்த பொது­மக்­களின் காணிகள் படிப்­படி­யாக விடு­விக்­கப்­படும் என்று கரு­தப்­பட்­ட­போ­திலும் ஆரம்­பத்தில் பொது­மக்­க­ளுக்கு சொந்­த­மான காணிகள் விடு­விக்­கப்­பட்ட போதிலும் தற்­போது அந்த நட­வ­டிக்­கை­களில் மந்­த­மான நிலைமை காணப்­ப­டு­கின்­றது.

இவ்­வா­றான நிலை­யில்தான் இரா­ணு­வத்­தி­ன­ருக்கு எதி­ரா­கவும் அர­சாங்­கத்­திற்கு எதி­ரா­கவும் பாதிக்­கப்­பட்ட தமிழ் மக்கள் போராட்­டங்­களை ஆரம்­பித்­தனர். தமது காணி­களை விடு­விக்­கக்­கோரி புதுக்­கு­டி­யி­ருப்பு, கேப்­பாப்­பு­லவு பகு­தி­யிலும் இர­ணை­தீ­விலும் தொடர்ச்­சி­யான போராட்­டங்கள் இடம்­பெற்று வரு­கின்­றன. இந்த நிலை­யில்தான் வட­மா­காண முத­ல­மைச்­சரும் இரா­ணு­வத்­தி­னரின் தலை­யீ­டுகள் தொடர்பில் தனது விச­னத்தை தெரி­வித்­தி­ருக்­கின்றார்.

இதே­போன்றே இரா­ணு­வத்­தி­னரின் செயற்­பா­டுகள் தொடர்பில் தமிழ் தேசிய மக்கள் முன்­ன­ணியின் தலைவர் கஜேந்­தி­ர­குமார் பொன்­னம்பல மும் குற்­றச்­சாட்­டுக்­களை முன்­வைத்­தி­ருக்­கின்றார். வெசாக் பண்­டிகை மூலம் யாழ்ப்­பா­ணத்தை பௌத்த மய­மாக்கும் செயற்­பாட்டில் இரா­ணு­வத்­தினர் ஈடு­பட்­டுள்­ள­தாக அவர் குற்­றம் ­சு­மத்­தி­யுள்ளார்.

இதற்கு இரா­ணு­வத்தின் யாழ்.மாவட்ட கட்­டளைத் தள­பதி மேஜர் ஜெனரல் தர்­ஷன ஹெட்­டி­யா­ராச்சி பதி­ல­ளித்­தி­ருந்­த­துடன் தமிழ் தேசிய மக்கள் முன்­ன­ணியின் செயற்­பாட்­டையும் விமர்­சித்­தி­ருந்தார். மாவட்­ட ­கட்­டளைத் தள­ப­தியின் செயற்­பா­டா­னது அர­சியல் கட்­சி­களை விமர்­சிக்கும் விட­ய­மாக உள்­ளது என்று வட­மா­காண சபை உறுப்­பினர் பொ. ஐங்­க­ர­நேசன் குற்றம் சாட்டியிருந்தார்.

 இதற்குப் பதி­ல­ளிக்கும் வகையில் நேற்று முன்­தினம் ஞாயிற்­றுக்­கி­ழமை யாழ். கட்­டளை தலை­மை­யகம் பதில் அறிக்­கை­யொன்றை விடுத்­தி­ருக்­கின்­றது. இரா­ணு­வத்தின் யாழ்.கட்­ட­ளைத் ­த­ள­பதி எந்­த­வொரு அர­சியல் கட்­சி­யையும் விமர்­சிக்­க­வில்லை. மாறாக இரா­ணு­வத்­தி­ன­ருக்கு எதி­ராக சில அர­சியல் கட்­சி­களின் பிர­மு­கர்­களால் மக்கள் மத்­தியில் பகி­ரங்­க­மாக முடுக்­கி­வி­டப்­பட்­டுள்ள விச­மப்­பி­ர­சா­ரங்­க­ளுக்கு பதில் கொடுத்­துள்ளார். இது இரா­ணு­வத்தின் பொறுப்­பு­ வாய்ந்த உயர் அதி­காரி என்ற வகையில் இவரின் கட­மை­யாகும் என்று அதில் தெரி­விக்­கப்­பட்­டுள்­ளது.

இவ்­வா­றாக இரா­ணு­வத்­தி­னரின் தலை­யீ­டுகள் அர­சியல் செயற்­பா­டு­க­ளிலும் புகுந்­துள்­ள­மையை காணக்­கூ­டி­ய­தாக உள்­ளது. இரா­ணு­வத்­தி­னரின் செயற்­பா­டுகள் இவ்­வாறு தொடர்­வது நல்­லி­ணக்­கத்தை உரு­வாக்கும் விட­யத்தில் பாத­க­மான செயற்­பா­டாக அமைந்­து­விடும். எனவே இந்த விட­யத்தில் நல்­லாட்சி அர­சாங்­க­மா­னது உரிய வகையில் செயற்படவேண்டும். முதலமைச்சரின் குற்றச்­சாட்டுக்கள் தொடர்பிலும் கவனம் செலுத்த வேண்டியது இன்றியமை­யாததாகும்.