ஐ.எஸ்.தீவிரவாதிகளுடன் தொடர்பு? - சென்னை, நாகையில் என்.ஐ.ஏ அதிகாரிகள் அதிரடி ரெய்டு

நாகையில் தேசியப் புலனாய்வு முகமை அதிகாரிகள் இன்று வருகை தருவதையொட்டி நேற்றே நாகை மாவட்ட காவல்துறை அலர்ட் ஆனது. இரவு முழுதும் தூங்காமல் முக்கிய அதிகாரிகள் ஆலோசனையில் ஈடுபட்டனர். இந்நிலையில் தேசியப் புலனாய்வு முகமை ஏ.எஸ்.பி. சவுகத் அலி தலைமையிலான டீம் இன்று அதிகாலை நாகை அருகேயுள்ள மஞ்சக்கொல்லை அசேன் அலி வீட்டைச் சுற்றி வளைத்தனர். கல்வி நிலையம் நடத்தி வரும் அசேன் அலி வீட்டிலிருந்து லேப்- டாப், சில முக்கிய ஆவணைங்களையும் கைப்பற்றியிருக்கிறார்கள்.

அதேநேரத்தில் அசேன் அலியின் உறவினர்கள் வசிக்கும் சிக்கல் மற்றும் பொரவாச்சேரியில் உள்ள வீடுகளிலும் சோதனை நடத்தினர். அதில் முக்கிய ஆவணங்கள் சிக்கியிருப்பதால் அசேன் அலியை எஸ்.பி. ஆபீஸில் ரகசிய இடத்தில் வைத்து விசாரித்து வருகின்றனர்.