“திருநீறு இட்டார் கெட்டார்.. திருநீறு இடாதார் வாழ்ந்தார்”

வாரியார் சுவாமிகள் நகைச்சுவையாக பேசுவதில் வல்லவர். அதே போல் எதிர் மறையாக இருந்தால் கூட இதை நேர் மறையாக மாற்றி சிந்திப்பவர்.

இவர் ஒரு கூட்டத்திற்கு போகும் வழியில் நாத்திகர்கள்
*திருநீறு இட்டார் கெட்டார்..*
*திருநீறு இடாதார் வாழ்ந்தார்*
என்று எழுதி இருந்தார்கள்.

உடன் வந்தவர், “காலம் கெட்டுப் போச்சு. என்ன எழுதியிருக்கிறார்கள் பார்த்தீர்களா?” என்றார்.

அதற்கு வாரியார், “இல்லை... சரியாகத்தானே எழுதி இருக்கிறார்கள்” என்றார்.

“சாமி, நீங்களும் இப்படிச் சொல்கிறீர்களே?”, என்றார்.

அதற்கு வாரியார், “நன்றாக பதம் பிரித்து படித்து பார்”, என்று சொல்லி, அவரே பதம் பிரித்துச் சொன்னார்.

“திரு நீறு இட்டு யார் கெட்டார் (இட்டு + யார் = இட்டார்)” என்றும்.... அடுத்தது,

“திருநீறு இடாது யார் (இடாது+யார்=இடாதார்) யார் வாழ்ந்தார்” என்றும் சொன்னார்.

அவருக்கு முருகன் தந்த அறிவுக் கொடை. 🙏

Mparameshwari

தமிழ்சிறி சிரித்து மகிழ நல்ல நகைச்சுவை. கிருபனந்த வாரியார் சிறந்த திறமையான மேடைப்பிரசங்கங்களை நடத்துபவர். தனது இனிமையான இசையுடனான ஆனமீக பிரசங்கள்  மூலம் பெரும் கூட்டத்தையே தன்னுள் ஈர்ககும் வல்லமை படைத்த ஒரு சிறந்த வித்தகர். சிறு வயதில் அவரது பிரசங்கங்களை மிக ஆர்வத்துடன் கேட்டிருக்கிறேன் . இவரின் தமிழ் அற்றல் குறித்து பல விடயங்களை வாசித்திருக்கிறேன். 

ஆனால் ஒரு வருத்தமான உண்மை

திரு நீறு இட்டு யார் கெட்டார் (இட்டு + யார் = இட்டார்)” என்றும்.... அடுத்தது,

“திருநீறு இடாது யார் (இடாது+யார்=இடாதார்) யார் வாழ்ந்தார்” 

இந்த கூற்றின் வரலாற்று உண்மையை பாருங்கள். திருநீறு இடாதவர்களிடம் 400 வருங்களுக்கு முன்பு அரசுசுரிமையை பறி கொடுத்து கெட்டுப்போன திரு நீறு இட்ட எம்மால் இன்றுவரை அந்த அரசுரிமையை மீள பெற முடியாமலும்  சொந்த மண்ணில் கெளரவத்தோடும் வாழ முடியாமலும்  உள்ளதே 

கூற்று எம்முள் சிரிக்க தமிழில்  நல்ல நகைச்சுவை என்றாலும் வேறு மொழியில் மொழியில்  பெயர்த்தால் அதன்   அர்த்தத்தை இழந்து  எம்மை பார்த்து மற்றவர்  நகையாடும் விதத்தில் மாறி  முரண் பாடாக உள்ளதே. 

1 hour ago, tulpen said:

தமிழ்சிறி சிரித்து மகிழ நல்ல நகைச்சுவை. கிருபனந்த வாரியார் சிறந்த திறமையான மேடைப்பிரசங்கங்களை நடத்துபவர். தனது இனிமையான இசையுடனான ஆனமீக பிரசங்கள்  மூலம் பெரும் கூட்டத்தையே தன்னுள் ஈர்ககும் வல்லமை படைத்த ஒரு சிறந்த வித்தகர். சிறு வயதில் அவரது பிரசங்கங்களை மிக ஆர்வத்துடன் கேட்டிருக்கிறேன் . இவரின் தமிழ் அற்றல் குறித்து பல விடயங்களை வாசித்திருக்கிறேன். 

ஆனால் ஒரு வருத்தமான உண்மை

திரு நீறு இட்டு யார் கெட்டார் (இட்டு + யார் = இட்டார்)” என்றும்.... அடுத்தது,

“திருநீறு இடாது யார் (இடாது+யார்=இடாதார்) யார் வாழ்ந்தார்” 

இந்த கூற்றின் வரலாற்று உண்மையை பாருங்கள். திருநீறு இடாதவர்களிடம் 400 வருங்களுக்கு முன்பு அரசுசுரிமையை பறி கொடுத்து கெட்டுப்போன திரு நீறு இட்ட எம்மால் இன்றுவரை அந்த அரசுரிமையை மீள பெற முடியாமலும்  சொந்த மண்ணில் கெளரவத்தோடும் வாழ முடியாமலும்  உள்ளதே 

கூற்று எம்முள் சிரிக்க தமிழில்  நல்ல நகைச்சுவை என்றாலும் வேறு மொழியில் மொழியில்  பெயர்த்தால் அதன்   அர்த்தத்தை இழந்து  எம்மை பார்த்து மற்றவர்  நகையாடும் விதத்தில் மாறி  முரண் பாடாக உள்ளதே. 

ஓம்.....இருக்கட்டும். இந்தப்பிரச்சனை *****. எங்கையும் முட்டுதே? கடவுளே இல்லை எண்டவருக்கு இந்த திரியிலை என்ன வேலை? 😡

1 hour ago, குமாரசாமி said:

ஓம்.....இருக்கட்டும். இந்தப்பிரச்சனை ***** எங்கையும் முட்டுதே? கடவுளே இல்லை எண்டவருக்கு இந்த திரியிலை என்ன வேலை? 😡

கடவுள் இல்லை என்பவர்கள் நிஜமாகவே பாக்கியசாலிகள்......சதாசர்வ காலமும் கடவுளையே தியானித்துக் கொண்டிருக்கின்றார்கள். விவாதத்துக்காக வேனும் இதிகாசம் புராணம் எல்லாவற்றையும் ஆழ்ந்து வாசிக்கின்றார்கள்.  நானெல்லாம் கடவுள் இருக்கிறார் என்று சொல்லிக்கொண்டு ஒப்புக்கு சப்பாணியாக காலையில் ஒருதரமும், மாலையில் ஒரு முறையும் ஏதோ ....யாருக்கோ அட்டன்டன்ஸ் குடுக்கிற மாதிரி வாழுறன் .....சே என்ன வாழ்க்கை இது......!  🤔

இரணியன், இராவணன், சிசுபாலன் போன்றவர்களுக்கு கிடைத்த பெரும் பேறு  வசிஷ்டர், விஷ்வாமித்திரர் , குமாரசுவாமி(முருகன்) போன்றவர்களுக்கு கூட கிடைக்கவில்லை.......!