நெருப்பு வளைய சூரிய கிரகணம் நாளை – மக்களே அவதானம்!

இந்த வருடத்தில் இடம்பெறவுள்ள இறுதி நெருப்பு வளைய சூரிய கிரகணம் நாளை (வியாழக்கிழமை) இடம்பெறவுள்ளது.

இதனை நாட்டு மக்கள் காணக்கூடியதாக இருக்கும் என்று வானவியலாளர் அனுர ஸ்ரீ பெரேரா தெரிவித்துள்ளார்.  எனினும் இதனை நேரடியாக பார்ப்பது கண்களுக்கு பாதிப்பாக அமையும் என்பதால் இதனை ஏற்ற வகையில் கருவிகளை பயனபடுத்தி பார்க்க வேண்டும் எனவும் அறிவுறுத்தியுள்ளார்.

கிரகணம் ஏற்படும்போது, நிலவு முழுவதுமாக சூரியனை மறைக்காமல் போவதால், சூரியனின் விளிம்புப் பகுதி ஒரு நெருப்பு வளையம் போல் காட்சியளிக்கும். இதைத்தான் நெருப்பு வளைய சூரிய கிரகணம் என்கிறார்கள்.

இது வடமாகாணத்தில் வளைய சூரிய கிரகணமாகவும் கிளிநொச்சிக்கு கீழாக அநுராதபுரம், வுவுனியா போன்ற பிரதேசங்களில் அரைபகுதி நெருப்பு வளைய சூரிய கிரகணமாகவும் காட்சி அளிக்கும் என்றும் பெரேரா தெரிவித்தார்.

வளைய சூரிய கிரகணம் தெளிவாக காட்சியளிக்கும். அத்தோடு இந்த வளைய சூரிய கரகணத்தை நாளை காலை 8.00 மணி தொடக்கம் 11.00 மணி வரையிலான காலப்பகுயில் இலங்கையர்களினால் காணக்கூடியதாக இருக்கும்.

இந்த முழுமையான நெருப்பு வளைய சூரிய கிரகணம் சுமார் 4 நிமிடங்களுக்கு இடம்பெறக்கூடும். இது ஆக கூடுதலாக வவுனியாலில் காலை 9.00 மணிக்கு காட்சியளிக்கும். கிளிநொச்சியில் காலை 9.36 மணிக்கும்இ யாழ்ப்பாணத்தில் காலை 9.35 மணிக்கும் திருகோணமலையில் காலை 9.38 மணிக்கும் காட்சியளிக்கும். ஆத்தர்சி கிளாக் நிறிவனத்தின் மூலம் இந்த கிரகணத்தை அவதானிப்பதற்காக வடக்கில் பல இடங்களில் ஆய்வு மட்டத்தில் முகாம்களை நடத்துவதற்கு ஏற்பாடுகள் மேற்கொள்ளப்பட்டுள்ளதாக அதன் ஊடக உதவிப்பணிப்பாளர் சிந்தன விஜயவர்தன தெரிவித்தார்.

இதேபோன்று மன்னார், வவுனியா, யாழப்பாணம் போன்ற நகரங்களை கேந்திரமாக கொண்டும் ஆய்வுகள் மேற்கொள்ளப்படவுள்ளன என்றும் அவர் தெரிவித்தார்.

இதனை நேரடியாக பார்ப்பது கண்களுக்கு பாதிப்பாக அமையும் என்பதினால் இதனை ஏற்ற வகையில் கருவிகளை பயனபடுத்தி பார்க்க வேண்டும் என அறிவுறுத்தப்பட்டுள்ளனர்.

http://athavannews.com/நெருப்பு-வளைய-சூரிய-கிரக/

நாளை நிகழவிருக்கும் சூரிய கிரகணம்: யாழ். பல்கலைக்கழகம் விடுத்துள்ள அறிவிப்பு

நிகழவிருக்கும் சூரிய கிரகணம் இலங்கை நேரப்படி காலை 8.09 மணிக்கு ஆரம்பமாகி முற்பகல் 11.21 வரை இடம்பெறவுள்ளது. இந்த சூரிய கிரகணம் 3 மணித்தியாலயங்களும் 12 நிமிடங்களும் நீடிக்கும்.

அதிலும் 3 நிமிடங்களும் 8 வினாடிகளும் (09:35-09:38) மோதிர வடிவிலான கங்கண சூரிய கிரகணம் (Annular Solar Eclipse) இடம்பெறும். இந்த சூரிய கிரகணத்தை அவதானிப்பதற்கான ஏற்பாடுகளை யாழ்ப்பாணப் பல்கலைக்கழகமானது கொழும்பு பல்கலைக்கழகம், மேற்கு நோர்வே பிரயோக விஞ்ஞானப் பல்கலைக்கழகம், இலங்கையின் தொழில்நுட்பவியல் மற்றும் புத்தாக்கங்கள் இராஜாங்க அமைச்சு ஆகியவற்றுடன் இணைந்து மேற்கொண்டுள்ளது.

திருநெல்வேலியில் அமைந்துள்ள யாழ். பல்கலைக்கழக மருத்துவ பீடத்தருகிலுள்ள மைதானத்திலும் கிளிநொச்சியிலுள்ள பொறியில் பீட நிர்வாகக் கட்டடத்திற்கு முன்பாகவும் இதற்கான ஏற்பாடுகளை யாழ். பல்கலைக்கழகம் செய்துள்ளது.

இந்த அரிய நிகழ்வினை அவதானிப்பதற்காக உள்நாட்டு வெளிநாட்டு கிரகண அவதானிப்பாளர்களும் விஞ்ஞானிகளும் ஆர்வம் கொண்டு யாழ்ப்பாணத்திற்கு வருகை தந்த வண்ணமுள்ளனர். ஏற்கனவே நூற்றுக்கணக்கானோர் வருகை தந்திருப்பதாக தகவல்கள் தெரிவிக்கின்றன.

இதன் நிமித்தம் யாழ்ப்பாணத்திலும் கிளிநொச்சியிலும் உயர்ரக தொலைநோக்கு காட்டிகளுடன் கூடிய முகாம்கள் அமைக்கப்பட்டிருக்கின்றன. நாடெங்கிலுமுள்ள பாடசாலைகளில் எட்டாம் தரம் முதல் கல்வி பொதுத்தராதர சாதாரண தரம் வரை கல்வி பயிலும் மாணவர்களுக்கு சூரிய கிரகணம் தொடர்பாக நடைபெற்ற தெரிவுப் பரீட்சையில் அதிகூடிய புள்ளிகளைப் பெற்ற மாணவர்கள் கௌரவிக்கப்படவுள்ளனர் என ஏற்பாட்டு குழுவினர் தெரிவித்திருக்கின்றனர்.

இச்சூரிய கிரகணத்தை இம்முகாமிற்கு வருகைதரும் ஆறாயிரத்திற்க்கும் மேற்பட்ட பொதுமக்கள் இதனைப் பாதுகாப்பான முறையில் பார்வையிட ஏற்பாடுகள் மேற்கொள்ளப்பட்டுள்ளன.

இணையவாயிலாக நாடேங்கிலுமுள்ள இரண்டாயிரத்திற்கும் மேற்பட்டவர்கள் பதிவு செய்துள்ளார்கள். இதன் ஆர்வலர்கள் http://event.jfn.ac.lk/eclipse/ எனும் இணையதளத்தில் தமது பதிவை முற்கூட்டியே கொள்ளுமாறு ஏற்பாட்டு குழுவினர் கேட்டுக்கொள்கின்றார்கள்.

திருநெல்வேலியில் அமைந்துள்ள அவதான முகாமின் நிகழ்ச்சி நிரலை http://event.jfn.ac.lk/eclipse/index.php/programme/ என்ற இணையத்தளத்தில் பார்வையிடலாம்.

http://athavannews.com/நாளை-நிகழவிருக்கும்-சூரி/

பல வருடங்களுக்கு, முன்பு...
பிரான்ஸ் நாட்டிற்கு, சுற்றுலா சென்ற போது,
இப்படி ஒரு, சூரிய கிரகணம்  வந்தது, 

அப்போ எல்லாரும், வெறும் கண்ணால் பார்க்க வேண்டாம் என்று சொன்ன போதும்,
நான்... சும்மா, பேய்க் காட்டுவதற்காக.... 
சொல்கிறார்கள் என நினைத்து... பார்த்த பின்,
எனது கண்கள் சிவப்பாகி, கண்ணீர்  அருவியாகி வழிந்தது.
திரும்ப... ஜேர்மனிக்கு, வரவே... மிகுந்த  சிரமப் பட்டேன்.

கண்  வைத்தியரிடம் சென்ற போது..... ஒரு,  கிறீம் தந்து...
பார்வை.... இன்னும் தெரிகின்றது, இனிமேல்... 
இப்படியான.... முட்டாள்  வேலை செய்ய வேண்டாம் என்று சொன்னார்.

அவதானம்  மக்களே.....

யாழ்ப்பாணத்தில் இன்று தென்பட்ட சூரிய கிரகணத்தின் ஒளிப்படங்கள்

10 வருடங்களுக்குப் பிறகு இலங்கையில் முழுமையான சூரிய கிரகணம் ஒன்றை பார்க்கக்கூடிய சந்தர்ப்பம் இன்று ஏற்பட்டது.இன்று காலை 8.09க்கு ஆரம்பமாகின்ற இந்த சூரிய கிரகணம், 11.25 வரையான 3 மணித்தியாலங்களுக்கு நீடிதிருந்தது.இந்நிலையில் யாழ்ப்பாணத்தின் பல இடங்களிலும் சூரிய கிரகணத்தை பொதுமக்கள் ஆர்வத்துடன் பார்த்ததை அவதானிக்க முடிந்தது.(15)

 

http://www.samakalam.com/செய்திகள்/யாழ்ப்பாணத்தில்-இன்று-தெ/

எப்ப வேணும்னாலும் சூரிய கிரக்கணத்தை பார்க்கலாம்... உங்க வீட்டுக்குள்ளேயே இருந்து.... # அடேய்... நாசா விஞ்ஞானிகளயே மண்டையை பிச்சுக்க வச்சிட்டியடா

thx: https://twitter.com/PARITHITAMIL