வட மாகாணத்தில் 120 தமிழ் பொலிஸ் உத்தியோகத்தர்களுக்கு இடமாற்றம்!

வட மாகாணத்தில் 120 தமிழ் பொலிஸ் உத்தியோகத்தர்களுக்கு தற்போது கடமையாற்றும் மூத்த பொலிஸ் அத்தியட்சகர் பிரிவிலிருந்து மாகாணத்துக்குள் வேறு பிரிவுகளுக்கு இடமாற்றம் வழங்கப்பட்டுள்ளது.

உடன் நடைமுறைக்கு வரும் வகையில் இந்த இடமாற்றம் வழங்கப்பட்டுள்ளதாக வட மாகாண மூத்த பிரதிப் பொலிஸ் மா அதிபர் அலுவலகம் தெரிவித்துள்ளது.

வடக்கு மாகாணத்திலிருந்து தென் மாகாணத்துக்கு இடமாற்றம் பெற்றுச் செல்லும் மூத்த பிரதிப் பொலிஸ் மா அதிபர் சேனநாயக்கவால் இந்த இடமாற்றம் வழங்கப்பட்டுள்ளது.

யாழ்ப்பாணத்தில் இடம்பெறும் மணல் கொள்ளை, போதைப்பொருள் கடத்தல், வாள்வெட்டு வன்முறை உள்ளிட்ட குற்றச் செயல்களில் ஈடுபடுவோருடன் தமிழ் பொலிஸ் உத்தியோகத்தர்களுக்கு தொடர்பு உண்டு என மூத்த சட்டத்தரணி மு.றெமிடியஸ் பகிரங்கமாகக் குற்றஞ்சாட்டியிருந்தார்.

கடந்த வாரம் யாழ்ப்பாணம் செயலகத்தில் அமைச்சர் டக்ளஸ் தேவானந்தாவால் கூட்டப்பட்ட கூட்டத்திலேயே பொலிஸ் அதிகாரிகள் முன்னிலையில் அமைச்சரின் கட்சியைச் சேர்ந்த மூத்த சட்டத்தரணி இந்தக் குற்றச்சாட்டை முன்வைத்திருந்தார்.

இந்த நிலையிலேயே தமிழ் பொலிஸ் உத்தியோகத்தர்களுக்கு இடமாற்றம் வழங்கப்படுவதாக நம்பப்படுகிறது.

வட மாகாணத்தில் ஒரே மாவட்டத்தில் 5 ஆண்டுகளுக்கு மேலாக பணியாற்றி இந்த ஆண்டு இடமாற்றம் பெற்று வந்த தமிழ் பொலிஸ் உத்தியோகத்தர்களுக்கும் இந்த இடமாற்றத்திற்குள் உள்வாங்கப்பட்டுள்ளனர்.

இதனால் பாதிக்கப்பட்ட தமிழ் பொலிஸ் உத்தியோகத்தர்கள் உரிய தரப்புகளிடம் மேன்முறையீடு செய்துள்ளனர்.

மேலும் மூத்த பொலிஸ் அத்தியட்சகர்கள், பொலிஸ் நிலைய பொறுப்பதிகாரிகளும் தமிழ் பொலிஸ் உத்தியோகத்தர்களின் இடமாற்றத்துக்கு எதிர்ப்பு வெளியிட்டுள்ளனர்.

http://athavannews.com/வட-மாகாணத்தில்-120-தமிழ்-பொல/

போச்சே..... பிழைப்புல மண் விழுந்து போச்சே. அமைச்சருக்கு போகவேண்டிய கொமிசனில கைவைத்து விட்டார்கள்  போல். 

பொலிஸாருக்கு இடமாற்றம்; ’பழிவாங்கள் நடவடிக்கை’

 

-எம்.றொசாந்த், செந்தூரன் பிரதீபன்

வடக்கு மாகாணத்தில் கடமையாற்றும் தமிழ்ப் பொலிஸ் உத்தியோகஸ்தர்களுக்கு, ஒரே நாளில் இடமாற்றம் வழங்கப்பட்டமையானது, ஒரு பழிவாங்கல் நடவடிக்கையாகவே காணப்படுவதாகத் தெரிவித்த பாதிக்கப்பட்ட தமிழ்ப் பொலிஸ் உத்தியோகஸ்தர்கள், இது குறித்து, ஜனாதிபதியின் கவனத்துக்குக் கொண்டு செல்வதற்கான நடவடிக்கைகளை முன்னெடுத்துள்ளதாகவும் கூறினர்.

கடந்த மாதம், யாழ்ப்பாணம் மாவட்டச் செயலகத்தில் நடைபெற்ற கூட்டத்தின்போது, சட்டத்தரணி ஒருவர், மணல் கடத்தல் தொடர்பில் பொலிஸாருக்கு எதிராகக் குற்றச்சாட்டை முன்வைத்ததாகவும் இதைத் தொடர்ந்தே, இந்த இடமாற்றம் வழங்கப்பட்டுள்ளதாகவும், அவர்கள் தெரிவித்தனர்.

இந்த இடமாற்றத்தில், சேவைக் காலம் கருத்தில் கொள்ளப்படவில்லையெனத் தெரிவித்த அவர்கள், இது வேண்டுமென்று ஏற்படுத்தப்பட்ட ஓர் இடமாற்றமெனவும் குற்றஞ்சாட்டினர்.

இதனால், பொலிஸ் உத்தியோகத்தர்கள் பலர், தமது வேலையைக் கைவிடும் நிலைக்கும் தள்ளப்பட்டுள்ளனர் எனவும், பாதிக்கப்பட்ட பொலிஸ் உத்தியோகத்தர்கள் தெரிவித்தனர்.

http://www.tamilmirror.lk/யாழ்ப்பாணம்/பொலிஸாருக்கு-இடமாற்றம்-பழிவாங்கள்-நடவடிக்கை/71-243383

அங்கிருக்கும் மக்கள் பலர் இவர்களுக்கு மாற்றல் கிடைத்ததையிட்டு மிக்க சந்தோசத்தில் இருக்கிறார்கள்...அங்கிருக்கும் கொள்ளைக்காரன்,வாள்வெட்டுக்காரன் போன்றோரிடம் இவர்கள் அதாவது தமிழ் போலீசார் லஞ்சம் வாங்கிக் கொண்டு அவர்களை தப்பிக்க விடுவதாகவும், அளவுக்கு அதிகமாய் கேட்பதாயும் இவர்கள் மீது குற்றச்ச்சாட்டு 

இலஞ்சக் குற்றத்திற்கு இடமாற்றம் வழங்குவது மட்டும் தண்டனையாகமுடியாது. இங்கு அதிரடியாகவும் சந்தேகத்திற்கிடமாகவும் தமிழ் பொலிசாருக்கு மட்டும் இடமாற்றம் வழங்கப்பட்டிருப்பது நிச்சயம் கவனிக்க வேண்டிய ஒரு விடயம் தான். அப்படியானால் வட கிழக்கு பகுதியில் பணிபுரியும் சிங்கள பொலீசார் இலஞ்சம் வாங்குவதில்லையா, அவர்களின் இடமாற்றம் எப்போது? அமைச்சரின் கட்சியைச் சேர்ந்த சட்டதரணிக்கு மட்டும் தமிழ் பொலிசார் இலஞ்சம் வாங்குவது  பற்றிய கரிசனை எப்படி வந்தது?

3 hours ago, vanangaamudi said:

அமைச்சரின் கட்சியைச் சேர்ந்த சட்டதரணிக்கு மட்டும் தமிழ் பொலிசார் இலஞ்சம் வாங்குவது  பற்றிய கரிசனை எப்படி வந்தது?

அமைச்சரின் மடியில கையை வைச்சிட்டாங்கய்யா.

20 hours ago, vanangaamudi said:

இலஞ்சக் குற்றத்திற்கு இடமாற்றம் வழங்குவது மட்டும் தண்டனையாகமுடியாது. இங்கு அதிரடியாகவும் சந்தேகத்திற்கிடமாகவும் தமிழ் பொலிசாருக்கு மட்டும் இடமாற்றம் வழங்கப்பட்டிருப்பது நிச்சயம் கவனிக்க வேண்டிய ஒரு விடயம் தான். அப்படியானால் வட கிழக்கு பகுதியில் பணிபுரியும் சிங்கள பொலீசார் இலஞ்சம் வாங்குவதில்லையா, அவர்களின் இடமாற்றம் எப்போது? அமைச்சரின் கட்சியைச் சேர்ந்த சட்டதரணிக்கு மட்டும் தமிழ் பொலிசார் இலஞ்சம் வாங்குவது  பற்றிய கரிசனை எப்படி வந்தது?

சிங்கள போலீசாருக்கு  லஞ்சமாக ஒரு சாப்பாடு பார்சலும்,ஒரு சாராய போத்தலும் போதுமாம்😂...ஆனால் தமிழ் பொலிஸாருக்கு ஆயிரக் கணக்கில் குடுக்க வேண்டி இருக்குதாம்