விக்கிக்கு எதிரான நீதிமன்ற அவமதிப்பு குற்றச்சாட்டு வழக்கு ஒத்திவைப்பு!

நீதிமன்ற அவமதிப்பு குற்றச்சாட்டு தொடர்பாக வட மாகாண முன்னாள் முதலமைச்சர் சி.வி.விக்னேஸ்வரன் உள்ளிட்ட 4 பிரதிவாதிகளுக்கு எதிராக தாக்கல் செய்யப்பட்ட வழக்கு ஒத்திவைக்கப்பட்டுள்ளது.

மேன்முறையீட்டு நீதிமன்றத்தின் நீதியரசர்களான மஹிந்த சமயவர்தன, பிரியந்த பெர்னாண்டோ ஆகியோர் முன்னிலையில் இன்று (செவ்வாய்க்கிழமை) இந்த வழக்கு விசாரணைக்கு எடுத்துக்கொள்ளப்பட்டபோதே இந்த உத்தரவு பிறப்பிக்கப்பட்டது.

வட மாகாண முன்னாள் அமைச்சர் பா.டெனீஸ்வரனை பதவி நீக்கம் செய்து வௌியிடப்பட்ட வர்த்தமானியை இரத்து செய்து, மீண்டும் அவரை அமைச்சர் பதவிக்கு நியமிக்குமாறு மேன்முறையீட்டு நீதிமன்றத்தால் ஏற்கனவே உத்தரவிடப்பட்டிருந்தது.

இந்நிலையில் நீதிமன்றின் உத்தரவை மீறி செயற்பட்டமையூடாக வட மாகாண முன்னாள் முதலமைச்சர் சி.வி.விக்னேஸ்வரன் உள்ளிட்ட 4 பிரதிவாதிகளும் நீதிமன்ற அவமதிப்பில் ஈடுபட்டுள்ளதாக குற்றம் சாட்டி இந்த வழக்கு தொடரப்பட்டுள்ளது.

இந்நிலையில் சி.வி.விக்னேஸ்வரன் உள்ளிட்ட 4 பிரதிவாதிகளுக்கு எதிரான வழக்கு விசாரணை எதிர்வரும் மே மாதம் 18 ஆம் திகதி வரை ஒத்திவைப்பதாக நீதியரசர்கள் உத்தரவிட்டனர்.

http://athavannews.com/விக்கிக்கு-எதிரான-நீதிமன/

இலங்கை நீதியரசர்களையும், நீதியரசராக இருந்தவர்களையும் பற்றி ரஞ்சன் லீக்கை கேட்பதன்மூலம் அறிந்து கொள்ளலாம்।

7 hours ago, தமிழ் சிறி said:

இந்நிலையில் சி.வி.விக்னேஸ்வரன் உள்ளிட்ட 4 பிரதிவாதிகளுக்கு எதிரான வழக்கு விசாரணை எதிர்வரும் மே மாதம் 18 ஆம் திகதி வரை ஒத்திவைப்பதாக நீதியரசர்கள் உத்தரவிட்டனர்.

தேர்தல் கிடுக்கிப்பிடி

16 hours ago, Vankalayan said:

இலங்கை நீதியரசர்களையும், நீதியரசராக இருந்தவர்களையும் பற்றி ரஞ்சன் லீக்கை கேட்பதன்மூலம் அறிந்து கொள்ளலாம்।

தங்கள் குரலும் பதிந்திருக்குமோ என்று பயந்திருப்பினம் போல, எதற்கும் ஒருமுறை அதை    பரிசோதித்து தங்கள் குரல் பதியப்படுத்தவில்லை என உறுதிப்படுத்தியபின் வழக்கை விசாரணைக்கு எடுத்துக்கொள்வார்கள் என நினைக்கிறன்.