கொரோனா வைரஸ் நெருக்கடியை எதிர்கொள்வதற்கு உலகளவிய ஐக்கியத்திற்கு வேண்டுகோள் விடுத்துள்ள பரிசுத்த பாப்பரசர் பிரான்சிஸ் ஐரோப்பாவின் எதிர்காலம் குறித்து அச்சம் வெளியிட்டுள்ளார்.

பரிசுத்த பாப்பரசர் தனது உயிர்த்த ஞாயிறு செய்தியில் இதனை தெரிவித்துள்ளார்.

இது அலட்சியத்திற்கான அக்கறையின்மைக்காண தருணமில்லை என குறிப்பிட்டுள்ள பரிசுத்த பாப்பரசர் உலகம் துயரத்தில் சிக்கியுள்ளதால் ஐக்கியப்படவேண்டிய தேவையுள்ளது என குறிப்பிட்டுள்ளார்.

இந்த வருடத்தின் உயிர்த்த ஞாயிறு செய்தியென்பது நம்பிக்கையை அடிப்படையாக கொண்டதாக காணப்படவேண்டும் என தெரிவித்துள்ள பரிசுத்த பாப்பரசர் மக்கள் நெருக்கடிக்குள் வாழ்க்கையை கொண்டு செல்வதற்கு உதவுவதற்கும்,பின்னர் இயல்பு வாழ்க்கையை ஆரம்பிப்பதற்கு உதவுவதற்கும் அரசியல் தலைவர்கள் ஐக்கியப்படவேண்டும் எனவும் தெரிவித்துள்ளார்.

நாங்கள் எதிர்கொள்ளும் சவால் அனைவரும் பகிர்ந்துகொண்டுள்ள விடயம் என்பதால் இது சுயநலத்திற்கான தருணமில்லை என அவர் குறிப்பிட்டுள்ளார்.

அக்கறையின்மை, சுயநலம், பிரிவு மறதி போன்ற சொற்கள் நாங்கள் இந்த தருணத்தில் செவிமடுக்க விரும்பும் சொற்கள் இல்லை என பரிசுத்த பாப்பரசர் தெரிவித்துள்ளார்.

இந்த வார்த்தைகளை நாங்கள் என்றென்றும் தடை செய்ய விரும்புகின்றோம் என அவர் தெரிவித்துள்ளார்.

சர்வதேச தடைகளை தளர்த்தவேண்டும், என வேண்டுகோள் விடுத்துள்ள பரிசுத்த பாப்பரசர் அத்தியாவசிய சேவைகள் தொடர்ந்தும் இயங்குவதற்கு காரணமான மருத்துவர்கள் தாதிமார்கள் உட்பட அனைவரையும் பாராட்டியுள்ளார்.

ஐரோப்பாவின் எதிர்காலம் குறித்து குறிப்பாக கவலை வெளியிட்டுள்ள பரிசுத்த பாப்பரசர் பிராந்தியம் எவ்வாறு மீள் எழுச்சி காணுவது என்ற விடயத்தில் ஐரோப்பிய ஒன்றியம் தற்போது இணக்கப்பாடு காணாவிட்டால் ஐரோப்பிய ஒன்றியம் வீழ்ச்சியடையலாம் என குறிப்பிட்டுள்ளார்.

இரண்டாம் உலக யுத்தத்திற்கு முன்னர் காணப்பட்ட போட்டிகள் மீண்டும் உயிர் பெறாமலிருப்பது முக்கியம்,ஐரோப்பிய ஒன்றியம் தற்போது ஒரு சகாப்த கால சவாலை சந்திக்கின்றது அதன் எதிர்காலம் மாத்திரமின்றி உலகின் எதிர்காலமும் தங்கியுள்ளது எனவும் பரிசுத்த பாப்பரசர் தெரிவித்துள்ளார்.

மக்களை வைரஸ் குறித்த அச்சத்திற்கு பலியாகவேண்டும் என தெரிவித்துள்ள பரிசுத்த பாப்பரசர் மரணத்தின் தருணத்தில் மக்களை வாழ்வின் செய்தியை கொண்டு செல்பவர்களாக விளங்குமாறு கேட்டுக்கொண்டுள்ளார்.

https://www.virakesari.lk/article/79839

இரண்டு வருசமாய் ஒவ்வொரு ஈஸ்டர் நாளிலும் கவலையான செய்திகள் தான்... 

7 minutes ago, ampanai said:

இரண்டாம் உலக யுத்தத்திற்கு முன்னர் காணப்பட்ட போட்டிகள் மீண்டும் உயிர் பெறாமலிருப்பது முக்கியம்,ஐரோப்பிய ஒன்றியம் தற்போது ஒரு சகாப்த கால சவாலை சந்திக்கின்றது அதன் எதிர்காலம் மாத்திரமின்றி உலகின் எதிர்காலமும் தங்கியுள்ளது எனவும் பரிசுத்த பாப்பரசர் தெரிவித்துள்ளார்.

ஆரோக்கியமான, யதார்த்தமான கருத்துக்கள். 

ஆனால், இவை ஒரு உலக மதம் ஒன்றின் தலைவரிடம் இருந்து பொதுமக்களுக்கு வருவது என்பது நூறுவீதம் ஆரோக்கியமானது அல்ல.

 

21 minutes ago, ampanai said:

ஆரோக்கியமான, யதார்த்தமான கருத்துக்கள். 

ஆனால், இவை ஒரு உலக மதம் ஒன்றின் தலைவரிடம் இருந்து பொதுமக்களுக்கு வருவது என்பது நூறுவீதம் ஆரோக்கியமானது அல்ல.

 

ம்...ம்ம்ம் 

அப்படி இல்லை, பெருமாள்...

இவர் நம்ம சாய் பாபா மாதிரி தான்... ரோமன் கத்தோலிக்கம் என்னும் பிரிவுக்கு ஆன்மீக தலைவர்.

ஐக்கிய ராஜ்யத்துக்கு, புரடஸ்தாந்து மதம் தான் முக்கியமானது. அவரகள் ஒரு ஆன்மீக தலைவரை விட, இறைவனை நேரடியாக வணங்குவது தான் முக்கியமானது என்று கிளம்பியவர்கள்.

ஒவொரு விசயத்துக்கும் நேர் எதிர் விசயம் என்று ஒன்று உண்டு அல்லவா. போர்த்துக்கேயர் ஆசியாவில் மிக வேகமாக தமது ரோமன் கத்தோலிக்கத்தினை பரப்பிக் கொண்டிருந்த போது, ஐரோப்பாவில் அது செல்வாக்கு இழந்து புரடஸ்தாந்து மதம் வேகமாக பரவிக் கொண்டிருந்தது.