ஊரடங்கிற்கு எதிராக திரண்ட ஆர்ப்பாட்டக்காரர்கள்; ஜெர்மனில் 105 பேர் கைது

 

பெர்லின்: ஜெர்மன் தலைநகரில் ஊரடங்கை ரத்து செய்யக்கோரி குவிந்த நூற்றுக்கணக்கான ஆர்ப்பாட்டக்காரர்களை போலீசார் கைது செய்து சிறையில் அடைத்தனர்.

கொரோனா வைரஸ் பாதிப்பால் ஐரோப்பிய நாடுகள் கடுமையாக பாதிக்கப்பட்டுள்ளன. உலக உயிரிழப்புகளில் 40 சதவீதம் ஐரோப்பிய நாடுகளில் பதிவாகியுள்ளது. ஜெர்மனியில் இதுவரை 1.5 லட்சம் பேருக்கு கொரோனா தொற்று கண்டறியப்பட்டுள்ளது. 5,500 பேர் உயிரிழந்துள்ளனர். கொரோனா பரவலை தடுக்க ஊரடங்கு போடப்பட்டுள்ளது. தலைநகர் பெர்லினில் 20 பேர்களுக்கு மேல் ஒரு இடத்தில் திரண்டிருந்தால் கைது செய்ய உத்தரவிடப்பட்டுள்ளது.

 

இந்நிலையில் ஊரடங்கிற்கு எதிராக சனிக்கிழமை பெர்லினின் ரோசா லக்சம்பெர்க் சதுக்கத்தில் நூற்றுக்கணக்கானோர் திரண்டு ஆர்ப்பாடத்தில் ஈடுபட்டனர். ஜெர்மன் சான்சலர் ஏஞ்சலா மெர்க்கலுக்கு எதிராக டி-ஷர்ட்களை அணிந்த படியும், தட்டிகளை ஏந்தியபடியும் வந்த அவர்கள், வாழ்க்கைக்கு தடை விதிப்பதாகவும், மருந்து கம்பெனிகளின் லாபி நடப்பதாகவும், சுதந்திரம் தேவை போன்ற கருத்துக்களை வலியுறுத்தினர்.

 

 

 

சமூக விலகல் சட்டப்படி ஆர்ப்பாட்டக்காரர்களை கலைந்து செல்லுமாறு போலீசார் பலமுறை வலியுறுத்தியும், அவர்கள் கலைந்து செல்லவில்லை. இதனால் போலீசாருக்கும், ஆர்ப்பாட்டக்காரர்களுக்கும் இடையே தள்ளுமுள்ளு ஏற்பட்டது. இதில் சில போலீசாருக்கு லேசாக காயம் ஏற்பட்டது. இதனையடுத்து 105 பேரை தொற்று பாதுகாப்பு சட்டத்தின் கீழ் கைது செய்து சிறையில் அடைத்தனர். ஜெர்மன் எதிர்கட்சியான ஏஎப்டி, வைரஸ் அபாயத்தை அரசு பெரிதுப்படுத்துவதாகவும், உடனடியாக அனைத்து வியாபாரங்களையும் மீண்டும் திறக்க வேண்டும் எனவும் வலியுறுத்தியுள்ளது.

 

https://www.dinamalar.com/news_detail.asp?id=2528389

 

ஆர்ப்பாட்டகாரர்களும் முககவசம் அணிந்துள்ளனர். அமெரிக்காவில் கனடாவில் ஆர்ப்பாட்டம் செய்பவர்கள் பலரும் முக கவசம் அணியவில்லை.  

ஜெர்மன்காரன் விசயகாரன்தான் 👍